Ֆուտբոլում ամեն ինչ ավելի համեստ կդառնա. Պաչաջյանը՝ մարզաձեւի վրա կորոնավիրուսի ազդեցության մասին

Հայաստանի ֆուտբոլի ազգային հավաքականի նախկին կիսապաշտպան Լեւոն Պաչաջյանը, որը հանդես է գալիս շվեդական «Լինշոպինգում», կարծում է, որ կորոնավիրուսի պանդեմիան մեծ ազդեցություն կունենա ֆուտբոլի վրա: Ըստ նրա՝ դա առավելապես ֆինանսական կլինի: «Հայկական ժամանակ»-ի հետ զրույցում նա կարծիք հայտնեց, որ, բացի ակումբների ֆինանսական կորուստներից, կնվազեն թե՛ ֆուտբոլիստների տրանսֆերային արժեքները, թե՛ նրանց աստղաբաշխական աշխատավարձերը:

«Կարծում եմ՝ առաջին հերթին ֆինանսական լուրջ խնդիրներ կունենան ակումբները: Տրամաբանական է, որ ֆուտբոլիստների գները կնվազեն, ու ինձ թվում է՝ դա ավելի կհամապատասխանի իրական արժեքներին: Հիմա միջին վիճակագրական ֆուտբոլիստներն էլ դարձել էին 100 մլն եվրո, դա մի քիչ իրատեսական չէ: Կնվազեն աշխատավարձերը: Մարդկանց հոսքը կնվազի, եթե անգամ երկրպագուներին թողնեն մարզադաշտ: Ընդհանարապես ամեն ինչ ավելի համեստ կդառնա, բայց կարծում եմ՝ գլոբալ առումով ֆուտբոլը, ընդհանրապես սպորտը ոտքի կգանգնի, ինչպես մնացած բնագավառները, ուղղակի ժամանակ է պետք: Սա մեծ փորձ է բոլորի համար: Կարեւորը՝ առողջական խնդիրները լավ լինեն, մնացածը ինձ թվում է՝ երկրորդական է»,- ասաց նա:

Ավելի վաղ ՖԻՖԱ-ի նախագահ Ջանի Ինֆանտինոն խոսել էր ֆոտբոլային օրացույցի խտության մասին: Ասել էր, որ դա գուցե պետք է վերանայել, գուցե մրցաշարերն ու խաղերը պետք է ավելի սակավ լինեն: Պաչաջյանը կողմ չէ մրցաշարերի կրճատմանը կամ ձեւաչափերի փոփոխությանը:

«Չե կարծում՝ դա լավ միտք է. այնպես չէ, որ տարին մի անգամ այսպիսի բաներ են լինում: Եթե ամեն անգամ փոփոխություններ անենք, համակարգը լրիվ շիլա-շփոթ կդառնա: Պետք է ուղղակի ավելի պատրաստված լինել, պլան Բ ունենալ նման իրավիճակների համար»,- ասաց նա:

Ֆուտբոլիստը խոսեց նաեւ շվեդական ֆուտբոլում տիրող իրավիճակի մասին: Շվեդիայում էլ, ինչպես գրեթե ողջ Եվրոպայում, մարտի սկզբին ֆուտբոլը կանգ է առել: Նոր մրցաշրջանն այնտեղ պետք է սկսվեր այս տարվա ապրիլին, սակայն հետաձգվել է սկզբում մինչեւ մայիսի 21-ը, հետո՝ մինչեւ հունիսի 13-14-ը: Այս ընթացքում թիմերը որոշակի սահմանափակումներով մարզվել են:

«Հասցրինք ընդամենը 1 ընկերական խաղ խաղալ, ապրիլի սկզբներին էր: Հետո դա էլ չեղարկեցին, որովհետեւ գնալով բարդանում էր իրավիճակը: Որոշ ժամանակ անց հայտնի դարձավ, որ առաջնության մեկնարկը մայիսի 21-ից տեղափոխելու են, ու այդ ռեժիմով սկսեցինք առաջ շարժվել: 1 շաբաթ մարզվում էինք, 1 շաբաթ՝ դադար վերցնում: Հետո եւս 1 սահմանափակում եղավ: Արգելեցին հանդերձարաններն օգտագործել»,- ասաց նա:

Պաչաջյանը հույս ունի, որ հունիսի 13-14-ը կմնա անփոփոխ: Շուտով իշխանությունները քննարկելու են այդ թեման: Ըստ նրա՝ մի շարք բաց հարցեր կան, օրինակ՝ ինչպես պետք է մասնակիցները թեստավորվեն, կարող են արդյոք օգտագործել հանդերձարանները, հանդիսականներ խաղերին ներկա լինելու են, թե ոչ եւ այլն: Վերջինի առումով Պաչաջյանը կասկածներ ունի: Չի կարծում, որ երկրպագուները հնարավորություն կունենան մարզադաշտ գնալու, թեեւ, ինչպես պատմում է, Շվեդիայում արտակարգ դրություն չկա, ու մարդկանց ոչ թե պարտադրում են որրեւէ բան, այլ խորհուրդ են տալիս:

«Այստեղ կան խորհրդատվական սահմանափակումներ, այսինքն՝ կորոնավիրուսով զբաղվող այդ խումբը, Հայաստանում մեր ընկալմամբ պարետատունը, այսպես ասեմ, խորհուրդներ է տալիս, թե ժողովուրդն իրեն ինչպես պահի: Մի քանի սահմանափակումներ կան, օրինակ՝ դպրոցները… չնայած հիմա արդեն վերականգնվել է, բարձր դասարանցիները, ուսանողներն էին տնից դասերով զբաղվում, ցածր դասարանցիները նորմալ գնում են դպրոց: Մեկ էլ սահմանափակում կա, որ 50 հոգուց ավելի մի տարածքում չպետք է գտնվի: Այդ առումով Շվեդիայում առանձնապես չեն մտահոգվում, քանի որ նրանց ապրելակերպը հնարավորինս սոցիալական դիստանցիա պահելու վրա է հիմնված: Այստեղ պարտադրանք չկա, ով ցանկանում է, կարող է օգտագործել (խմբ. դիմակ, ձեռնոց), այստեղ չկա նման բան, որ մեկը հայտարարի՝ այսօրվանից պետք է դիմակ կամ ձեռնոց կրեք: Որքան գիտեմ, դա նաեւ օրենք է՝ ոչ ոք չի կարող մարդկանց ազատություններից թեկուզ այսպիսի իրավիճակներում զրկել, այնպես որ այստեղ այդ ռեժիմները խորհրդատվական են: Բոլոր նման իրավիճակները լուծվում են խորհուրդների շրջանակներում»,- պատմեց նա:

Ֆուտբոլը գրեթե ողջ Եվրոպայում կորոնավիրուսի պատճառով դադարել էր մարտի սկզբին: Այն կանգ չէր առել միայն Բելառուսում: Այս շրջանում թեեւ առանց երկրպագուների, բայց մարզաձեւն աստիճանաբար վերադառնում է: Մայիսի 16-ին վերսկսվեց Գերմանիայի, անցած հանգստյան օրերին էլ՝ Հայաստանի առաջնությունը: Եվրոպական մի շարք այլ երկրներում, այդ թվում՝ կորոնավիրուսից մեծապես տուժած Իսպանիայում ու Իտալիայում, ամեն ինչ անում են՝ մրցաշրջանը փրկելու համար:

Տպել
968 դիտում

«Հյուսիս-Հարավ»-ի գործի մի դրվագով նախաքննությունն ավարտվել է. այն ուղարկվել է դատարան

Ընտանեկան կարգավիճակի մասին տեղեկանքն այսուհետ կարելի է ստանալ նաև էլեկտրոնային տարբերակով. Բադասյան (տեսանյութ)

Երևան-Լանջազատ-Գառնի ճանապարհի կառուցման համար մրցույթ է հայտարարվել

«Հայոց եկեղեցու պատմություն» առարկան համադրվելու է «Հայ ժողովրդի պատմության» հետ. Մակունց

Արմեն Սարգսյանն ընդունել է Հայաստանում ԱՄԷ դեսպան Մուհամմադ Ալ Զաաբին դիվանագիտական առաքելության ավարտի կապակցությամբ

7 կողմ, 0 դեմ. ԿԸՀ-ն մերժեց Էդմոն Մարուքյանի դիմումը

Արտակարգ պայմաններում վերջին արտակարգ քննությունը․ հ. 62 դպրոցում ոչ մի դիմորդի մոտ բարձր ջերմություն չարձանագրվեց

Պատգամավորները անհամաձայնություն հայտնեցին ընդերքի մասին օրենքի նախագծի հրատապությանը, քանի որ այն բավականին ծավալուն է

ՀՀ ֆուտբոլի գավաթի եզրափակիչը կանցկացվի առանց հանդիսականների

ԿԸՀ-ն սկսել է Էդմոն Մարուքյանի դիմումի քննարկումը. Մարուքյանը պահանջում է իրենց վերադարձնել 18-րդ մանդատը

11 հանձնաժողովների նախագահների տեղակալների եւ ԱԺ աշխատակազմի ղեկավարի 3 տեղակալների ծառայողական մեքենաները կրճատվել են

Տեղի է ունեցել ՀՀ պաշտպանության նախարարի և Հայաստանում Բելառուսի դեսպանի հանդիպումը

Տորֆավան գյուղի բնակիչը ձերբակալվել է ոստիկանի նկատմամբ առողջության համար վտանգավոր բռնություն գործադրելու կասկածանքով

ՀՀ նախագահի նստավայրում տեղի է ունեցել նորանշանակ դատավորների երդման արարողությունը

Եթե 21 օրում նախագահը չստորագրի եւ չդիմի ՍԴ, ես հաճույքով կստորագրեմ «Սահմանադրական դատարանի մասին» օրենքը. ԱԺ նախագահ

Ոստիկանության ծառայողների կողմից կոռուպցիոն չարաշահումներով ապօրինի ծառահատումը թաքցնելու գործն ուղարկվել է դատարան

Առ այսօր ՍԴ-ն Քոչարյանի գործի վերաբերյալ նյութերը հայերենով չի տրամադրել Ազգային ժողովին. Միրզոյան

Վրաստանը 5 երկրի համար բացում է սահմաններն ու վերսկսում միջազգային ավիահաղորդակցությունը

Կարեն Սեդրակյանն ընտրվեց ՏՄՊՊՀ անդամ (տեսանյութ)

Ոստիկանի նկատմամբ բռնություն գործադրելը հանցագործություն է. ոստիկանությունը հիշեցնում է պատասխանատվության մասին