Կառավարությունը հանրության մտահոգությունները կփարատի՝ Ֆիրդուսի թաղմասում 2-3 թանգարան ստեղծելով

Երեւանի «Ֆիրդուսի» թաղամասի ապամոնտաժվող հատվածում նորակառույց շենքերի 1-ին եւ 2-րդ հարկերում նախատեսվող սրճարաններից եւ հուշանվերների խանութներից զատ կլինեն նաեւ թանգրաններ:

ՀՀ կառավարությունը կառուցապատողների հետ քննարկում է պատմական միջավայրի տարածքում՝ 2-րդ եւ 3-րդ հարկերում ստեղծել մշակութային հայտնի գործիչների թանգարաններ։

ՀՀ փոխվարչապե Տիգրան Ավինյանի գրասենյակից «Հայկական ժամանակին» հայտնեցին, որ դեռեւս շոշափվում է տարբեր մշակութային գործիչների թանգարաններ ունենալու հարցը, հիմնական քննարկվող անունների թվում են նկարիչ Հակոբ Հակոբյանն ու Աղասի Այվազյանը:

Թանգարաններ ստեղծելու մտադրության մասին օրեր առաջ ֆեյսբուքյան իր էջում գրառում էր կատարել փոխվարչապետ Տիգրան Ավինյանը: Փոխվարչապետի այս գրառումը Ֆիրդուսի պատմական տարածքում ապամոնաժման աշխատանքների պատճառով սկսված մեծ աղմուկից հետո էր: «Հաշվի առնելով Ֆիրդուսի թաղամասի շուրջ տեղի ունեցած հասարակական քննարկումները` ցանկանում եմ տեղեկացնել, որ կառուցապատողների հետ բանակցությունների արդյունքում մի շարք դրական փոփոխություններ ենք մտցրել կառուցապատման նախագծում»,- գրել էր Տիգրան Ավինյանը:

Փոխվարչապետը գրառմամբ նաեւ տեղեկացրել էր, որ որոշվել է հուշարձանային տարածքում գտնվող Հանրապետության փողոցին եւ Տիգրան Մեծ պողոտային հարակից հուշարձանները պահպանել իրենց տեղերում, վերարժեւորել շենքերի ետնամասի ֆասադները եւ տվյալ տարածքների համար ստեղծել նոր, համահունչ զբոսաշրջային միջավայր՝ 2-4 հարկանի պատմական շենքերով, փայտե պատշգամբներով ու հուշարձան շենքերի միջեւ 200 մ հետիոտնային ճանապարհով:

Տիգրան Ավինյանը նաեւ հավելել էր. «Այս փոփոխությունները կփարատեն մտահոգությունները եւ Ֆիրդուսի թաղամասի կառուցապատման ծրագիրը էլ ավելի լավը ու ամբողջական կդարձնեն»:

Փոխվարչապետի այս հայտարարությունը, սակայն, այնքան էլ միանշանակ չի ընդունվել հանրության կողմից, եւ քննարկումները շարունակվում են: Օրինակ օգտատերերից մեկը մեկնաբանություններում գրել է. «Ի՞նչ է նշանակում պատմական շենքեր, ինչո՞ւ են մի տեղում ստեղծվում մշակութային հայտնի գործիչների թանգարաններ, ովքե՞ր են այդ հայտնի գործիչները, ի՞նչ կապ ունեն նրանք Ֆիրդուսի հետ, ինչո՞ւ այս ամենը որեւէ կերպ չի քննարկվում հանրության հետ, հատակապես եթե խոսքը կասկածելի պայմաններում «գերակա հանրային շահ» ճանաչված տարածքի մասին է: Մենք դեռ սպասում ենք մեր՝ «Երեւանի ժառանգության պաշտպանության կոմիտե»ի բարձրացրած բոլոր հարցերի պատասխաններին»:

Օգտատերերը նաեւ հարց են առաջ քաշել, թե արդյո՞ք այդ առաջարկը ենթադրում է, որ հանուն 2-րդ եւ 3-րդ հարկերում տեղակայված թանգարանների եւ 200 մ հետիոտնային ճանապարհի պետք է աչք փակեն Ֆիրդուսի թաղամասի կառուցապատման կոռուպցիոն դրսևորումների վրա: «Այսինքն, հանդուրժենք ապօրինի՝ առանց քաղաքաշինական փաստաթղթերի իրականացվող շինարարությունը, ականջ շոյող անվանումներով ընկերությունների ետեւում թաքնված՝ սկանդալային Գլենդեյլ Հիլզի ներգրավումը կամ Երեւանի կենտրոնի մշակութային միջավայրը ապականած եւ հանրային պաշտոնների հաշվին իր մասնավոր բիզնեսն առաջ տանող Նարեկ Սարգսյանի անճաշակ նախագիծը»,- գրել է մեկ այլ քաղաքացի:

Մեր քաղաքացիների համոզմամբ՝ լավ կլինի նոր նախագիծ մշակելուց առաջ նախ, ուսումնասիրվի նախկին որոշումների օրինական լինելը, հետո ամբողջ Երեւան քաղաքի քաղաքաշինության ոլորտի հետ կապված մշակվի տեսլական (այսինքն հստակեցվի թե ինչ սկզբունքներով են քանդում հինը, կառուցում նորը ): Այս բոլոր քայլերից հետո նոր նախագծի մրցույթ հայտարարվի ու դրվի հանրային քննարկման:

Նրանք հույս ունեն, որ Կառավարությունն առաջիկայում կմանրամասնի, թե ինչ մտադրություններ ունի տվյալ տարածքի հետ կապված, հանրային քննարկման կդնի, ապա նոր կսկսի կառուցապատման աշխատանքները:

Փոխվարչապետի գրասենյակից հայտնեցին, որ առայժմ մանրամասնել չեն կարող, թե ինչպիսի տեսք է ունենալու պատմական շենքերով, փայտե պատշգամբներով հատվածն ու ինչ նոր առավելություններ են լինելու այնտեղ: Նշեցին, որ շուտով կներկայացվի ավելի մանրամասն տեղեկատվությունը նախագծում կատարված վերոնշյալ փոփոխությունների մասին՝ այդ թվում հատուկ տեսահոլովակի միջոցով:

Հիշեցնենք՝ դեռեւս հունիսի 9-ին քաղաքացիական ակտիվիստները կասեցրել էին Ֆիրդուսի թաղամասում` Հանրապետության նրբանցքում, գտնվող եւ 19-րդ դարի վերջին կառուցված շենքի քանդման աշխատանքները։ Շինությունն այժմ կիսաքանդ վիճակում է, սակայն ակտիվիստները կարեւորում են՝ կանգուն է աղյուսե ֆասադը: Դրանից մեկ օր առաջ էլ փլատակների էր վերածվել մի քանի մետր այն կողմ գտնվող պատմական եւս մի շենք: Ականատեսների վստահեցմամբ՝ շենքը գիշերով է հողին հավասարեցվել, ինչն էլ շատերի զայրույթի պատճառ է դարձել:

Դրանից հետո քաղաքական եւ հասարակական տարբեր հարթակներում քննարկումներ են տեղի ունենում՝ նվիրված մայրաքաղաքի ամենահին թաղամասերից մեկին՝ Ֆիրդուսին: Բանն այն է, որ տվյալ տարածքում կառուցապատման իրավունքը տրված է դեռեւս 2014 թվականից, սակայն ոչ մի անգամ որեւէ հանրային քննարկում կամ կարծիքների հավաքագրում չի արվել տվյալ շինույունների ապամոնաժման հետ կապված: Միայն այն բանից հետո, երբ մի խումբ ակտիվիստներ սկսեցին խոչընդոտել ապամոնտաժման աշխատանքները, Երեւանի քաղաքապետարանը քննարկում կազմակերպեց: Իսկ ակտվիստներն էլ բորբոքվել էին այն բանից հետո, երբ շինարարությունն սկսելու նպատակով քանդել էին տարածքի երկու շենքերը:

Տպել
1234 դիտում

Վարանդայի շրջանում հայտնաբերվել է ևս մեկ զինծառայողի աճյուն

Հանրապետության նախագահը չի ստորագրելու ընտրական օրենսգրքում փոփոխություններ և լրացումներ կատարելու մասին օրենքը

Ներքին Կարմիրաղբյուր գյուղում սկսվել են «Մայրիկ» մանկական պուրակի շինարարական աշխատանքները

Շաբաթօրյակ է կազմակերպվել Հրազդանի կիրճում (տեսանյութ)

Սեւանա լիճը Հայաստանի շրջակա միջավայրի գոհարն է. Ռոմանոս Պետրոսյանը Գեղարքունիքի մարզում մասնակցել է շաբաթօրյակի

Նիկոլ Փաշինյանն այցելել է Գետափ համայնք (լուսանկարներ)

«ՈՒԱԶ»-ի երեք ուղևորուհիները տեղափոխվել են հիվանդանոց. ՃՏՊ-ներ Հայաստանում

Օդի ջերմաստիճանը կբարձրանա 8-ից 10 աստիճանով

Ալեքը մինչև վերջին շունչը պաշտպանել է իրեն վստահված դիրքը. զոհված հերոսների անունով Թորոսգյուղում դասասենյակ է բացվել

Գեղարքունիքի մարզում շաբաթօրյակ է անցկացվել

Ռինդում մանկապարտեզ է բացվել. մասնակցել է նաև վարչապետը (տեսանյութ)

ՀՀ-ի անվտանգության համակարգը հիմնված է հայ-ռուսական ռազմավարական և ռազմաքաղաքական դաշինքի վրա. վարչապետ (տեսանյութ)

Դատավորներին ուղղված ԲԴԽ նախագահի մարտակոչը քաղաքական ենթատեքստ ուներ, բավարար էր նրան պաշտոնանկ անելու համար. կարծիքներ

Կրակոցներ Երևանում. վնասազերծվել է զինված քաղաքացի. shamshyan.com

Վայոց Ձորում վարչապետի հաջորդ կանգառը Խնձորուտն է (լուսանկարներ)

«Զվարթնոց» օդանավակայանի ոստիկանները հետախուզվողի են հայտնաբերել

Նիկոլ Փաշինյանը մասնակցում է Զառիթափ-Նոր Ազնաբերդ հիմնանորոգված ճանապարհի բացմանը (լուսանկարներ)

Գողացել են ՊՆ զորամասերից մեկի պղնձե մալուխները. բերման է ենթարկվել 3 տղամարդ

Դիլիջանի թունելը հոսանքազրկվելու է

Թբիլիսի-Գյումրի-Մոսկվա ուղղությամբ տարանցիկ չվերթներ կիրականացվեն

Ամենայն Հայոց Կաթողիկոսը և Արցախի նախագահը քննարկել են արցախահայության առջև ծառացած մարտահրավերները

ՀՀ վարչապետ Նիկոլ Փաշինյանը Զառիթափ համայնքում է (լուսանկարներ)

Արցախում հաստատվել է կորոնավիրուսի 8 նոր դեպք. ստացիոնար բուժում է ստանում 39 մարդ

Ստեփանծմինդա-Լարս ավտոճանապարհը բաց է

Բաքվում մահ տոնելը ցույց է տալիս հակահայկական ատելությունը և ցեղասպան մտադրությունը. ՄԱԿ-ում ՀՀ մշտական ներկայացուցիչ

ՀՀ տարածքում կան փակ ավտոճանապարհներ

Կանադայի Ալբերտա նահանգը ճանաչել է Հայոց Ցեղասպանությունը

Հաստատվել է կորոնավիրուսային հիվանդության 870 նոր դեպք. առողջացել է 1056, մահացել՝ 24 մարդ

Հայաստանն ի վերջո պետք է դառնա ոչ թե փակուղի, այլ՝ խաչմերուկ. Արմեն Սարգսյանն ամփոփել է պաշտոնական այցը Վրաստան

ՀՀ ՄԻՊ-ը դիմել է իրավապահ մարմիններին

ՀՀ վարչապետը շնորհավորական ուղերձ է հղել Սիրիայի նախագահին

Որոտանում զինծառայողների աճյունների որոնումներն ավարտվել են անարդյունք

Բազմաթիվ մարտահրավերներ հաղթահարելով՝ Վարդան Գրեգորյանը հասել էր մեծ նվաճումների՝ ոգեշնչելով սերունդներին. փոխվարչապետ

Թբիլիսյան խճուղում մեքենաներ են բախվել. կա տուժած

Վարչապետ Նիկոլ Փաշինյանն այցելել է Վայոց ձորի մարզ (լուսանկարներ)

Հրդեհ է բռնկվել Բագրատունյաց պողոտայում գտնվող արագ սննդի կետում

Ռուսաստան մուտքը արգելվում է ԱՄՆ գլխավոր դատախազին, ՀԴԲ ղեկավարին, այլ պաշտոնյաների. ՌԴ-ն պատասխանում է ԱՄՆ-ին

ՊԵԿ-ը չգրանցված աշխատողների ռիսկեր է հայտնաբերել․ ծանուցման արդյունքում 183 անհատ ձեռնարկատեր գրանցել է 200 աշխատողի

Արսեն Թորոսյանը սուտ և հորինվածք է որակել իր և անհետ կորած զինվորների հարազատների մասնակցությամբ միջադեպի մասին լուրը

Քննարկվել է «իԳործ» ծրագրի արդյունավետությունը