2016 թվականին ՄԻՊ-ը ստացել է 5113 դիմում-բողոք, 2019-ին՝ 13.140․ Թաթոյանը ներկայացրեց անցած տարվա գլխավոր ձեռքբերումը

2019 թվականը Մարդու իրավունքների պաշտպանի աշխատակազմի համար եղել է գերծանրաբեռնված։ Այս մասին այսօր ԱԺ-ում 2019 թվականի ընթացքում ՀՀ ՄԻՊ գործունեության, մարդու իրավունքների եւ ազատությունների պաշտպանության վիճակի մասին տարեկան հաղորդման ժամանակ ասաց ՄԻՊ Արման Թաթոյանը։ Նա շեշտեց, որ միայն դիմումների ու բողոքների, սեփական նախաձեռնությամբ վարույթների թիվը աճել է գրեթե 3 անգամ։ Ըստ Թաթոյանի ներկայացրած տվյալների՝ 2016 թվականին ստացվել է 5113 դիմում-բողոք, 2017-ին՝ 6417, 2018 թվականին՝ 10.754, իսկ 2019 թվականին՝ 13.140։ Նրա խոսքով՝ 2020 թվականն արդեն իսկ առավել ծանրաբեռնված է․ հունվարի 1-ից մինչ այս թվականի ապրիլի 30-ը ստացած դիմումներն ու բողոքները 75%-ով գերազանցում են նախորդ ողջ տարվա ընթացքում ստացածների թիվը։ Թաթոյանը շեշտեց, որ վիճակագրական այս տվյալները չեն ներառում այցերն ազատությունից զրկման վայրեր եւ այլ հատուկ հաստատություններ, մշտադիտարկման աշխատանքները, ՍԴ ներկայացվող դիմումներն ու հատուկ կարծիքները եւ մի շարք նմանատիպ տվյալներ։

«2019 թվականի ընթացքում սկզբունքային ձեռքբերումներ են արձանագրվել մեր միջազգային հեղինակության աճի հարցում։ ՀՀ ՄԻՊ-ը ներգրավված է միջազգային առաջատար փորձի ձեւավորմանը, մասնակցում է միջազգային դատական ատյաններում գործերի քննությանը, մենք անդամակցում ենք միջազգային կառույցներին ու այդ կառույցների կառավարման մարմիններին, իսկ մեր աշխատանքն արտացոլվում է միջազգային հեղինակավոր զեկույցներում որպես առաջատար փորձի օրինակ»,- ասաց Թաթոյանն ու հավելեց, որ միջազգային կառույցները նույնիսկ առաջարկել են ՀՀ-ի փորձը Պորտուգալիա, Թունիս, Մարոկկո, Հորդանան եւ մի շարք այլ երկրներում։

Թաթոյանը հայտարարեց, որ ՀՀ ՄԻՊ-ը միակ հաստատությունն է երկրում, որ օժտված է միանգամից 3 միջազգային կոնվենցիոն կարգավիճակով։ ՄԻՊ-ի պնդմամբ՝ 2019 թվականի գլխավոր ձեռբերումն է, որ ՄԱԿ-ի Մարդու իրավունքների գերագույն հանձնակատարի գրասենյակի քարտուղարությամբ գործող միջազգային անկախ հանձնախումբը ՀՀ ՄԻՊ-ին վերաշնորհեց անկախության ու արդյունավետ աշխատանքի ամենաբարձր՝ «Ա» միջազգային կարգավիճակով։

Թաթոյանը, ներկայացնելով դրական դինամիկա ունեցող տվյալները, այնուամենայնիվ, շեշտեց, որ կան բազմաթիվ խնդիրներ եւ բարձրաձայնեց դրանցից մի քանիսը։ ՄԻՊ-ի խոսքով՝ 2019 թվականի ընթացքում արձանագրվել են դրական զարգացումներ՝ կապված կենսաթոշակների վճարման, ժամանակի հաշվարկման, նպաստների վճարման համակարգի եւ մի շարք այլ հարցերի հետ։ Այդուհանդերձ, Թաթոյանը բարձրաձայնեց, որ սոցիալական ապահովության ոլորտում առկա են հրատապ լուծում պահանջող, այդ թվում՝ համակարգային բնույթի խնդիրներ։ «Առաջին հերթին պետք է առանձնացնեմ ոչ պատշաճ վարչարարությունը, որի հետեւանքով շարունակաբար խախտվում են մարդկանց իրավունքները։ Այս խախտումները տարիների անթույլատրելի պրակտիկայի արդյունք են եւ ունեն համակարգային բնույթ»,- հայտարարեց Թաթոյանն ու շարունակեց, որ 2019 թվականի ընթացքում մերժվել են մարդկանց կենսաթոշակների մասին դիմումները՝ ձեւական պատճառաբանություններով։ Նրա խոսքով՝ մերժելու համար բավարարվել են օրենսդրական ակտերի մեխանիկական, մարդու իրավունքը խախտող մեկնաբանություններով։

ՄԻՊ-ի համոզմամբ՝ վիճահարույց է նաեւ երկրից դուրս գտնվող քաղաքացիների կենսաթոշակի վճարման մեխանիկական դադարեցումը տարեկան 1 անգամ բանկ չներկայանալու դեպքում։ «Այս հարցը նույնպես արտացոլվել է զեկույցում եւ պետք է ստանա լուծում»,- հայտարարեց նա։

Ըստ Թաթոյանի՝ տարածված պրակտիկա է նաեւ համապատասխան մարմինների տեսուչների նպաստը չվճարելու սպառնալիքներ հնչեցնելը՝ կապված ընտանիքների անապահովության գնահատման համակարգի հետ։ Նրա կարծիքով՝ տնային այցելությունների դեպքում չեն գործում անապահովության գնահատման գործընթացին անմիջականորեն մասնակցող տեսուչների գործողությունները վերահսկելու պատշաճ մեխանիզմներ։

Թաթոյանն առանձնացրեց նաեւ մի շարք խնդիրներ առողջության պահպանման իրավունքի հետ կապված։ Նա ասաց, որ մի շարք հիվանդություն ունեցող մարդկիկ բժշկական հաստատություններում ենթարկվում են խտրական վերաբերմունքի։ Բացի դրանից, Թաթոյանը պնդեց, որ օրենսդրական թերի կարգավորումների եւ մի քանի այլ պատճառներով խախտվում է բժշկական գաղտնիքը։

«Հայաստանի դատական համակարգում առկա են խնդիրներ»,- ասաց Թաթոյանը։ Նրա խոսքով՝ բողոքներն ու դատական պրակտիկայի դիտարկումները վկայում են, որ առանձին դատավորներ իրենց վարքագծով նույնիսկ վնասում են դատական համակարգի հեղինակությանը։ Նրա համոզմամբ՝ սա նաեւ այն բանի հետեւանք է, որ տարիների ընթացքում պատշաճ ուշադրություն չի դարձվել ոլորտի խնդիրներին, դատական համակարգի արդարացի պահանջներին։

Թաթոյանը չմոռացավ ընդգծել նաեւ մարդու ազատ խոսքի ազատության վերաբերյալ խնդիրները։ Նա, իհարկե, շեշտեց, որ այս դեպքում երկրում եղել է առաջընթաց, բայց եւ առանձնացրեց սոցցանցերում անհանդուրժողականության դրսեւորումները։ Նրա խոսքով՝ 2019 թվականի մտահոգիչ խնդիրներից է վիրավորանքի, ատելության ու արժանապատվությունը նվաստացնող խոսքի զարգացումը։ «Պետք է ի սպառ արմատախիլ անել վիրավորանքն ու արժանապատվության նվաստացումը, ատելություն գեներացնող ցանկացած տեսակի խոսքը»,- ասաց Թաթոյանն ու հավելեց, որ այն բերում է վտանգավոր հետեւանքների։

Տպել
441 դիտում

ՍԱՏՄ-ն գյուղատնտեսական մի քանի շուկաներում խախտումներ է արձանագրել. տվյալները կներկայացվեն պարետատուն

Տեսչական մարմնի աշխատակիցները կրկնակի այց և մշտադիտարկում են իրականացրել Երևան երկաթուղային կայարանում

Ոստիկանությունն արգելափակել է Ղալթաղչիի Սուրբ Հովհաննես մատուռ տանող ճանապարհները

Վրաստանը մեզ համար եղբայրական երկիր է, և շատ ջերմացնում է մեզ նման պատրաստակամությունը. վարչապետ

Ռեվանշիստները հիմա էլ ուրի՞շ «պլացդարմ» են փնտրում

Նախատեսված է 100.000 հայկական թեստի արտադրություն. ՄԿԻ-ն ավարտել է լաբորատոր փորձարկումները

358 պացիենտ գտնվում է ծանր, 58-ը՝ ծայրահեղ ծանր վիճակում. Նիկոլ Փաշինյան (տեսանյութ)

Առաջին դասարանցիների առցանց գրանցումը կսկսվի հունիսի 1-ից

Ունենք քաղաքական կամք՝ ֆիզիկական անձանց եկամուտների համատարած հայտարարագրում ներդնելու համար. վարչապետ

Ոստիկանները պարզել են Իջևանում կրակոցներ արձակած անձի ինքնությունը. ոստիկանություն է ներկայացել 42-ամյա տղամարդ

Արմավիրի նախկին քաղաքապետն ապօրինաբար 75 տարով տարածք է հատկացրել ՀՀ ֆուտբոլի ֆեդերացիայի նախկին նախագահին (տեսանյութ)

Պարետի որոշմամբ 24 ժամով արգելվել է 24, և 48 ժամով՝ 2 տնտեսվարողի պատկանող մասնաճյուղերի գործունեությունը

Արցախի նախագահը 2020 թվականի ամառային զորակոչ անցկացնելու եւ զորացրում կատարելու մասին հրամանագիր է ստորագրել

ՊԲ-ում այսօր սանիտարական օր է. ախտահանվել են զորանոցները, բուժկետերը, կենցաղային նշանակության շինությունները(տեսանյութ)

Դելի-Երևան հատուկ չվերթով Հայաստան է ժամանել ՀՀ 23 քաղաքացի, Հնդկաստան է վերադարձել 130 հնդիկ ուսանող

Համավարակը սահման և ազգություն չի ճանաչում. այն ազդեցություն է թողել յուրաքանչյուրիս վրա. Մհեր Գրիգորյանն ուղերձ է հղել

Հասարակության «լրջության կորագիծը»

Մոսկվա-Երևան չարտերային հերթական թռիչքը կկայան վաղը՝ մայիսի 31-ին՝ «Դոմոդեդովո» օդանավակայանից

Սեպտեմբերին մենք կարող ենք դասերը լիարժեք սկսել, սակայն պետք է խստագույնս հետևենք ցուցումներին. ԿԳՄՍ նախարար (տեսանյութ)

Շիրակի մարզում ինքնամեկուսացված 312 քաղաքացուց 24-ն ունի դրական ախտորոշում՝ հիվանդության անախտանիշ ընթացքով