Աշխարհում կորոնավարակի տարածումը չի դանդաղում, սակայն շատ երկրներ մտածում են սահմանափակումները թուլացնելու մասին

Աշխարհի բոլոր երկրներում կորոնավիրուսով հիվանդացած եւ բուժված հիվանդների թիվը հատել է մեկ միլիոնի սահմանը: Այնուամենայնիվ, ըստ Ջոն Հոփկինսի համալսարանի տվյալների՝ այս ցուցանիշում ներառված չեն այն հիվանդները, ովքեր չեն թեստավորվել, այսինքն՝ կրել են Covid-19-ը կա՛մ առանց ախտանիշների, կա՛մ շատ մեղմ արտահայտված ախտանիշներով: Թեպետ ընդհանուր առմամբ՝ վարակի տարածումը չի դանդաղում, սակայն վերջին օրերին ավելի ու ավելի հաճախ են երկրները խոսում կարանտինից դուրս գալու ճանապարհային քարտեզ մշակելու կամ կորոնավիրուսի հաղթահարման ճանապարհը պատկերացնելու մասին:

«Մենք անցել ենք վարակի տարածման գագաթնակետը»,- հայտարարել է Մեծ Բրիտոնիայի վարչապետ Բորիս Ջnնսոնը՝ ընդգծելով, որ հիմա մշակվող սահմանափակումները մեղմող նորմերը պետք է կիրառվեն զգուշորեն, որպեսզի «չսայթաքեն ու դեմ առնեն ավելի մեծ լեռան»: Ջոնսոնը խոստացել է եկող շաբաթ բացահայտել «ելքի՝ առաջիկայում կիրառվելիք ճանապարհային քարտեզը»:

Երկրում, ինչպես տեղեկանում ենք Մեծ Բրիտանիայի կառավարության կայքից, առայսօր գրանցվել է ավելի քան 170 հազար կորոնավարակակիր, մահացել նրանցից մոտ 27 հազարը (674-ը՝ երեկ):

Ավստրալիայի իշխանություններն այսօր երկրի հյուսիսային շրջաններից սկսել են վերացնել կարանտինային միջոցառումները:

Ավստրալիայի՝ մեծությամբ երկրորդ խոշոր նահանգ Քուինսլենդում վերջին 24 ժամվա ընթացքում առաջին անգամ մեկուկես ամսվա մեջ նոր դեպքեր չեն հայտնաբերվել: Նախատեսվում է մայիսի 8-ից սկսած մեղմել սոցիալական հեռավորության պահպանման պահանջները, եւ մայիսի 28-ի խաղերին ընդառաջ՝ արդեն իսկ թույլատրել, որ սկսեն մարզումները ռեգբիի ազգային առաջնության ակումբներում:

Որոշ սահմանափակումներ վերացնում է Հարավային Աֆրիկան: Մարդկանց կթույլատրեն տանից դուրս գալ մարզվելու նպատակով: Կբացվեն մանրածախ առեւտրի որոշ կետեր, ռեստորաններ: Այնուամենայնիվ, ալկոհոլի վաճառքը դեռեւս արգելված կլինի, իսկ գիշերն ուժի մեջ կմնա պարետային ժամը:

Չինաստանը, որտեղ մայիսի 1-5-ը արձակուրդային հանգստյան օրեր են, նույնպես պատրաստվում է չեղարկել կարանտինային միջոցառումների մի մասը: Նշվում է, որ Հուբեյ նահանգում, որի մայրաքաղաքում սկսվել է համաճարակը, ապրիլի սկզբից ի վեր նոր դեպքեր չեն գրանցվել:

Կարանտինային նորմերը մասամբ կշարունակեն գործել Պակիստանում, թեպետ վարակը շարունակում է տարածվել եւ երեկ այն հայտնաբերվել է նաեւ երկրի խորհրդարանի ստորին պալատի խոսնակ Ֆեյսալ Էդիի մոտ: Նշենք, որ նա այս շաբաթ Ռամադան տոնի առիթով նախագահել էր գալա ընթրիք, ինչպես նաեւ հանդիպում էր ունեցել երկրի վարչապետ Իմրան Խանի եւ այլ բարձրաստիճան քաղաքական գործիչների հետ:

Ռուսաստանում արտակարգ դրություն կամ կարանտին հայտարարված չէ, սակայն կորոնավիրուսի տարածման ցուցանիշները մտահոգիչ են: Երեկ եւս մոտ 8 հազար քաղաքացու մոտ հայտնաբերվել է կորոնավիրուս. նրանցից մոտ 3.5 հազարը՝ Մոսկվայում: Այս պահին վարակը հաստատվել է ավելի քան 114 հազար մարդու մոտ, մահացել է 1.6 հազարը, բուժվել՝ նույնպես 1.6 հազար մարդ:

Մոսկվայի քաղաքապետ Սերգեյ Սոբյանինը հինգշաբթի օրը չի բացառել, որ մայրաքաղաքն արդեն հասել է կորոնավիրուսի տարածման գագաթնակետին: Միեւնույն ժամանակ, նա նշել է, որ Մոսկվան չի անցել նույնիսկ կեսը ճանապարհի, նրա գնահատմամբ՝ հաղթահարված է կորոնավիրուսի հաղթահարման ճանապարհի միայն մեկ քառորդը: Այժմ կորոնավիրուսային թոքաբորբի նոր հայտնաբերված դեպքերի շաբաթական աճը կազմում է մոտ 70%: Մոսկվայի հիվանդանոցներում բուժում է ստանում 17 հազար կորոնավիրուսով հիվանդ:

Նախօրեին հայտնի դարձավ, որ կորոնավիրուս է հայտնաբերվել նաեւ Ռուսաստանի վարչապետ Միխայիլ Միշուստինի մոտ: Այս մասին նա տեսակապով հայտնել էր նախագահ Վլադիմիր Պուտինին: ՌԴ Պաշտպանության նախարարությունն էլ հաղորդեց, որ ավելի քան 1.1 հազար կուրսանտ եւ բարձրագույն ռազմական ուսումնական հաստատությունների ուսանող վարակվել է կորոնավիրուսով: Ոմանք բուժվում են ՊՆ հիվանդանոցներում, ոմանք՝ զորամասերի մեկուսարաններում, մեծ մասը ինքնամեկուսացման մեջ է:

Դաշնային քրեակատարողական ծառայությունը հաղորդել է, որ ամբողջ երկրում գերատեսչության 271 աշխատակից եւ 40 բանտարկյալ վարակվել էին կորոնավիրուսով: Ռուսաստանում մարդու իրավունքների հանձնակատար Տատյանա Մոսկալկովան կոչ է արել համավարակային իրավիճակով պայմանավորված՝ ազատ արձակել որոշ բանտարկյալների: Կոչն առայժմ կառավարության կողմից արձագանք չի ստացել:

Տպել
602 դիտում

Կապանում ձերբակալվածներին տեղափոխում են Երեւան, գործով ԱԱԾ-ն է զբաղվելու. ցուցարարները ցրվում են (տեսանյութ)

Քաջարանի քաղաքապետը հանդիպել է ձերբակալվածներին. պնդում է՝ բոլորին բռնության են ենթարկել (տեսանյութ)

Այս պահին ունենք 230 ծանր և 52 ծայրահեղ ծանր պացիենտ. Արսեն Թորոսյան

Նախկինների հանցավոր մնացորդները նոր ու զզվելի՝ իրենց վերջին խաղն են սկսել մաֆիայի վերադարձի համար. նախկին ՄԻՊ

Կապանում իրավիճակը շարունակում է լարված մնալ. քաղաքացիների պահանջով ժամանել է մարզպետ Հունան Պողոսյանը (տեսանյութ)

Կրիմինալի ու կոռուպցիայի հետ կոմպրոմիս չի լինելու. լինելու է չոր հակազդեցություն. Նիկոլ Փաշինյան

Կանոնները չպահպանող սրճարանները, ռեստորանները, վարսավիրանոցները խստագույնս փակվելու են. վարչապետ (տեսանյութ)

2 հեկտարով ընդլայնվում է «Արփի լիճ» ազգային պարկի անտառածածկը. մինչ տարեվերջ 3000 տնկի կավելանա տարածքում (լուսանկարներ)

Այսուհետ ցանկացած մեքենայում 1 անձից ավելի լինելու դեպքում բոլորը պարտադիր պետք է լինեն դիմակով. վարչապետ (տեսանյութ)

Դատապարտում ենք Քաջարան համայնքի բնակիչների նկատմամբ կիրառված ապօրինությունները. Քաջարանի ավագանու հայտարարությունը

Իրավիճակն իսկապես լրջանում է

61 տարեկանում մահացել է դերասանուհի Կարինե Բուռնազյանը

«Հին Գյումրի»-ն ներկայացված է նամականիշների «Եվրոպա» ամենամյա մրցույթին

Գեղարքունիքի մարզում կորոնավիրուսային հիվանդության 35 նոր դեպք կա եւ 26 ապաքինված. Գնել Սանոսյան

Որոշ պետական այրերի կոկորդին կարծես խեղդող փաստ է իմ ժողովրդական հեղինակությունն ու չեզոքությունը. Քաջարանի համայնքապետ

Այսօր ու վաղը ՀՀ զգալի մասում սպասվում է անձրեւ, առանձին վայրերում՝ կարկուտ. կցրտի 8-10 աստիճանով

«Ոստիկանը մերն է». Կապանի ոստիկանական բաժանմունքի դիմաց վանկարկումները շարունակվում են (տեսանյութ)

ՄԻՊ-ը զբաղվում է Քաջարանի բնակիչների ահազանգած բռնության դեպքերով. եւս մեկ անձ է բերման ենթարկվել Երեւանում

Լարված իրավիճակ ու բողոք Կապանում. ոստիկանությունում ծառայողական քննություն է նշանակվել

Արաբկիրում Պուրակը պատնեշած շուրջ 30 կրպակ է ապամոնտաժվում. Երեւանի քաղաքապետարան