Կառավարությունը կփոխհատուցի Շիրակի պետական համալսարանի 150 ուսանողի վարձավճարը

Շիրակի պետական համալսարանի դասախոսները շարունակում են հեռավար դասերն ու պատրաստվում ավարտական քննություններին: Առկա, հեռակա ուսուցման համակարգերի եւ մագիստրատուրայի 600 ուսանող է ավարտելու այս տարի համալսարանը: Քննություններն ու մագիստրոսական թեզերի նախապաշտպանություններն ու պաշտպանությունները ևս կանցկացվեն հեռավար՝ արդեն ընդունված կարգի համաձայն: Ուսանողներն ու դասախոսները, որոնք ունեցել են համակարգիչների կարիք, համալսարանը ժամանակավորապես ապահովել է տեխնիկայով:

«Նախապաշտպանությունները կսկսենք, բայց մի փոքր ժամանակացույցի տեղաշարժ ունենք: Մինչև հունիսի 15-ը կարող ենք հասցնել քննությունները, և այդ իմաստով նախապաշտպանությունների ժամկետը 10 օրով երկարացվում է: Այդ ընթացքում, ինչպես նաև նախապաշտպանության ժամանակ, կհասկանանք թերի ու բաց կողմերը, կվերացվեն դրանք, որպեսզի պաշտպանությունների ժամանակ արդեն խնդիրներ չլինեն»,- ՀԺ-ի հետ զրույցում ասաց ՇՊՀ ռեկտորի պաշտոնակատար Երվանդ Սերոբյանը:

Ուսանողներից շատերն այս կիսամյակում ուսման վարձի վճարման խնդիրներ չեն ունենա: Կառավարությունը կփոխհատուցի 150 ուսանողի վարձավճար: Ընտրվել են 90 և ավելի ՄՈԳ ունեցողները: «Մենք նրանց ցուցակն ունենք, մոտ 150 ուսանողի մասին է խոսքը: Ավարտական կուրսում կստանան 100 տոկոս, իսկ ոչ ավարտական կուրսում, խոսքը մագիստրատուրա 1-ին և բակալավրիատի 1-ին, 2-րդ, 3-րդ կուրսերի մասին է, 75 տոկոս փոխհատուցում: Բոլոր տարիների ՄՈԳ-ն է հաշվի առնվել: Ասենք՝ 4-րդ կուրսում սովորողի համար 7 կիսամյակով է հաշվվել: 1-ին, 2-րդ, 3-րդ կուրսերի երկուական կիսամյակներն ու 4-րդ կուրսի առաջին կիսամյակի միջին ՄՈԳ-ն է հաշվվել»,- բացատրեց Սերոբյանը:

Փոխհատուցման գումարը մոտ 20 մլն դրամ կկազմի, ինչը, ըստ ռեկտորի պաշտոնակատարի, ՇՊՀ-ի համար փոքր թիվ չէ:

Այն ուսանողները, որոնք ունեն 90 և ավելի ՄՈԳ, բայց արդեն վճարել են երկրորդ կիսամյակի համար, առձեռն վճարման դեպքում հետ կստանան իրենց գումարը, իսկ եթե վճարումն արվել է վարկային գծով, տվյալ ուսանողին հասանելիք գումարը կուղղվի վարկի մարմանը: «Նման ուսանողներ կան ՇՊՀ-ում»,- ասաց Երվանդ Վարոսյանը:

80-ից բարձր ՄՈԳ ունեցող ուսանողների 2020 թվականին վերցրած ուսանողական վարկերի տոկոսները զրոյացվում են, իսկ ուսանողական նոր վարկերն առաջարկվում են 9 տոկոս տոկոսադրույքով: 5 տոկոսը պետությունն է վճարելու, 4-ը՝ ուսանողը: Այնպես որ, ըստ ՇՊՀ ռեկտորի պաշտոնակատարի, ուսանողի համար սա շատ հարմար տարբերակ է:

Ինչ կլինի այն ուսանողի հետ, որն ունի 90 ՄՈԳ-ից պակաս, չի ցանկանա օգտվել ուսանողական վարկից և չունի վճարելու հնարավորություն: Երվանդ Սերոբյանն ասաց՝ այդ հարցն այս պահին քննարկում են: Ամենայն հավանականությամբ տվյալ ուսանողին թույլ չեն տա մասնակցել քննություններին: «Հույս ունեմ, որ չենք ունենա նման ուսանողներ: Հակառակ պարագայում կարող եմ ասել, որ կա պայմանագրային պարտավորվածություն: Այս պահին դասախոսը պարապել է, իր աշխատանքը կատարել է, հիմա եթե մենք վարձերի հավաքում չունենանք, ինչպե՞ս է վճարվելու մասնագետը»,- ասաց Սերոբյանը:

Տպել
764 դիտում

ՍԱՏՄ-ն գյուղատնտեսական մի քանի շուկաներում խախտումներ է արձանագրել. տվյալները կներկայացվեն պարետատուն

Տեսչական մարմնի աշխատակիցները կրկնակի այց և մշտադիտարկում են իրականացրել Երևան երկաթուղային կայարանում

Ոստիկանությունն արգելափակել է Ղալթաղչիի Սուրբ Հովհաննես մատուռ տանող ճանապարհները

Վրաստանը մեզ համար եղբայրական երկիր է, և շատ ջերմացնում է մեզ նման պատրաստակամությունը. վարչապետ

Ռեվանշիստները հիմա էլ ուրի՞շ «պլացդարմ» են փնտրում

Նախատեսված է 100.000 հայկական թեստի արտադրություն. ՄԿԻ-ն ավարտել է լաբորատոր փորձարկումները

358 պացիենտ գտնվում է ծանր, 58-ը՝ ծայրահեղ ծանր վիճակում. Նիկոլ Փաշինյան (տեսանյութ)

Առաջին դասարանցիների առցանց գրանցումը կսկսվի հունիսի 1-ից

Ունենք քաղաքական կամք՝ ֆիզիկական անձանց եկամուտների համատարած հայտարարագրում ներդնելու համար. վարչապետ

Ոստիկանները պարզել են Իջևանում կրակոցներ արձակած անձի ինքնությունը. ոստիկանություն է ներկայացել 42-ամյա տղամարդ

Արմավիրի նախկին քաղաքապետն ապօրինաբար 75 տարով տարածք է հատկացրել ՀՀ ֆուտբոլի ֆեդերացիայի նախկին նախագահին (տեսանյութ)

Պարետի որոշմամբ 24 ժամով արգելվել է 24, և 48 ժամով՝ 2 տնտեսվարողի պատկանող մասնաճյուղերի գործունեությունը

Արցախի նախագահը 2020 թվականի ամառային զորակոչ անցկացնելու եւ զորացրում կատարելու մասին հրամանագիր է ստորագրել

ՊԲ-ում այսօր սանիտարական օր է. ախտահանվել են զորանոցները, բուժկետերը, կենցաղային նշանակության շինությունները(տեսանյութ)

Դելի-Երևան հատուկ չվերթով Հայաստան է ժամանել ՀՀ 23 քաղաքացի, Հնդկաստան է վերադարձել 130 հնդիկ ուսանող

Համավարակը սահման և ազգություն չի ճանաչում. այն ազդեցություն է թողել յուրաքանչյուրիս վրա. Մհեր Գրիգորյանն ուղերձ է հղել

Հասարակության «լրջության կորագիծը»

Մոսկվա-Երևան չարտերային հերթական թռիչքը կկայան վաղը՝ մայիսի 31-ին՝ «Դոմոդեդովո» օդանավակայանից

Սեպտեմբերին մենք կարող ենք դասերը լիարժեք սկսել, սակայն պետք է խստագույնս հետևենք ցուցումներին. ԿԳՄՍ նախարար (տեսանյութ)

Շիրակի մարզում ինքնամեկուսացված 312 քաղաքացուց 24-ն ունի դրական ախտորոշում՝ հիվանդության անախտանիշ ընթացքով