Պատգամավորը խնդրեց Կառավարությանը՝ հորդորել ռեկտորներին, որպեսզի չահաբեկեն ուսանողներին, թե վարձի պատճառով դուրս կմնան

ԱԺ Լուսավոր Հայաստան խմբակցության պատգամավոր Աննա Կոստանյանը Կառավարության հետ հարցուպատասխանի ժամանակ տեղեկացրեց՝ ինքը ահազանգեր է ստանում, որ դեկանատներից զանգում են ուսանողներին եւ նախազգուշացնում, ահաբեկում, թե վարձավճարները չվճարելու դեպքում կզրկվեն առաջիկա քննություններին մասնակցելու հնարավորությունից:

Դիմելով վարչապետին՝ Կոստանյանը նշեց, որ նրա միջամտության կարիքը կա, որպեսզի առաջիկայում բուհերից մասսայական դուրս մնացողներ չլինեն:

Կրթության, գիտության, մշակույթի եւ սպորտի նախարար Արայիկ Հարությունյանն ի պատասխան հիշեցրեց Կառավարության մշակած հակահամաճարակային 14-րդ միջոցառումը, որի հիմքում դրված էր այն գաղափարախոսությունը, որ լավ սովորող որեւէ ուանող չի կարող դուրս մնալ, այն ուսանողները, որ ջանք են գործադրում, պետք է խրախուսվեն:

Հարությունյանը մանրամասնեց, որ 90 եւ ավելի ՄՈԳ ունեցող ուսանողները ստանում էին 100 տոկոս փոխհատուցում կամ այն գումարի չափով, ինչքան պարտք էին, իսկ մյուսները՝ 75  տոկոս:

«Բացի այդ, սահմանեցինք վարկ, որով պետությունը 80 եւ ավելի ՄՈԳ ունեցողներին փոխհատուցում էր տոկոսները 2020-ի ընթացքում, մյուս մասինն էլ իջեցնում մինչեւ 5 տոկոս: Ես չգիտեմ մի դեպք, երբ գումարը չվճարելու պատճառով որեւէ ուսանող դուրս է մնացել»,- ասաց նախարարը՝ հավելելով, որ գուցե ավարտական կուրսերում լինեն նման դեպքեր, բայց մյուս կուրսերում բուհերը սահմանում են վարձերի վճարման անհատական գրաֆիկ:

Հարությունյանը ընդգծեց՝ բուհերը իրենք էլ շահագրգռված են, որ ուսանող պահեն եւ վճարվեն:

Տեղից արձագանքեց նաեւ վարչապետը՝ տեղեկացնելով, որ օժանդակության խնդրանքով վարչապետի աշխատակազմ դիմած որեւէ բարձր առաջադիմությամբ ուսանող չի մերժվել:

Ավելին՝ Հարությունյանը տեղեկացրեց, որ բուհերից մի քանիսից տվյալներ է ստացել նաեւ, որ իրենց պարտքերը 90 տոկոսով մարված են, որը լավ արդյունք է եւ այն քաղաքականության արդյունքն է, որ սահմանել են:

Այնուհետեւ Աննա Կոստանյանը նշեց, որ բանկերում շատ ժամանակ չգիտեն ինչ վարկեր պետք է տան ուսանողներին, անտեղյակության խնդիր կա:

Կրթության, գիտության, մշակույթի եւ սպորտի նախարարը պատասխանեց, որ երբ նոր էին մշակել ծրագիրը, ահազանգեր ստանում էին եւ Կենտրոնական բանկի նախագահ Արթուր Ջավադյանի հետ քննարկել են այդ հարցը: Խոստացավ, որ ԿԲ նոր նախագահի հետ եւս կքննարկի անտեղյակության հարցը եւ լուծումներ կգտնեն:

Մանրամասները՝ տեսանյութում

Տպել
804 դիտում

Բանկային համակարգին սպառնացող աղմկահարույց գործը վճռաբեկ դատարանում է

Բացվեց Յունիբանկի «Սիսիան» մասնաճյուղը

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել