Այսպես անհնար է պահել համակարգը, այսօր իրավիճակը օգտակար է միայն սպառողին․ «Գազպրոմ Արմենիա»-ի գործադիր տնօրեն

04/06/2020 schedule17:00

Հանրային ծառայությունները կարգավորող հանձնաժողովում այսօր տեղի ունեցավ աշխատանքային քննարկում սպառողներին վաճառվող բնական գազի սակագների վերանայման հարցի վերաբերյալ: Հանձնաժողովն ուսումնասիրություն է իրականացրել եւ հաշվել բնական գազի սակագինը՝ ըստ սպառողական խմբերի: 

ՀԾԿՀ սակագնային քաղաքականության վարչության պետ Աշոտ Ուլիխանյանը հանձնաժողովի նիստում նշեց, որ ՀԾԿՀ-ն առաջարկում է պահպանել գործող հիմնական սպառողական խմբերը: 

Հանձնաժողովն առաջարկում է բնակչությանը, բացառությամբ սոցիալապես անապահով սպառողների, որոնց տարեկան սպառումը 600 խմ է, վաճառվող գազի սակագինը թողնել անփոփոխ՝ 139 հազար դրամ՝ 1000 խմ համար, սոցիալապես անապահով սպառողներին վաճառվող տարեկան մինչեւ 600 խմ բնական գազի սակագինը նույնպես թողնել անփոփոխ՝ 100 հազար դրամ՝ 1000 խմ համար, ջերմոցային տնտեսություններին նոյեմբերի 1-ից մինչեւ մարտի 31-ը ժամանակահատվածի համար եւ վերամշակող կազմակերպություններին վաճառվող բնական գազի սակագինը 1000 խմ համար սահմանել 224 դոլարին համարժեք դրամ: 

Իսկ մյուս սպառողներին, այդ թվում՝ ջերմային էլեկտրակայաններին վաճառվող բնական գազի համար ամսական մինչև 10 հազար խմ-ի շրջանակում սպառվող բնական գազի համար սահմանել 139 հազար դրամ՝ 1000 խմ համար եւ ամսական 10 հազար խմ գերազանցող գազի սպառման համար սահմանել յուրաքնաչյուր 1000 խմ համար 255.92 դոլարին համարժեք դրամ սակագին:

«Գազպրոմ Արմենիա» ընկերության վարչության նախագահ-գլխավոր տնօրեն Հրանտ Թադեւոսյանը պարզաբանեց, թե ինչու է ընկերությունը գազի թանկացման հայտ ներկայացրել: 

Նրա խոսքով՝ այսօր գործում է 2016 թվականին սահմանված սակագինը. «2019-ի հունվարի 1-ի դրությամբ, երբ Հայաստան ներկրվող գազի սակագինը 1000 խմ-ի դիմաց դարձավ 165 դոլար, մենք գազը շարունակեցինք վաճառել 255 դոլարով: Այդ 90 դոլարից մոտ 43 դոլարը վճարում ենք բյուջե՝ համարվելով առաջին հարկատու: 47 դոլարից 12-ը կորուստ է: 35 դոլարից 19-ն աշխատավարձն է: «Գազպրոմ Արմենիա»-ին մնում է 16 դոլար»,- ասաց Թադեւոսյանը:

Նա նշեց՝ թվային այս պատկերը վկայում է, որ այսպես անհնար է պահել համակարգը:

Թադեւոսյանն ընդգծեց՝ իրենց հիմնական խնդիրն է հավասարակշռել սպառողների եւ մատակարարի շահերը. «Ներդրումներին զուգահեռ անհրաժեշտ է իրականացնել նաեւ ընթացիկ ծախսերը: Անհրաժեշտ է հավասարակշռել մատակարարի եւ սպառողների շահերը, իսկ այսօր իրավիճակը օգտակար է միայն սպառողին»։

«Գազի 1000 խորնարադ մետրի դիմաց առաջարկված 275 դոլար գնով ընկերությունը նախատեսում է 10 տարում ունենալ 60 մլրդ դրամի մարժա եւ զուգահեռ իրականացնել 230 մլրդ դրամի ներդրումներ, առանց որի ապագայում կարող են առաջանալ մատակարարումների հետ կապված խնդիրներ, ինչը չի եղել կանոնավոր մատակարարումների պահից սկսած»,- նշեց ընկերության ղեկավար գործադիր տնօրենը։

Թադեւոսյանն ասաց, որ առաջարկվող գնի դեպքում հաշվի առնելով բոլոր ծախսերը՝ ընկերությանը 1000 խորանարդ մետր գազի վաճառքից մնում է միայն 55 դոլար:

Տպել
566 դիտում

Բանկային համակարգին սպառնացող աղմկահարույց գործը վճռաբեկ դատարանում է

Բացվեց Յունիբանկի «Սիսիան» մասնաճյուղը

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել