«Առանց մեղադրող մյուս կողմում յոլլա կգնան». Քոչարյանի գործով դատախազն առարկեց պաշտպանների առաջարկի դեմ

Կարճատեւ ընդմիջումից հետո Քոչարյանի եւ մյուսների գործով նիստը վերսկսվեց, եւ դատավոր Աննա Դանիբեկյանը հայտնեց, որ դահլիճի կահավորումն այս պահին հնարավոր չէ:

Հիշեցնենք՝ նիստը հետաձգվել էր տեխնիկական հարցեր լուծելու համար, որպեսզի դահլիճում ապահովվեն սոցիալական հեռավորության պահանջները:

Վերսկսումից հետո դատավարության մասնակիցները շարունակեցին քննարկել սոցիալական հեռավորություն պահպանելով՝ նիստը շարունակելու հարցը: Պաշտպան Հայկ Ալումյանն ասաց, որ եթե իրենցից մի քանիսը տեղափոխվի դահլիճի մյուս՝ ապակիներից այն կողմ գտնվող հատված, դա լրացուցիչ անհարմարություն է լինելու իրենց համար, ինչին իրենք դեմ չեն, բայց պնդում են, որ այդ անհարմարությունը պետք է հավասար պայմաններ ստեղծի կողմերի միջեւ: Ալումյանն առաջարկեց, որ այդ դեպքում մեղադրողներից մեկը եւս տեղափոխվի մյուս հատված, ինչին մեղադրող կողմն առարկեց. «Այսինքն՝ ես կարո՞ղ եմ գնալ, այնտեղ նստել, պարոն Բաղդասարյանը չի՞ կարող, այդ ո՞ր չափանիշով»,- ասաց Ալումյանը:

Դատախազ Գեւորգ Բաղդասարյանն ասաց, որ պարոն Ալումյանը չի կարող որոշել, թե ինքը որտեղ պետք է նստի. «Հասել ենք նրան, որ քննարկում ենք այս վարույթի հետ կապ չունեցող, նիստը տապալելուն ուղղված մի հարց. մեր սոցիալական հեռավորության հարցը չի կարելի քննարկել պաշտպանների բարձրացրած հարցի համատեքստում. առանց մեղադրող մյուս կողմում յոլլա կգնան»,- ասաց նա: Մեղադրող դատախազ Պետրոս Պետրոսյանն էլ ասաց, որ երկու մեղադրողներով կարող են երկու սեղանի շուրջ այնքան սոցիալական հեռավորություն պահպանել, որ մի բան էլ ավելի լինի, հետեւաբար նման խնդիր իրենք չունեն:

Տեւական ժամանակ դատավարության մասնակիցները քննարկեցին այս հարցը, ինչից հետո, ի վերջո, դատավոր Աննա Դանիբեկյանը որոշեց հետաձգել այսօրվա դատական նիստը՝ հաշվի առնելով նաեւ Միհրան Պողոսյանի նշած հանգամանքները:

Հաջորդ դատական նիստը նշանակվեց հուլիսի 7-ին՝ ժամը 13:00-ին:

Նշենք, որ Միհրան Պողոսյանն այսօր հայտնել էր, որ ինքը կորոնավիրուսի թեստ է հանձնել, որի պատասխանը եղել է բացասական, սակայն երեկ կորոնավիրուս է հաստատվել այն անձի մոտ, որի հետ ինքը այս ընթացքում շփվել է, այդ իսկ պատճառով պատրաստվում է նորից թեստ հանձնել: Պողոսյանը տեղեկացրեց, որ դատարան մուտք գործելիս ջերմաչափվել է, եւ իր ջերմությունը եղել է 36.9: Նա ասաց, որ այս ամենը ներկայացնում է, որ դատարանը որոշի՝ ինքը կարող է մասնակցել նիստին, թե ոչ: 

Տպել
1223 դիտում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները

Վրաստան մուտքն արգելող որոշումը շարունակվում է ուժի մեջ մնալ. Ստեփանծմինդա-Լարսը բաց է միայն բեռնատարների համար

Իջևան-Բերդ ավտոճանապարհին մեքենան բախվել է էլեկտրասյանը․ տուժածներ չկան

ԵՊՀ հայ բանասիրության ֆակուլտետն իր անվստահությունն է հայտնել ծրագրերի և չափորոշիչների աշխատանքային խմբին

Հրշեջ-փրկարարները մարել են 7 հա տարածքում բռնկված հրդեհները

Վանաձորի բժշկական կենտրոն է դիմել 5 քաղաքացի՝ «սնկից թունավորում» նախնական ախտորոշմամբ

Երևանի Աղբյուր Սերոբի թիվ 1 շենքի բնակարաններից մեկում հայտնաբերվել է բնակչի դին