Կորոնացատկեր այնտեղ, ուր կարանտին չկա

Շվեդիան այն փոքրաթիվ երկրներից է, որ կորոնավիրուսի դեմ պայքարի կարանտինային միջոցառումների չի դիմել, այստեղ փորձ է արվում հնարավորինս արագ սովորել վարակի հետ ապրել. այս մասին տեղեկանում ենք CNN-ից: Բաց են սրճարանները, ռեստորանները, վարսավիրանոցները, աշխատանքի ու զվարճանքի բոլոր այն վայրերը, որտեղ գործնականում անհնար է պահել սոցիալական հեռավորությունը: Իրենց առօրյա կյանքով ապրող շվեդները մեծամասամբ դժգոհ չեն, որ կարող են կտրել իրենց մազերը, խմել սիրելի գարեջուրն ու հանգստի ընդմիջումներին զրուցել ընկերների հետ, եւ իհարկե, աշխատել ու վաստակել: Ոմանք լսում են կառավարության հորդորն ու աշխատում հեռավար եղանակով, շատերը չեն բարձրանում հանրային տրանսպորտ, երբ այնտեղ մարդիկ քիչ չեն, սակայն առօրյա կյանքի ռիթմը գրեթե նույնն է:

Այսօրվա տվյալներով՝ Շվեդիայում գրանցվել է ավելի քան 21 000 վարակման եւ մոտ 2 600 մահվան դեպք: «Սրանք միայն թվեր չեն, ցուցանիշներ չեն, նրանք մարդիկ էին, որ կարող էին ողջ լինել, ինչպես ես եւ դուք, եթե կառավարությունն այլ ճանապարհով գնար»,- լրագրողի հետ զրույցում ասել է անցյալ շաբաթ իր հորը կորցրած աղջիկը:

Ընդհանուր առմամբ՝ տնտեսական ու առողջական խնդիրների մասին ճիշտ հակառակ դիրքորոշում են արտահայտում մարդիկ, ովքեր անձամբ շփվել են վարակի հետ, կորցրել հարազատի կամ տեսել նրա տառապանքները եւ այն մարդիկ, որոնք վարակի մասին լսել են միայն լուրերով:

Կարանտինային որեւէ միջոցառում չի ձեռնարկվում նաեւ Բելառուսում՝ չնայած վերջին օրերին կորոնավիրուսով վարակվածների թվի կտրուկ աճին. մարդիկ հավաքվում են, որքան կամենում են, բաց են աշխատատեղերը, սննդի կետերը, դպրոցները, որոշ վանքեր ու եկեղեցիներ: Իշխանությունները դեռեւս ժխտում են համավարակի առկայությունը երկրում. հաղորդում է BBC- ն:

Բելառուսում, մինչդեռ, վերջին շաբաթներին կտրուկ աճել է կորոնավիրուսով վարակվածների թիվը: Ամեն օր գրանցվում է վարակման ավելի քան 800 դեպք:

Վարակվածների նոր դեպքերի մասին տեղեկատվություն են տալիս առողջարաններում, այլոց հայացքներից ծածկված մանկատներում, այլ փակ հաստատություններում աշխատողները: Վարակի օջախներ են նաեւ ակտիվ համայնական կյանքով ապրող մենաստանները: Առողջապահության նախարարությունը նշում է երկրի համար միայն ընդհանուր թվեր. ոչ մի մեկնաբանություն՝ օջախների մասին, իսկ հանրությանն անհանգստացնում է հենց դա:

Ապրիլի 12-ին, երբ Բելառուսում պաշտոնապես հաստատվեց կորոնավիրուսային վարակի ավելի քան 2500 դեպք, կաթոլիկները նշում էին Սուրբ Զատկի տոնը: Մեկ շաբաթ անց, երբ արդեն առկա էր առնվազն 4000 դեպք, ուղղափառ քրիստոնյաներն էին նշում Հարության տոնը: Նախագահ Լուաշենկոն հրապարակավ քննադատեց այն եկեղեցականներին, որ հորդորում էին արարողություններին մասնակցել առցանց, աղոթել տանը: Այս պահին երկրում ավելի քան 12 հազար վարակակիր կա:

Կտրուկ աճել է վարակակիրների թիվը Ռուսաստանում. երեկ գրանցվել է Covid-19-ի ավելի քան 7 հազար դեպք: Կորոնավիրուսային վարակի հայտնաբերված դեպքերի ընդհանուր թիվը գերազանցել է 100 հազարը, իսկ մահացությունների թիվը՝ հազարը. այս մասին հայտնել են ՌԴ կառավարության աշխատակազմից: Վերջին շրջանում Մոսկվայում ամեն օր գրանցվում է ավելի քան 3 հազար նոր դեպք: Արդեն երկու օր է, որ մահերի թիվը գերազանցում է մեկ օրում 100-ը: Կարանտին կամ արտակարգ դրություն Ռուսաստանում հայտարարված չէ, սակայն նախագահ Վլադիմիր Պուտինն այս շաբաթ մինչեւ մայիսի 11-ը երկարաձգել է ոչ աշխատանքային օրերը (դրանց համար պարտավոր են վճարել գործատուները):

Հիշեցնենք, որ Հայաստանում էլ այսօր կորոնավիրուսային իրավիճակը հայտնաբերված դեպքերի թվով ռեկորդային էր բնորոշել Առողջապահության նախարար Արսեն Թորոսյանը՝ գրանցվել է 134 նոր դեպք: Այս պահին ունենք 1103 հիվանդ, որ գտնվում են բժշկական հսկողության տակ, արհեստական շնչառության սարք է միացված նրանցից 6-ին, ծայրահեղ ծանր վիճակում է 17 քաղաքացի, ծանր վիճակում է՝ 59-ը։

Տպել
2373 դիտում

Կապանում ձերբակալվածներին տեղափոխում են Երեւան, գործով ԱԱԾ-ն է զբաղվելու. ցուցարարները ցրվում են (տեսանյութ)

Քաջարանի քաղաքապետը հանդիպել է ձերբակալվածներին. պնդում է՝ բոլորին բռնության են ենթարկել (տեսանյութ)

Այս պահին ունենք 230 ծանր և 52 ծայրահեղ ծանր պացիենտ. Արսեն Թորոսյան

Նախկինների հանցավոր մնացորդները նոր ու զզվելի՝ իրենց վերջին խաղն են սկսել մաֆիայի վերադարձի համար. նախկին ՄԻՊ

Կապանում իրավիճակը շարունակում է լարված մնալ. քաղաքացիների պահանջով ժամանել է մարզպետ Հունան Պողոսյանը (տեսանյութ)

Կրիմինալի ու կոռուպցիայի հետ կոմպրոմիս չի լինելու. լինելու է չոր հակազդեցություն. Նիկոլ Փաշինյան

Կանոնները չպահպանող սրճարանները, ռեստորանները, վարսավիրանոցները խստագույնս փակվելու են. վարչապետ (տեսանյութ)

2 հեկտարով ընդլայնվում է «Արփի լիճ» ազգային պարկի անտառածածկը. մինչ տարեվերջ 3000 տնկի կավելանա տարածքում (լուսանկարներ)

Այսուհետ ցանկացած մեքենայում 1 անձից ավելի լինելու դեպքում բոլորը պարտադիր պետք է լինեն դիմակով. վարչապետ (տեսանյութ)

Դատապարտում ենք Քաջարան համայնքի բնակիչների նկատմամբ կիրառված ապօրինությունները. Քաջարանի ավագանու հայտարարությունը

Իրավիճակն իսկապես լրջանում է

61 տարեկանում մահացել է դերասանուհի Կարինե Բուռնազյանը

«Հին Գյումրի»-ն ներկայացված է նամականիշների «Եվրոպա» ամենամյա մրցույթին

Գեղարքունիքի մարզում կորոնավիրուսային հիվանդության 35 նոր դեպք կա եւ 26 ապաքինված. Գնել Սանոսյան

Որոշ պետական այրերի կոկորդին կարծես խեղդող փաստ է իմ ժողովրդական հեղինակությունն ու չեզոքությունը. Քաջարանի համայնքապետ

Այսօր ու վաղը ՀՀ զգալի մասում սպասվում է անձրեւ, առանձին վայրերում՝ կարկուտ. կցրտի 8-10 աստիճանով

«Ոստիկանը մերն է». Կապանի ոստիկանական բաժանմունքի դիմաց վանկարկումները շարունակվում են (տեսանյութ)

ՄԻՊ-ը զբաղվում է Քաջարանի բնակիչների ահազանգած բռնության դեպքերով. եւս մեկ անձ է բերման ենթարկվել Երեւանում

Լարված իրավիճակ ու բողոք Կապանում. ոստիկանությունում ծառայողական քննություն է նշանակվել

Արաբկիրում Պուրակը պատնեշած շուրջ 30 կրպակ է ապամոնտաժվում. Երեւանի քաղաքապետարան