Վլադիմիր Վարդանյանի կարծիքով՝ ՄԻՊ ինստիտուտը սկսել է ազատ գործել հեղափոխությունից հետո

Հայաստանում Մարդու իրավուքների պաշտպանի ինստիտուտի ներդրումը հեշտ չի անցել։ Որեւէ ավտորիտար երկրում ՄԻՊ-ի ինստիտուտ ստեղծելը շատ բարդ գործընթաց է։ Այս համոզմանն է «Իմ քայլը» խմբակցության պատգամավոր Վլադիմիր Վարդանյանը։ Այսօր ԱԺ-ում ՄԻՊ-ի 2019 թվականի զեկույցի քննարկման ժամանակ պատգամավորը հայտարարեց, որ ՄԻՊ-ի ինստիտուտը վերջնականապես իր թեւերն է բացել եւ սկսել է ազատ գործել միայն թավշյա հեղափոխությունից հետո։

Նրա համոզմամբ՝ ՄԻՊ-ը պետք է պաշտպանի բոլորին, առանց խտրականության, պաշտպանի բոլոր նրանց, ովքեր ունեն պաշտպանության կարիք, բայց եւ այն լիազորությունների շրջանակում, որը վերջինիս վերապահել է Սահմանադրությունը։

Վարդանյանը խոստովանեց, որ չի կարող չանդրադառնալ այն իրավիճակներին, որոնց բախվում են Եվրոպական տարբեր երկրներում։ «Մեր ձախ եւ աջ կողմերում գտնվող հարեւանների պարագայում, եթե ուսումնասիրեք օմբուդսմենների պրակտիկան, ապա օմբուդսմենը ո՛չ ավելի, ո՛չ պակաս դիտվում է որպես գործող իշխանության ներկայացուցիչ եւ սատար»,- ասաց պատգամավորն ու մանրամասնեց, որ խոսքը Թուրքիայի եւ Ադրբեջանի մասին է։

Նրա խոսքով՝ երբ տարբեր տեղերից աղաղակում են, որ Ադրբեջանում քաղբանտարկյալների թիվը հասել է մի քանի հազարի, ադրբեջանական օմբուդսմենը լռում է եւ ասում՝ մեր մոտ մարդու իրավունքների խնդիր չկա։ Դիմելով գործընկերներին՝ Վարդանյանն ասաց, որ աննորմալ է, երբ Մարդու իրավունքների պաշտպանը գալիս է համապատասխան երկրի խորհրդարան եւ ասում, որ այդ երկրում մարդու իրավունքների պաշտպանության հարցում որեւէ խնդիր չկա։ Նա հավատացրեց, որ դա համար մեկ խնդիրն է եւ վկայում է այն մասին, որ այդ երկիրն ունի լրջագույն խնդիրներ։ «Ես ուրախ եւ հպարտ եմ, որ այստեղ՝ այս ամբիոնից ՄԻՊ-ը խոսում է ՀՀ-ում առկա խնդիրների մասին»,- հայտարարեց պատգամավորը եւ հավելեց, որ պարզապես աննորմալ կլինի, երբ ՄԻՊ-ի ելույթն ԱԺ-ում արժանանա ծափողջույնների։

Վարդանյանը վերահաստատեց, որ հեղափոխության թեժ օրերին ՄԻՊ Արման Թաթոյանը շատ ակտիվ աշխատում էր եւ հանդիպում էր այդ ժամանակվա դեռ ընդդիմությանը եւ այն անձանց, որոնք ապօրինաբար զրկվեցին ազատությունից։

Նա հայտարարեց, որ հայ ազգը եվրոպացիներից շատ ավելի շուտ է որդեգրել քրիստոնեական այն արժեքները, որը հիմա անվանում են համաեվրոպական։ «Հիմա ինչ-որ Լանցառոտի կոնվենցիայով մենք մնացել ենք վերջին տեղում։ Գրեթե բոլոր եվրոպական պետությունները, նույնիսկ՝ Ադրբեջանը, վավերացրել են այդ փաստաթուղթը, իսկ մենք ասում ենք՝ չենք կարդացել, բայց դեմ ենք։ Ինչպե՞ս կարելի է կառուցել ժողովրդավարական հասարակություն, եթե մենք չենք կարողանում ընդունել այն պրիմիտիվ ճշմարտությունը, որ մարդ պետք է նախ եւ առաջ հասկանա՝ ինչի մասին է խոսքը, նոր քննադատի»,- ցավով նշեց Վարդանյանն ու հավելեց, որ որոշներն այս ամենը փարձում են փաթեթավորել քրիստոնեական արժեքները պաշտպանելու մեջ։

Եթե մենք պաշտպանում ենք քրիստոնեական արժեքներ, ապա պետք է հավատարիմ մնանք աստվածաշնչյան արժեքներին, այդ թվում՝ երեխաների նկատմամբ վերաբերմունքին եւ պաշտպանությանը, որը, պատգամավորի կարծիքով, դարեր շարունակ եղել է հայ ազգի կենցաղի, մշակույթի մասը։ Նրա կարծիքով նաեւ՝ սա չիմացության, այլ ոչ թե դիտավորության արդյունք է։

Անդրադառնալով ՄԻՊ-ի եւ ԱԺ-ի՝ վերջին տարիների համագործակցությանը՝ Վարդանյանը նախ եւ առաջ ամբողջ խորհրդարանի անունից շնորհակալություն հայտնեց Թաթոյանին։ Նա մեջբերեց օրենսդրական այն նախաձեռնությունները, որոնք համատեղ են իրականացրել, եւ որոնց միջոցով հնարավոր է դարձել մարդու իրավունքների պաշտպանության մակարդակը բարձրացնել։ «Մենք պատրաստ ենք գնալ առաջ, որովհետեւ, ինչպես ասել եմ բազմիցս, ՀՀ-ն ժողովրդավարական երկիր է, ժողովրդավարությունը Հայաստանում այլընտրանք չունի»,- եզրափակեց Վարդանյանը։

Տպել
483 դիտում

ՍԱՏՄ-ն գյուղատնտեսական մի քանի շուկաներում խախտումներ է արձանագրել. տվյալները կներկայացվեն պարետատուն

Տեսչական մարմնի աշխատակիցները կրկնակի այց և մշտադիտարկում են իրականացրել Երևան երկաթուղային կայարանում

Ոստիկանությունն արգելափակել է Ղալթաղչիի Սուրբ Հովհաննես մատուռ տանող ճանապարհները

Վրաստանը մեզ համար եղբայրական երկիր է, և շատ ջերմացնում է մեզ նման պատրաստակամությունը. վարչապետ

Ռեվանշիստները հիմա էլ ուրի՞շ «պլացդարմ» են փնտրում

Նախատեսված է 100.000 հայկական թեստի արտադրություն. ՄԿԻ-ն ավարտել է լաբորատոր փորձարկումները

358 պացիենտ գտնվում է ծանր, 58-ը՝ ծայրահեղ ծանր վիճակում. Նիկոլ Փաշինյան (տեսանյութ)

Առաջին դասարանցիների առցանց գրանցումը կսկսվի հունիսի 1-ից

Ունենք քաղաքական կամք՝ ֆիզիկական անձանց եկամուտների համատարած հայտարարագրում ներդնելու համար. վարչապետ

Ոստիկանները պարզել են Իջևանում կրակոցներ արձակած անձի ինքնությունը. ոստիկանություն է ներկայացել 42-ամյա տղամարդ

Արմավիրի նախկին քաղաքապետն ապօրինաբար 75 տարով տարածք է հատկացրել ՀՀ ֆուտբոլի ֆեդերացիայի նախկին նախագահին (տեսանյութ)

Պարետի որոշմամբ 24 ժամով արգելվել է 24, և 48 ժամով՝ 2 տնտեսվարողի պատկանող մասնաճյուղերի գործունեությունը

Արցախի նախագահը 2020 թվականի ամառային զորակոչ անցկացնելու եւ զորացրում կատարելու մասին հրամանագիր է ստորագրել

ՊԲ-ում այսօր սանիտարական օր է. ախտահանվել են զորանոցները, բուժկետերը, կենցաղային նշանակության շինությունները(տեսանյութ)

Դելի-Երևան հատուկ չվերթով Հայաստան է ժամանել ՀՀ 23 քաղաքացի, Հնդկաստան է վերադարձել 130 հնդիկ ուսանող

Համավարակը սահման և ազգություն չի ճանաչում. այն ազդեցություն է թողել յուրաքանչյուրիս վրա. Մհեր Գրիգորյանն ուղերձ է հղել

Հասարակության «լրջության կորագիծը»

Մոսկվա-Երևան չարտերային հերթական թռիչքը կկայան վաղը՝ մայիսի 31-ին՝ «Դոմոդեդովո» օդանավակայանից

Սեպտեմբերին մենք կարող ենք դասերը լիարժեք սկսել, սակայն պետք է խստագույնս հետևենք ցուցումներին. ԿԳՄՍ նախարար (տեսանյութ)

Շիրակի մարզում ինքնամեկուսացված 312 քաղաքացուց 24-ն ունի դրական ախտորոշում՝ հիվանդության անախտանիշ ընթացքով