Մեկ խնդիր եմ տեսնում ձեր աշխատանքում. միշտ խոսել եք հետեւանքի մասին, մինչդեռ շատ կարեւոր է նաեւ պատճառը. Գ. Աբրահամյան

Վերջին մեկ տարվա ընթացքում միշտ խոսել եք հետեւանքի մասին, մինչդեռ շատ կարեւոր է նաեւ պատճառը. դիմելով ԱԺ-ում իր զեկույցը ներկայացնող Մարդու իրավունքների պաշտպան Արման Թաթոյանին՝ այս մասին ասաց «Իմ քայլը» խմբակցության պատգամավոր Գայանե Աբրահամյանը:

Ընդգծելով, որ ՄԻՊ-ը վերջին տարիների ընթացքում հսկայական աշխատանք է իրականացրել՝ Աբրահամյանը նշեց, որ օմբուդսմենի ինստիտուտի նկատմամբ վստահության բարձրացման ցուցանիշը նաեւ ինչ-որ տեղ պայմանավորված է հեղափոխությունից հետո պետական մարմինների նկատմամբ վստահության բարձրացմամբ:

Ինչ վերաբերում է քաղաքացիների՝ բողոքների թվի աճին, ինչի մասին խոսվում էր զեկույցում, Աբրահամյանը ցանկացավ ընդգծել, որ դա որեւէ կերպ չի նշանակում, թե մեր երկրում աճել են մարդու իրավունքների խախտումները, այլ հենց նաեւ պայմանավորված է պետական ինստիտուտների նկատմամբ վստահության բարձրացմամբ:

«Մեկ խնդիր եմ տեսնում վերջին մեկ տարվա ընթացքում ձեր աշխատանքի մեջ. դուք շատ խոսեցիք ատելության խոսքի գեներացման մասին, նաեւ զեկույցում եք բավական հիմնավոր փաստարկներով նշել, բայց այս մեկ տարվա ընթացքում հատկապես պատճառահետեւանքային կապի դեպքում միշտ խոսել եք հետեւանքի մասին, մինչդեռ այս իրավիճակում, հատկապես ատելության խոսքի դեպքում, պատճառը շատ կարեւոր է:

Այն, որ հասարակական կառույցները ամիսներով վերբալ բռնության ներքո էին, դուք դա չէիք արձանագրում, այն, որ ուսուցիչները մարզերում կամավոր հիմունքներով երեխաներին հայերեն եւ մաթեմատիկա էին սովորեցնում, հետո այդ նույն խմբակի կողմից վերբալ բռնության արժանացան, դուք դա չարձանագրեցիք, սակայն արձագանքեցիք, երբ այդ նույն խմբակի նկատմամբ որեւէ գործողություն իրականացվեց, արձագանքեցիք րոպեների կամ ժամերի ընթացքում:

Սա ինձ համար ցավալի արձանագրում է եւ պետք է փաստեմ սա»,- ասաց Աբրահամյանը:

Պատասխանելով պատգամավորին՝ Թաթոյանն ասաց, որ բողոքների մասով ինքը միայն փաստն է ֆիքսել եւ չի ասել, թե դրանք կապված են 2018-ի ապրիլ-մայիսի իրադարձությունների հետ կամ կապված չեն: «Այո՛, իրավիճակի փոփոխությունը հանգեցրել է ողջ պետական համակարգի հանդեպ վերաբերմունքի փոփոխությանը, շատ մեծացել են ակնկալիքները»,- հավելեց ՄԻ պաշտպանը:

Ինչ վերաբերում է միայն հետեւանքներին արձագանքելու Աբրահամյանի դիտարկմանը, Թաթոյանը այդ մասով չհամաձայնեց պատգամավորի հետ: Ասաց, որ ինքը միշտ է անդրադառնում պատճառին, նաեւ պատգամավորի նշած դեպքով է հայտարարություն տարածել, սակայն նաեւ հավելեց.  

«Կոնկրետ իրավիճակում կամ մասնավոր անձանց հետ կապված ՄԻՊ-ը չի կարող մեղադրական ոճով խոսել: Ես մշտապես արձանագրել եմ այն խնդիրները, որոնք առկա են: Հիմա էլ եմ արձանագրում, որ այդ ժամանակ եղել են ե՛ւ վիրավորական խոսքեր, ե՛ւ ատելության, ե՛ւ այլն»:

Նշենք, որ Գայանե Աբրահամյանի խոսքը «Բաց հասարակության հիմնադրամներ-Հայաստան»-ի կամ Սորոսի հիմնադրամի նկատմամբ տարածված ատելության խոսքին էր վերաբերում, երբ հիմնադրամի գործադիր տնօրենը հայտարարությամբ հանդես եկավ՝ ընդգծելով, որ տեւական ժամանակ է՝ հիմնադրամի եւ իրենց գործընկերների դեմ իրականացվում է լայնածավալ հակաքարոզչություն եւ տեղեկատվական աննախադեպ ագրեսիվ արշավ, որն ուղեկցվում է ատելության քարոզով, իսկ հաճախ՝ բռնության կոչերով:

Տպել
729 դիտում

Վանաձորում մեքենան բախվել է շինության պատին. վարորդը տեղում մահացել է (լուսանկարներ)

ՍԱՏՄ-ն գյուղատնտեսական մի քանի շուկաներում խախտումներ է արձանագրել. տվյալները կներկայացվեն պարետատուն

Տեսչական մարմնի աշխատակիցները կրկնակի այց և մշտադիտարկում են իրականացրել Երևան երկաթուղային կայարանում

Ոստիկանությունն արգելափակել է Ղալթաղչիի Սուրբ Հովհաննես մատուռ տանող ճանապարհները

Վրաստանը մեզ համար եղբայրական երկիր է, և շատ ջերմացնում է մեզ նման պատրաստակամությունը. վարչապետ

Ռեվանշիստները հիմա էլ ուրի՞շ «պլացդարմ» են փնտրում

Նախատեսված է 100.000 հայկական թեստի արտադրություն. ՄԿԻ-ն ավարտել է լաբորատոր փորձարկումները

358 պացիենտ գտնվում է ծանր, 58-ը՝ ծայրահեղ ծանր վիճակում. Նիկոլ Փաշինյան (տեսանյութ)

Առաջին դասարանցիների առցանց գրանցումը կսկսվի հունիսի 1-ից

Ունենք քաղաքական կամք՝ ֆիզիկական անձանց եկամուտների համատարած հայտարարագրում ներդնելու համար. վարչապետ

Ոստիկանները պարզել են Իջևանում կրակոցներ արձակած անձի ինքնությունը. ոստիկանություն է ներկայացել 42-ամյա տղամարդ

Արմավիրի նախկին քաղաքապետն ապօրինաբար 75 տարով տարածք է հատկացրել ՀՀ ֆուտբոլի ֆեդերացիայի նախկին նախագահին (տեսանյութ)

Պարետի որոշմամբ 24 ժամով արգելվել է 24, և 48 ժամով՝ 2 տնտեսվարողի պատկանող մասնաճյուղերի գործունեությունը

Արցախի նախագահը 2020 թվականի ամառային զորակոչ անցկացնելու եւ զորացրում կատարելու մասին հրամանագիր է ստորագրել

ՊԲ-ում այսօր սանիտարական օր է. ախտահանվել են զորանոցները, բուժկետերը, կենցաղային նշանակության շինությունները(տեսանյութ)

Դելի-Երևան հատուկ չվերթով Հայաստան է ժամանել ՀՀ 23 քաղաքացի, Հնդկաստան է վերադարձել 130 հնդիկ ուսանող

Համավարակը սահման և ազգություն չի ճանաչում. այն ազդեցություն է թողել յուրաքանչյուրիս վրա. Մհեր Գրիգորյանն ուղերձ է հղել

Հասարակության «լրջության կորագիծը»

Մոսկվա-Երևան չարտերային հերթական թռիչքը կկայան վաղը՝ մայիսի 31-ին՝ «Դոմոդեդովո» օդանավակայանից

Սեպտեմբերին մենք կարող ենք դասերը լիարժեք սկսել, սակայն պետք է խստագույնս հետևենք ցուցումներին. ԿԳՄՍ նախարար (տեսանյութ)