Ֆրանսահայ քաղաքապետը, համաճարակի պայմաններում ընտրություններն ու«Կանաչներ»-ի պատմական հաղթանակը

Կիրակի օրը Ֆրանսիայի 4827 գյուղական ու քաղաքային համայնքներում անցկացվել են համայնքի ղեկավարի ընտրություններ: Քաղաքապետի ընտրություններ էին նաեւ Ֆրանսիայի խոշոր քաղաքներում՝ այդ թվում մայրաքաղաք Փարիզում:  Երկուշաբթի վաղ առավոտից արդեն, ընտրությունների արդյունքների վերջնական մշակումից հետո հայտնի դարձան նոր քաղաքապետերի ու վարչական այլ hամայնքների ղեկավարների անունները:

Ի թիվս այլոց, հայտնի դարձավ, որ հայկական ծագումով ֆրանսուհի քաղաքական գործիչ, իրավաբան եւ բնապահպան Ժաննա Բարսեղյանն ընտրվել է Ստրասբուրգի քաղաքապետ:  Նա ընտրություններում գլխավորում էր Ֆրանսիայի «Եվրոպա, էկոլոգիա, կանաչներ» կուսակցության ցուցակը։ Որպես կանաչների կուսակցության թեկնածու՝ Բարսեղյանն իր առաջնային խնդիրն է նշել կլիման, բնության պահպանությունն ու անհավասարության դեմ պայքարը։

Ժաննա Բարսեղյանն առաջադրվել էր որպես Ստրասբուրգի քաղաքապետի թեկնածու այս տարվա հունվարին, դեռ նախընտրական քարոզարշավի սկզբում նա քարոզարշավի լիդերներից մեկն էր, ուներ բազմաթիվ աջակիցներ:

Ժաննա Բարսեղյանը

Ստրասբուրգում կիրակի օրը համայնքների մի մասում կայացել է  ընտրությունների երկրորդ փուլը: Առաջին փուլը եղել էր այս տարվա մարտի 15-ին: Այդ ժամանակ, քաղաքապետի պաշտոնի համար առաջադրված 7 թեկնածուների մեջ երկրորդ փուլ անցան նրանցից 3-ը: ժաննա Բարսեղյանն առաջատարն էր, ստացել էր ընտրողների ձայների 27,87 տոկոսը:  Նրա հետ միասին ընտրությունների երկրորդ փուլ էին անցել եւս 2 թեկնածուներ՝ հավաքելով մոտ 10-ական տոկոս ձայներ: ժաննա Բարսեղյանի համար սա  առաջին  հաղթանակն էր, նա զգալի առաջատար էր մյուս թեկնածուների համեմատ, սակայն արդյունքների ամփոփումից հետո լրատվամիջոցների հետ զրույցում նա իր հաղթանակն ընդունել էր չափազանց զուսպ՝ առանց «ուռա»  բացականչությունների եւ ինքնագովեստի.

«Այս հաղթանակը ցույց է տալիս, որ ստրասբուրգցիները ցանկանում են պատասխանատու լինել բնապահպանության մասին հարցերում»,-ասել էր նա:

Ընտրությունների երկրորդ փուլը հետաձգվեց՝ աշխարհում ու Ֆրանսիայում բռնկված կորոնավիրուսի համաճարակի պատճառով: Ժաննա Բարսեղյանը մինչեւ ընտրությունների օրն էլ շարունակում էր մնալ թեկնածուներից ամենաառաջատարը՝ գրեթե բոլոր հարցումներում ու կանխատեսումներում:

Ֆրանսահայ թեկնածուի հետ միասին երկրորդ փուլում պայքարում էին 2 թեկնածուներ: Նրանցից մեկը Ստրասբուրգի հեռացող քաղաքապետ Ռոլան Ռիսի առաջին օգնական, Ֆրանսիայի նախագահ Էմանուել Մակրոնի գլխավորած իշխող կուսակցության թեկնածու Ալեն Ֆոնտանելն էր, մյուսը՝ Սոցիալիստական կուսակցության թեկնածու Կատրին Թրաուտմանն էր:

Ալեն Ֆոնտանելը

Կատրին Թրաուտմանը

Ժաննա Բարսեղյանը կիրակի կայացած երկրորդ փուլի ընտրություններում հաղթեց՝ ստանալով ընտրողների 42.5 տոկոս քվեն: Ֆոնտանելը ստացել էր ձայների 34,3 տոկոսը, Թրաուտմանը՝ 23,2 տոկոս:

«Ստրասբուրգը, որը համարվում է եվրոպական մայրաքաղաք, պատրաստ է փոխել ժամանակաշրջանը, փոխել հայացքները»,-ասել է նա՝ հաղթանակից հետո ունեցած իր ելույթում:

Ժաննա Բարսեղյանը 39 տարեկան է, ծնվել է Փարիզում, 21 տարեկանում տեղափոխվել է Ստրասբուրգ: Հատկանշական է, որ ֆրանսահայուհին 1918 թվականին՝ Հայաստանի առաջին հանրապետության օրոք, ՀՀ խորհրդարան ընտրված առաջին 3 կին պատգամավորներից մեկի՝ Պերճուհի Բարսեղյանի ծոռնուհին է:

Ժաննա Բարսեղյանը՝ հաղթանակի մասին իմանալուց հետո

Ի դեպ, «Եվրոպա, էկոլոգիա, կանաչներ» կուսակցությունը պատմական հաղթանակ է տոնել միանգամից մի քանի ֆրանսիական խոշոր քաղաքներում: 40 տարվա մեջ առաջին անգամ այս ուժը կարողացել է փոխել ընտրությունների ընթացքը եւ հանդես գալ առաջատարի դիրքերից:

«Կանաչներ»-ը մեծ հաղթանակ են տարել Լիոնում, որտեղ իրենց թեկնածու Գրեգորի Դուսեն ստացել է ձայների ավելի քան 50 տոկոսը: Բորդոյում հաղթել է կուսակցության թեկնածու Պիեր Հուրմիկը:  Կուսակցությունն առաջատար է նաեւ Թուրում, Մարսելում, Բեզանսոնում եւ Անսում:

Հատկանշական է նաեւ, որ Ֆրանսիայի 10 ամենախոշոր քաղաքներից 5-ում քաղաքապետներ են ընտրվել կին թեկնածուները: Այսուհետ կանայք կգլխավորեն քաղաքագլխի պաշտոնները մայրաքաղաք Փարիզում, ինչպես նաեւ Մարսելում, Լիլլում, Նանտում եւ Ստրասբուրգում: Ընդ որում, կիրակի օրը ֆրանսիական Բեզանսոնում, Բիարրիցում, Մարսելում, Պերիգեում եւ Պուատյեում կին քաղաքապետեր են ընտրվել պատմության մեջ առաջին անգամ:

Փարիզի երկարամյա քաղաքապետ Անն Իդալգոն հաղթանակ է տոնել հերթական անգամ՝ ստանալով ընտրողների ձայների 48,7 տոկոսը: 

Կիրակնօրյա ՏԻՄ ընտրությունները Ֆրանսիայում կայացել են անվտանգության միջոցառումների խիստ պահպանման պայմաններում, թեպետ գրանցվել է  մասնակցության ցածր ցուցանիշ:

Տեսանյութում՝ Ժաննա Բարսեղյանի հուզմունքն ու ելույթը՝ ընտրվելուց հետո

Տպել
2492 դիտում

Բրյուսելում կայանալիք հանդիպումը ինչի կարող է դրդել Հայաստանին․ ինչ է հայտարարել Ադրբեջանի ԱԳՆ-ն

Արտույտի ապօրինի որս է կատարվել․ ԲԸՏՄ-ն առգրավել է որսագողերի զենքերը

Վարչապետն ընդունել է Հայաստանի ամերիկյան համալսարանի նախագահին․ անդրադարձ է կատարվել ծրագրերին և նախաձեռնություններին

Crocus City Hall-ի ահաբեկչությունից հետո պատահաբար այնտեղ հայտնված և մարդկանց փրկած 35-ամյա Կարեն Ենգիբարյանը մահացել է

Կրակը մարելուց հետո այրված շինությունում տղամարդու դի է հայտնաբերվել

Նարեկ Մանթաշյանին նոր մեղադրանք է առաջադրվել

Զինծառայողն ինքնասպան է եղել համածառայակիցների և իր ոչ կանոնադրական հարաբերությունների պատճառով․ վարույթը դատարանում է

Վասիլիս Մարագոսը վերահաստատել է ԵՄ աջակցությունը արդարադատության ոլորտի բարեփոխումներին

Հայուհի Վարսեն Աղաբեկյանը Պաղեստինի արտաքին գործերի նախարար է նշանակվել (լուսանկար)

Աննա Հակոբյանը մասնակցել է «Փրկություն» հաշմանդամ երիտասարդների կենտրոնի շահառուների ներկայացմանը (լուսանկարներ)

Մոսկվայում կարծում են, թե ՀՀ-ում 102-րդ ռազմաբազայի առկայությունը Հայաստանի ինքնիշխանության միակ իրական երաշխիքն է

Մահացել է Crocus City Hall-ի ահաբեկչությունից տուժած ևս մեկ մարդ․ զոհերի թիվը հասել է 144-ի

Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին

Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը

Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է

Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին

Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո

Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին