Բնակարանային գողություն կատարած 195 մեղադրյալներից 16-ն են ունեցել աշխատանք, 24 անչափահասներից 11-ն են հաճախել դպրոց

ՀՀ քննչական կոմիտեի նախագահ Հայկ Գրիգորյանն աշխատանքային խորհրդակցություն է անցկացրել ՀՀ քննչական կոմիտեի ղեկավար կազմի և կառուցվածքային ստորաբաժանումների պետերի մասնակցությամբ:

ՀՀ քննչական կոմիտեի տեղեկատվության և հասարակայնության հետ կապերի բաժնից հայտնում են, որ զեկուցվել է՝ ՀՀ քննչական կոմիտեի տարածքային քննչական վարչությունների գործունեության վերահսկողության գլխավոր վարչությունում կատարված ուսումնասիրության համաձայն՝ ՀՀ քննչական կոմիտեի ենթակա ստորաբաժանումների վարույթում 2019թ. ընթացքում գույքի գաղտնի հափշտակության դեպքերի վերաբերյալ  քննված քրեական գործերից 66.56%-ի նախաքննությունն իրականացվել է Երևան քաղաքում, 32.3%-ը` մարզերում, 1%-ը` Զինվորական քննչական գլխավոր վարչությունում, 1-ը՝ Հատկապես կարևոր գործերի քննության գլխավոր վարչությունում:

Գույքի գաղտնի հափշտակության դեպքերով քննված քրեական գործերի 23.6%-ը եղել են բնակարանային գողությունների դեպքերի առթիվ հարուցված գործեր. Երևան քաղաքում՝ 52.35%-ը, մարզերում՝ 47.6%-ը, 0.22 %-ը՝ Զինվորական քննչական գլխավոր վարչությունում, 1-ը՝ Հատկապես կարևոր գործերի  քննության գլխավոր վարչությունում:

Բնակարանային գողությունների դեպքերով քննված գործերի 20.4%-ը բացահայտվել է:  Նշված քրեական գործերից 6.4%-ը՝ 168 անձի նկատմամբ, մեղադրական եզրակացությամբ կամ բժշկական բնույթի հարկադրանքի միջոց կիրառելու որոշմամբ, ուղարկվել է դատարան, 1.7%-ը կարճվել է, 71.1%-ը  կասեցվել է, որից 10%-ը միացվել է այլ քրեական գործի, 1.9%-ն ուղարկվել է այլ մարմին,  իսկ 7.4%-ը  փոխանցվել է 2020թ:

2019թ. ընթացքում բնակարանային գողության դեպքերով քննված քրեական գործերով որպես մեղադրյալ է ներգրավվել 195 անձ, որոնցից 65-ի կամ 33.3%-ի նկատմամբ որպես խափանման միջոց է ընտրվել կալանավորումը:

Ըստ ուսումնասիրության՝ բնակարանային գողություն կատարած 195 մեղադրյալներից  միայն 16-ն են մշտապես ունեցել աշխատանք, իսկ 24 անչափահաս մեղադրյալներից՝ 11-ն են հաճախել կրթական հաստատություններ:

Արձանագրված դեպքերով պատճառված նյութական վնասի չափը կազմել է 1.481.458.831 ՀՀ դրամ, որից վերականգնվել է 43.541.590 ՀՀ դրամ կամ պատճառված վնասի 2.9%-ը: Բացահայտված բոլոր դեպքերով մեղադրյալների գույքի վրա դրվել է կալանք:

2019թ. ընթացքում արձանագրված բնակարանային գողությունների 57.4%-ը կատարվել են բազմաբնակարան շենքերի բնակարաններից, իսկ առանձնատներից՝ 39.1%, 3.35%-ը կատարվել է բնակարան հանդիսացող այլ վայրերից: Արձանագրված բնակարանային գողություններից  42.9%-ը կատարվել են գիշերային ժամին' ժամը 22:00-ից մինչև 07:00-ն ընկած ժամանակահատվածում, 41.3%-ը' ցերեկը, իսկ 15.7%-ը հնարավոր չի եղել հստակ պարզել հանցագործության կատարման կոնկրետ ժամանակահատվածը:

Ուսումնասիրությամբ պարզվել է, որ 2019թ. արձանագրված բնակարանային գողության դեպքերից 6.8%-ի դեպքում բազմաբնակարան շենքերի մուտքերում առկա են եղել էլեկտրոնային փականներ, իսկ 2,2%-ի դեպքում՝ տեսանկարահանող սարքեր:

Հաշվետու ժամանակահատվածում բնակարանային գողությունների դեպքերի վերլուծությունից կարելի է փաստել, որ դրանց կատարման եղանակները տարաբնույթ են: Այսպես 27.9%-ը կատարվել են մուտքի դռան փականի միջուկը կոտրելով, 21.5%-ը՝ հարմարեցված բանալու օգտագործմամբ, 14.7%-ը ճաղավանդակները կամ պատուհանները տեխնիկական միջոցների գործադրմամբ վնասելով, իսկ 35.7%-ը՝ բաց պատուհանից կամ դռնից մուտք գործելով:

Ամփոփելով խորհրդակցությունը՝ Հայկ Գրիգորյանը համապատասխան հանձնարարականներ է տվել բարձրացված  հարցերին լուծումներ տալու առնչությամբ:

Տպել
298 դիտում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)