Գրոհ վարսավիրանոցներում, բազմություն՝ փողոցներում. Եվրոպայի մեծ մասում կարանտինն այսօրվանից մեղմացվել է

Եվրոպական շատ երկրներ այսօրվանից թուլացնում են մի շարք սահմանափակումներ, որոնք մտցվել են կորոնավիրուսի համաճարակի դեմ պայքարի շրջանակում: Եվրոպան կամաց-կամաց վերադառնում է բնականոն կյանքին, իհարկե, որոշակի վերապահումներով: Գերմանական DW  պարբերականը ներկայացնում է Եվրոպայում տիրող իրավիճակի մասին ամփոփ տեղեկությունները:

Գերմանիա. Գրոհ վարսավիրանոցներում եւ վերադարձ դպրոցներ

Այն պահից, երբ Գերմանիայում հայտարարվեց, որ մայիսի 4-ից երկրում, ի թիվս այլ սահմանափակումների վերացման,  կրկին վերաբացվում են գեղեցկության սրահները, բնակչության գերակշիռ մասը ոչ մի սահմանափակման չեղարկում չընդունեց այնպիսի ցնծությամբ, ինչպես այդ լուրը: Ամբողջ նախորդ շաբաթ բոլոր գեղեցկության սրահների օնլայն գրանցման ծառայություններն աշխատել են գերբեռնված, հեռախոսները չեն լռել: Գեղեցկության սրահների պատասխանատուները հայտնել են, որ չեն հիշում, թե հաճախորդների նման գրոհ երբ է գրանցվել նախկինում: Ընդ որում, գրանցումներն արվել են արդեն 3 շաբաթվա կտրվածքով, առանց ազատ անգամ 1 րոպեի:

Գերմանիայում գեղեցկության սրահների համար խիստ կանխարգելիչ միջոցառումներ են նախատեսված. եւ՛ վարսահարդարները, եւ՛ հաճախորդները պարտադիր պետք է լինեն դիմակներով, իսկ դիմահարդարման բոլոր տեսակի ծառայությունները, տղամարդկանց սափրվելու ծառայությունները, կանացի եւ տղամարդկանց տատուաժներն արգելված են:

Գերմանացի հարյուր հազարավոր դպրոցականներ այսօրվանից վերադարձել են կրթական հաստատություններ: Առայժմ դասերը վերակագնվել են այն դասարանների համար, որոնք հաջորդ տարի ունեն ավարտական քննություններ, ինչպես նաեւ կրտսեր դասարանների ավարտական խմբերի համար, մյուսները շարունակում են հեռավար ուսուցումը: Այս որոշումը ոչ միանշանակ է ընդունվել ծնողների կողմից:  Նրանց մի մասը թեթեւացած շունչ է քաշում, քանի որ որոշումը իրենց մասին չէ, մյուս մասն էլ մտավախություն ունի համաճարակի երկրորդ ալիքի բռնկման համար: Փոխարենը՝ վերացել են կարմիր-սպիտակ ժապավենները, որոնցով փակվել էին բոլոր մանկական խաղահրապարակները, այս որոշման համար էլ ուրախ են գրեթե բոլոր ծնողները: Բացվել են նաեւ զբոսայգիները, գազանանոցները, բուսաբանական այգիները, ցուցահանդեսները, թանգարանները, ինչպես նաեւ եկեղեցիներն ու մզկիթները: Բոլոր այս կառույցների համար առանձին-առանձին սահմանվել են ապահովության կանոնագրեր: Հասարակական տրանսպորտի գործունեության մեջ վերականգնվել են տոմսավարները, վերջին ամիսներին Գերմանիայում երթեւեկում էին առանց տոմսերի:

Իտալիա. արդեն կարելի է դուրս գալ փողոցներ

Իտալիայում մեկնարկել է կարնատինի միջոցառումների երկրորդ փուլը, որը նախատեսում է Եվրոպայում ամենախիստ կարանտինային միջոցառումների մեղմացում, որը երկրում գործում էր շուրջ 2 ամիս: Իտալացիներին արդեն  թույլատրվում է առաջին հայացքից պարզ թվացող մի բան՝ դուրս գալ փողոցներ՝ զբոսանքի եւ սպորտով զբաղվելու համար, ընդ որում՝ վազքը թույլատրելի է միայն մեկ անձի, ոչ ավել, քան 1 ժամ տեւողությամբ:

Սպորտով զբաղվելու համար Իտալիայի տարբեր շրջաններում տարբեր սահմանափակումներ են, որոշ շրջաններում կարելի է սպորտով զբաղվել տնից ոչ հեռու, քան 200 մետր հեռավորությամբ, որոշ շրջաններում՝ այլ կանոններ են գործում, մի մասում էլ, առհասարակ վերացված չեն սահմանափակումները:

Այսօրվանից իտալացիները կարող են նաեւ հյուր գնալ իրենց մտերիմներին՝ փոքրիկ խմբերով, պարտադիր դիմակներով: Հանվել է նաեւ երեխաների հետ այգիներում զբոսանքի արգելքը: Ռեստորաններն ու սրճարանները շարունակելու են աշխատել միայն առաքման ծառայություններով, իսկ գեղեցկության սրահները կբացվեն հունիսի վերջից ոչ շուտ: Իտալիայում վերաբացվել են նաեւ մի շարք գործարաններ, ձեռնարկություններ, արդեն այսօր միլիոնավոր մարդիկ վերադարձել են աշխատանքի: Աշխատում է արդեն հասարակական տրանսպորտը, սակայն՝ ամենախիստ սահմանափակումներով. կարելի է երթեւեկել բացառապես նստած եւ միմյանցից 1,5 մետր հեռավորությամբ, սակայն իշխանությունները բնակիչներին կոչ են արել հնարավորինս օգտվել հեծանիվներից եւ մոպեդներից:

Ավստրիա. կարելի է կրկին այցելել ծերանոցների հարազատներին

Ավստրիայի բնակիչները կրկին կարող են այցելել ծերանոցներում գտնվող իրենց մտերիմներին, բայց չի կարելի գրկախառնվել նրանց հետ եւ պետք է կրել պաշտպանիչ դիմակ: Վերեկանգնվել է ուսուցումը ավարտական դասարաններում, իսկ կրտսեր եւ միջին դասարանների երեխաները դպրոց կվերադառնան մայիսի կեսերին, ավագները՝ հունիսի կեսերին:

Երկրում կրկին աշխատում են բոլոր խանութները՝ առանց տարածքային սահմանափակումների: Ռեստորաններն Ավստրիայում ծրագրում են վերաբացել մայիսի 15-ից, հյուրանոցները՝ մայիսի վերջից: Խանութներում պարտադիր պետք է պահպանվեն 1 մետր հեռավորությամբ հերթ պահելու եւ դիմակներ կրելու կանոնները:

Լեհաստան. հյուրանոցները բացվել են, սահմանները՝ դեռ փակ են

Լեհաստանում այսօրվանից կրկին աշխատում են հյուրանոցներն ու մեծ առեւտրի կենտրոնները: Երկրի բնակիչները կարող են սպորտով զբաղվել մաքուր օդում: Սահմանային վերահսկողությունը կպահպանվի առնվազն մինչեւ մայիսի 13-ը,  երկիր մուտք գործելու արգելքները՝ եւս: Փոխարենը՝ Լեհաստանի քաղաքացիները, որոնք սովորում կամ աշխատում են Գերմանիայում, Սլովակիայում, Չեխիայում եւ Լիտվայում, հայրենիք վերադառնալով ստիպված չեն լինի մնալ 14-օրյա պարտադիր կարանտինի մեջ: Այս որոշումը չի տարածվում միայն բուժաշխատողների եւ 70 տարեկանից բարձր անձանց վրա:

Հունգարիա, Հունաստան, Պորտուգալիա

Հունգարիայում այսօրվանից կարելի է երթեւեկել երկրի ամբողջ տարածքում, բայց մեկ կանոնի պահպանմամբ՝ պաշտպանիչ դիմակով, կարելի է նաեւ օգտվել հասարակական տրանսպորտից: Հունգարացիները կարող են նաեւ զբոսնել այգիներում, այցելել թանգարաններ եւ բացօթյա ցուցահանդեսներ, բացվել են գազանանոցները: Այսօրվանից կարելի է նաեւ կազմակերպել ամուսնական եւ հուղարկավորության արարողություններ: Բոլոր այս սահմանափակումները առայժմ չեն վերաբերվում միայն մայրաքաղաք Բուդապեշտին:

Հունաստանում երկրի բնակիչները կարող են կրկին դուրս գալ փողոցներ եւ բացօթյա զբոսանք կազմակերպել՝ առանց ժամային սահմանափակումների: Բացվել են վարսավիրանոցները, գրքերի եւ էլեկտրոտեխնիկայի խանութները: Վերելակներում, հասարակական տրանսպորտում եւ հիվանդանոցներում դիմակներ կրելու պարտադիր արգելքը դեռ պահպանվում է:

Պորտուգալիան այսօրվանից վերացրել է արտակարգ իրավիճակի ռեժիմը: Երկրում կարելի է արդեն զբաղվել սպորտով, բացվել են մեծ խանութները, խոշոր այգիները: Դիմակ կրելու եւ սոցիալական հեռավորության պարտադիր կանոնները պահպանվում են:

Իսպանիա. սահմանափակումները կմեղմվեն հաջորդ շաբաթ

Իսպանիայում, որը կորոնավիրուսից ամենից շատ տուժած երկրների ցանկում է, երկրի կարանտինից դուրս բերումը իրականացվելու է 4 փուլով: Առաջին փուլը մեկնարկելու է մայիսի 10-ից: Ապրիլի 26-ից արդեն երկրի իշխանությունները մինչեւ 14 տարեկան երեխաներին թույլատրել էին դուրս գալ փողոց՝ մեկ մեծահասակի պարտադիր ուղեկցությամբ, իսկ մայիսի 2-ից որոշում է կայացվել զբոսանքը թույլատրել 14-70 տարեկան բոլոր քաղաքացիներին, բայց միայն առավոտյան 6-10:00-ը եւ երեկոյան 20-23:00-ն ընկած ժամանակահատվածում: Մնացած ժամանակահատվածը երեխաների եւ տարեցների համար է նախատեսված:

Տպել
991 դիտում

Միշիկն ու Ադրբեջանն ընդդեմ ԱԹՍ խոցող «ջարդոնի». Դավիթ Գալստյանը զենքի վաճառքով զբաղվում է, իսկ Կառավարությունը կապ չունի

Պարետի որոշմամբ արգելվել է համար 24 եւ 122 մանկապերտեզների գործունությունը

Սա «սեւ թուղթ» է Հայաստանի ամբողջ ավիացիայի համար, բայց կարելի է շատ արագ դրությունը փրկել. փորձագետ Նավիկ Խաչատրյան

Լուկաշենկոն Բելառուսի կառավարությունը ցրելու մասին որոշում է կայացրել

Չփորձեք հակադրվել համոզման մեթոդին. հակաօրինական գործողություններին կտրվի կոշտ հակազդեցություն. ՀՀ ոստիկանապետ

Արցախում ճանապարհատրանսպորտային պատահարի հետեւանքով մահացած զինծառայողի եւ 6 վիրավորների դեպքով քրեական գործ է հարուցվել

Չինաստանին ուղղված նոր հարցերի, Շվեդիայի սխալների և իրական սոցիալական հեռավորության մասին. COVID-19

Փրկարար ծառայությունում տեսակապով անցկացվել է հերթական օպերատիվ խորհրդակցությունը

Աշոտ Մելոյանը դատի է տվել Երեւանի ավագանու «Լույս» խմբակցության ղեկավար Դավիթ Խաժակյանին

Մեզ հաջողվեց մինի հեղափոխություն իրականացնել. սկսում ենք հանրային վերահսկողության թիմի ձևավորումը. վարչապետ

Չորրորդ զորամիավորումում անցկացվել են կրակային վարժանքներ

Կորոնավիրուսի դեմ պայքարում հաջողության բանաձեւ՝ «Իմ քայլը» խմբակցությունից, եւ ամեն դեպքում, Նոբելյան մրցանակ ԲՀԿ-ին

Արարատյան մաքսատան բանկերի սպասարկման տարածքները նույնպես կանցնեն ՊԵԿ-ի հսկողություն տակ (լուսանկարներ)

ՀՀ տարածքում ավտոճանապարհներն անցանելի են. Վրաստան մուտքն արգելող որոշումը շարունակում է ուժի մեջ մնալ

Եկեք ընդունենք, որ բոլորս սխալվել ենք. այս զրոյական կետը ֆիքսենք և միասին իրավիճակը վերցնենք հսկողության տակ. վարչապետ

Արարատ Միրզոյանը ցավակցել է ՀՀ ԱԺ նախկին նախագահ Արմեն Խաչատրյանի մահվան կապակցությամբ

Վարչապետի և նրա ընտանիքի անդամների ինքնազգացողությունը լավ է. Մանե Գեւորգյան

Քաղաքացիներին ուղղված մեղադրանք չկա, սխալ կարծիք է, կա իրավիճակի գնահատում. վարչապետ

Հայրիկներ ջան, ի՞նչ եք անում. վարչապետը լուսանկար է հրապարակել

Երևանի վեց դպրոցների տնօրեններին հայտարարվել է նկատողություն