Հայաստանում սկսվում է «Սերունդ առանց սահմանների» (GenU) մրցույթը. 5 լավագույն թիմերը կստանան 1000-ական դոլարի դրամաշնորհ

18/05/2020 schedule18:12

Հայաստանում սկսվում է «Սերունդ առանց սահմանների» (GenU) մրցույթը:
Առցանց խմբային վարժանքին կմասնակցի 50 երիտասարդ՝ մրցելու սոցիալական ձեռնարկատիրության ոլորտում:

Այսօր ՅՈՒՆԻՍԵՖ-ի և ՄԱԿ-ի Զարգացման ծրագրի նախաձեռնությամբ Հայաստանում մեկնարկում է «Սերունդ առանց սահմանների» (GenU) մրցույթը, որին նաև միացել են Դիլիջանի միջազգային դպրոցն (UWC Dilijan) ու «Այբ» կրթական հիմնադրամը: Առցանց ձևաչափով ընթացող մրցույթին մասնակցում են 12 թիմ՝ 50 երիտասարդ Շիրակից, Վայոց ձորից, Կոտայքից, Տավուշից, Գեղարքունիքից և Երևանից։

GenU-ն համաշխարհային համագործակցություն է, որի նպատակը 10-ից 24 տարեկան երեխաների և երիտասարդների համար կրթության, վերապատրաստման և զբաղվածության՝ ընդլայնված հնարավորություններ ստեղծելն է։ Մրցույթը նպաստում է պետությունների և մասնավոր հատվածի միջև համագործակցության ստեղծմանը, երիտասարդների ներգրավմանը համայնքային խնդիրների լուծման և նորարարության խթանման ուղղությամբ, ներդրման հնարավորությունների և նորարար ծրագրերի առավել լայնածավալ համահեղինակմանը։ Այն նաև կոչված է աջակցելու և խրախուսելու երիտասարդներին կյանքում առավել հանրօգուտ գործունեություն ծավալել:

«Մենք նախատեսում ենք երիտասարդների հետ նախագծեր մշակել և ստեղծագործել: Երիտասարդները ուրույն աշխարհայացք ունեն և կարող են այնպիսի լուծումներ առաջարկել, որոնք կօգնեն վերադարձնել աշխարհը ճիշտ ուղու վրա։ Պարզապես մենք պետք է համագործակցության և ստեղծարար մտածելու հնարավորություն ընձեռենք նրանց»,- իր խոսքում նշել է Հայաստանում ՅՈՒՆԻՍԵՖ-ի ներկայացուցիչ Տանյա Ռադոչայը։

Առցանց խմբային վարժանքի 50 մասնակիցներն ընտրվել են այն 60 թիմերից, որոնք փետրվարի կեսին դիմել էին սոցիալական ձեռնարկատիրության և համայնքային նախագծերի իրենց նախնական գաղափարներով։ Գաղափարները շատ են՝ սկսած խելացի գյուղատնտեսությունից մինչև հանրօգուտ նորարարական կամավորություն, ստեղծարար արդյունաբերությունից մինչև արվեստ, նորաձևություն, վիդեոարտադրություն և շատ ավելին։

Մայիսի 18-ից 24-ը կայանալիք առցանց վարժանքի շրջանակում երիտասարդները կմասնակցեն առցանց հանդիպումների՝ սոցիալական ձեռնարկատիրության, ձեռներեցության և ստարտափների հմուտ
մասնագետների մենթորությամբ, ովքեր կօգնեն նրանց գաղափարները նախագծերի վերածելու գործընթացում:

«GenU-ի միջոցով հույս ունենք ոգեշնչելու հայ երիտասարդներին նոր գաղափարներ ստեղծել, դրանք կյանքի կոչել և նպաստել իրենց համայնքներում նոր հնարավորությունների, ձեռներեցության նախաձեռնությունների և աշխատատեղերի ստեղծմանը»,- նշել է Հայաստանում ՄԱԿ-ի Զարգացման ծրագրի մշտական ներկայացուցիչ Դմիտրի Մարիասինը։

ՅՈՒՆԻՍԵՖ-ի տեղեկացմամբ, մայիսի 24-ին մասնակից թիմերը կներկայացնեն իրենց նախագծերը ժյուրիի դատին։ Հինգ լավագույն թիմերը կստանան 1000-ական ԱՄՆ դոլարի դրամաշնորհ՝ 2020թ.-ի երկրորդ կեսին իրենց ծրագրերն իրականացնելու համար: Մրցույթի երկրորդ փուլում առավել հեռանկարային երկու լուծումները կներկայացվեն համաշխարհային մրցույթին, որը տեղի կունենա ԱՄՆ-ում: Հայաստանի մասնակիցները կմրցեն այլ երկրների թիմերի հետ՝ մինչև 20 000 ԱՄՆ դոլարի դրամաշնորհ ստանալու և գաղափարների ինկուբատոր ծրագրին մասնակցելու հնարավորության համար։

Տպել
315 դիտում

Հայաստանի հավաքականի հարձակվող Արթուր Միրանյանը հեռացել է Փյունիկից

Շների հարձակման ենթարկված 2,5 տարեկան երեխայի վիճակը ծանր է. երկրորդ անգամ են վիրահատել

Սևան քաղաքի բոլոր մուտքերն ու ելքերը փակ են. ոստիկանության արտակարգ ծառայությունը Սևանում (տեսանյութ)

Վանաձորի Շիրակացի փողոցի հանրակացարանի տանիքի պոկված ճաղավանդակները հեռացվել են

ԱՄԷ-ում գտնվող ՀՀ քաղաքացիները կարող են Հայաստան վերադառնալ Դուբայ-Թբիլիսի չվերթով

Կիևում լույս է տեսել նոր հայագիտական ժողովածու, որն ընդգրկել է 30 ուկրաինացի գիտնականների աշխատություններ

23–ամյա վարորդն Աբովյանում Opel-ով վրաերթի է ենթարկել 48-ամյա հետիոտնին. նրան հոսպիտալացրել են

ՔՏՀԱ տեսչական մարմինը արտակարգ ռեժիմով վերահսկում է հանրային տրանսպորտի գործունեությունը

Վեդի քաղաքում այրվել է մոտ 30 հակ կուտակած անասնակեր

ՍԱՏՄ-ը շարունակում է մշտադիտարկումները հանրային սննդի օբյեկտներում. կասեցվել է մի շարք տնտեսվարողների աշխատանքը

Հայաստանում սպասվում է առանց տեղումների եղանակ, ջերմաստիճանը կբարձրանա 2-4 աստիճանով

Կորոնավիրուսի հետեւանքով մահացել է Սարհատ Պետրոսյանի մայրը՝ Ռուբինա Ղազարյանցը

KFS, «Փարվանա» ռեստորան, «Թումանյանի շաուրմա». կասեցվել է մի շարք տնտեսվարողների գործունեությունը (տեսանյութ)

Սիլիկյան թաղամասի 5-րդ փողոցում ճանապարհահատվածը փլուզվել է, դարձել մասամբ երթեւեկելի

Քննադատելու բարոյական իրավունքը

Արայիկ Հարությունյանը՝ Լանզարոտեի կոնվենցիայի շուրջ կեղծ պնդումների մասին (տեսանյութ)

Հոգեկան առողջության պահպանման ազգային կենտրոնում կորոնովիրուսի 8 դեպք կա. 1-ը՝ կենտրոնի հիվանդներից

«Մեյմանդար» շուկայի գյուղմթերք վաճառողները չեն կրել դիմակներ. խախտումները կներկայացվեն պարետատուն

Ուժեղացված ստուգայցեր մայրաքաղաքի Կենտրոն, Էրեբունի և Նորք-Մարաշ վարչական շրջաններում

Այսօր կիրականացվեն Մինսկ-Երևան-Մինսկ եւ Մոսկվա-Երևան չվերթները. քաղավիացիա