Իրանի հետ մեր հարաբերությունները բնականոն զարգանում են․ վարչապետ

Իրանի հետ մեր հարաբերությունները բնականոն զարգանում են։ Այս մասին այսօր առցանց ասուլիսի ժամանակ ասաց ՀՀ վարչապետ Նիկոլ Փաշինյանը՝ անդրադառլով հարցին, թե ի՞նչ վիճակում են հայ-իրանական հարաբերությունները. քանի որ վերլուծական շրջանակները մտահոգություն են հայտնում հայ-իրանական հարաբերությունների ներկայիս մակարդակի շուրջ՝ մասնավորապես գեներալ Սուլեյմանիի սպանության հետ կապված կառավարությունը 2 երկրների հարաբերություններին անհամարժեք արձագանք դրսեւորեց։ Իսկ զորավարժություններին վերջերս 19 մարդ զոհվելու կապակցությամբ Հայաստանը ցավակություն չհայտնեց։

Ի պատասխան վարչապետն ասաց. «Ձեր նշած ժամանակահատվածում ՀՀ արտաքին գործերի նախարարը մի քանի հեռախոսազրույց է ունեցել իր գործընկերոջ հետ։ Ես հեռախոսազրույց եմ ունեցել Իրանի Իսլամական Հանրապետության նախագահի հետ։ Մենք պայմանավորվել ենք մեր շփումները պետք է շարունակենք, որպեսզի կորոնավիրուսի բերած իրավիճակները հնարավորինս շուտ հաղթահարենք։ Կառավարության տարբեր ներկայացուցիչներ կապի մեջ են իրենց գործընկերների հետ՝ այդ թվում առողջապահության ոլորտը։ Պարետն է այս ընթացքում միշտ կապի մեջ եղել Իրանի գործընկերների հետ եւ մեր հարաբերությունները բնականոն զարգանում են»։ 

Լրատվամիջոցը իր մեկ այլ հարցում՝ մեջբերեց վարչապետի այն հայտարարությունը, թե Հայաստանում 0-ից արտաքին քաղաքականություն է ստեղծվում։ Լրատվամիջոցը հետաքրքրվեց, թե արդյո՞ք արտաքին քաղաքական ձեռքբերումներ չեն ՀՀ-ԵՄ համաձայնագրի ստորագրումը, ՀՀ-ի անդամակցությունը ԵԱՏՄ-ին, 10-նյակ երկրների կողմից Հայոց ցեղասպանության ճանաչումը, Մինսկի խմբի համանախագահների կողմից Արցախի ինքնորոշման իրավունքի ամրագրումը։ Լրատվամիջոցը նաեւ հարցրել է, թե արդյո՞ք չի կարծում վարչապետը, որ նախկին բոլոր ձեռքբերումները զրոյացնելը սխալ է՝ հատկապես, որ ինքը որեւէ շոշափելի արտաքին քաղաքական ձեռքբերումներ չունի։ Միեւնույն ժամանակ լրատվամիջոցը հետաքրքրվել է, եթե կան այդպիսի ձեռքբերումներ, ապա որոնք են ամենակարեւոր 3-ը։

Ի պատասխան վարչապետն ասաց. «Ամենակարեւոր ձեռքբերումները՝ ՀՀ-ն ճնշող մեծամասնությամբ ընտրվեց ՄԱԿ-ի մարդու իրավունքների խորհրդի անդամ։ Այս մարմնի կարեւորությունն ընդգծելու համար ասեմ, որ այս մարմինը համարվում է մարդու իրավունքների անվտանգության խորհուրդը։ Այսինքն՝ մարդու իրավունքների ոլորտում ամենաբարձր միջազգային ատյանը։ Հաջորդը՝ կարող եմ ասել, որ նույն ԵՄ-ն ՀՀ-ին տրամադրվող աջակցության ծավալներն է մեծացրել։ Չինաստանի հետ ստորագրել ենք վիզաների ազատականացման վերաբերյալ համաձայնագիր։

Նիկոլ Փաշինյանը նշեց, որ հեղափոխությունից հետո՝ 4 եվրոպական երկրներ Հայաստանում դեսպանատուն բացելու որոշում են կայացրել։

«Այն ցուցանիշները Հայաստանի միջազգային հեղինակության, որոնց մասին ես հիշատակում էի՝ շատ կարեւոր արտաքին քաղաքական գործոն են Հայաստանի համար։ Եթե վերցնենք ցեղասպանության ճանաչումը՝ հեղափոխությունից հետո օրինակ՝ ԱՄՆ-ի Սենատը եւ Կոնգրեսը ճանաչել են Հայոց ցեղասպանությունը, Իտալիայի խորհրդարանն է ճանաչել Հայոց ցեղասպանությունը։ Պարզ է, որ այստեղ կան որոշակի աշխարհաքաղաքական կոնտեքստներ, բայց դրանք միշտ էլ եղել են։ Եւ երբ որ ես խոսում եմ 0-ից արտաքին քաղաքականությոնւ ստեղծելու մասին, ես չեմ ասում, որ Հայաստանը նախկինում արտաքին քաղաքական ձեռքբերում չի ունեցել։ Ես խոսում եմ նրա մասին, որ մենք պետք է փոխենք ընդհանրապես մեր ընկալումը, որպես միջազգային սուբյեկտ եւ պետք է փոխենք ուրիշների ընկալումը մեր նկատմամբ, որպես միջազգային սուբյեկտ։ Ես ուզում եմ ասել, որ այս 2 տարվա ընթացքում այս առումով մեր ավանդույթը, մեր կեցվածքի ավանդույթը՝ ինձ ընդհանրապես դուր չի գալիս։ Եվ այո, այդ առումով պետք է զրոյացնել ամեն ինչը եւ ամեն ինչ ստեղծել զրոյից։ Եվ ես սրա մասին ԱԺ ամբիոնից տվել եմ պարզաբանումներ»,- ասաց վարչապետը։

Նա կարծիք հայտնեց, որ Հայաստանի նշաձողը պետք է փոխել. «Պետք է փոխենք ուրիշների վերաբերմունքը Հայաստանի նկատմամբ եւ պետք է փոխենք մեր վերաբերմունքը՝ Հայաստանի, որպես միջազգային իրավունքի սուբյեկտի նկատմամբ։ Իհարկե, դա շատ մեծ եւ ծավալուն, ծանր աշխատանք է, բայց պարտավոր ենք անել՝ հակառակ դեպքում մենք մեր ռազմավարական նպատակներին չենք կարող հասնել»։

Տպել
388 դիտում

Միշիկն ու Ադրբեջանն ընդդեմ ԱԹՍ խոցող «ջարդոնի». Դավիթ Գալստյանը զենքի վաճառքով զբաղվում է, իսկ Կառավարությունը կապ չունի

Պարետի որոշմամբ արգելվել է համար 24 եւ 122 մանկապերտեզների գործունությունը

Սա «սեւ թուղթ» է Հայաստանի ամբողջ ավիացիայի համար, բայց կարելի է շատ արագ դրությունը փրկել. փորձագետ Նավիկ Խաչատրյան

Լուկաշենկոն Բելառուսի կառավարությունը ցրելու մասին որոշում է կայացրել

Չփորձեք հակադրվել համոզման մեթոդին. հակաօրինական գործողություններին կտրվի կոշտ հակազդեցություն. ՀՀ ոստիկանապետ

Արցախում ճանապարհատրանսպորտային պատահարի հետեւանքով մահացած զինծառայողի եւ 6 վիրավորների դեպքով քրեական գործ է հարուցվել

Չինաստանին ուղղված նոր հարցերի, Շվեդիայի սխալների և իրական սոցիալական հեռավորության մասին. COVID-19

Փրկարար ծառայությունում տեսակապով անցկացվել է հերթական օպերատիվ խորհրդակցությունը

Աշոտ Մելոյանը դատի է տվել Երեւանի ավագանու «Լույս» խմբակցության ղեկավար Դավիթ Խաժակյանին

Մեզ հաջողվեց մինի հեղափոխություն իրականացնել. սկսում ենք հանրային վերահսկողության թիմի ձևավորումը. վարչապետ

Չորրորդ զորամիավորումում անցկացվել են կրակային վարժանքներ

Կորոնավիրուսի դեմ պայքարում հաջողության բանաձեւ՝ «Իմ քայլը» խմբակցությունից, եւ ամեն դեպքում, Նոբելյան մրցանակ ԲՀԿ-ին

Արարատյան մաքսատան բանկերի սպասարկման տարածքները նույնպես կանցնեն ՊԵԿ-ի հսկողություն տակ (լուսանկարներ)

ՀՀ տարածքում ավտոճանապարհներն անցանելի են. Վրաստան մուտքն արգելող որոշումը շարունակում է ուժի մեջ մնալ

Եկեք ընդունենք, որ բոլորս սխալվել ենք. այս զրոյական կետը ֆիքսենք և միասին իրավիճակը վերցնենք հսկողության տակ. վարչապետ

Արարատ Միրզոյանը ցավակցել է ՀՀ ԱԺ նախկին նախագահ Արմեն Խաչատրյանի մահվան կապակցությամբ

Վարչապետի և նրա ընտանիքի անդամների ինքնազգացողությունը լավ է. Մանե Գեւորգյան

Քաղաքացիներին ուղղված մեղադրանք չկա, սխալ կարծիք է, կա իրավիճակի գնահատում. վարչապետ

Հայրիկներ ջան, ի՞նչ եք անում. վարչապետը լուսանկար է հրապարակել

Երևանի վեց դպրոցների տնօրեններին հայտարարվել է նկատողություն