ԱՄՆ-ը դուրս է գալիս «բաց երկնքի մասին» համաձայնագրից՝ մեղադրելով Ռուսաստանին այն խախտելու մեջ

Ամերիկայի Միացյալ նահանգները որոշում է կայացրել «բաց երկնքի մասին» համաձայնագրից դուրս գալու մասին՝ մեղադրելով Ռուսաստանի Դաշնությանը այդ պայմանավորվածության կետերը խախտելու մեջ: Այս մասին հայտնում են միջազգային լրատվամիջոցները:

Համաձայնագիրը, որը միավորում է 35 երկիր, իր անդամ երկրներին թույլ է տալիս դիտարժան թռիչքներ իրականացնել պայմանագրի մասնակից երկրների տարածքների վրայով:  Գլխավոր պայմանն այն է, որ թռիչքներ իրականացնող օդանավերը ոչ մի դեպքում չպետք է զենք տեղափոխեն անդամ երկրների օդային տարածքներով:

Ըստ Reuters- ի, ԱՄՆ-ի բարձրաստիճան պաշտոնյաները, ովքեր զրուցել են լրագրողների փոքր խմբի հետ եւ ցանկացել են անանուն մնալ, ասել են, որ որոշումը կայացվել է վեցամսյա վերլուծությունից հետո, որը բացահայտում է Ռուսաստանի կողմից դեպքեր, երբ խախտվել են պայմանագրի ընդհանուր դրույթները: Ընդ որում, ըստ պաշտոնյաների, համաձայնագիրը ռուսական կողմը խախտել է մի քանի անգամ:

Associated Press գործակալության տվյալներով,  միջազգային գործընկերներին Սպիտակ տունն արդեն հայտնել է իր որոշման մասին:

New York Times-ն էլ հայտնում է, որ ուրբաթ՝ մայիսի 22-ին, Միացյալ Նահանգները Ռուսաստանի Դաշնությանը պաշտոնապես կհայտնի համաձայնագրից դուրս գալու մասին:

Ռուսաստանի արտաքին գործերի նախարարությունը արդեն արձագանքել է այս հարցի շուրջ միջազգային մամուլի հրապարակումներին եւ հայտարարել է, որ եթե ԱՄՆ-ն իսկապես դուրս գա պայմանագրից, դա կլինի անմիտ քայլ:

«Ցավոք, սա տեղավորվում է գործող վարչակազմի ընդհանուր գործելաոճում՝ խարխլելու զենքի վերահսկման ոլորտում բոլոր համաձայնագրերը: Այս պայմանագիրը, որից ցանկանում է դուրս գալ ԱՄՆ-ը,  առանցքային է Եվրոպայում եւ ավելի մեծ մասշտաբներ ներառող տարածքներում փոխադարձ վստահությունն ապահովելու տեսանկյունից», - РИА Новости գործակալության հետ զրույցում հայտնել է ՌԴ ԱԳՆ բարձրաստիճան պաշտոնյաներից մեկը:

Ըստ ռուսական կողմի, սա Դոնալդ Թրամփի վարչակազմի կողմից եւս մեկ քայլ է ՝ ԱՄՆ-ը դուրս բերելու մի շարք խոշոր միջազգային պայմանագրերից, ներառյալ ՝ միջին եւ մոտ հեռահարություն ունեցող հրթիռների վերացման մասին միջազգային պայմանագիրը (INF):

Reuters գործակալությունը նաեւ հայտնում է, որ ամերիկացի պաշտոնյաները վերջին օրերին բանակցություններ են սկսել մի խումբ ռուս պաշտոնյաների հետ ՝ միջուկային զենքի շուրջ բանակցությունների նոր փուլ սկսելու համար:

«Մեր նպատակն է բանակցությունների սեղանի շուրջ բերել երկու ուժեղ մասնագետների թիմ, որպեսզի վերջիններս սկսեն մշակել նոր միջոցներ՝ նոր սերնդի միջուկային զենքը վերահսկելու համար: Միացյալ Նահանգները հանձնառու է զինատեսակների վերահսկողության գործին, մենք հանդես ենք գալիս եվրոպական անվտանգության օգտին եւ պատկերացնում ենք ապագա, որտեղ կոշտ սահամանփակումներ կմտցվեն միջուկային զենքի համար», - ասել է անանուն ամերիկացի դիվանագետը:

«Բաց երկնքի մասին» համաձայնագիրը ստորագրվել է 1992 թվականի մարտի 24-ին հելսինկիում՝ ՀԱՊԿ 23 անդամ-երկրների ներկայացուցիչների մասնակցությամբ:

Դուրս գալով «Բաց երկնքի պայմանագրից», ԱՄՆ-ի նախագահ Դոնալդ Թրամփը փաստորեն հրաժարվում է զենքի վերահսկողության պայմանագրից, որը կարեւոր է համարվում սառը պատերազմի ավարտից հետո ռազմական թափանցիկությունն աշխարհում պահպանելու համար: Բացի այդ, Միացյալ նահանգները  հրաժարվում է մի համաձայնագրից, որը, շատ մասնագետների կարծիքով, դեռեւս տալիս է Միացյալ Նահանգներին հսկայական առավելություններ:

Իսկ այն, որ ԱՄՆ-ն նման որոշում է կայացրել մի ժամանակաշրջանում,  երբ մոտենում է սպառազինությունների մրցավազքի նոր դարաշրջանը, խնդիրը կրկնակի է բարդացնում:

Իսկ ի՞նչ է թույլ տալիս այս պայմանագիրը:

Պայմանագրով անդամ երկրները կարող են ցանկացած ժամանակ անօդաչու հետախուզական ինքնաթիռներ ուղարկել մեկ այլ երկրի ամբողջ օդային տարածքում ՝ առանց նախազգուշացման: Դա հնարավոր է անել, օրինակ ՝ ռազմական օբյեկտների եւ զորքերի վերաբաշխման մասին տվյալներ հավաքելու համար:

Վերջին տարիներին սրա հետ կապված մի շարք խնդիրներ են առաջացել: ԱՄՆ-ն պնդում է, որ Ռուսաստանը թույլ չի տվել մուտք գործել իր որոշ տարածքներ: Սակայն, Թրամփի քննադատները գտնում են, որ սա առիթ է պայմանագիրը բարելավելու, այլ ոչ թե այն չեղյալ հայտարարելու համար:

ԱՄՆ-ը կկարողանա օգտագործել արբանյակներ ՝ Ռուսաստանի մասին տեղեկատվություն հավաքելու համար, բայց Թրամփի որոշումը լարվածություն կստեղծի Վաշինգտոնի եվրոպացի դաշնակիցների հետ, որոնք նման տեխնոլոգիաների հասանելիություն չունեն: Պայմանագիրը կարող է նախկինի նման կարեւոր լինել Ռուսաստանի համար, որը կարող է շարունակել թռիչքները Վաշինգտոնի գործընկերների օդային տարածքներում, իսկ դա միայն լխորացնի ամերիկյան կողմի անհանգստությունները:

Տպել
738 դիտում

Երևանի վեց դպրոցների տնօրեններին հայտարարվել է նկատողություն

Գործիքակազմում ունենք ծայրահեղ միջոցներ՝ վերադարձ սահմանափակումներին, պարետային ժամի հաստատում. Տիգրան Ավինյան

Հրդեհվել է Հարավկովկասյան երկաթուղու մանեւրային ջերմաքարշը. դեպքի պատճառները տեխնիկական են

Գագիկ Խաչատրյանն ու նրա որդիները դատի են տվել ՀՀ վարչապետին, աշխատակազմին եւ մամուլի խոսնակին

Ոմանք այս համավարակի խնդիրը դարձրել են ներքաղաքական անկայունություն հրահրելու առիթ․ Գայանե Աբրահամյան

Բնակության վայրից դուրս հանրային բաց տարածքներում դիմակ կրելը պարտադիր կդառնա

Կորոնավիրուսի հաղթահարման աջակցության հաշվին փոխանցվել մոտ 1 մլրդ 96 մլն դրամ

2020 թվականի առաջին կիսամյակում 2019-ի համեմատությամբ ավելի պակաս մահ է արձանագրվել. Նիկոլ Փաշինյան

«Օրենքով գող» Արսեն Երևանսկուն ՔԿՀ-ից չեն տեղափոխում քաղաքացիական հիվանդանոց. պաշտպանները ահազանգում են

Բանակը երբեք միայնակ չի եղել․ ԶՈՒ ԳՇ պետի հարցազրույցը զենքի գնումների, հակառակորդի ակտիվության մասին

Պետական մարմինների զեկույցները չէին բավարարում և դիմեցի հանրությանը. հրեշավոր իրականություն բացահայտվեց.վարչապետ (ուղիղ)

Պարետի որոշմամբ 24 ժամով արգելվել է «Երևան մոլ»-ի և մի շարք տնտեսվարողների գործունեությունը

Խորհրդարանն առաջին ընթերցմամբ ընդունեց «ԱԺ կանոնակարգ» օրենքում փոփոխություններ կատարելու մասին օրենքի 2 նախագիծ

Կապամոնտաժվեն Օղակաձև զբոսայգու ապօրինի կառույցները. գործընթացը մեկնարկել է

Ռոնալդուն միայն ինստագրամից ավելի քան 2 մլն եվրո է վաստակել արտակարգ դրության ընթացքում՝ ամենաշատը մարզիկների շրջանում

Դավիթ Տոնոյանը հորդորում է Դավիթ Շահնազարյանին «ժամ մը» առաջ հաղորդում տալ հանցագործության մասին

Գագիկ Բեգլարյանի եղբայրը դիտավորությամբ չի կատարել ծառայողական պարտականությունները. ՔԿ-ն մանրամասնում է

Նիկոլ Փաշինյանը հեռավար կարգով վարել է Էկոնոմիկայի նախարարության 2019թ. գործունեության հաշվետվության քննարկումը

Կորոնավիրուսից մահացած անձանց անունները հրապարակելու փաստով քրեական գործ է հարուցվել

Հրանտ Բագրատյանի հայտարարությունը բավական ոգեւորել է մեր հակառակորդին․ Գաբրիել Բալայան