«Շտապ օգնություն» ծառայության զանգերն անցած տարվա համեմատ նվազել են՝ հասնելով օրական 600-650-ի

Մարտ ամսից մինչեւ մայիսի 6-ը COVID-19-ի կասկածով հիվանդանոց է տեղափոխել 2333 հոգի։ Նրանց մեջ եղել են սուր շնչառական վիրուսներ ունեցողներ, եւ մարդիկ, որոնց մոտ կասկածվել է թոքաբորբ։

Երեւանի վերաբերյալ թվերն այսօր ասուլիսի ժամանակ ներկայացրեց մայրաքաղաքի «Շտապ օգնություն» ծառայության տնօրեն Թագուհի Ստեփանյանը՝ նշելով, որ կանչով մեկնելիս չգիտեն՝ ինչ կանչ են սպասարկելու, եթե տվյալ վիրուսի կասկածն է լինում, անձին տեղափոխում են հիվանդանոց, այնուհետեւ՝ հասնում մնացած կանչերին։

Նա վստահեցրեց, որ նոր վիրուսը չի խանգարում՝ մնացած քաղաքացիներին սպասարկելու։ Կանչերն էլ այս օրերին բավականին նվազել են։ Եթե հունվար-փետրվար ամիսներին օրական դրանց թիվը 900-950 էր, ապա այսօր՝ 600-650։ Այս շրջանում կանչերի թվի այսքան նվազումը ոչ բոլոր տարիներին է բնորոշ. «Այն, ինչ հիմա ունենք, գրեթե 2-3 տարի չենք ունեցել»։

Հակառակ դրան, թեեւ միշտ հունվար-փետրվար ամիսներին, սուր շնչառական վիրուսների ավելացմամբ պայմանավորված, զանգերը շատանում են, այս տարի դրանք գերազանցել են նախորդին՝ պայմանավորված տարբեր գրիպների առկայությամբ։ Անցած տարի օրական թիվը 800-850 էր։

Ծառայության տնօրենը հիշեցրեց, որ ընդհանրապես իրենց հիմնական զանգերը կապված են սիրտ-անոթային խնդիրների հետ, հաջորդ տեղում սուր շնչառական վիրուսներն են, հետո՝ վնասվածքները։

Մեր այն հարցին, թե մարդկանց մեկուսացվելու, քիչ շփվելու արդյունքում կանչերի պատճառների պատկերը փոխվե՞լ է, նա պատասխանեց, որ զանգերի թվի այդքան պակասելը հենց դրանով էլ պայմանավորված է։

Ստեփանյանն ուշագրավ կանչերի, էքստրեմալ դեպքերի օրինակներ չմտաբերեց։ Գործն, ըստ նրա, ընթանում է իր հունով, թեեւ իհարկե, կան պացիենտներ, որոնք բավականին անհանգստացած են ստեղծված իրավիճակով, սակայն հարցը հանգիստ լուծվում է։

Այս ընթացքում եղել են բուժաշխատողներ, որոնք չեն ցանկացել աշխատել COVID-19-ով հիվանդների հետ, նրանք հիմնականում տարիքով մեծ են եղել եւ իրազեկված լինելով, որ խոցելի խմբում են՝ որոշել են ռիսկի չդիմել։

Ծառայության տնօրենի խոսքով՝ այդ բուժաշխատողներին ըմբռնումով են մոտեցել եւ ընդառաջ գնացել։

«Ամեն ինչ նորմալ է, ունենք շատ մեծ բանակ բժիշկների ու բուժքույրերի, որոնք բացարձակ վախեցած չեն իրավիճակից եւ շատ պատրաստակամ իրենց ցանկությունն են առաջարկել աշխատելու»,- նշեց Ստեփանյանը։

Տպել
517 դիտում

Եթե պարոն Ծառուկյանը կարծում է, որ իր քաղաքական հայտարարությունները կշեղեն քննության բնականոն ընթացքը, սխալ հաշվարկ է

«Անցյալին վերադարձ չի լինելու` ՀՀԿ կլինի, քոչարյանականներ կլինեն, ով ուզում ա լինի»

Թուրքիան վերսկսելու է ավիահաղորդակցությունը շուրջ 40 երկրի հետ

Արեւաշող համայնքի «Յազիկ» թաղամասում կկառուցվի մանկական խաղահրապարակ

ՌԴ-ից Ադրբեջան ռազմական արտադրանք է մատակարարվել կաշառքի միջոցով. ձերբակալվել են պաշտոնյաներ

Արդենիսում 1730 մետր նոր ջրագիծ կկառուցվի

ԿԳՄՍ նախարարությունը սկսել է ԵՊՀ հոգաբարձուների խորհրդի ձեւավորման գործընթացը. բուհ գրություն է ուղարկվել

Արթուր Վանեցյանը դատի է տվել վարչապետին եւ նրա խոսնակին․ պահանջում է նաեւ 2 մլն դրամ

Ամբերդ համայնքում 80 տնտեսություն կապահովվի կապույտ վառելիքով

ՊՎԾ ուսումնասիրությունը ՊԵԿ նախագահի հրաժարականի հետ կապելը իրատեսական չէ․ ՊՎԾ ղեկավարի պարտականությունները կատարող

Անցկացվել են մեքենավարման և հրաձգության գործնական պարապմունքներ

Կառավարական թիվ 1 և 3 տներում գործող հանրային սննդի կետերը կասեցվել են. Արթուր Ասոյան

Հետախուզում է հայտարարվել Գագիկ Խաչատրյանի մյուս որդու՝ Արտյոմ Խաչատրյանի նկատմամբ. նա մեղադրյալ է ներգրավվել 4 հոդվածով

Նախակորոնավիրուսյան «Մարդկության դիմանկար»-ը

Նիկոլ Փաշինյանը բացատրել է, թե կորոնավիրուսից բուժվածների թիվն ինչու՞ է փոքր

Ոստիկանության ծառայողներից մեկին սպանելու, մյուսին մարմնական վնասվածք հասցնելու վերաբերյալ քրգործն ուղարկվել է դատարան

Ցանկացած հրապարակում ահազանգ է, իսկ անհատական տվյալների պաշտպանության խնդիր միշտ կա. Նիկոլ Փաշինյան

Զոհրաբ Մնացականյանը հեռախոսազրույց է ունեցել Վրաստանի ԱԳ նախարար Դավիդ Զալկալիանիի հետ

Էդվարդ Հովհաննիսյանը նշանակվեց ՊԵԿ նախագահ

Գողանում էին մեքենաների համարանիշերն ու տերերից փող շորթում․ ոստիկանության բացահայտումը (տեսանյութ)