Եթե ենթադրությունների դաշտ մտնենք, կարող ենք ենթադրել, որ երկրագնդի վրա աստերոիդ կընկնի․ Ավինյանը՝ Սիմոնյանին

Օրենքը երբեմն այնպես է գրվում, որ տարբեր մեկնաբանությունների տեղիք է տալիս։ Այս մասին այսօր ԱԺ-ում արտակարգ դրության ռեժիմի երկարաձգման մասին թեմայի քննարկման ժամանակ ասաց «Լուսավոր Հայաստան» խմբակցության պատգամավոր Տարոն Սիմոնյանը։ Նա ասաց, որ 2018 թվականից առաջ օրենսդիր մարմնում դա լայնորեն կիրառվող պրակտիկա էր։ «Երբ կառավարությունն ասաց, որ անսահման անգամ կարելի է երկարաձգել արտակարգ դրության ռեժիմը, մեկ սցենար պարզապես ներկայացնեմ․ պատկերացրեք՝ արտակարգ դրությունը հայտարարվում է ոչ թե համավարակի հիմքով, այլ՝ քաղաքացիական անհնազանդության, հեղափոխական շարժման հիմքով եւ իշխանությունը կարծում է, որ դրանք սահմանադրական կարգի դեմ ուղղված գործողություններ են եւ հայտարարում է արտակարգ դրություն․ այդպիսի դեպք ունեցել ենք 12 տարի առաջ։ Եւ իշխանությունը, օգտագործելով այդ առիթը, 2-րդ, 4-րդ, 5-րդ անգամ երկարաձգում է արտակարգ դրության իրավական ռեժիմը»,- ասաց Սիմոնյանը՝ հարցելով, որ եթե դա անգամ օրինական է, արդյո՞ք իրավաչափ է։

«Պարոն Սիմոնյան, եթե ենթադրությունների դաշտ սկսենք մտնել, կարող ենք օրինակ ենթադրել, որ երկրագնդի վրա աստերոիդ կընկնի ու այդ դեպքում արդյո՞ք այն իրավական գործիքակազմը, որ մենք ունենք, բավարար չափով մեզ թույլ կտա այդ իրավիճակին արձագանքել»,- Սիմոնյանի դիտարկմանն արձագանքեց ՀՀ փոխվարչապետ, պարետ Տիգրան Ավինյանը։ Նրա կարծիքով՝ ամեն նման մասշտաբային ֆորս մաժորի դեպքում գործում են ուրույն իրավիճակից բխող կանոններ եւ համապատասխանաբար աշխարհը վերափոխվում է, ինչպես նաեւ՝ իրավական գործիքները։

«Ինչ վերաբերում է ձեր հարցին, խորհրդարանն ունի կոնկրետ գործիքակազմ, որով կա՛մ առաջարկում է արտակարգ դրության ռեժիմի վերաբերյալ որոշման մեջ սահմանափակող դրույթներ վերացնել, կա՛մ՝ առհասարակ արտակարգ դրության ռեժիմը վերացնել»,- ասաց Ավինյանը՝ շեշտելով, որ դա կարող է անել խորհրդարանը՝ լինի դա հեղափոխություն, համավարակ, թե՝ աստերոիդ։

Տարոն Սիմոնյանն արձագանքեց՝ հասկանում է, որ այսօրվա մեկնաբանությունը վերաբերում է համավարակին եւ ինչ-որ առումով կարելի է լեգիտիմ համարել։ «Բայց իմ խնդրանքն այն էր, որ հետագայում իրավունքի մեկնաբանման պարագայում ավելի պատասխանատու մոտեցում դրսեւորենք, որ հանկարծ մեր այսօրվա մեկնաբանությունը 10 տարի, 5 տարի հետո հանկարծ չօգտագործվի ի վնաս այդ նույն իրավական պետության»,- ասաց նա։

Ավինյանն էլ պատասխանեց, որ վերահսկողական մեխանիզմը փաստացի գործում է եւ ամբողջ հանրությունը տեղեկացված է լինում այդ պրոցեսներից։ «Նույնիսկ եթե ձեր ասած սցենարով ապագայում նման քննարկումներ լինեն, այս ամբիոնից այդ ժամանակվա պարետը գալու է եւ ինչ-որ հիմնավորումներով փորձելու է ապացուցել, որ արտակարգ դրության ռեժիմը պետք է երկարաձգել։ Եթե դուք կարծում եք, որ կա ունիվերսալ գործիք, որը թույլ կտա բոլոր տիպի արտակարգ իրավիճակներից բխող արտակարգ դրության ռեժիմներին, ես կառաջարկեմ օրենսդրական նախաձեռնությամբ հանդես գաք, բայց ես ձեզ վստահեցնում եմ, որ ունիվերսալ լուծումներ չկան եւ համաճարակի դեպքում դա մի լուծում է, հեղափոխության դեպքում՝ մեկ այլ լուծում, աստերոիդի դեպքում՝ 3-րը, որը կարող ենք հիմա քննարկել եւ կանխատեսել, թե ինչ կարող է լինել»,- եզրափակեց Ավինյանը։

Տպել
535 դիտում

ՍԱՏՄ-ն գյուղատնտեսական մի քանի շուկաներում խախտումներ է արձանագրել. տվյալները կներկայացվեն պարետատուն

Տեսչական մարմնի աշխատակիցները կրկնակի այց և մշտադիտարկում են իրականացրել Երևան երկաթուղային կայարանում

Ոստիկանությունն արգելափակել է Ղալթաղչիի Սուրբ Հովհաննես մատուռ տանող ճանապարհները

Վրաստանը մեզ համար եղբայրական երկիր է, և շատ ջերմացնում է մեզ նման պատրաստակամությունը. վարչապետ

Ռեվանշիստները հիմա էլ ուրի՞շ «պլացդարմ» են փնտրում

Նախատեսված է 100.000 հայկական թեստի արտադրություն. ՄԿԻ-ն ավարտել է լաբորատոր փորձարկումները

358 պացիենտ գտնվում է ծանր, 58-ը՝ ծայրահեղ ծանր վիճակում. Նիկոլ Փաշինյան (տեսանյութ)

Առաջին դասարանցիների առցանց գրանցումը կսկսվի հունիսի 1-ից

Ունենք քաղաքական կամք՝ ֆիզիկական անձանց եկամուտների համատարած հայտարարագրում ներդնելու համար. վարչապետ

Ոստիկանները պարզել են Իջևանում կրակոցներ արձակած անձի ինքնությունը. ոստիկանություն է ներկայացել 42-ամյա տղամարդ

Արմավիրի նախկին քաղաքապետն ապօրինաբար 75 տարով տարածք է հատկացրել ՀՀ ֆուտբոլի ֆեդերացիայի նախկին նախագահին (տեսանյութ)

Պարետի որոշմամբ 24 ժամով արգելվել է 24, և 48 ժամով՝ 2 տնտեսվարողի պատկանող մասնաճյուղերի գործունեությունը

Արցախի նախագահը 2020 թվականի ամառային զորակոչ անցկացնելու եւ զորացրում կատարելու մասին հրամանագիր է ստորագրել

ՊԲ-ում այսօր սանիտարական օր է. ախտահանվել են զորանոցները, բուժկետերը, կենցաղային նշանակության շինությունները(տեսանյութ)

Դելի-Երևան հատուկ չվերթով Հայաստան է ժամանել ՀՀ 23 քաղաքացի, Հնդկաստան է վերադարձել 130 հնդիկ ուսանող

Համավարակը սահման և ազգություն չի ճանաչում. այն ազդեցություն է թողել յուրաքանչյուրիս վրա. Մհեր Գրիգորյանն ուղերձ է հղել

Հասարակության «լրջության կորագիծը»

Մոսկվա-Երևան չարտերային հերթական թռիչքը կկայան վաղը՝ մայիսի 31-ին՝ «Դոմոդեդովո» օդանավակայանից

Սեպտեմբերին մենք կարող ենք դասերը լիարժեք սկսել, սակայն պետք է խստագույնս հետևենք ցուցումներին. ԿԳՄՍ նախարար (տեսանյութ)

Շիրակի մարզում ինքնամեկուսացված 312 քաղաքացուց 24-ն ունի դրական ախտորոշում՝ հիվանդության անախտանիշ ընթացքով