Այս պահին ունենք ծայրահեղ ծանր 10 հոգի, թոքաբորբով՝ մոտ 230 հոգի․ Թորոսյանը մանրամասներ է ներկայացնում

Վերջին տվյալները հետեւյալն են՝ հաստատված 50 նոր դեպք, 26 նոր բուժված քաղաքացի։ Գումարային դեպքերի թիվը ստացվում է 1523։ Այս պահին ակտիվ բուժման մեջ գտնվող դեպքերի թիվը՝ 840, բուժվածների ընդհանուր թիվը՝ 659, մահերի ընդհանուր թիվը՝ 24։ Այս մասին այսօր ՀՀ կառավարության հերթական նիստում ասաց առողջապահության նախարար Արսեն Թորոսյանը։

ՀՀ վարչապետ Նիկոլ Փաշինյանը նախարարին խնդրել էր ներկայացնել, թե այս պահին ինչ իրավիճակ է կորոնավիրուսի առումով, ի պատասխան՝ նախարարն ասաց. «Ընդհանուր պացիենտների վիճակը կարող եմ ասել, որ ունենք այս պահին ծայրահեղ ծանր 10 հոգի, թոքաբորբով՝ մոտ 230 հոգի, արհեստական օդափոխության սարքով շնչող՝ 5 հոգի, նրանցից մեկը բավական երիտասարդ է՝ 27 տարեկան, սակայն ունի բնածին խրոնիկ հիվանդություններ՝ ծանր։ Բժիշկներն ամեն ինչ անում են, որ իրավիճակը կայունացնեն. կարծես թե հույսեր կան, որ կկարողանանք կյանքը փրկել։ Մնացած մասով կարող եմ ասել, որ, ըստ էության, մոտավորապես նույնն է աճի տեմպը։ Հաշվի առնելով նոր տնտեսական տեսակների աշխատանքի թույլատվությունը՝ պետք է մեր զգոնությունը չկորցնենք։ Պետք է բոլոր գործողությունները շարունակենք, այսինքն՝ թուլանալու կամ զգոնությունը կորցնելու անհրաժեշտություն չունենք այս առումով»։

Վարչապետը հետաքրքրվեց նաեւ, թե ի՞նչ է կատարվում աշխարհում, ինչին ի պատասխան՝ Թորոսյանն ասաց. «Տարբեր երկրներում տարբեր իրավիճակներ ունենք, քանի որ տարբեր երկրներում տարբեր ժամանակ են սկսել պրոցեսները, սակայն մեր հարեւանների մասով կարող եմ հետաքրքիր բան ասել, հատկապես՝ Իրանի վերաբերյալ։ Երբ որ մենք հարեւան Իրանի վիճակն ենք նայում, կարծես այնպիսի վիճակ է, որ ամեն օր նոր դեպքերի թիվն ավելի քիչ է, մահերի թիվն ավելի քիչ է, քան նախորդ օրը։ Այնտեղ էլ սահմանափակումների թուլացումներ են տեղի ունենում, եւ կարծես թե երկիրն աստիճանաբար մոտենում է բնականոն հունին»։

Նախարարի խոսքով՝ կա մեծ դեբատ, որովհետեւ խոսվում է երկրորդ ալիքի մասին։

«Նույն եվրոպայում բոլորս տեսնում ենք, որ գնում են աստիճանաբար թուլացումների, սակայն վստահ չեմ, որ այդ թուլացումները չեն բերելու նորից բռնկումների։ Ընդհանուր կարող եմ ասել, որ անորոշություններ էլի շատ են մնում։ Հաճախ օրական հիմքով որոշումներ են կայացնում՝ ինչպես շարժվել առաջ»,- ասաց Թորոսյանը։

Տպել
873 դիտում

Հրդեհ Աշտարակ քաղաքում. այրվել է շինության տանիքն ու գազի հաշվիչներ

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 3 հա տարածք

Քաղաքացիների ուղարկած խախտումների լուսանկարներն ու տեսանյութերը վարչապետը հրապարակել է ֆեյսբուքյան իր էջում

Կապանի գործով տուժողի նկատմամբ անվտանգության միջոց է կիրառվել. պաշտպանական կողմը աննախադեպ է որակում

Բժիշկները պայքարում են արդեն 50 օր թոքերի արհեստական օդափոխության սարքով շնչող պացիենտի կյանքի համար. Գևորգ Սիմոնյան

Եվրամիությունն այնքան էլ ուրախ չէ G7-ի կազմում Ռուսաստանին հետ կանչելու Թրամփի առաջարկով

Պարետի որոշմամբ ՀՀ-ում կարգելվեն շղթայական ռեակցիայի (ՊՇՌ) մեթոդով լաբորատոր հետազոտությունները

Դժգոհ չենք լինի, եթե այս տարի ՀՀ-ում ներքին զբոսաշրջության 150 տոկոս աճ ունենանք, 2019-ին 41 տոկոս ունեինք. վարչապետ

Խնդրում եմ հակահամաճարակային կանոնների խախտման դեպքերը նկարահանեք եւ ուղարկեք իմ ֆեյսբուքյան էջին. վարչապետ

Վանաձորի «Գլորիա» ֆաբրիկան պարետի որոշմամբ վաղը առավոտից կփակվի 72 ժամով. վարչապետ

Այրվել են Թումանյան եւ Նալբանդյան խաչմերուկում տեղադրված 4 աղբամանները. հրդեհողները 26-ամյա տղա ու 23-ամյա աղջիկ են

Երկրում դե յուրե շատ խիստ ռեժիմ է սահմանված այսօր, խնդիրը դե ֆակտոյի մեջ է. վարչապետ

Վանաձորի «Գլորիա» ֆաբրիկայի աշխատողները տեղափոխվում են գերբեռնված ավտոբուսով. վարչապետը լուսանկար է հրապարակել

Sputnik-ի պրոդյուսերից բացի, ԱՄՆ-ում տուժել են այլ ԶԼՄ-ների աշխատակիցներ. նահանգապետը ներողություն է խնդրել (տեսանյութ)

Դեպի ԵՄ երկրներ թռիչքների արգելքը չի վերաբերում միջազգային ավիաընկերություններին. քաղավիացիայի կոմիտեի արձագանքը

Իրավապահների վրա առանձնակի պատասխանատվություն է դրված. սահմանված կանոնների խախտումներին կլինի կոշտ ու չոր վերաբերմունք

Հայկական ավիացիայի մուտքը Եվրոպական Միության օդային տարածք արգելվեց. Հայաստանն այդպիսի 16 երկրներից մեկն է

Արարատ Միրզոյանը եւ իր ընտանիքի անդամները կորոնավիրուսի թեստ են հանձնել, պատասխանները բացասական են

Ուժեղացված վերահսկողություն է իրականացվել Մալաթիա-Սեբաստիա վարչական շրջանի նախադպրոցական ուսումնական հաստատություններում

Մարտի համեմատությամբ կորոնավիրուսային հիվանդության դեպքերն ապրիլին աճել են 3, մայիսին՝ 13 անգամ. ՀՎԿԱԿ տնօրեն