Նավասարդ Կճոյանի պաշտպանը միջնորդել է կատարել որոշակի քննչական գործողություններ, փաստաթղթային առգրավումներ

Օֆշորի հայտնի գործով մեղադրյալ Նավասարդ արքեպիսկոպոս Կճոյանի պաշտպանը նախաքննական մարմնին միջնորդել է կատարել որոշակի քննչական գործողություններ, փաստաթղթային առգրավումներ՝ գումարային մուտք ու ելքի հետ կապված:

«Հայկական ժամանակ»-ի հետ զրույցում պաշտպան Հովիկ Արսենյանն ասաց, որ չգիտի, թե ում մոտ են դրանք, եւ դա պետք է ԱԱԾ-ն պարզի. «Բայց այդ փաստաթղթերը կփաստեն, որ խարդախություն եւ փողերի լվացում ընդհանրապես չի եղել: Փայլակ Հայրապետյանը իրավունք չուներ ասելու, թե նախնական համաձայնությամբ իրենից գումարներ են հափշակվել»:

Պաշտպանին հայտնի այդպիսի մի տվյալներից մեկն այն է, որ Աշոտ Սուքիասյանի եւ Աֆրիկայում գտնվող ոմն Ռուբիկ Մկրտչյանի միջեւ եղել է պայմանավորվածություն, ըստ որի՝ Սուքիասյանը պիտի վարկի գումարներից 3 միլիոն դոլար փոխանցեր նրան, որպեսզի նա այնտեղ ընկերություն գրանցեր, սակայն այդ անձը, գումարը ստանալով, փախուստի է դիմել. «Արդյո՞ք դա հայտնի է քննչական մարմնին, եթե հայտնի է, ապա այդ փաստաթղթերը պիտի առգրավվեն, պիտի երեւան այդ փոխանցումները, որովհետեւ առկա է իրավական ակտ, ըստ որի՝ Սուքիասյանից երեք միլիոն դոլար են հափշտակել»: Ըստ Արսենյանի՝ այն, որ Վերաքննիչ դատարանը Աշոտ Սուքիասյանին անմեղ է ճանաչել փողերի լվացման եւ խարդախության արարքներում, նշանակում է, որ եղել են բավարար ապացույցներ, որոնք հերքել են այդ հանցակազմը. «Եվ իմ տվյալներով՝ այդ անձնավորությանը ծանոթ է եղել նաեւ Փայլակ Հայրապետյանը, եւ երբ հետախուզում են հայտարարել Աշոտ Սուքիասյանի նկատմամբ, Հայրապետյանը մեկնել է Աֆրիկա, այնտեղ գործողություններ է իրականացրել այդ Ռուբիկ Մկրտչյանի հետ: Ասելիքս այն է, որ իրերն իրենց անուններով պիտի կոչել, ոչ թե հենց այնպես անվանարկել, ես արդեն հասկանում եմ՝ Փայլակ Հայրապետյանը էն գլխից ցանկացել է մեկ կրակոցով երկու նապաստակ խփել, դժբախտաբար, բոլորն էլ վրիպել է, եւ դրա համար հանիրավի մարդկանց անուններ է շոշափել, շեղել հասարակությանը, գործի քննությունը»: Արսենյանը նշեց, որ սա ընդամենը մեկ օրինակ է, այդպիսի տասնյակից ավելի գործողություններ պիտի իրականացվեն:

Հիշեցնենք՝ այս գործով վերջերս նոր զարգացումներ տեղի ունեցան. Առաքելական եկեղեցու թեմերից մեկի առաջնորդական փոխանորդ Նավասարդ արքեպիսկոպոս Կճոյանին մեղադրանք առաջադրվեց առանձնապես խոշոր չափերով խարդախության եւ փողերի լվացման համար: Ըստ ԱԱԾ-ի՝ Կճոյանը 2010 թվականին իր հետ քավոր-սանիկական հարաբերությունների մեջ գտնվող անձի հետ (խոսքը Աշոտ Սուքիասյանի մասին է, -խմբ.) խարդախությամբ՝ իբրեւ Աֆրիկայի մայրցամաքում իրեն պատկանող ադամանդի հանքավայրերում 12 միլիոն ԱՄՆ դոլար գումարի չափով ներդրում կատարելու համար, շահագրգռել է ՀՀ ձեռնարկատերերից մեկին (խոսքը տուժող Փայլակ Հայրապետյանի մասին է,-խմբ.) ձեռք բերել նրան եւ նրա մերձավորներին պատկանող մի շարք անշարժ գույքերի նկատմամբ իրավունք, գրավադրել դրանք բանկերից մեկում, ինչի արդյունքում ստացել եւ անարգել տնօրինել է 9 միլիոն ԱՄՆ դոլար և 361.500.000 ՀՀ դրամ գումարի չափով վարկային միջոցների, որոնք օրինականացնելու համար օգտագործվել է հանցավոր խմբի անդամների կողմից նախապես օֆշորային գոտում հիմնադրված ընկերությունը: Դրա 33 տոկոս բաժնեմասը պատկանել է եկեղեցու հիշյալ սպասավորին: Վերջինս մեղադրանքը չի ընդունում:

Գործը նոր ընթացք ստանալու համար հիմք է հանդիսացել ձեռագրաբանական փորձաքննության եզրակացությունը, ըստ որի՝ այդ ընկերության ստեղծման փաստաթղթում ստորագրել են ե՛ւ Կճոյանը, ե՛ւ նախկին վարչապետ Տիգրան Սարգսյանը: Աշոտ Սուքիասյանն այս գործի անջատված մասով տարիներ առաջ մեղավոր էր ճանաչվել եւ դատապարտվել 16 տարվա ազատազրկման. ամիսներ առաջ, սակայն, Վերաքննիչ դատարանի որոշմամբ նա մասնակի արդարացվել է: Դրա դեմ այժմ Դատախազությունը վճռաբեկ բողոք է ներկայացրել:

Տպել
1776 դիտում

Վանաձորում մեքենան բախվել է շինության պատին. վարորդը տեղում մահացել է (լուսանկարներ)

ՍԱՏՄ-ն գյուղատնտեսական մի քանի շուկաներում խախտումներ է արձանագրել. տվյալները կներկայացվեն պարետատուն

Տեսչական մարմնի աշխատակիցները կրկնակի այց և մշտադիտարկում են իրականացրել Երևան երկաթուղային կայարանում

Ոստիկանությունն արգելափակել է Ղալթաղչիի Սուրբ Հովհաննես մատուռ տանող ճանապարհները

Վրաստանը մեզ համար եղբայրական երկիր է, և շատ ջերմացնում է մեզ նման պատրաստակամությունը. վարչապետ

Ռեվանշիստները հիմա էլ ուրի՞շ «պլացդարմ» են փնտրում

Նախատեսված է 100.000 հայկական թեստի արտադրություն. ՄԿԻ-ն ավարտել է լաբորատոր փորձարկումները

358 պացիենտ գտնվում է ծանր, 58-ը՝ ծայրահեղ ծանր վիճակում. Նիկոլ Փաշինյան (տեսանյութ)

Առաջին դասարանցիների առցանց գրանցումը կսկսվի հունիսի 1-ից

Ունենք քաղաքական կամք՝ ֆիզիկական անձանց եկամուտների համատարած հայտարարագրում ներդնելու համար. վարչապետ

Ոստիկանները պարզել են Իջևանում կրակոցներ արձակած անձի ինքնությունը. ոստիկանություն է ներկայացել 42-ամյա տղամարդ

Արմավիրի նախկին քաղաքապետն ապօրինաբար 75 տարով տարածք է հատկացրել ՀՀ ֆուտբոլի ֆեդերացիայի նախկին նախագահին (տեսանյութ)

Պարետի որոշմամբ 24 ժամով արգելվել է 24, և 48 ժամով՝ 2 տնտեսվարողի պատկանող մասնաճյուղերի գործունեությունը

Արցախի նախագահը 2020 թվականի ամառային զորակոչ անցկացնելու եւ զորացրում կատարելու մասին հրամանագիր է ստորագրել

ՊԲ-ում այսօր սանիտարական օր է. ախտահանվել են զորանոցները, բուժկետերը, կենցաղային նշանակության շինությունները(տեսանյութ)

Դելի-Երևան հատուկ չվերթով Հայաստան է ժամանել ՀՀ 23 քաղաքացի, Հնդկաստան է վերադարձել 130 հնդիկ ուսանող

Համավարակը սահման և ազգություն չի ճանաչում. այն ազդեցություն է թողել յուրաքանչյուրիս վրա. Մհեր Գրիգորյանն ուղերձ է հղել

Հասարակության «լրջության կորագիծը»

Մոսկվա-Երևան չարտերային հերթական թռիչքը կկայան վաղը՝ մայիսի 31-ին՝ «Դոմոդեդովո» օդանավակայանից

Սեպտեմբերին մենք կարող ենք դասերը լիարժեք սկսել, սակայն պետք է խստագույնս հետևենք ցուցումներին. ԿԳՄՍ նախարար (տեսանյութ)