Թունյանը բացատրեց, թե ինչպես է վարչապետն իմացել ավանդ ունեցող տնտեսվարողների թիվը․ բանկային գաղտնիքը պահպանվել է

Երբ վարչապետը հայտարարեց, որ կառավարության հակաճգնաժամային 9-րդ ծրագրով աջակցություն են ստացել մարդիկ, որոնք իրենց բանկային հաշիվների վրա ունեին 20 միլիոնից ավելի ավանդ, դա հիմք տվեց՝ ենթադրելու, որ խախտվել է բանկային գաղտնիքը, եւ դրա հիման վրա սկսեցին արվել որոշ հայտարարություններ, որ Հայաստանում բանկային գաղտնիքը պաշտպանված չէ, մեր բանկային համակարգին վստահել չի կարելի եւ այլն։

Այս մասին այսօր ԱԺ-ում ասուլիսի ժամանակ ասաց «Իմ քայլը» խմբակցության պատգամավոր, Տնտեսական հարցերի մշտական հանձնաժողովի նախագահ Բաբկեն Թունյանը։ Նրա խոսքով՝ շատ դեպքերում մարդիկ իրոք կարող էին նման կարծիք ունենալ, որովհետեւ մանրամասն չեն տիրապետում ամբողջ ընթացակարգերին։ Որոշ դեպքերում այդ ամենն արվում էր ակնհայտ միտումնավոր, որ մարդկանց մոտ տպավորություն ստեղծվի, թե իշխանությունը զբաղված է օրենք խախտելով, եւ սա նույնպես նրա կարծիքով։ Քանի որ շատերին է հետաքրքիր՝ ինչպես վարչապետն իմացավ, թե շահառուներից քանիսն ունեն 20 միլիոնից ավելի ավանդ, Թունյանը մանրամասնեց։ Նա ասաց, որ յուրաքանչյուր անձի ունեցած ավանդի մեծությունը, նրա հաշիվների շարժը, վերցրած վարկերի ծավալը իրոք բանկային գաղտնիք են, եւ որեւէ այլ անձ չի կարող ունենալ այդ տվյալները։ Միեւնույն ժամանակ, ամփոփ տվյալներ պետական եւ ոչ պետական մարմինները կարող են հարցում անել եւ ստանալ։ Տվյալ պարագայում բանկային համակարգը կարող է ամփոփ տեղեկանք պատրաստել եւ ներկայացնել, որ իրենց բանկի միջոցով աջակցություն է ստացել 30 հազար շահառու։ Նա կարող է նաեւ ասել, թե այդ 30 հազարի մեջ քանի հոգին են, որ ունեն 10 միլիոն դրամից ավելի ավանդ կամ 20 միլիոնից ավելի ե՛ւ ավանդ, ե՛ւ այդպես շարունակ։ Սա, իհարկե, արվում է առանց ավանդատուներին իդենտիֆիկացնելու, առանց առանձին մարդկանց հաշիվների մասին տեղեկացնելու։ Թունյանը հավելեց նաեւ, որ նայում էր որոշ մեկնաբանություններ, թե վարկառուների եւ ավանդատուների թվի ու ծավալների վերաբերյալ տեղեկատվությունը բանկային գաղտնիք է։ Պատգամավորի խոսքով՝ նմանատիպ հայտարարություն անում են մարդիկ, որոնք երկար տարիներ զբաղեցրել են պատասխանատու պետական պաշտոններ։

Այդ տվյալների տրամադրումը անհրաժեշտ ինֆորմացիա է, եւ, ինչպես ասաց Թունյանը, այն հնարավորություն է տալիս պետությանը մշակել ճիշտ քաղաքականություն եւ որոշումներ։ Նա ասաց, որ եթե այս բացատրությունից հետո ինչ-որ մեկն իրեն ապացուցի, որ սխալ է ու հնարավոր չէր այդ տարբերակով տիրապետել համապատասխան ինֆորմացիային, ինքը կընդունի, որ սխալ է։ «Բայց եթե մարդը, այս ամենին տիրապետելով, անում է հայտարարություններ՝ հետապնդելով կոնկրետ շահեր, խոսքս վերաբերում էր հենց նրանց, ոչ թե՝ քաղաքացիներին»,- ասաց պատգամավորն ու հավելեց, որ գուցե իր քաղաքական փորձառությունը բավարար չէր՝ խոսքը ձեւակերպելու այնպես, որ շահարկումների տեղիք չտար։

Խոսքի վերջում Թունյանը հույս հայտնեց, որ բանկային գաղտնիքի վերաբերյալ հարցեր այլեւս չեն մնա եւ հայտարարեց, որ այսուհետ իր ժամանակը չի ծախսի այնպիսի թեմաների վրա, որոնք ոչ մի կառուցողական արդյունքի չեն տանում։

Տպել
499 դիտում

Ինչպիսին է դիմակի կրման ազդեցությունը կորոնավիրուսի վարակի տարածման վրա. վարչապետը նկար է հրապարակել

Պարետի նոր որոշմամբ այսուհետ պարտադիր է կանգառներում, մեքենաներում դիմակ կրելը

Գյումրիի քաղաքային ավտոկայանի մոտակայքում հրդեհվել է խանութի տանիքը

Հրազդանում ուժեղ քամուց պոկվել է տան մոտ 200 քմ մակերեոսվ տանիքը և ընկել ճանապարհին՝ դարձելով այն երկկողմանի փակ

Այսօր արդեն Արցախում կկատարվեն կադրային առաջին նշանակումները. Արայիկ Հարությունյան (տեսանյութ)

Խոշոր վթար Վանաձոր-Դիլիջան ճանապարհին. «Mercedes»-ի վարորդն արգելափակվել է մեքենայում

Գյումրիում հստակեցնում են շենքերի կրած վնասները. նախնական տվյալով 48 շենք է վնասել, ևս 53-ի մասին ահազանգեր կան

Դեղձուտի մոդուլային դպրոցի կառուցման համար մրցույթ է հայտարարվել

ԱԱՏՄ արձանագրած խախտումների հիմքով՝ կասեցվել է շուրջ 650 տնտեսվարողի գործունեություն

Դմիտրի Պեսկովը կորոնավիրուսից բուժվել եւ դուրս է գրվել հիվանդանոցից

Սյունիքից հակահեղափոխություն չի սկսվելու. իրավապահ համակարգը տիրապետում է իրավիճակին եւ կոշտ է արձագանքելու. պատգամավոր

Խոշոր ավտովթար Լոռիում. Բախվել են Mersedes-ն ու բեռնատարը. Mersedes-ի վարորդին դուրս են բերել փրկարարները(լուսանկարներ)

Կորոնավիրուսից ավելի հաճախ տղամարդիկ են մահանում. 70-ից բարձր անձինք քիչ են վարակվում, բայց մեծ մասամբ մահացու ելքով

ԳՇ զորքերի ծառայության վարչության աշխատանքային խումբը հանկարծակի ստուգումներ է իրականացրել մի շարք զորամասերում

Գյումրու ինֆեկցիոն հիվանդանոցում կորոնավիրուսով 47 հիվանդ է բուժվում. տնային ինքնամեկուսացման ցուցում ունի 304 քաղաքացի

ԱԱԾ տնօրեն Էդուարդ Մարտիրոսյանն այցելել է պետական սահմանը վերահսկող ուղեկալներ

Արտակարգ դրությամբ պայմանավորված, Լարսը բաց է միայն բեռնատարների համար

Կորոնավիրուսի հետ զուգահեռ ապրելու համար առաջնահերթ պետք է դրսևորել անհատական բարձր պատասխանատվություն. վարչապետ

Ոչ հերքում եմ, ոչ չեմ հերքում, չեմ մեկնաբանում. Արթուր Վանեցյանը հրավիրվել է ՀՔԾ

Ռուբեն Հայրապետյանի որդին չի կալանավորվի. դատարանը մերժել է միջնորդությունը