Եթե որոշվի, որ պետությունն է կառավարելու այս հիմնարկը, մենք պատրաստ ենք ստանձնել այդ լիազորությունները․ Թորոսյան

ՀՀ կառավարությունն այսօրվա նիստում որոշում կայացրեց «Ռադիոիզոտոպների արտադրության կենտրոն» ՓԲԸ-ի 2020-ի պահպանման ծախսերը ֆինանսավորելու նպատակով կառավարության պահուստային ֆոնդի հաշվին Տարածքային կառավարման եւ ենթակառուցվածքների նախարարության պետական գույքի կառավարման կոմիտեին հատկացնել 74․97 մլն դրամ:

Հարցը ներկայացրեց տարածքային կառավարման եւ ենթակառուցվածքների նախարար Սուրեն Պապիկյանը՝ նշելով, որ որոշման նախագծի ընդունումը կնպաստի «Ռադիոիզոտոպների արտադրության կենտրոն» ՓԲԸ բնականոն գործունեության իրականացմանը և գործարկման նախապատրաստմանը:

ՀՀ վարչապետ Նիկոլ Փաշինյանն իր խոսքում նշեց, որ Ֆիզիկայի ինստիտուտում՝ ռադիոիզոտոպերի կենտրոնում, ի վերջո կայացել է փաստը. իզոտոպների առաջին արտադրությունն է տեղի ունեցել, որը օգտագործվում է քաղցկեղային հիվանդությունների վաղ ախտորոշման համար. «Հիմա առողջապահության նախարարը կասի, որ այդ իզոտոպները առողջապահության համակարգում օգտագործելու ենք ախտորոշման նպատակներով, եւ պարոն Ավինյանը կասի, որ գտել ենք այս կենտրոնի կառավարման մոդելը, սա կնշանակի, որ ե՛ւ առողջապահության, ե՛ւ գիտության ուղղությամբ եւս մեկ քայլ ենք անում մեր երկրի մակարդակը բարձրացնելու ուղղությամբ»:

Առողջապահության նախարար Արսեն Թորոսյանն ասաց, որ եթե կորոնավիրուսի հետ կապված իրավիճակը չլիներ, կենտրոնն արդեն կկարողանար ընդունել իրական պացիենտներ, կատարել իրական հետազոտություններ. «Այս տարի այս կենտրոնը պետությունից ոչ մի օժանդակություն չի ստացել: Մենք հարցը լուծել ենք՝ մեր այլ ՓԲԸ-ից փոխառություն տալով: Մնացել է երկու փուլ գործարկման համար. մի քանի կարեւոր նյութի տեղափոխում Բելգիայից, այդ նյութերով լաբորատորիայի վերջնական գնահատում, որը պայմանավորվել ենք հեռակապով անել, քանի որ մասնագետներն էլ չեն կարողանում գալ: Քանի որ սա չունեինք, մեր քաղաքացիները գնում այլ երկրներում էին հետազոտվում: Հիմա մի վիճակ է ստեղծվել, որ չեն էլ կարողանում գնալ այլ երկրներ, այդ թվում՝ հարեւան Վրաստան կամ Ռուսաստան: Դրա համար սա օրախնդիր հարց է»,- ասաց Թորոսյանը՝ հավելելով, որ եթե որոշվի, որ պետությունն է կառավարելու այս հիմնարկը, իրենք պատրաստ են ստանձնել այդ լիազորությունները:

Տպել
487 դիտում

Գորիսից Երևան է տեղափոխվել վրաերթի ենթարկված 5-ամյա երեխա. վիճակը գնահատվում է ծանր

Կա կորոնավիրուսի 515 նոր դեպք և 27 առողջացած. գրանցվել է 12 մահվան դեպք, եւս 3 մահ՝ այլ հիվանդությունից

Դատախազի խորհրդականը պարզաբանել է դատախազությունում հաստիքների ավելացման պատճառներն ու հիմքերը

Խորհրդարանն ամբողջությամբ ընդունեց հանրաքվեն չեղարկելու մասին օրենքի նախագիծը

Գյումրիում շների հարձակման ենթարկված 2,5-ամյա փոքրիկի կյանքին վտանգ չի սպառնում, վիճակում դրական դինամիկա կա

Ամեն տեղ «սպեցնա՞զ» բերենք, դուբինկաներո՞վ պայքարենք. 3 միլիոնով վարակվենք ու ասենք՝ մեզ չեն բուժում, որտե՞ղ բուժենք

«Գլորիա» կարի ֆաբրիկայում վարակակիրների թիվը շեշտակի աճել է. տնօրենին ներկայացվել է պարետի որոշումը

«Մեյմանդարի» շուկան փակված է, ձերբակալվել են մի քանի տասնյակ մարդիկ, հարուցվել է քրեական գործ

Դժբախտաբար, ունենք Կավասակիի սինդրոմի առաջին դեպքը 4 տարեկան երեխայի մոտ, ով ունեցել է կորոնավիրուս. նախարար

Չարենցավան քաղաքում հրդեհվել է վագոն-տնակ. տուժածներ չկան

Հենց հիմա Վանաձորի ծննդատան բակում. վարչապետը լուսանկար է հրապարակել

Ակունք գյուղի մոտ հայտնաբերվել է հրթիռ․ փրկարարները սահմանազատել են տարածքը

ՀՀ տարածքում բոլոր ավտոճանապարհները անցանելի են. Լարսը բաց է միայն բեռնատարաների համար

Հրդեհ Աշտարակ քաղաքում. այրվել են շինության տանիքն ու գազի հաշվիչներ

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 3 հա տարածք

Քաղաքացիների ուղարկած խախտումների լուսանկարներն ու տեսանյութերը վարչապետը հրապարակել է ֆեյսբուքյան իր էջում

Կապանի գործով տուժողի նկատմամբ անվտանգության միջոց է կիրառվել. պաշտպանական կողմը աննախադեպ է որակում

Բժիշկները պայքարում են արդեն 50 օր թոքերի արհեստական օդափոխության սարքով շնչող պացիենտի կյանքի համար. Գևորգ Սիմոնյան

Եվրամիությունն այնքան էլ ուրախ չէ G7-ի կազմում Ռուսաստանին հետ կանչելու Թրամփի առաջարկով

Պարետի որոշմամբ ՀՀ-ում կարգելվեն շղթայական ռեակցիայի (ՊՇՌ) մեթոդով լաբորատոր հետազոտությունները