Ֆոկուս-պոկուսներ անելով՝ առաջ չեք գնա. Ալեն Սիմոնյանը՝ «Լուսավոր Հայաստանին»

Ասում ենք, որ դա պոպուլիզմ է եւ դա ունի իր բացատրությունը։ Այս մասին այսօր ԱԺ-ում ելույթի ժամանակ ասաց ՀՀ ԱԺ փոխոսնակ Ալեն Սիմոնյանը՝ անդրադառնալով «Լուսավոր Հայաստան» խմբակցության պատգամավոր Էդմոն Մարուքյանի ելույթին:

Մարուքյանը իր ելույթում շեշտել էր, որ իրենց մեղադրում են պոպուլիզմի մեջ, բայց եւ պնդել էր, որ դա ամենեւին այդպես չէ։ Նրա պնդմամբ՝ պոպուլիզմ կլիներ, եթե մարդիկ այդ գումարի կարիքը չունենային, կամ այդ գումարը չլիներ, իսկ, իր համոզմամբ, ներկա պահին այդ երկուսն էլ կան։

«Ձեր ասածը պոպուլիզմ է, որովհետեւ այն, ինչ առաջարկում եք, տեղի է ունենում իրականում, այսինքն՝ եթե փող բաժանելու մասին է խոսքը, Կառավարությունը սենց թե նենց այդ փողը բաժանում է»,- ասաց Սիմոնյանը՝ հավելելով, որ կա բաժանելու տրամաբանություն՝ ո՞նց է բաժանվում, որտե՞ղ, ո՞վ, ո՞ւմ եւ ինչի՞ համար։ Նա շեշտեց, որ այդ տրամաբանությամբ այսօր 14 ծրագիր է գործում, եւ թեեւ այն ոչ բոլորին է հասանելի, բայց 48 միլիարդ դրամի գումար է բաժանվում եւ վերաբերում է մի քանի հարյուր հազար մարդու։ «Հիմա որ ասում եք՝ այսպես բաժանեք, այնպես բաժանեք, էլի մարդիկ են լինելու, որոնք չեն ստանալու գումարը ինչ-ինչ պատճառներով»,- ասաց Սիմոնյանը՝ հավելելով, որ ինչ առաջարկվում է, այսօր արվում է այն տրամաբանությամբ, որը պետությունը ճիշտ է համարում։ «Ասում եք՝ Կառավարություն եք, կանխատեսեք։ Այդ ո՞ր մի Կառավարությունն է այսօր կարողանում կորոնավիրուս կանխատեսել։ Տենց մարդ կա՞, որ կարողանում է կորոնավիրուս կանխատեսել, չկա»,- նկատեց ԱԺ փոխնախագահը։

Նա նաեւ մեջբերեց Մարուքյանի այն հայտարարությունը, որ մեր բախտը բերել է՝ ունենք խնայողություններ։ «Նույնիսկ լեզուն չի պտտվում խոսելիս, որ ասի՝ Կառավարությունը 2 տարի լավ է աշխատել, գումար է ձեւավորել, ասում է՝ բախտի բերմամբ։ Ի՞նչ բախտի բերմամբ, դա բախտի բերմամբ չէ, Կառավարության շարունակական աշխատանքի հետեւանք է։ Նենգափոխելով, ֆոկուս-պոկուսներ անելով՝ առաջ ոչ ոք չի գնա։ Ես էլ առաջարկում եմ 250 հազար դրամ բաժանենք»,- ասաց Սիմոնյանը։

Նրա համոզմամբ՝ պոպուլիզմ է նաեւ քաղաքական կուսակցության կողմից անել հետեւյալը․ իմանալ նախօրոք, թե Կառավարությունն ինչ ծրագիր է անում, ասել՝ ես ասում եմ, որ պետք է սենց անել, հետո էլ ասել՝ տեսա՞ք, ես ասացի, հետո արեցին։ «Մի տենց քաղաքական կուսակցություն կար ժամանակին այս դահլիճում, ՕԵԿ էր կոչվում, ավանդների հետ կապված ծրագրով 2 տարի ընտրվեց։ Ավանդներն էդպես էլ մինչեւ վերջ որեւէ մեկը չստացավ, բայց ասացին անընդմեջ եւ ընտրվեցին։ Կարելի է միշտ ասել այն ամենը, ինչ քաղաքացին ուզում է լսել, ժպտալ, բայց  երբեւէ «Իմ քայլը» խմբակցությունը, վարչապետը, Կառավարությունը չեն խաբել, չեն փորձել լավը թվալ, չեն փորձել իրավիճակից էժան դիվիդենտներ քաղել, իսկ այն, ինչ այսօր իմ որոշ գործընկերներ անում են, ամենաէժան դիվիդենտներն են, որը, ի դեպ, գիտեմ՝ ով է իրենց խորհուրդ տվել»,- ասաց Սիմոնյանը՝ հավելելով, որ իրենք եղել են ազնիվ, մնալու են ազնիվ. «Հիմա ճգնաժամային իրավիճակ է, բայց միասին սա էլ կանցկացնենք»,- եզրափակեց ՀՀ ԱԺ փոխնախագահը։

Տպել
2278 դիտում

Եթե պարոն Ծառուկյանը կարծում է, որ իր քաղաքական հայտարարությունները կշեղեն քննության բնականոն ընթացքը, սխալ հաշվարկ է

«Անցյալին վերադարձ չի լինելու` ՀՀԿ կլինի, քոչարյանականներ կլինեն, ով ուզում ա լինի»

Թուրքիան վերսկսելու է ավիահաղորդակցությունը շուրջ 40 երկրի հետ

Արեւաշող համայնքի «Յազիկ» թաղամասում կկառուցվի մանկական խաղահրապարակ

ՌԴ-ից Ադրբեջան ռազմական արտադրանք է մատակարարվել կաշառքի միջոցով. ձերբակալվել են պաշտոնյաներ

Արդենիսում 1730 մետր նոր ջրագիծ կկառուցվի

ԿԳՄՍ նախարարությունը սկսել է ԵՊՀ հոգաբարձուների խորհրդի ձեւավորման գործընթացը. բուհ գրություն է ուղարկվել

Արթուր Վանեցյանը դատի է տվել վարչապետին եւ նրա խոսնակին․ պահանջում է նաեւ 2 մլն դրամ

Ամբերդ համայնքում 80 տնտեսություն կապահովվի կապույտ վառելիքով

ՊՎԾ ուսումնասիրությունը ՊԵԿ նախագահի հրաժարականի հետ կապելը իրատեսական չէ․ ՊՎԾ ղեկավարի պարտականությունները կատարող

Անցկացվել են մեքենավարման և հրաձգության գործնական պարապմունքներ

Կառավարական թիվ 1 և 3 տներում գործող հանրային սննդի կետերը կասեցվել են. Արթուր Ասոյան

Հետախուզում է հայտարարվել Գագիկ Խաչատրյանի մյուս որդու՝ Արտյոմ Խաչատրյանի նկատմամբ. նա մեղադրյալ է ներգրավվել 4 հոդվածով

Նախակորոնավիրուսյան «Մարդկության դիմանկար»-ը

Նիկոլ Փաշինյանը բացատրել է, թե կորոնավիրուսից բուժվածների թիվն ինչու՞ է փոքր

Ոստիկանության ծառայողներից մեկին սպանելու, մյուսին մարմնական վնասվածք հասցնելու վերաբերյալ քրգործն ուղարկվել է դատարան

Ցանկացած հրապարակում ահազանգ է, իսկ անհատական տվյալների պաշտպանության խնդիր միշտ կա. Նիկոլ Փաշինյան

Զոհրաբ Մնացականյանը հեռախոսազրույց է ունեցել Վրաստանի ԱԳ նախարար Դավիդ Զալկալիանիի հետ

Էդվարդ Հովհաննիսյանը նշանակվեց ՊԵԿ նախագահ

Գողանում էին մեքենաների համարանիշերն ու տերերից փող շորթում․ ոստիկանության բացահայտումը (տեսանյութ)