«Որքան էլ զարմանալի է, համաձայն եմ ձեզ հետ». Խաժակյանը քննադատեց, Մարությանն ընդունեց քննադատությունը

Շատ շինարարություններ այս օրերին կանգնած են այն պատճառով, որ տեխվերահսկողություն չի իրականացվում, եւ շատ է նշվում, որ Գնումների մասին օրենքը վատն է, դրա պատճառով ընթացքը նորմալ չի լինում: Այս մասին այսօր Երեւանի ավագանու նիստում իր ելույթում նշեց «Լույս» խմբակցության ղեկավար Դավիթ Խաժակյանը:

«Փաստորեն, կառավարությունը ունքը սարքելու փոխարեն աչքն էլ տվեց հանեց: Հիմա ունենք մի իրավիճակ, երբ տեխնիկական վերահսկողություն իրականացնողներից, նաեւ շինարարներից պահանջվում է շատ մեծ ծավալի բանկային երաշխիք, որի հետեւանքով գնումները կանգնում են, շինարարությունը կանգնում է, որովհետեւ չեն ներկայացնում համապատասխան երաշխիքները: Եվ այս 1.5 տարիների ընթացքում անընդհատ խոսվում էր, որ քաղաքապետարանը պատրաստում է առաջարկություններ կառավարությանը, Ազգային ժողովին, որպեսզի այս օրենքը փոփոխվի, համապատասխանեցվի: Հիմա կա՛մ ձեր պատկերացրած բարեփոխումն էր, կա՛մ առնվազն քաղաքապետարանը չի առարկել այս փոփոխություններին: Իսկ ինչպե՞ս ենք վերաբերում նրան, որ մարդիկ մասնակցում են մրցույթներին, երբեմն միակ մասնակիցն են լինում եւ մասնակցում են կեղծ բանկային երաշխիքով»,- նկատեց նա:

Խաժակյանը կարծիք հայտնեց, որ նման ձեւով ամեն ինչ գնում է դեպի ավելի մեծ մոնոպոլիզացիայի, քան եղել է նախկինում, որովհետեւ շինարարներից պահանջում են այնպիսի ծավալի բանկային երաշխիք, որը կարող են ապահովել միայն խոշոր կազմակերպությունները:

Նա նաեւ հիշեցրեց վերջին աղբամանների հետ կապված մրցույթը: «Ունենք երկու տարբեր մատակարարներ, որոնք երկուսն էլ բերել են նույն ստանդարտի աղբամաններ, սակայն մեկից ընդունել եք աղբամանները, մյուսից՝ չէ: Հիմա երբ բանկային երաշխիքի այս գործոնն է տեղի ունենում, մարդիկ կմտածեն, որ իրենց աղբամանները չեք ընդունի, եւ բանկային երաշխիքը 100 տոկոսի չափով քաղաքապետարանը կկարողանա հետ ստանալ»,- ասաց նա՝ քաղաքապետին կոչ անելով վերանայել այդ խնդրահարույց որոշումները:

Քաղաքապետ Հայկ Մարությանն արձագանքեց. «Որքան էլ զարմանալի է, համաձայն եմ ձեզ հետ»: Նախ աղբամանների մասին խոսելով՝ նշեց. «Բոլոր մասնակիցներին առաջարկվել է նույն պայմանը, որ պետք է անցնեն էքսպերտիզա: Եթե մեկն անցկացրել է էքսպերտիզան, բերել է, մյուսը չի բերել, դրա համար չենք ընդունել: Հիմա եթե չի համապատասխանում պահանջներին, ուզում է երաշխիք լինի, ուզում է չլինի՝ չենք ընդունելու»:

Ինչ վերաբերում է բանկային երաշխիքին, քաղաքապետն ասաց, որ իրենք այդ կարգավորմանը կողմ չեն եղել եւ առաջարկություն են արել, սակայն, ցավոք սրտի, դա չի ընդունվել. «Մեր առաջարկն է եղել, որ բանկային երաշխիքը մինչեւ 100 տոկոս լինի, եւ ամեն մրցույթի համար կարգավորի հանձնաժողովը, որովհետեւ մրցույթները տարբեր են, գները տարբեր են եւ ամեն մասնակցության ժամանակ այդ տոկոսայնությունը կարող է լողացող լինել, որ չմոնոպոլիզացվի: Հիմա ամենամեծ խնդիրն այն է, որ մասնակից չկա: Մի ժամանակ մրցույթները տեղի էին ունենում մաֆիայի ասեմ, մի շրջապատի մարդկանց կողմից, իրենք բնութագիրը բերում էին, իրենք էլ հաղթում էին, ամեն ինչ կանխորոշված էր: Հիմա բաց է, արդար է, թափանցիկ է, բայց պայմաններն էլ այնպես են, որ չի կարող մասնակցել: Ֆինանսական բեռն այնպիսին պետք է լինի, որ կարողանան պրոֆեսիոնալ ընկերություններն այդ բեռը իրենց վրա վերցնել»:

Քաղաքապետը երկու հարցին էլ սպառիչ պատասխան տալուց հետո նշեց, որ դրանք ոչ մի կապ չունեին այսօրվա նիստի օրակարգի հետ: 

Տպել
1245 դիտում

Ինչպես է բերման ենթարկվել «Վստրեչի ապեր»-ը. ոստիկանությունը տեսանյութ է հրապարակել

Շենգավիթ վարչական շրջանում խախտումներ են արձանագրվել միայն մեկ խանութում

Ադրբեջանի ԶՈՒ զինծառայողները ՈՒԱԶ մակնիշի ավտոմեքենայով Տավուշի սահմանը հատելու փորձ են արել. ՊՆ

Ոստիկանությունը հուլիսի 11-ին հայտնաբերել է արտակարգ դրության իրավական ռեժիմի խախտման 3516 դեպք

Հայաստանը ներկայացրել է ՄԱԿ-ի կայուն զարգացման նպատակների իրականացման Ազգային կամավոր գնահատման երկրորդ զեկույցը

Շենգավիթ վարչական շրջանի զբոսաշրջային վայրերում կրկնակի շրջայցի արդյունքում խախտումներ չեն հայտնաբերվել

Արցախում տարբեր զինատեսակների հմտություններն են սովորում ԱԱԾ հատուկ նշանակության վարչության տղաները. հետեւել է նախագահը

UNESCO-ն բազմիցս իր մտահոգություններն է հայտնել Թուրքիայի Սբ. Սոֆիայի կարգավիճակի հարցով

Այսօր ու վաղը սպասվում են ամպրոպային բնույթի ինտենսիվ անձրևներ, տեղ-տեղ՝ կարկուտ, ուժեղ քամի

Հիբրիդային պատերազմ սեփական ժողովրդի դեմ

Նոր մանրամասներ Երևանում ռումբի տեղադրման կեղծ ահազանգից․ ոստիկանություն է հրավիրվել Մանվել Գրիգորյանի փաստաբանը

ՃՈ-ն պարզում է Երևանում դիվանագիտական համարանիշներով վթարի մասնակից Mercedes-ի վարորդի ինքնությունը

Այսօր կիրականացվի 2 չվերթ դեպի Հայաստան՝ Ղազախստանից ու Բելառուսից

Կազմակերպվում է Երևանի Ֆիրդուս թաղամասի քաղաքային միջավայրի վերակենդանացման այլընտրանքային առաջարկների մրցույթ

«Վստրեչի ապեր»-ը հայտնաբերվել է եւ տեղափոխվել «Արմավիր» ՔԿՀ

Լոզանում բացվել է բեյսբոլի և սոֆտբոլի համաշխարհային կոնֆեդերացիայի նոր շտաբ. ներկա է եղել ՄՕԿ նախագահ Թոմաս Բախը

Երևան-Մեծամոր ճանապարհին փրկարարները անձրևաջրերի արգելափակումից դուրս են բերել մոտ 20 ավտոմեքենա

Վթար Երևան-Մեղրի ավտոճանապարհին. 3 տուժածներից երկուսի վիճակը ծանր է գնահատվում

Կայքի տնօրենը հրապարակման մասին փաստեր չունի, ակնկալել է հետաքրքրություն շարժել. ծառայողական քննության հետքերով

ԱԻՆ փրկարարները որոնում են 2 շաբաթ առաջ կորած քաղաքացուն՝ Քաղցրաշեն գյուղի դաշտերում