Իրավիճակն առավել քան լուրջ է և գնալով՝ ավելի լրջանում է. վարչապետ

Նոր կորոնավիրուսի համաճարակի շուրջ իրավիճակը, ցավոք սրտի, շարունակում է լարվել։ Նոր՝ 442 դեպք ենք ունեցել, մահացել է 15 քաղաքացի։ Այս մասին այսօր կառավարությունում պարետատան նիստից հետո ճեպազրույցի ժամանակ ասաց ՀՀ վարչապետ Նիկոլ Փաշինյանը։ Նա իր ցավակցությունը հայտնեց մահացած բոլոր հայրենակիցների ընտանիքի անդամներին, հարազատներին։

Վարչապետը ներկայացրեց իրենց վերլուծությունը, ըստ որի՝ այսօր վարակի ամենամեծ օջախը Երեւանն է։ Նա հայտարարեց, որ վարակի պոտենցիալ աղբյուրներն ամենուրեք են՝ աշխատանքի վայրում, հասարակական տրանսպորտում, փողոցում եւ այլն։ «Հետեւաբար, այս իրավիճակից մենք շարունակում ենք համոզված մնալ, որ ելքը հակահամաճարակային կանոնների պահպանումն է, այն է՝ դիմակի համատարած եւ ամենուրեք կրումը, ձեռքերի ախտահանումը, սոցիալական հեռավորության պահպանումը, եւ պետք է բացառել որեւէ առեւտրային կետում առքուվաճառքի գործարք, երբ ե՛ւ վաճառողը, ե՛ւ գնողը դիմակով չեն»,- ասաց նա։

Վարչապետը կոչ արեց դադարեցնել դիմակի շուրջ տեղի ունեցող բոլոր շահարկումները եւ ապատեղեկատվության տարածումը կորոնավիրուսի հետ կապված, որովհետեւ, նրա համոզմամբ, իրավիճակն առավել քան լուրջ է եւ շարունակում է ավելի լրջանալ։ Փաշինյանն անտեղի է համարում այն շահարկումները, թե դիմակը թանկ է, որովհետեւ ոչ ոք ոչ ոքի չի պարտադրում դիմակ գնել։ «Ասել ենք, որ կարելի է դիմակ պատրաստել տնային պայմաններում, եւ մեր վերլուծությունը ցույց է տալիս, որ նույնիսկ տնային պայմաններում պատրաստված դիմակների որակյալ կրումը կարող է 0-ի հասցնել վարակի տարածումը»,- ասաց վարչապետն ու հավելեց, որ պետք է դիմակը պարբերաբար փոխել։

Այնուհետեւ Նիկոլ Փաշինյանը շեշտեց, որ դիմակը պետք է կրել ամբողջական, իսկ դրա արտաքին հատվածին պետք է հնարավորինս քիչ հպվել։

Անդրադառնալով դիմակի գնի հետ կապված քննարկումներին եւ շահարկումներին՝ Փաշինյանը մի օրինակ բերեց։ Նրա խոսքով՝ մարդիկ, որոնք ունեն տեսողական խնդիր, երբեք չեն քննարկում, որ ակնոցը թանկ է, դրա համար ակնոց չեն կրի, կամ որ օճառը թանկ է, դրա համար մարդիկ չպետք է լվացվեն։

Ըստ էության՝ օճառը, լվացվելու սովորությունը մարդկային կյանք մտել են ինչ-որ մի պահի, ինչ-որ մի հանգամանքի բերումով, եւ, վարչապետի համոզմամբ, հիմա որեւէ մեկը չի քննարկում՝ վայ, գիտեք, օճառն ավելորդ ծախս է, եկեք համատարած չլվացվենք։ «Կամ որեւէ մեկը չի քննարկում, որ վարսավիրի ծառայություններից եկեք չօգտվենք, որպեսզի գումար խնայենք»,- ասաց Փաշինյանը։

Նա նորից հիշեցրեց, որ հիվադության դեպքերի մոտ 70 եւ ավելի տոկոսը տեղի են ունենում ասիմպտոմ, այսինքն՝ մարդը չի զգում, որ հիվանդ է, որովհետեւ իր մոտ ոչ մի ախտանշան չկա, եւ նա առանց միջամտության կբուժվի, բայց եւ այս ընթացքում նա կարող է վարակել տասնյակ եւ հարյուրավոր մարդկանց։

Փաշինյանը չբացառեց այն իրավիճակը, երբ վերակենդանացման բաժանմունքներում ֆիզիկապես տեղ չլինի եւ կոչ արեց հիշել, որ այդ պակասող տեղը կարող է անհրաշետ լինել յուրաքանչյուրիս և մեր հարազատին։

Ինչ վերաբերում է դիմակների էֆեկտիվությանը, Փաշինյանը կրկին ընդգծեց, որ այսօր ամբողջ աշխարհը դեռեւս չունի կորոնավիրուսի հետ կապված գիտելիք։ Այդ գիտելիքն անընդհատ համալրվում է, եւ փորձով ապացուցվել է դիմակների էֆեկտիվությունն այն դեպքում, երբ այն կիրառվում է համատարած եւ այն դեպքում, երբ երկու հոգի շփվում են դիմակով, եթե նույնիսկ նրանցից մեկը վարակակիր է, 90-95% հավանականություն կա, որ վարակը չի անցնի։

«Մեր հույսը եւ մեր կոչը հանրային վարքագծի փոփոխությունն է, բայց այդ համատեքստում ուզում եմ ասել, որ մենք նաեւ վարչական լծակներ ենք կիրառելու եւ վերջին օրերին գործադրել ենք անսպասելի ռեյդերի պրակտիկա. խախտումներ հայտնաբերելու դեպքում արձանագրվում են, փակվում են ձեռնարկություններ»,- ասաց վարչապետն ու խոսքը փոխանցեց ոստիկանապետին՝ ներկայացնելու այդ ռեյդերի արդյունքները։

Տպել
1431 դիտում

«Դռնփակ դատական նիստի հետ կապված հարցեր եք ինձ ուղղում». դատավորը չխոսեց Ծառուկյանի գործով որոշումից

Լուսանկարում Աշոտ Փաշինյանը չէ. Հասմիկ Հարությունյանը՝ տարածվող լուսանկարի մասին

24 ժամով կասեցվեց Գյումրու միկրոյի շուկայի գործունեությունը (լուսանկարներ)

«Կասեցնել Սահմանադրության գործողությունը ընդամենը պաշտոնի պահպանության համա՞ր». Գրիգորյանը՝ ՍԴ դատավորների դիմումի մասին

ԵԽ պատգամավորը մեղադրում է Էրդողանին Սիրիայում իրավիճակը սրելու եւ նավթի ապօրինի վաճառքի մեջ

Սկզբունքային տարաձայնություն ունեմ ձեր առաջարկի հետ․ չեմ կարծում, որ մենք չստացված եկամուտը պետք է փոխհատուցենք․ նախարար

Կարծում եմ՝ ԲԴԽ-ն կաշկանդված չէ իշխանության ներկայացուցիչների արտահայտած տրամադրություններով. Ալեքսանդր Ազարյան

ՃՈ հաշվառման, քննական ստորաբաժանումների գործառույթներին առնչվող դիմումները հարկավոր է ուղարկել էլփոստի հասցեին. ցանկ

Yandex.Taxi-ն աջակցում է Հայաստանի քաղաքաշինության մասնագետներին՝ Երևանի հանրային վայրերը ձևավորելու գործում

Հուլիսի 16-ին և 18-ին «Դոմոդեդովո» օդանավակայանից դեպի Հայաստան 2 չվերթ կա. դեսպանությունը դիմում է գրանցված անձանց

ԲԴԽ-ն մերժեց դատավոր Ալեքսանդր Ազարյանին կարգապահական պատասխանատվության ենթարկելու միջնորդությունը

Գյումրու ինֆեկցիոն հիվանդանոցում կորոնավիրուսով հիվանդ 76 մարդ է բուժվում

Ucom-ում շարունակվում են ցանցի վերականգնման աշխատանքները

Թող տանեն, միեւնույն է, տանը ուտելու բան չկա. ռեստորանների բողոքի ցույց անող աշխատակիցներից ոմանք բերման ենթարկվեցին

Ինչպիսին է Արցախի Հանրապետության քաղաքացի չհանդիսացող անձանց համար Արցախ մուտքի թույլտվության կարգը. իրազեկում

Ֆինանսների նախարարությունը ուժը կորցրած է ճանաչել «Շանգրի լա» խաղատան լիցենզիան

Ուրախ եմ, որ չենք քննարկում, թե Ալեն Սիմոնյանի տղան մեկին գցել է մեքենայի տակ եւ չի պատժվել. թող սա լինի ամենամեծ խնդիրը

ԿԳՄՍ-ն կիրականացնի ներառական կրթության համակարգի հզորացման ծրագիր

Կառավարությունը ԲԷՑ-ին թույլատրեց «Կասկադ-էներգո» ՍՊԸ-ի հետ 8 մլն 857 հազար դոլարով պայմանագիր կնքել

30-ամյա տղամարդը բերման ենթարկվելու ժամանակ ոստիկանների նկատմամբ բռնություն է գործադրել