«Անասնապահության զարգացում Հայաստանում հարավ-հյուսիս» ծրագրի շրջանակներում Լոռու մարզին շուրջ 100 մլն դրամ կհատկացվի

22/05/2020 schedule23:05

«Ռազմավարական զարգացման գործակալություն» ՀԿ-ն Լոռու մարզում ակտիվ գործունեություն է ծավալում՝ մարզպետարանի հետ համագործակցությամբ իրականացնելով գյուղատնտեսության զարգացմանն ուղղված բազմաթիվ ծրագրեր:

Նախորդ տարի ՀՀ պետական աջակցության ծրագրի, ինչպես նաև Շվեյցարիայի զարգացման և համագործակցության գործակալության և Ավստրիական զարգացման գործակալության կողմից ֆինանասավորվող «Անասնապահության զարգացում Հայաստանում հարավ-հյուսիս» ծրագրի շրջանակներում և թվով 4 ֆերմերների համաֆինանսավորմամբ մարզի Մարգահովիտ, Տաշիր համայնքներում և Բովաձոր բնակավայրում կառուցվել են թվով 4 առաջատար, «խելացի» անասնաշենքեր՝ նախատեսված շուրջ 300 գլուխ տոհմային խոշոր եղջերավոր կենդանիների համար:

Ներդրման գումարը ընդհանուր առմամբ կազմել է 226.5 մլն դրամ: Լուրը հայտնում է Մարզպետարանի լրատվական ծառայությունը:

Նույն ծրագրի շրջանակներում 2019թ. իրականացվել են նաև հետևյալ ծրագրերը .

-Աջակցություն է ցուցաբերվել մարզում գործող «Դուստր Մելանյա», «Գագիկ Մանուկյան», «Տարոն Մաթևոսյան» կաթի վերամշակման արտադրամասերին՝ արտադրությունները ժամանակակից սարքավորումներով վերազինելու գործում՝ իրականացնելով շուրջ 66.5 մլն դրամի ներդրում:

-Թվով 19 անասնաբուժական կետ է հիմնվել Տաշիր, Ստեփանավան, Սարչապետ Մեծավան, Լոռի Բերդ, Գյուլագարակ, Մարգահովիտ, Ջրաշեն համայնքներում (ներդում՝ 11.8մլն դրամ):

-Թվով 36 ֆերմերի սուբսիդավորման եղանակով հնարավորություն է տրվել ձեռքբերելու 148 գլուխ բարձր մթերատու խոշոր եղջերավոր կենդանի: Կատարվել է 40 մլն դրամի ներդրում:

-Ծրագրի շահառու 7 համայնքի(Մարգահովիտ, Գյուլագարակ, Լոռի բերդ Ստեփանավան, Տաշիր, Սարչապետ, Մեծավան)35 բնակավայրում ընթացքի մեջ է 91 միավոր արոտային ենթակառուցվածքների շինարարության գործընթացը(ներդրումը կազմել է 92.95 մլն դրամ):

Այս տարվա ծրագրերը, կապված Լոռու մարզի հետ, ևս բավականին շատ են ու չնայած ստեղծված իրավիճակով պայմանվորված գործընթացը շուրջ 2 ամսով հետաձգվեց, բայց աշխատանքներն արդեն իսկ մեկնարկել են:

2020թ. համար նախատեսված ծրագրերը «Անասնապահության զարգացում Հայաստանում հարավ-հյուսիս» ծրագրի ղեկավար Վահե Հովհաննիսյանը և կազմակերպության Լոռու մարզի կառավարիչ Արթուր Քոչարյանը ներկայացրել են մարզպետ Անդրեյ Ղուկասյանին՝ կրկին անգամ արժանանալով մարզի ղեկավարի անվերապահ աջակցությանը:

Այս տարի «Անասնապահության զարգացում Հայաստանում հարավ-հյուսիս» ծրագրի շրջանակներում նախատեսվում է Տաշիր, Սարչապետ, Լերմոնտովո, Ջրաշեն, Մարգահովիտ համայնքներում իրականացնել արոտային ենթակառուցվածքների (ջրախմոց, արոտ տանող ճանապարհ, կացարան, մակատեղ, կթի սրահ և այլն) կառուցում՝ իրականացնելով շուրջ 100 մլն դրամի ներդրում:

Շնորհակալություն հայտնելով մարզում իրականացվող ծրագրերի համար՝ Անդրեյ Ղուկասյանը նշել է, որ մարզպետարանը պատրաստ է համագործակցության՝ կարևորելով նաև այն, որ հավարակով պայմանավորված իրավիճակը չի խոչընդոտել ծրագրերի արդյունավետ իրականացմանը:

Տպել
666 դիտում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)