Ավելի լավ է՝ քիչ խոսենք, շատ գործենք. Մարինա Հակոբյանը պատկերասրահի նոր ծրագրերի միայն մի փոքր մասն է բացահայտում

Հունիսի 16-ից Հայաստանի ազգային պատկերասրահի տնօրենի պաշտոնակատարն է Մարինա Հակոբյանը, որը մինչ այդ զբաղեցնում էր պատկերասրահի գիտական քարտուղարի պաշտոնը: Մարինա Հակոբյանին նշանակել է ՀՀ կրթության գիտության, մշակույթի եւ սպորտի նախարար Արայիկ Հարությունյանը:

Նախկին տնօրեն Արման Ծատուրյանը լքեց պաշտոնը, որովհետեւ լրացել էր նրա պայմանագրի ժամկետը: 

Նախարարը Մարինա Հակոբյանին ներկայացնելիս վրիպում էր թույլ տվել՝ նշելով, որ Հակոբյանը նշանակվել է տնօրեն, բայց պատկերասրահի տնօրենի թափուր պաշտոնի համար մրցույթի օրը դեռ հայտնի էլ չէ: Թերեւս նախարարի այս գրառումից ելնելով՝ մի շարք լրատվամիջոցներ գրեցին, որ Մարինա Հակոբյանը նշանակվել է պատկերասրահի տնօրեն, բայց նկատենք, որ լուրը բավականին դրական արձագանք գտավ հանրության լայն շրջանակներում:

«Հայկական ժամանակ»-ը զրուցել է Մարինա Հակոբյանի հետ՝ իմանալու նրա առաջիկա ծրագրերի, հետագայում մրցույթին մասնակցելու եւ տնօրենի պաշտոնը զբաղեցնելու մտադրությունների մասին:

- Տիկի՛ն Հակոբյան, նախորդ շաբաթ ԿԳՄՍ նախարարը Ձեզ նշանակել է Ազգային պատկերասրահի տնօրենի պաշտոնակատար: Ցանկություն ունե՞ք մասնակցելու կայանալիք մրցույթին եւ զբաղեցնել տնօրենի պաշտոնը:

- Գուցե պաթետիկ հնչի, բայց այս տարիների ընթացքում թանգարանը, իրոք, դարձել է իմ տունը: Հայաստանի Գեղարվեստի պետական ակադեմիան ավարտելուց անմիջապես հետո ընդունվել եմ Ազգային պատկերասրահ՝ որպես ավագ գիտաշխատող, ինչպես ես էի կարծում, 3-4 տարի աշխատելու եւ փորձ ձեռք բերելու նպատակով, բայց շատ արագ սիրահարվեցի թանգարանին, ու մինչեւ օրս իմ վերաբերմունքը չի փոխվել: Այս 17 տարիների ընթացքում եղել եմ գիտաշխատող, ֆոնդապահ, ղեկավարել եմ Գրաֆիկայի բաժինը, կատարել եմ գիտքարտուղարի պարտականությունները: Թանգարանում անկախ իմ զբաղեցրած պաշտոնից ինձ համար առաջնային է եղել նվիրումը աշխատանքին: Այս նշանակումն ինձ հնարավորություն է տալիս թանգարանն իր բոլոր խնդիրներով առավել լիարժեք ընկալելու եւ իմ ձեռք բերած թանգարանային գիտելիքներով ու փորձով նպաստելու պատկերասրահի գործունեության զարգացմանը, սակայն առավել հստակ պատասխանելու համար Ձեր հարցին, միանշանակ, ժամանակ է հարկավոր: Վստահ եմ, որ սիրով ու նվիրումով աշխատելու դեպքում ամեն ինչ հաղթահարելի է: Եթե աշխատանքը սիրելի է, ամեն դժվարություն հաղթահարվում է:

- Համավարակի այս ընթացքում պատկերասրահը բավականին հետաքրքրիր նախաձեռնությամբ է հանդես եկել (մանկական դիմակների պատրաստում): Ունե՞ք որեւէ առաջարկ, որով պատկերասրահի գործունեությունը առավել կակտիվանա այս օրերին:

- Համավարակի արդյունքում ստեղծված իրավիճակի պատճառով խափանվել է թանգարան-այցելու անմիջական կապը, սակայն, ինչպես աշխարհի գրեթե բոլոր թանգարանները, Ազգային պատկերասրահը եւս ամեն կերպ ձգտում է առավելագույն կերպով պահպանել այդ կապը: Այս շրջանում թանգարանն ակտիվ տեղեկատվական գործունեություն է ծավալել առցանց հարթակում: Վերջերս, ինչպես նշեցիք, մեծ տարածում գտավ ՀԱՊ դիմակ նախաձեռնությունը: Ծրագրում ենք սկսել հավաքածուն լուսաբանող տեսահոլովակների, զրույցների, հանդիպումների շարք, որը կնպաստի նաեւ թանգարան-այցելու անուղղակի երկխոսության ձեւավորմանը: Հաճախ մարդիկ չեն էլ պատկերացնում, թե ինչ ահռելի ու կարեւոր, նվիրական, մշակութապահպան աշխատանք են տանում թանգարանի աշխատողները: Այս ծրագիրը հնարավորություն կտա ճանաչելու եւ նորովի բացահայտելու, «անմիջականորեն» շփվելու արվեստաբանների, հեռակա, անուղղակի դիալոգի մեջ մտնելու թանգարանի տարբեր մասնագետների հետ: Առաջնային խնդիրներից է լինելու նաեւ դասական եւ ժամանակակից արվեստների համադրում-երկխոսությունը, ճանաչված ստեղծագործությունների նորովի մատուցումը: Այս պահին դեռեւս չեմ ուզում շատ մանրամասն անդրադառնալ բոլոր ծրագրերին, ավելի լավ է՝ քիչ խոսենք, շատ գործենք:

Տպել
692 դիտում

Իրանը հայտնում է՝ համազարկային կրակից Փարվիզխանլու գյուղում վիրավորվել է 6 տարեկան երեխա

ՊԲ ՀՕՊ ստորաբաժանումների կողմից խոցված ինքնաթիռները եղել են ՍՈՒ-25, իսկ ուղղաթիռները՝ ՄԻ-24 տիպի. ԱՀ ՊՆ

Թուրքիայի աջակցությամբ Ադրբեջանի ռազմական գործողությունների ծավալն աննախադեպ է. Դ. Տոնոյանն ընդունել է Ջ. Լաքոտին

ԵՊՀ-ն դիմել է գործընկերներին՝ կոչ անելով դատապարտել ԱՀ նկատմամբ ադրբեջանա-թուրքական ռազմական ագրեսիան

ԱԺ-ն պաշտոնապես դիմել է ՀԱՊԿ-ին՝ Աֆղանստանին դիտորդի կարգավիճակից զրկելու գործընթաց սկսելու կապակցությամբ

Ադրբեջանական օդուժը, մանավանդ առանց Թուրքիայի աջակցության, որևէ որակ չունի. Հովհաննիսյան

Մակրոնը հայտնել է, որ փաստեր ունի ԼՂ-ում Թուրքիայից սիրիական իսլամիստների կռվելու մասին

Ֆրանսիայից ինքնաթիռ է ուղևորվում Հայաստան՝ վիրավոր լրագրողներին տեղափոխելու

Վիրահայերը Թբիլիսիիում բողոքի երթ են անում՝ ի պաշտպանություն Հայաստանի ու Արցախի (լուսանկարներ, տեսանյութեր)

Սրանք գիտեին՝ օդուժը ամեն մեկի խելքի բանն է. Արծրուն Հովհաննիսյան

ՀՀ ՄԻՊ-ը դատապարտում է Ադրբեջանի կողմից Արցախում աշխատող լրագրողներին հրետակոծելը

Մենք դիմադրելու ենք, բոլորս միասին: Վստահ եղեք. Մակրոն

Վիրավորված բոլոր լրագրողները, բացի մեկից, դուրս են գրվել հիվանդանոցից

Ռուսաստանի, Ամերիկայի և Ֆրանսիայի նախագահները հայտարարություն են տարածել Լեռնային Ղարաբաղի իրավիճակի մասին

Le Monde-ի թղթակցի վիճակը ծանր է, նրան վիրահատում են Ստեփանակերտի բժշկական կենտրոնում (տեսանյութ)

Գյումրեցի զինվորականի ընտանիքում զույգ որդի է ծնվել՝ Մոնթե ու Մհեր

Խուսափեք զորակոչից, եթե արդեն զորակոչվել եք, հանձնվեք հայերին. Արցախի ԱԺ-ի կոչը Ադրբեջանի բնիկ ժողովուրդներին

Ադրբեջանի քարոզչամեքենայի ստեղծած լուսանկարը հենց իրենց դեմ է աշխատում

ԱՀ ԱԺ-ն կոչ է արել առաջադեմ երկրներին օգտագործել իրենց հեղինակությունը մասսայական արյունահեղությունը կանխելու համար

Ադրբեջանը թիրախավորել է նաեւ Agence France-Presse (AFP) գործակալության լրագրողների մեքենան