Տեսա՝ ճյուղը վնասեց տատիկներից մեկի աչքը. Վանաձորում մարզիչն արդեն 2 ամիս է խնամում է լքված զբոսայգու բուսականությունը

Վանաձոր քաղաքի բնակիչ, «Կենտրոն» համալիր մարզադպրոցի մարզիչ Սարգիս Ղազանչյանն այն մարդկանցից է, ով պահանջելու փոխարեն փորձեց սեփական միջոցներով ու սեփական ձեռքերով կարգի բերել Վանաձոր քաղաքի ամենամեծ՝ Սայաթ-Նովայի անվան զբոսայգին, որ տարիներ շարունակ գտնվում է անբարեկարգ վիճակում: Դեռ մայիսն էր, երբ Սարգիս Ղազանչյանը, ամեն օրվա նման, զբոսնում էր սպորտդպրոցի դիմաց գտնվող զբոսայգում եւ նրա աչքից չվրիպեց այգու թփերի անխնամ տեսքն ու այն, որ տարածքում հանգստացողները վնասվում են ճյուղերից: Ձեռքն առավ մկրատն ու որոշեց՝ թփերը պետք է էտել, հավասարեցնել ու գեղեցկացնել: Ու այսպես մինչ օրս: «2 տատիկ էին նստած նստարանին, մեկ էլ աչքս ընկավ, որ ճյուղը կպավ տատիկներից մեկի աչքին ու վնասեց, սիրտս ցավ ապրեց, վերցրեցի մկրատն ու նստարանի հետեւում գտնվող սամշիտը գեղեցկացրի՝ հեռացնելով ավելորդ ճյուղերը: Այդ մեկը վերջացրեցի, անցա կողքի սամշիտներին, հետո՝ մյուս նստարանի տարածք գնացի, ու այդպես մինչ օրս»,-ՀԺ-ի հետ զրույցում պատմեց Սարգիս Ղազանչյանը: «Վտանգավոր մի քանի ճյուղ հեռացնելով սկսվեց այգին գեղեցկացնելու գործընթացը»,- նկատեց նա:

Սարգիս Ղազանչյանը վստահեցնում է՝ սկսած գործը սիրով է անում, հատկապես ոգեւորվում է, երբ անցորդներն ու այգում զբոսնողներն են գովեստի ու շնորհակալական խոսքեր ասում. «Հաճելի է, երբ գեղեցիկ ու խնամված այգում ես քայլում, ու երբ խնամված, արդեն էտված թփի կողքին տեսնում ես չխնամված թուփը, քեզ պարտավորված ես զգում, որ դա էլ պետք է գեղեցկացնես»: Այգու տարածքը գեղեցկացնելուց հետո Սարգիսն անցել է այգու շրջակա տարածքի բարեկարգմանը: Պատմում է, որ քաղաքացիներից շատերը սկզբում կարծել են, որ ինքը քաղաքապետարանի աշխատակիցներից է, սակայն երբ իմացել են, որ պարզապես սրտացավ անհատ է, ավելի են զարմացել:

Թփերն էտելուց առաջացած ճյուղերը Սարգիսը տեղափոխում է այգու վերջնամաս, ասում է, բացի կտրած ու չորացած ճյուղերից, հեռացնում է նաեւ կանաչ թփերի տակ եղած աղբը, ինքն այդ ամենից միայն հաճույք է ստանում. «Ճյուղերը գրկած հեռացնում եմ, տանում դնում վերջում, մեր լեզվով ասած կպչանացու է դառնում, մարդիկ գալիս տանում են»:

Այգու ներկայիս իրավիճակը մտահոգում է ոչ միայն Սարգսին, այլ նաեւ բոլոր վանաձորցիներին: Ջարդված նստարանների ու աղբամանների փոխարեն պետք է քիչ թե շատ նորերը լինեին, որոնք սակայն չկան.:

«Ես քաղաքային իշխանություններից միայն մի բանի ակնկալիք ունեմ՝ մասնագիտական խորհրդատվության: Ես քաղաքապետարան չեմ դիմել, ինքս ինձնով նախաձեռնել ու արել եմ այնքան, որքան կարողացել եմ: Գոնե որ մի մասնագետ լիներ, ինձ ասեր, թե որ թուփը պետք է հեռացվի, ես էլի կանեմ, բայց ես մասնագետ չեմ, միայն իմ պատկերացմամբ եմ առաջ շարժվում: Բայց այստեղ բավականին ավելորդ թփեր կան, որոնք ըստ իս, պետք է հեռացվեն, բայց ես դրա իրավունքը չունեմ»,- ասաց Սարգիսն ու հավելեց, որ իրեն ոչինչ պետք չէ, բացի մի քանի այգեգործական գործիքից. «Էն որ մարդիկ անցնում են ու օրհնում, ասում՝ ձեռքերդ դալար մնան, դա ինձ համար ամեն ինչ է»:

Տպել
2949 դիտում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները

Վրաստան մուտքն արգելող որոշումը շարունակվում է ուժի մեջ մնալ. Ստեփանծմինդա-Լարսը բաց է միայն բեռնատարների համար

Իջևան-Բերդ ավտոճանապարհին մեքենան բախվել է էլեկտրասյանը․ տուժածներ չկան

ԵՊՀ հայ բանասիրության ֆակուլտետն իր անվստահությունն է հայտնել ծրագրերի և չափորոշիչների աշխատանքային խմբին

Հրշեջ-փրկարարները մարել են 7 հա տարածքում բռնկված հրդեհները

Վանաձորի բժշկական կենտրոն է դիմել 5 քաղաքացի՝ «սնկից թունավորում» նախնական ախտորոշմամբ

Երևանի Աղբյուր Սերոբի թիվ 1 շենքի բնակարաններից մեկում հայտնաբերվել է բնակչի դին