Թող մեզ ոչ ոք չասի՝ ինչ եք բանակցում, ինչ պետք է, բանակցում ենք. Նիկոլ Փաշինյան

Այսօր մենք ունենք դե ֆակտո Արցախի Հանրապետություն, որն իր դեմոկրատական բոլոր ինստիտուտներով իրականում ոչ մի կերպ չի զիջում ուրիշ պետություններին։ Կարծում ենք, որ անպայման բանակցությունների հիմնաքարը պետք է լինի Արցախի Հանրապետության դե ֆակտո կարգավիճակի միջազգային դե յուրե լեգիտիմիզացիան։ Այս մասին այսօր ԱԺ-ում Կառավարության հետ հարցուպատասխանի ժամանակ ասաց «Բարգավաճ Հայաստան» խմբակցության պատգամավոր Արման Աբովյանը։ Նա ասաց, որ սա իրենց խմբակցության դիրքորոշումն է այս հարցի շուրջ։ Վարչապետ Նիկոլ Փաշինյանն էլ արձագանքեց, թե զարմանալի է, որ դա ԲՀԿ-ի դիրքորոշումն է, քանի որ հայության շրջանում չկա որեւէ մեկը, որ այլ դիրքորոշում ունի։

«Մենք խոսում ենք Արցախի ինքնորոշման իրավունքի միջազգային ճանաչման մասին. ո՞վ է պնդում, որ հայ ժողովրդի շրջանում մարդ կա, որ այլ դիրքորոշում ունի։ Այստեղ ամենակարեւոր արձանագրումն այն է, որ ոչ մի կառավարություն Ղարաբաղի հարցի իր դիրքորոշման մասին այնքան բան չի ասել, ինչքան ասել է մեր կառավարությունը։ Կիլոմետրերով բազմիցս արտահայտել ենք դիրքորոշումներ, եւ, կներեք, եթե որեւէ մեկն ուզում է կասկածի տակ դնել մեր դիրքորոշումը, ես դա համարում եմ մանիպուլյացիա»,- ասաց վարչապետը՝ հավելելով, որ նման քննարկում պետք է Հայաստանում տեղի չունենա։ Փաշինյանն ասաց, որ չի ցանկանում, եւ չի լինի այնպես, որ ինչ-որ ուժեր վախեցնեն իրենց, որ գնան նստեն բանակցային սեղանի շուրջ, եւ ձեռքերը դողան։ «Կներեք արտահայտությանս համար, սխալ «չփռշտանք», որ դա չդառնա պատմություն։ Մենք ունենք մեր ժողովրդի լիազորությունը՝ բանակցելու այդ հարցի շուրջ, եւ մենք այդ լիազորությունը օգտագործելու ենք...Թող մեզ ոչ ոք չասի՝ ինչ եք բանակցում, ինչ պետք է, բանակցում ենք»։

Աբովյանը արձագանքեց, որ Ադրբեջանը չի ցանկանա լուծել այս հարցը քաղաքակիրթ եղանակով, ինչին էլ Փաշինյանը պատասխանեց՝ ուրեմն չի կարգավորվի այս հարցը։ «Մենք ասում ենք՝ հնարավոր է իրագործել այնպիսի լուծում, որը ընդունելի է Հայաստանի, Արցախի եւ Ադրբեջանի ժողովրդի համար»,- ասաց վարչապետը՝ հավելելով, որ եթե հեշտ լիներ հարցի լուծումը, հիմա 100 անգամ լուծված կլիներ։

«Ես, օրինակ, Ադրբեջանի նախագահի հետ շփումներից զգում եմ, որ ինքը տրամադրված է եւ ուզում է հարցի լուծումը: Մենք էլ ենք կառուցողական տրամադրված, իրենք էլ, ՌԴ-ն էլ է ուզում, ԱՄՆ-ն էլ, Ֆրանսիան էլ։ Եթե պարզվի, որ չի ուզում Ադրբեջանը լուծվի հարցը, չի լուծվի»,- եզրափակեց վարչապետը։

Տպել
1381 դիտում

2020 թվականի առաջին կիսամյակում 2019-ի համեմատությամբ ավելի պակաս մահ է արձանագրվել. Նիկոլ Փաշինյան

«Օրենքով գող» Արսեն Երևանսկուն ՔԿՀ-ից չեն տեղափոխում քաղաքացիական հիվանդանոց. պաշտպանները ահազանգում են

Բանակը երբեք միայնակ չի եղել․ ԶՈՒ ԳՇ պետի հարցազրույցը զենքի գնումների, հակառակորդի ակտիվության մասին

Պետական մարմինների զեկույցները չէին բավարարում և դիմեցի հանրությանը. հրեշավոր իրականություն բացահայտվեց.վարչապետ (ուղիղ)

Պարետի որոշմամբ 24 ժամով արգելվել է «Երևան մոլ»-ի և մի շարք տնտեսվարողների գործունեությունը

Խորհրդարանն առաջին ընթերցմամբ ընդունեց «ԱԺ կանոնակարգ» օրենքում փոփոխություններ կատարելու մասին օրենքի 2 նախագիծ

Կապամոնտաժվեն Օղակաձև զբոսայգու ապօրինի կառույցները. գործընթացը մեկնարկել է

Ռոնալդուն միայն ինստագրամից ավելի քան 2 մլն եվրո է վաստակել արտակարգ դրության ընթացքում՝ ամենաշատը մարզիկների շրջանում

Դավիթ Տոնոյանը հորդորում է Դավիթ Շահնազարյանին «ժամ մը» առաջ հաղորդում տալ հանցագործության մասին

Գագիկ Բեգլարյանի եղբայրը դիտավորությամբ չի կատարել ծառայողական պարտականությունները. ՔԿ-ն մանրամասնում է

Նիկոլ Փաշինյանը հեռավար կարգով վարել է Էկոնոմիկայի նախարարության 2019թ. գործունեության հաշվետվության քննարկումը

Կորոնավիրուսից մահացած անձանց անունները հրապարակելու փաստով քրեական գործ է հարուցվել

Հրանտ Բագրատյանի հայտարարությունը բավական ոգեւորել է մեր հակառակորդին․ Գաբրիել Բալայան

2018-ից ի վեր Հայաստանը երրորդ երկրի հետ անօրինական զենքի գործարք չի ունեցել. ՊՆ փոխնախարար

Բժշկասոցիալական փորձաքննության իրականացման կարգը պարզեցվել է

Արմեն Սարգսյանը կորոնավիրուսով պայմանավորված իրավիճակը քննարկելու նպատակով հանդիպում է տարբեր ոլորտների մասնագետների հետ

IDBank-ը հորդորում է Բանկ այցելել ծայրահեղ անհրաժեշտության դեպքում

Համաձայնություն է ձեռք բերվել զորամասերում ջրամատակարարման և ջրահեռացման համակարգերի բարելավման ուղղությամբ

Արցախում ՃՏՊ-ի հետեւանքով զինծառայող է մահացել․ ՊԲ

ԵՊՀ հոգեբանության մասնագիտական խորհուրդը անցկացնելու է թեկնածուական ատենախոսությունների պաշտպանություններ