Օրերս բողոքի ցույց արած վարորդները կառավարության ծրագրով աջակցություն կստանան. հարկադիր պարապուրդում է 800-900 վարորդ

Երեւանի հասարակական տրանսպորտի՝ օրերս բողոքի ցույց իրականացրած վարորդների խնդիրը կարծես թե լուծվել է: Կառավարության ապրիլի 16-ի որոշման համաձայն՝ ընդլայնվել էր սոցիալական աջակցության 8-րդ միջոցառման շրջանակը, որում ներգրավվել են նաեւ վարորդները:

Ըստ Կառավարության նոր փոփոխությունների՝ միջոցառման շահառու են նաեւ ցամաքային տրանսպորտի (երթուղային տրանսպորտ) գործունեության մեջ ներգրավված քաղաքացիներն ու անհատ ձեռնարկատերերը:

Այս պահին մայրաքաղաքում հարկադիր պարապուրդի է մատնված առնվազն 900 վարորդ: Հիշեցնենք՝ հարկադիր պարապուրդի մատնված մասնավոր «Մուատ» ՓԲԸ-ի մոտ 250 վարորդները մեկ ամիս է՝ աշխատավարձ չէին ստացել եւ բողոքի ակցիա էին իրականացնում՝ աջակցություն պահանջելով Կառավարությունից։  «Մուատ» ՓԲԸ տնօրեն Կարեն Բեգլարյանը «Հայկական ժամանակին» հայտնեց, որ ՓԲԸ-ն ունի ընդհանուր մոտ 300 աշխատակից, եւ բոլորն անխտիր օգտվելու են Կառավարության ընձեռած աջակցման ծրագրից:

«Մեր աշխատողներն արդեն դիմել են, բոլորինն էլ հաստատվել է: Գումար, որպես այդպիսին, դեռ չեն ստացել, բայց բոլորի դիմումներն էլ ընդունվել են: Իրականում շատ զգացված ենք, որ Կառավարությունից նման արագ արձագանք եղավ»,- ասաց նա:

Կարեն Բեգլարյանը նաեւ նշեց, որ ինքն էլ է դիմել՝ որպես անհատ ձեռնարկատեր, եւ 113 հազար դրամ էլ իր անունով է հաստատվել: «Անկեղծ ասած՝ դիմել եմ, բայց այդ գումարը չեմ վերցնելու: Կարծում եմ՝ ինձնից ավելի շատ կարիքավորներ կան: Եթե վերցնեմ էլ, ապա մի բարի նպատակի՝ կորոնավիրուսի դեմ պայքարի ինչ-որ միջոցառան կծառայեցնեմ այն»,- ասաց «Մուատ» ՓԲԸ-ի տնօրենը: 

Նշենք, որ Կառավարության օժանդակությունը լինելու է միանվագ՝ մեկանգամյա աջակցություն: Վարձու աշխատողը աջակցություն կստանա հունվար եւ փետրվար ամիսների միջին աշխատավարձի 50%-ի չափով, բայց ոչ ավելի, քան 136 հազար դրամը: Եթե աշխատողը աշխատել է լրիվ դրույքով, ապա ոչ պակաս, քան 68 հազար դրամը, իսկ անհատ ձեռներեցներին աջակցությունը կտրամադրվի 2019 թվականի 4-րդ եռամսյակի իրացման շրջանառության 10%-ի չափով, բայց ոչ ավելի, քան 136 հազար դրամը:

Երեւանի քաղաքապետի խոսնակ Հակոբ Կարապետյանն ավելի վաղ ՀԺ-ին հայտնել էր, որ քաղաքապետարանն արտակարգ դրության այս օրերին հոգում է իր ենթակայությամբ գործող բոլոր կազմակերպությունների, այդ թվում՝ տրանսպորտային միջոցների աշխատակիցների գումարի հարցը: Նրանք օրավարձով աշխատողներ չեն եւ շարունակում են աշխատավարձ ստանալ, ավելին՝ վարորդների մեծ մասն այս օրերին զբաղված է բուժաշխատողներին ավտոբուսներով տեղափոխելով:

Մայրաքաղաքն ունի ընդհանուր 104 երթուղի՝ 38 ավտոբուսային եւ 66 միկրոավտոբուսային: Ավտոբուսային երթուղիներից 19-ը պատկանում է Երեւանի քաղաքապետարանին: Քաղաքապետարանին է պատկանում նաեւ 5 տրոլեյբուսային երթուղիները, այսինքն՝ 104 երթուղուց 24-ն է միայն Երեւանի քաղաքապետարանինը, իսկ մնացածը մասնավոր փոխադրողներինն է:

Կարապետյանը հայտնեց, որ «մինչկարանտինային ժամանակահատվածում» օրական երթուղի է դուրս եկել շուրջ 810 միկրոավտոբուս, 400 ավտոբուս եւ 35-40 տրոլեյբուս, այսինքն՝ 1300 վարորդ, որոնցից առնվազն 800-900-ն այս պահին հարկադիր պարապուրդի մեջ են: Մնացած 400 վարորդները քաղաքապետարանի ենթակայությամբ աշխատողներն են: Ըստ խոսնակի՝ քաղաքապետարանի ենթակայությամբ գործող եւ 24 երթուղի սպասարկող բոլոր վարորդներն անխտիր գրանցված են: 

Մասնավորի դեպքում միանշանակ ասել չենք կարող: Թե քանի չգրանցված վարորդ է աշխատել այս ընթացքում, եւ քանիսը կզրկվեն պետության աջակցությունից, հայտնի չէ:

Տպել
1344 դիտում

ՍԱՏՄ-ն գյուղատնտեսական մի քանի շուկաներում խախտումներ է արձանագրել. տվյալները կներկայացվեն պարետատուն

Տեսչական մարմնի աշխատակիցները կրկնակի այց և մշտադիտարկում են իրականացրել Երևան երկաթուղային կայարանում

Ոստիկանությունն արգելափակել է Ղալթաղչիի Սուրբ Հովհաննես մատուռ տանող ճանապարհները

Վրաստանը մեզ համար եղբայրական երկիր է, և շատ ջերմացնում է մեզ նման պատրաստակամությունը. վարչապետ

Ռեվանշիստները հիմա էլ ուրի՞շ «պլացդարմ» են փնտրում

Նախատեսված է 100.000 հայկական թեստի արտադրություն. ՄԿԻ-ն ավարտել է լաբորատոր փորձարկումները

358 պացիենտ գտնվում է ծանր, 58-ը՝ ծայրահեղ ծանր վիճակում. Նիկոլ Փաշինյան (տեսանյութ)

Առաջին դասարանցիների առցանց գրանցումը կսկսվի հունիսի 1-ից

Ունենք քաղաքական կամք՝ ֆիզիկական անձանց եկամուտների համատարած հայտարարագրում ներդնելու համար. վարչապետ

Ոստիկանները պարզել են Իջևանում կրակոցներ արձակած անձի ինքնությունը. ոստիկանություն է ներկայացել 42-ամյա տղամարդ

Արմավիրի նախկին քաղաքապետն ապօրինաբար 75 տարով տարածք է հատկացրել ՀՀ ֆուտբոլի ֆեդերացիայի նախկին նախագահին (տեսանյութ)

Պարետի որոշմամբ 24 ժամով արգելվել է 24, և 48 ժամով՝ 2 տնտեսվարողի պատկանող մասնաճյուղերի գործունեությունը

Արցախի նախագահը 2020 թվականի ամառային զորակոչ անցկացնելու եւ զորացրում կատարելու մասին հրամանագիր է ստորագրել

ՊԲ-ում այսօր սանիտարական օր է. ախտահանվել են զորանոցները, բուժկետերը, կենցաղային նշանակության շինությունները(տեսանյութ)

Դելի-Երևան հատուկ չվերթով Հայաստան է ժամանել ՀՀ 23 քաղաքացի, Հնդկաստան է վերադարձել 130 հնդիկ ուսանող

Համավարակը սահման և ազգություն չի ճանաչում. այն ազդեցություն է թողել յուրաքանչյուրիս վրա. Մհեր Գրիգորյանն ուղերձ է հղել

Հասարակության «լրջության կորագիծը»

Մոսկվա-Երևան չարտերային հերթական թռիչքը կկայան վաղը՝ մայիսի 31-ին՝ «Դոմոդեդովո» օդանավակայանից

Սեպտեմբերին մենք կարող ենք դասերը լիարժեք սկսել, սակայն պետք է խստագույնս հետևենք ցուցումներին. ԿԳՄՍ նախարար (տեսանյութ)

Շիրակի մարզում ինքնամեկուսացված 312 քաղաքացուց 24-ն ունի դրական ախտորոշում՝ հիվանդության անախտանիշ ընթացքով