Կապանում ձերբակալվածներին տեղափոխում են Երեւան, գործով ԱԱԾ-ն է զբաղվելու. ցուցարարները ցրվում են (տեսանյութ)

Կապանում այսօր առավոտից սկսված բողոքի ցույցն արդեն ցրվում է: Քաջարանի քաղաքապետ Մանվել Փարամազյանը, դուրս գալով ոստիկանական բաժանմունքից, ցուցարարներին հայտնեց, որ երիտասարդները տեղափոխվում են Երեւան, նրանց գործի հետագա ընթացքով զբաղվելու է արդեն ԱԱԾ-ն:

Քաղաքապետը հորդորեց բաժանմունքի մոտ հավաքված քաղաքացիներին պահպանել հանգստություն տղաներին տեղափոխելու ժամանակ, բացել ոստիկանական մեքենաների ճանապարհն ու ՊՊԾ գնդի մեքենաներն ուղեկցել ծափահարություններով: Նա վստահեցրեց, որ գործի հետագա ընթացքը լինելու բացառապես օրենքի սահմաններում եւ ինքն ամուր երաշխիքներ է ստացել այն մասին, որ այլեւս ոչ մի տեսակ բռնություն չի լինելու երիտասարդների նկատմամբ:

«Ինձ երաշխիք են տվել, որ բռնություն գործադրողներն օրենքով նախատեսված պատասխանատվություն են կրելու։ Վստահաբար կարող եմ ասել, որ նրանց նկատմամբ լինելու է քրեական գնահատական։ Ինձ ասել են, որ միասին կարող ենք նաև նախաքննական գործընթացներին մասնակցել և դուք ինքներդ կհամոզվեք, որ ոչ մի բռնություն չի լինելու»,–ասաց Փարամազյանը՝ հայտնելով, որ այդ բոլոր երաշխիքներն ինքը ստացել է ՀՀ քրեական վարչության պետից եւ չի ուզում հավատալ, որ դրանք կարող են չպահպանվել:

Երիտասարդները տեղափոխվեցին դիմակավորված իրավապահների ուղեկցությամբ, ոստիկանական մեքենաներով: Յուրաքանչյուրի դուրս բերման ժամանակ նրան ճանապարհում էին ծափերով եւ անվան վանկարկումներով: Հիշեցնենք, 3 բերման ենթարկվածներն էլ քաղաքապետի մերձավոր շրջապատից են:

Մանվել Փարամազյանը կոչ արեց քաջարանցիներին վերադառնալ Քաջարան, իսկ կապանցիներին՝ վերադառնալ իրենց տներ:

Հիշեցնենք, ավելի վաղ քաղաքապետը ոստիկանական բաժանմունքում հանդիպել էր ձերբակալվածներին: Դուրս գալով ակցիայի մասնակիցների մոտ, նա  հայտարարել էր, որ հանդիպել է ձերբակալված երիտասարդներին եւ անձամբ տեսել, որ նրանց բոլորին բռնության են ենթարկել:

Հիշեցնենք, այսօր վաղ առավոտյան  դիմակավորված և զինված ոստիկանները ձերբակալել են Քաջարանի համայնքապետի մերձավոր շրջապատից 4 անձի: Ըստ լրատվամիջոցների հրապարակումների եւ քաղաքացիների ահազանգերի, նրանց նկատմամբ բռնություն է կիրառվել, նրանք ծեծի են ենթարկվել:

ՀՀ ոստիկանության պետ Արման Սարգսյանի հանձնարարությամբ ոստիկանության ներքին անվտանգության վարչությունում ծառայողական քննություն է կատարվում ոստիկանության Կապանի բաժնում տեղի ունեցածի առնչությամբ:

Նշենք, որ մարդու իրավունքների պաշտպանի աշխատակազմի պարզած նախնական տվյալով այս գործով առկա է ևս մեկ անձ, որ բերման ենթարկվել և ձերբակալվել է Երևանում: 

Այս ամենը դատապարտել է Քաջարանի համայնքապետը՝ տեղի ունեցածը որակելով որպես քաղաքական հետապնդում:

Սյունիքի մարզպետ Հունան Պողոսյանը անձամբ էր ժամանել Կապանի ոստիկանության տարածք՝ ցուցարարների պահանջով: Ողջ օրվա ընթացքում այնտեղ էր նաեւ Քաջարանի համայնքապետ Մանվել Փարամազյանը:

Տպել
5677 դիտում

ԱՀ նախագահը հաշմանդամության կարգի տրամադրման խնդիրներին նվիրված խորհրդակցություն է անցկացրել

ԵԱՏՄ Տեղեկատվական տեխնոլոգիաների վարչության տնօրենի պաշտոնի համար հայտարարված է մրցույթ. նախարարը կոչ է անում մասնակցել

Կառուցենք Հայաստանը նորովի. վարչապետը հրապարակել է Տաթեւ-Աղվանի-Կապան ճանապարհի շինաշխատանքների կադրերը

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 21 հա տարածք

ՍԴ մտնելու պատրվակով աղմուկ առաջացնել, ամեն գնով Քոչարյանի գործով որոշում կայացնել...ինչ սցենարներ կարող են լինել վաղը

Վարդենիսում կհիմնանորոգվի երաժշտական դպրոցը, կկառուցվի եւ կվերակառուցվի լուսավորվածության ցանցը, կասֆալտապատվի 10 փողոց

Հրապարակվել է առաջիկա օրերին կայանալիք չվերթների ցանկը

Հայտնի է Ֆրանսիայի նոր կառավարության կազմը. կան նորեկներ, վերանշանակումներ ու փոխադրումներ

«Առողջ եղիր»՝ հորդորում ու մաղթում են երեխաները գյուղերից

ԱԺ-ն հուլիսի 8-ին արտահերթ նիստ է հրավիրել

Բնակարանային գողություն Ավանում. հափշտակված դրամապանակում նախնական տվյալներով՝ 1307 դոլար և 40 հազար դրամ է եղել

Հիմնանորոգվում է Ծովակ համայնքի խմելու ջրատարի արտաքին ցանցը

Արթիկում 21-ամյա երիտասարդ է դանակահարվել. կասկածյալը տղայի մորաքրոջ 49-ամյա ամուսինն է (տեսանյութ)

Նոր դպրոցի համար կառուցվելիք վերգետնյա անցումը թթվածնի նման անհրաժեշտ է աշակերտներին

Պարենի անվտանգությունը առաջնային նշանակություն ունի. նախագահի հանդիպել է «Սյունիք Ֆուդ» ընկերության սեփականատիրոջը

ՀՀ նախկին վարչապետ Արմեն Դարբինյանը դատի է տվել Իոսիֆ Կուբատյանին

Պետությունը տրիաժ ծառայության համար ֆինանսավորում կտրամադրի «Գյումրի» ԲԿ-ին. կենտրոնում 15 մահճակալանոց մեկուսարան կա

Եթե անորոշությունները շարունակվեն, 3-րդ եռամսյակում բյուջեի եկամուտների մի փոքր ավելի մեծ նվազում կունենանք․ պատգամավոր

Կորոնավիրուսով վարակված բժիշկներն առողջացել, վերադարձել են. «Գյումրի» ԲԿ-ն վերսկսում է պլանային վիրահատությունները

Մահվան ելքով պատահարները նվազել են, իշխանության ներկայացուցչի նկատմամբ բռնություն գործադրելու դեպքերը՝ աճել