Նույնիսկ երկրի նախագահը իրավասու չէր հետաձգել ընտրությունները. Արցախի պետնախարար

«Ունենք վարակի երեք աղբյուր, որոնցից 2-ն ամբողջությամբ վերահսկելի են եւ սահմանափակված, մյուսի վրա դեռ շարունակում ենք աշխատել». Արցախում այսօր մեկնարկած նախագահական ընտրությունների 2-րդ փուլի քվեարկությանը մասնակցելուց հետո այս մասին լրագրողների հետ զրույցում հայտարարեց Արցախի պետնախարար, պարետ Գրիգորի Մարտիրոսյանը:

Պետնախարարն ասաց, որ երրրորդ վարակակրի մասով մի փոքր դժվարություն կա վարակակիր ընտանիքի շփումների առումով, ինչպես նաեւ այն պատճառով, որ մի քիչ ավելի խոշոր բնակավայրում է ապրում նա, սակայն վստահեցրեց, որ իրավիճակն ամբողջովին վերահսկվում է:

Հարցին՝ ռիսկային չէ՞ր այսպիսի պայմաններում ընտրությունների անցկացումը՝ մանավանդ որ առաջին վարակակիրը Միրիկ համայնքում մասնակցել էր ընտրությունների առաջին փուլին, Մարտիրոսյանը պատասխանեց.  

«Առաջին վարակակիը, այո՛, մասնակցել է ընտրություններին, բայց այդ անձը եղել է ինչպես որ ես՝ բոլոր համապատասխան միջոցներով ապահովված. եղել է ե՛ւ դիմակով, ե՛ւ ձեռնոցներով, եւ այս պահին Միրիկում միայն մեկ դեպք ունենք, որն իր ընտանիքի անդամ է»:

Ինչ վերաբերում է ընտրություններն անցկացնելու որոշմանը՝ չնայած արտակարգ իրավիճակին, պետնախարարը նկատեց. «Ընտրություններ անցկացնելու վերաբերյալ հարցի ճիշտ հասցեատերը երեւի ես չեմ, բայց ամեն դեպքում կպատասխանեմ. ինչպես նշել են նախագահը եւ պաշտոնյաները, ընտրությունների անցկացումը որեւէ մեկի ցանկությունը չէ, այլ սահմանադրական պահանջ է, եւ երկրի իշխանությունը, նախագահը տվյալ դեպքում նույնիսկ իրավասու չէր հետաձգել ընտրությունները կամ կիրառել այլ ռեժիմ, բացի նրանից, որ կիրառված է»:

Խոսելով արտակարգ իրավիճակից բխող միջոցառումների մասին՝ պարետը տեղեկացրեց, որ երեկ ստորագրել է 4 որոշում, որոնցից առաջինը վերաբերում է Արցախի մուտքի մոտ սահմանափակումների կիրառմանը, մնացածը՝ ներքին կյանքին:

Վարկային արձակուրդների մասով պետնախարարն ասաց՝ քանի որ Արցախում գործում են Հայաստանում գործող բանկերի մասնճյուղերը, եւ դրանք բոլորը առաջնորդվում են Կենտրոնական բանկի ընդհանուր կանոններով, ուստի Արցախում նույնպես օգտվում են վարկային արձակուրդներից:

Այլ միջոցառումներ եւս նախատեսվում են, ինչպես, օրինակ, հղի կանանց դեպքում, եթե նրանց ամուսինները կորցրել են աշխատանքն այս օրերին:

Գյուղատնտեսական ոլորտի համար եւս, Մարտիրոսյանի փոխանցմամբ, նախատեսվում է շուրջ 6 միջոցառում, որոնք ուղղված են տնտեսական վնասների վերականգնմանը եւ պարենային անվտանգության պահպանմանը:

Հարց հնչեց նաեւ այն մասին, թե ինչու հնարավոր չէ թեստավորում անել Արցախում եւ ոչ թե Հայաստանում:

«Թեստերը ՀՀ-ում անցկացնելու վերաբերյալ առողջապահության պատասխանատուները բազմիցս արդեն ասել են՝ ինքնանպատակ չէ Արցախում թեստավորում իրականացնելը, այդ ուղղությամբ աշխատանքներ տանում ենք, հնարավոր է՝ ինչ-որ մի փուլում նաեւ Արցախում իրականացվի: Այն առումով, որ թեստերն ուղարկում ենք Հայաստան, որեւէ խնդիր կամ խոչընդոտ չկա»,- ասաց Մարտիրոսյանը:

Հիշեցնենք, որ այսօր Արցախում ընտրություններ են: Արցախցիները ընտրում են երկրի նախագահ: Թեկնածուները երկուսն են՝ Արայիկ Հարությունյան եւ Մասիս Մայիլյան:

Տպել
1273 դիտում

Արցախում կորոնավիրուս է հաստատվել եւս 3 անձի մոտ. ժամանել էին արտերկրից

Կորոնավիրուսի 210 նոր դեպք է հաստատվել. գրանցվել է 13 մահ, 5-ը՝ այլ հիվանդության հետեւանքով

Կորոնավիրուսով վարակված շուրջ 100 տարեց կա. ահրաժեշտ են բժիշկներ, բուժքույրեր, մայրապետներ և սանիտարներ՝ խնամքի համար

Ավստրալական «Ձայնը» նախագծում Մաշա Մնջոյանի ելույթի ժամանակ պտտվել են ժյուրիի բոլոր անդամները (տեսանյութ)

Սերժ Սարգսյանի օրոք 15 միլիարդ է տրամադրվել բանակին՝ զենք գնելու համար, այդ զենքը մինչ օրս չկա. Հ. Հակոբյան (տեսանյութ)

Մենք հաջողությամբ կկարողանանք իրականացնել համազգային ծրագրեր. Արցախի նախագահը շնորհավորել է ՀՀ վարչապետի ծննդյան օրը

Ազգային ժողովում շարունակվում է քառօրյա նիստը․ «Իմ քայլը» խմբակցությունը 20 րոպե ընդմիջում խնդրեց

Հաղարծին գյուղ տանող կամրջի հենապատը փլուզվել է

ՀՀ վարչապետն ու նրա ընտանիքը վարակվել են կորոնավիրուսով (տեսանյութ)

Աննա Հակոբյանը հեռախոսազրույց է ունեցել Լիբանանի երիտասարդության նախարար Վարդինե Օհանյան-Գևորգյանի հետ

Ոստիկանության տարբեր ծառայության ստորաբաժանումների ղեկավարներ, ոստիկանության ծառայողներ հանդիպել են (տեսանյութ)

Մայիսի 31-ին Գեղարքունիքի մարզում հաստատվել է կորոնավիրուսի 33 նոր դեպք

Արմեն Գրիգորյանը հեռախոսազրույց է ունեցել Արշավիր Ղարամյանի հետ

Այսօր երեխաների պաշտպանության միջազգային օրն է

Հնարավոր է՝ հունիսի 2-ին կայանա Նուր-Սուլթան-Երևան-Նուր-Սուլթան չարտերային չվերթ՝ կոմերցիոն հիմունքներով. դեսպանություն

Հայաստանի հավաքականի հարձակվող Արթուր Միրանյանը հեռացել է Փյունիկից

Շների հարձակման ենթարկված 2,5 տարեկան երեխայի վիճակը ծանր է. երկրորդ անգամ են վիրահատել

Սևան քաղաքի բոլոր մուտքերն ու ելքերը փակ են. ոստիկանության արտակարգ ծառայությունը Սևանում (տեսանյութ)

Վանաձորի Շիրակացի փողոցի հանրակացարանի տանիքի պոկված ճաղավանդակները հեռացվել են

ԱՄԷ-ում գտնվող ՀՀ քաղաքացիները կարող են Հայաստան վերադառնալ Դուբայ-Թբիլիսի չվերթով