Նախագահ Արմեն Սարգսյանը հեռավար զրուցել է վաստակավոր ճարտարապետ Սաշուր Քալաշյանի հետ

Ծիծեռնակաբերդի այգու տարածքում ստեղծվելիք ապագա համազգային այգին՝ «Հայ պարկ»-ն, իր մեջ ներառելու է մասնավորապես Հայոց ցեղասպանության հուշահամալիրը և Ցեղասպանության թանգարան-ինստիտուտը։ Բնական է, որ գաղափարի և նախաձեռնության հեղինակը՝ Հանրապետության նախագահ Արմեն Սարգսյանը, այն քննարկում է մասնագիտական շրջանակների հետ։ Այս մասին տեղեկացնում է ՀՀ նախագահի լրատվական ծառայությունը:

Վաստակավոր ճարտարապետ Սաշուր Քալաշյանը, որը Մեծ եղեռնի հուշահամալիրի և Հայոց ցեղասպանության թանգարան-ինստիտուտի շենքի համահեղինակն է հայտնի ճարտարապետ Արթուր Թարխանյանի հետ միասին, անշուշտ, կարող է լինել լավագույն խորհրդատուներից մեկը։

Սաշուր Քալաշյանի հեղինակած ճարտարապետական ժառանգությունը բավականին տպավորիչ է։ Բացի Մեծ եղեռնի հուշահամալիրից և Հայոց ցեղասպանության թանգարան-ինստիտուտի շենքից, նրա համահեղինակությամբ նախագծվել և կառուցվել են նաև «Կումայրի» պետական պատմաճարտարապետական արգելոց-թանգարանը, Սերգեյ Մերկուրովի, Ասլամազյան քույրերի թանգարանների, մանկական ստեղծագործության կենտրոնի, տիկնիկային թատրոնի, Ձիթողցյանների տան, Ծաղիկյանների գարեջրի գործարանի շենքերը Գյումրիում։ Գյումրիի ընտրությունը պատահական չէ, եթե նկատի ունենաք, որ Սաշուր Քալաշյանը ծնունդով գյումրեցի է, իսկ 1976-1994 թվականներին եղել է Գյումրիի գլխավոր ճարտարապետը։

Գյումրին այն թեմաներից մեկն է, որ Հանրապետության նախագահ Արմեն Սարգսյանը հեռախոսազրույցի ընթացքում քննարկել է վաստակաշատ ճարտարապետի հետ։ Նախագահը հետաքրքրվել է ճարտարապետի առողջությամբ և արտակարգ դրության պայմաններում նրա գործունեությամբ, քաջալերել շարունակել ստեղծագործական մտորումները, դրանք վերածել գաղափարների և ծրագրերի:

Նախագահն ասել է, որ Քալաշյանի մասնագիտական խորհրդատվությունն ու աջակցությունը շատ կարևոր են և լուրջ աջակցություն կլինեն նաև իր նախաձեռնած՝ «Հայ պարկ»-ի ծրագիրն իրագործելիս։ Նա ճարտարապետին համառոտ ներկայացնելով ծրագիրը, մասնավորապես նշել է, որ առաջարկ-նախաձեռնության շնորհիվ ոչ միայն այդ տարածքում նորովի կգեներացվի մեր հիշողությունը, այլև նորովի կդրսևորվի մեր վերաբերմունքը բնապահպանության և առողջապահության հանդեպ: Առաջարկի իրագործման արդյունքում հիշյալ 100 հեկտարանոց տարածքում նախատեսվում է Հայոց ցեղասպանության 1,5 մլն զոհերից յուրաքանչյուրի հիշատակին տնկել մեկ ծառ, ստեղծել առանձին պուրակներ, որոնք կկազմեն մեկ ամբողջություն: Յուրաքանչյուրը կրելու է արևմտահայկական այս կամ այն նահանգի, շրջանի, մեծ ու փոքր բնակավայրի անունը։

Սաշուր Քալաշյանը և Հանրապետության նախագահը ևս մեկ անգամ հիշել են նրա աշխատանքները Գյումրիում։ Ճարտարապետը համաձայնել է իր խորհուրդներով աջակցել նախագահի կողմից այնտեղ նախաձեռնվող ծրագրերին։ Մասնավորապես նախագահ Սարգսյանն անդրադարձել է «Գյումրի, իմ սեր» հիմնադրամի, «Հայաստան» համահայկական հիմնադրամի և «Rizzani De Eccher» միջազգային ընկերության համագորածկցությամբ Գյումրիում նախատեսվող պատմամշակութային և շինարարական նախագծերից մեկին՝ «Գյուրջիևի թաղամաս»-ի հիմնմանը:

Խոսելով ծնունդով գյումրեցի մեծ մտածող, փիլիսոփա Գյուրջիևի մասին՝ նախագահն ասել է, որ մտադրություն ունի վերականգնել կամ նորովի կառուցել նրա տունը Գյումրիում։ Արդեն իսկ նախանշված տարածքում նախատեսվում է ստեղծել մշակութային ինքնատիպ միջավայր, որտեղ տիրապետող կլինեն Գյուրջիևի ստեղծագործական ոգին, արժեհամակարգն ու նրա անտեսանելի ներկայությունը։ Այն ընդգրկված կլինի հանգստի ու ժամանցի ընդարձակ գոտու տարածքում, որի առանցքը կլինի Գյուրջիևի տունը։

Նախագահը հույս է հայտնել, որ Սաշուր Քալաշյանի մասնագիտական օժանդակությունն էապես կնպաստի նախաձեռնությունը կյանքի կոչելուն։ 

Տպել
363 դիտում

Հայաստանի հավաքականի հարձակվող Արթուր Միրանյանը հեռացել է Փյունիկից

Շների հարձակման ենթարկված 2,5 տարեկան երեխայի վիճակը ծանր է. երկրորդ անգամ են վիրահատել

Սևան քաղաքի բոլոր մուտքերն ու ելքերը փակ են. ոստիկանության արտակարգ ծառայությունը Սևանում (տեսանյութ)

Վանաձորի Շիրակացի փողոցի հանրակացարանի տանիքի պոկված ճաղավանդակները հեռացվել են

ԱՄԷ-ում գտնվող ՀՀ քաղաքացիները կարող են Հայաստան վերադառնալ Դուբայ-Թբիլիսի չվերթով

Կիևում լույս է տեսել նոր հայագիտական ժողովածու, որն ընդգրկել է 30 ուկրաինացի գիտնականների աշխատություններ

23–ամյա վարորդն Աբովյանում Opel-ով վրաերթի է ենթարկել 48-ամյա հետիոտնին. նրան հոսպիտալացրել են

ՔՏՀԱ տեսչական մարմինը արտակարգ ռեժիմով վերահսկում է հանրային տրանսպորտի գործունեությունը

Վեդի քաղաքում այրվել է մոտ 30 հակ կուտակած անասնակեր

ՍԱՏՄ-ը շարունակում է մշտադիտարկումները հանրային սննդի օբյեկտներում. կասեցվել է մի շարք տնտեսվարողների աշխատանքը

Հայաստանում սպասվում է առանց տեղումների եղանակ, ջերմաստիճանը կբարձրանա 2-4 աստիճանով

Կորոնավիրուսի հետեւանքով մահացել է Սարհատ Պետրոսյանի մայրը՝ Ռուբինա Ղազարյանցը

KFS, «Փարվանա» ռեստորան, «Թումանյանի շաուրմա». կասեցվել է մի շարք տնտեսվարողների գործունեությունը (տեսանյութ)

Սիլիկյան թաղամասի 5-րդ փողոցում ճանապարհահատվածը փլուզվել է, դարձել մասամբ երթեւեկելի

Քննադատելու բարոյական իրավունքը

Արայիկ Հարությունյանը՝ Լանզարոտեի կոնվենցիայի շուրջ կեղծ պնդումների մասին (տեսանյութ)

Հոգեկան առողջության պահպանման ազգային կենտրոնում կորոնովիրուսի 8 դեպք կա. 1-ը՝ կենտրոնի հիվանդներից

«Մեյմանդար» շուկայի գյուղմթերք վաճառողները չեն կրել դիմակներ. խախտումները կներկայացվեն պարետատուն

Ուժեղացված ստուգայցեր մայրաքաղաքի Կենտրոն, Էրեբունի և Նորք-Մարաշ վարչական շրջաններում

Այսօր կիրականացվեն Մինսկ-Երևան-Մինսկ եւ Մոսկվա-Երևան չվերթները. քաղավիացիա