«Եթե պարզվի, որ ունենք բժշկական բուժման անհրաժեշտություն ունեցող 1500-ից ավելի հիվանդ, կվերադառնանք սահմանափակումների»

Երեկ մենք կրկին արձանագրել ենք կորոնավիրուսի 100-ից ավելի դեպք՝ 142 դեպք եւ վերջին շրջանում ունենք ամենօրյա 100-ը գերազանցող դեպք։ Այս մասին այսօր ՀՀ Կառավարության հերթական նիստում ասաց վարչապետ Նիկոլ Փաշինյանը։

«Այստեղ շատ կարեւոր է հասկանալ, թե ինչու է այս ամեն ինչը տեղի ունենում։ Բացի շոշափելի եւ տեխնիկակազմակերպչական հարցերից, ես արձանագրել եմ մի, այսպես ասած, սոցիալ-հոգեբանական խնդիր։ Բանն այն է, որ ՀՀ քաղաքացիների շրջանում ակտիվորեն տարածվում է, թե կորոնավիրուս հիվանդությունն իրականում բլեֆ է, գոյություն չունի, սարքած գործ է եւ այլն։ Իհարկե, ժպիտներից անդին պետք է հասկանալ, թե ինչն է այսպիսի ընկալման պատճառը։ Պետք է ասել, որ սա ունի կոնկրետ պատճառ, եւ մեր օրինակով ու վիճակագրությամբ դա կարող ենք արձանագրել»,- նշեց Նիկոլ Փաշինյանը։

Վարչապետի խոսքով՝ խնդիրն այն է, որ մեր դրական ախտորոշված քաղաքացիների մոտավորապես 75 տոկոսի մոտ հիվանդությունն անցնում է առանց ախտանիշների:

«Սա նշանակում է, որ մարդը կա՛մ կարճ ինչ-որ շրջան ջերմություն է ունեցել, կա՛մ ինքն էլ չի նկատել, որ ջերմություն է ունեցել։ Նրա մոտ թեստ է արվել, եւ ախտորոշվել է դրական։ Ըստ էության՝ այս պարագայում հիվանդությունը մարդու համար թղթի վրա գրված ախտորոշում է։ Ի՞նչ նկատի ունենք մենք, երբ ասում ենք, որ մենք հիվանդ ենք։ Նկատի ունենք, որ կա՛մ ջերմություն ունենք, կա՛մ ինչ-որ ցավ ունենք եւ այլն, բայց մեր պոզիտիվ ախտորոշված դեպքերի 75 տոկոսը չունի ոչ մի բողոք, այսինքն՝ նրա համար այդ հիվանդությունը ընդամենը թղթի վրա գրված ախտորոշում է»,- ասաց նա։

Վարչապետը նշեց, որ գիտի նույնիսկ դեպքեր, երբ մարդիկ դրական են ախտորոշվել եւ մնալով հիվանդանոցում կամ հյուրանոցում՝ բացասական ախտորոշմամբ դուրս են եկել, բայց մինչեւ օրս չեն հավատում, որ իրենք որեւէ հիվանդությամբ հիվանդացել են. «Մարդուն շատ դժվար է համոզել, որ ինքն իրոք ինչ-որ խնդիր է ունեցել, քանի դեռ այդ ընտանիքի որեւէ անդամ, հիմնականում տարիքով անդամ, չի վարակվել, ու, ասենք, նրա վիճակը չի ծանրացել, ընդհուպ մինչեւ ցավալի մահվան դեպքի չի հասել։ Ընդ որում, ասեմ, որ այս պահին ունենք 49 մահվան արձանագրված դեպք։ Շոշափելի այս հիվանդությունը իրենց վրա զգում են այն քաղաքացիները, ում ընտանիքի անդամները, տարիքով մարդիկ հիվանդանում են, եւ նրանց վիճակը ծանրանում է, ծայրահեղ ծանրանում է կամ, ցավոք, 49 դեպքերում հասնում է մահվան։ Ահա, այսպիսի իրավիճակ ունենք մենք հանրապետությունում»։

Նիկոլ Փաշինյանն ասաց, որ առաջին դեպքն էլ է այդպես եղել։ Պացիենտը 14 օր մնացել է «Նորք»-ի հիվանդանոցում եւ ոչ մի ախտանշան չի ունեցել. «Ու, ահա, մենք պետք է հասկանանք, որ այդպիսի իրավիճակում ենք գտնվում։ Մենք նաեւ այսօր մեր հետագա անելիքների հետ կապված որոշում պիտի կայացնենք, արտակարգ դրության ժամկետը երկարաձգելու որոշում պիտի կայացնենք»։

Վարչապետն ընդգծեց՝ իրենց ռազմավարությունն ընդհանուր առմամբ հետեւյալն է, որ պետք է գնան ոչ թե սահմանափակումներ կիրառելու ճանապարհով, այլ արտակարգ դրության պայմաններում մարդկանց պետք է փորձեն համոզել պահել անվտանգության որոշ կանոններ։

«Մեր ռազմավարությունը հետեւյալն է, որ մենք կրկին հետ չգնանք փակման ռեժիմների, ու, բնականաբար, այստեղ մեզ մոտ հարց է առաջանում. եթե հիմա այսպիսի ռազմավարություն ենք որդեգրում, ինչո՞ւ նախկինում կայացվեց փակվելու եւ սահմանափակումներ մտցնելու մասին որոշում։ Սրա համար կա մի քանի կոնկրետ պատճառ. նախ մեր հիվանդոցային կարողությունները ընդլայնելու անհրաժեշտություն կար, եւ մենք ինֆեկցիոն ոլորտում այդ սահմանափակումների շրջանում 300 տեղերը 5-ապատկել ենք՝ դարձնելով 1500 տեղ, եւ հիմա էլ այդ պրոցեսը շարունակվում է։ Բացի այս, մենք մարտին ունեինք հաշվարկ, որ եթե հանկարծ մեզ մոտ իրադարձությունը զարգանա, օրինակ, իտալական սցենարով, 1 ամսվա ընթացքում մենք կորոնավիրուսից կունենանք 10 հազար մահ, այսինքն՝ մենք չգիտեինք, համոզված չէինք, որ հենց այդ սցենարով կընթանա, եւ, եթե անկեղծ ասեմ, հիմա էլ համոզված չենք՝ այդ սցենարով կընթանա, թե չէ»,- ասաց նա։

Վարչապետն արձանագրեց, որ ինչքան էլ իրենց ռազմավարությունը լինի հետագայում սահմանափակումների ռեժիմին չվերադառնալը, այնուամենայնիվ, ստիպված կլինեն գնալ այդպիսի որոշման մի պարագայում։

«Կա մի պարագա, որի պայմաններում դա տեղի կունենա. եթե մենք ախտանիշներ ունեցող հիվանդներին բուժօգնություն ցուցաբերելու մեր կարողությունները սպառենք։ Մեր 2217 հիվանդներից միայն մոտավորապես 600-ն են, որոնք որեւէ բուժօգնության անհրաժեշտություն ունեն։ Եթե պարզվի, որ մենք ունենք ավելի քան 1500 հիվանդ, որոնք անհրաժեշտություն ունեն բժշկական բուժման, մենք ուղղակի ուրիշ տարբերակ չենք ունենա, քան վերադառնալ սահմանափակումների ռեժիմին։ Նախկին սահմանափակումների հետ կապված շատ կոնկրետ պատճառ կար. խոսքը թոքային օդափոխման սարքերի առկայության մասին է»,- նշեց Նիկոլ Փաշինյանը։

Նրա խոսքով՝ երբ ճգնաժամը ծավալվում էր ամբողջ աշխարհում, թիվ մեկ թեման այդ սարքերի առկայությանն էր վերաբերում. «Այդ սահմանափակման շրջանում մենք ապահովեցինք թոքաօդափոխության 100 սարքերի առկայություն, եւս 70-ը այս պահին գտնվում է գնման ընթացքում, եւս 100 հատ ավելի թեթեւ տեսակի թոքային օդափոխության սարք ձեռք բերեցինք, բայց փաստը մնում է փաստ, որ այս պահին մենք թոքային օդափոխության սարքին միացված ընդամենը 6 պացիենտ ունենք։ Այս ընթացքում այդ թիվը նույնիսկ 10-ի չի հասել, բայց մյուս կողմից ե՛ւ մեր հանրության, ե՛ւ Առողջապահության համաշխարհային կազմակերպության տեսակետից ամենակարեւոր գործողություններից մեկը հենց այդ սարքերն ունենալն էր։ Բայց նաեւ ուզում եմ ընդգծել, որ մեր մասնագետները պրակտիկայում՝ արդեն մեր պացիենտների հետ շփվելու ընթացքում, իրենք գնահատեցին, թե որ պարագաներում է պետք միացնել թոքային օդափոխության սարքերը։ Ըստ էության՝ ոչ միայն ծայրահեղ ծանր, այլեւ հուսահատության եզրին գտնվող հիվանդների պարագայում են դա օգտագործում»,- ասաց վարչապետը։

Տպել
967 դիտում

Սասուն Միքայելյանի թասիբը ես կպահեմ ձեր փոխարեն. Անի Խաչատրյանը դեմ է ԵԿՄ-ին տարածք տրամադրելու հարցն օրակարգից հանելուն

«Օրենքով գող» Արսեն երեւանսկին, քրեական հեղինակություն «Բասար»-ը եւ եւս 4 անձ կալանավորվել են

«Փաստահավաք հանձնաժողովի մասին» օրենսդրական փաթեթը ներկայացվել է հանրային քննարկման

Հայաստանի բանկերի միությունն ամփոփել է առաջին եռամսյակի ցուցանիշները. ակտիվներն ավելացել են շուրջ 102 մլրդ դրամով

Առաջին անգամ Հայաստանում անկանխիկ գործարքների քանակը գերազանցել է կանխիկով գործարքներին․ Սարգսյան

Ենթադրում եմ, որ գնահատականը բավարարել է «Լուսավոր Հայաստան»-ին․ Միրզոյանը ողջունեց ԼՀԿ-ի վերադարձը խորհրդարան

Պայթեցման աշխատանքներ իրականացնելու նպատակով Մ6 ճանապարհի՝ Նեղոցի ենթակայանից մինչև Հաղպատի խաչմերուկ փակ է լինելու

Երևանի «Սուրբ Աստվածամայր» ԲԿ-ի վերակենդանացման բաժանմունքում 5-ամյա երեխա է մահացել

7-ամյա տղային, որպես պատիժ, քնեցրել են բետոնե հատակին. երեխան տեղափոխվել է «Զատիկ» կենտրոն

Աբովյան քաղաքի 68-ամյա բնակիչը ձերբակալվել է՝ 40-ամյա տղամարդու սպանության կասկածանքով

Էդմոն Մարուքյանը համաճարակից հետո հիշվելու է որպես դիմակ չկրելու համար պայքարող անձ․ Ռուբեն Ռուբինյան

Ավագանու անդամները մեկ րոպե լռությամբ հարգեցին դժբախտ պատահարի զոհ դարձած իրենց աշխատակցի հիշատակը

Վաղը գազամատակարարման պլանային ընդհատումներ կլինեն Վանաձորում, Արարատի, Կոտայքի և Արագածոտնի մարզերում

Արցախում կստեղծվի տարածքային կառավարման նախարարություն ու ՊՎԾ. Արայիկ Հարությունյան

Գեւորգ Պետրոսյանին նկատողություն տրվեց՝ ԱԺ դահլիճում դիմակ չկրելու համար

Հաստատվել է կորոնավիրուսային հիվանդության 289 նոր դեպք, արձանագրվել է 4 մահ

Այն պատգամավորները, որոնք դիմակ չեն կրի, դուրս են հրավիրվելու դահլիճից 1 կամ 7 օրով․ Արարատ Միրզոյան

COVID-19-ի Հայաստանի օգնության փաթեթը կազմում է երկրի ՀՆԱ-ի 2 տոկոսը. Արժույթի միջազգային հիմնադրամ

Կորոնավիրուսով վարակված 48 մարդ ծայրահեղ ծանր վիճակում է. 16-ը՝ միացված են շնչառական ապարատին. նախարար

Ինչպիսին է դիմակի կրման ազդեցությունը կորոնավիրուսի վարակի տարածման վրա. վարչապետը նկար է հրապարակել