ՊՎԾ ուսումնասիրությունը ՊԵԿ նախագահի հրաժարականի հետ կապելը իրատեսական չէ․ ՊՎԾ ղեկավարի պարտականությունները կատարող

05/06/2020 schedule22:10

Պետական եկամուտների կոմիտեի նախկին նախագահ Դավիթ Անանյանի եւ վարչապետի տարաձայնությունը եղել է բացառապես աշխատանքային բնույթի` կապված կադրային խնդրի հետ: Այս մասին ՀԺ-ին հայտնեցին ՊԵԿ-ից՝ հավելելով, որ մասնագիտական պրոֆեսիոնալ դաշտում որեւէ խնդիր չի եղել:

«Անանյանը նախընտրել է ինքը հեռանա, քան թե հեռացնի ոլորտում երկարամյա փորձ ունեցող արդյունավետ կադրերից մեկին»,- նշեցին ՊԵԿ-ից։

Հիշեցնենք, որ Անանյանը հունիսի 4-ին իր ֆեյսբուքյան էջում հայտնել էր, որ աշխատանքից ազատման դիմում է ներկայացրել վարչապետին։ Նա այսօր Կառավարության որոշմամբ ազատվել է զբաղեցրած պաշտոնից, իր փոխարեն այդ պաշտոնում նշանակվել է մինչ այդ ՊԵԿ նախագահի տեղակալի պաշտոնը զբաղեցնող Էդվարդ Հովհաննիսյանը։

Ըստ էության ՊԵԿ-ի պատասխանից հետեւում է, որ Անանյանի ազատման պատճառը՝ հունիսի 3-ին, ապա նաեւ 4-ին մի դեպքում Արարատյան, մյուս դեպքում Արեւմտյան մաքսատներում գոյացած հերթերն են եւ համակահամաճարակային կանոնների պատշաճ չպահպանումը։  Մամուլը գրել էր, որ Անանյանը նախընտրել է մաքսատան պետին ազատելու փոխարեն՝ ինքն ազատվել պաշտոնից։

ՀՀ ՊԵԿ փոխնախագահ Շուշանիկ Ներսիսյանը ՀԺ-ի հետ զրույցում խոսելով մաքսատներում հերթերի մասին, ասաց. «Հերթերը մաքսատանը կից ծառայությունների տարածքում են եղել 2 դեպքում էլ։ Ամեն դեպքում մենք արդեն սկսել ենք նաեւ այդ տարածքների հանդեպ վերահսկողություն իրականացնել։ Երեկ ես պայմանավորվածություն եմ ձեռք բերել տեսչական մարմնի հետ, որ եթե մեր հորդորով կից ծառայությունները չպահպանեն հակահամաճարակային կանոնները՝ ես ուղղակի կահազանգեմ տեսչական մարմին եւ նրանք կզբաղվեն իրենցով»։

Մամուլը գրել էր նաեւ, թե իբր Անանյանի ազատման պատճառը Պետական վերահսկողական ծառայության ստուգումներն են ՊԵԿ-ում։

ՀԺ-ն թեմայի վերաբերյալ մի քանի հարց է ուղղել նաեւ Պետական վերահսկողական ծառայության ղեկավարի պարտականությունները կատարող Ռաֆայել Զաքարյանին։

- Պարոն Զաքարյան, ե՞րբ է ՊՎԾ-ն սկսել ստուգումներ իրականացնել ՊԵԿ-ում եւ ի՞նչ ստուգումներ են դրանք։ 

- ՀՀ պետական վերահսկողական ծառայության կողմից ՊԵԿ-ում ուսումնասիրությունը սկսվել է մայիսի 13-ին: Ուսումնասիրությունը վերաբերում է 2018-2020 թվականներն ընկած ժամանակահատվածում ՊԵԿ-ի կողմից կատարված ծախսերին:

- Արդյո՞ք սրանք պլանավորված ստուգումներ են։ Եթե ոչ, ապա ի՞նչ հանգամանքից ելնելով է այդ ստուգումն իրականացվել՝ քաղաքացու դիմումի՞, թե վարչապետի հանձնարարականի։

- «Պետական վերահսկողական ծառայության մասին» ՀՀ օրենքով ուսումնասիրությունները իրականացվում են ՀՀ վարչապետի համաձայնությամբ եւ Ծառայության ղեկավարի հանձնարարագրի հիման վրա: ՊԵԿ-ում ուսումնասիրություն իրականացնելու համաձայնությունը ստացվել է ավելի վաղ, սակայն աշխատանքային ծանրաբեռնվածությունից ելնելով՝ այն մեկնարկել է միայն վերջերս:

- Որքա՞ն ժամանակ է նախատեսված իրականացնել այդ ստուգումները։

- Ուսումնասիրությունը նախատեսված է մինչեւ հունիսի 30-ը, սակայն աշխատանքների ծավալից կախված ժամկետները կարող են փոփոխվել:

-  Ձեր կարծիքով, արդյո՞ք ձեր հայտնաբերած կամ գուցե եւ առաջիկայում հայտնաբերվելիք տեղեկությունները այնպիսին են, որ կարող էր ստիպել կոմիտեի նախագահին ազատման դիմում գրել։

- Ուսումնասիրությունը դեռ ընթացքի մեջ է և հնարավոր խնդիրների մասին խոսելը դեռ վաղ է: Այնուամենայնիվ, կարծում եմ, որ ՊՎԾ ուսումնասիրությունը ՊԵԿ նախագահի հրաժարականի հետ կապելը իրատեսական չէ:

- Պարոն Զաքարյան, կարո՞ղ եք նշել, թե բացի ՊԵԿ-ից այս պահին էլ որ գերատեսչություններում է ՊՎԾ-ն ստուգումներ իրականացնում։

- ՊՎԾ-ն այս պահին ուսումնասիրություններ եւ մշտադիտարկումներ է իրականացնում մի շարք պետական կառավարման մարմիններում: Առաջիկայում նախատեսվում են այլ ուսումնասիրություններ եւ մշտադիտարկումներ եւս, որոնց վերաբերյալ տեղեկատվություն տրամադրել ներկա փուլում նպատակահարմար չէ: ՀՀ պետական վերահսկողական ծառայությունը ուսումնասիրությունների արդյունքները հրապարակում է համապատասխան տեղեկանքների ամփոփումից հետո:

Նշենք նաեւ, որ այսօր ԱԺ-ում 2019 թվականի բյուջեի կատարման մասին տարեկան հաշվետվության նախնական քննարկման ժամանակ տեսակապի միջոցով վարչապետ Նիկոլ Փաշինյանը շնորհակալություն հայտնեց Դավիթ Անանյանին՝ այս ընթացքում կատարած աշխատանքների համար։

Նա հայտարարեց, որ ՊԵԿ-ում եւ, ընդհանրապես, համակարգում առաջիկայում կլինեն փոփոխություններ եւ հույս հայտնեց, որ բովանդակային այդ փոփոխությունները, որոնք սկսվել են Անանյանի պաշտոնավարման ժամանակաշրջանում, ավելի կխորանան եւ ընդգրկուն կդառնան։

Տպել
4908 դիտում

Զգուշանալու կոչ. հայերի էջերով կեղծ տեղեկություններ են տարածվում սահմանային իրավիճակի վերաբերյալ

Գեներալ-մայոր Փոլադ Հաշիմով, գնդապետ Իլգար Միրզաև․ Ադրբեջանի ՊՆ-ն հաստատում է նրանց սպանվելու լուրը

Մարությանը ավագանու հաստատմանը կներկայացնի նոր փոխքաղաքապետին. Սարգսյանը ֆինանսական խնդիրների պատճառո՞վ է լքում պաշտոնը

Հակառակորդի արձակած կրակոցների դեպքի առթիվ հարուցվել է քրեական գործ. ՔԿ

Սպանվել է ադրբեջանական ԶՈՒ գեներալ-մայոր Փոլադ Հաշիմովը

Գվատեմալայի պատգամավորները դատապարտում են Ադրբեջանի ռազմական գործողությունները Հայաստանի դեմ

Տավուշի բնակավայրերի հրետակոծությունների վերաբերյալ պատրաստվում է երկրորդ միջանկյալ զեկույցը. ՄԻՊ

Ադրբեջանում էլի զոհեր կան. Արծրուն Հովհաննիսյան

Նիկոլ Փաշինյանը շնորհավորական ուղերձ է հղել Էմանուել Մակրոնին Ֆրանսիայի Ազգային տոնի առթիվ

Դեդ Հասանի խոսքերը հրապարակած մանկապարտեզի տնօրենը նախազգուշացվել է՝ լինել ավելի ուշադիր

Անտոնիո Գուտերեշը կոչ է արել Հայաստանին ու Ադրբեջանին անհապաղ դադարեցնել ռազմական գործողությունները

ՀՀ քաղաքացիական բնակչության դեմ ուղղված ագրեսիվ գործողությունները ստանալու են իրենց համարժեք պատասխանը. ԱԳՆ

Ճապոնիան մտածում է օլիմպիական խաղերի համար թուլացնել երկիր մուտք գործելու սահմանափակումները

ԶՈՒ ստորաբաժանումները ոչնչացնում են Տավուշի բնակավայրերը հրետակոծած ադրբեջանական հենակետերը (տեսանյութ)

Հակառակորդը հարվածային ԱԹՍ-ով թիրախավորել է Բերդի քաղաքացիական ենթակառուցվածքները. Շ. Ստեփանյան

Հաստատված 339 նոր դեպք և 864 առողջացած. կորոնավիրուսից Հայաստանում 8 նոր մահ է գրանցվել

Ադրբեջանը դեռ կապիտուլյացիա չի ստորագրել, խնդրում եմ իրենց կրակելու մասին լուրերը մի տարածեք. Արծրուն Հովհաննիսյան

Արմեն Սարգսյանը շնորհավորական ուղերձ է հղել Էմանուել Մակրոնին Ֆրանսիայի Հանրապետության Ազգային տոնի առթիվ

Ադրբեջանը կրկին փորձում է պատերազմ սկսել. ԱՄՆ-ի սենատոր Ֆրենկ Փելոնին դատապարտել է Ադրբեջանի գործողությունները

Աղոթում ենք, որ խաղաղություն մնա մեր տարածաշրջանում. Եպիսկոպոսաց հավաքը զորակցություն է հայտնում Հայոց բանակին