Համեմատաբար սոցիալապես խոցելի խավն է այդքան էլեկտրաէներգիա եւ գազ սպառում․ պատգամավորը՝ 11-րդ միջոցառման մասին

Փետրվար ամսին գազի գծով 10 հազար դրամի եւ հոսանքի գծով 5 հազար դրամի սպառում ունեցող բաժանորդների թիվը 220 հազար է, որն այս պահին թվաքանակի առումով ամենամեծ շահառուներ ունեցող միջոցառումն է։ Այս մասին «Հայկական ժամանակ»-ի հետ զրույցում ասաց ՀՀ Ազգային ժողովի «Իմ քայլը» խմբակցության պատգամավոր, տնտեսագետ Արտակ Մանուկյանը՝ անդրադառնալով ՀՀ կառավարության այսօրվա նիստում ընդունած որոշմանը։

Հիշեցնենք, որ այսօր ՀՀ կառավարությունը հաստատեց կորոնավիրուսի տնտեսական հետեւանքների չեզոքացման 11-րդ միջոցառումը, որով օժանդակություն կտրամադրվի սոցիալական խնդիրների առջեւ կանգնած բնական գազի եւ էլեկտրաէներգիայի սպառման գծով ծախսերի համար։ Միջոցառման շահառու են բնական գազի մատակարարման եւ էլեկտրական էներգիայի մատակարարման պայմանագիր կնքած այն բնակիչ-բաժանորդները, որոնց 2020 թվականի փետրվար ամսվա ծախսը չի գերազանցել բնական գազի սպառման գծով 10 հազար դրամը, իսկ էլեկտրական էներգիայի սպառման գծով՝ 5 հազար դրամը: Աջակցությունը կտրամադրվի յուրաքանչյուր բաժանորդի 2020 թվականի փետրվար ամսվա ընթացքում սպառած համապատասխանաբար բնական գազի եւ էլեկտրական էներգիայի դիմաց վճարի 50 տոկոսի չափով:

Անդրադառնալով հարցին, թե ովքեր են այդչափ գազ կամ հոսանք սպառում Հայաստանում, Մանուկյանը պատասխանեց. «Համեմատաբար սոցիալապես խոցելի խավն է այդքան սպառում։ Հիմնականում կարող են լինել միայնակները, կարող են լինել նաեւ այն ընտանիքները, որտեղ, օրինակ, 2 կենսաթոշակառու են ապրում միասին։ Ես հիմա չեմ կարող ասել, թե այդ բաժանորդների քանակով քանի անձ է ստացվում, բայց ակնհայտ է, որ առնվազն 1-ից ավելի մարդիկ կան այդ կատեգորիայի մեջ»։

Հարցին կարող ենք ասել, որ այս պահին այս ծրագրի շահառուներն ամենաշատն են՝ պատգամավորը պատասխանեց. «Այս պահին թվաքանակի առումով սա ամենամեծ շահառուներ ունեցող միջոցառումն է։ Հիմա եթե 220 հազարից ավելի բաժանորդը, որը կազմում է բնակչության բավականաչափ մեծ տոկոսը, համարվում է, որ քիչ է… իհարկե, տեղ ունի այդպիսի կարծիքը, բայց ես թվերը ներկայացրի, գնահատականները թող տան իրենք»։

Հարցին ինչու է որոշվել գազի դեպքում՝ 10 հազար դրամ, էլեկտրաէներգիայի դեպքում՝ 5 հազար դրամ առավելագույն շեմը՝ նա պատասխանեց. «Որովհետեւ մենք ունենք սոցիալապես խոցելի խավի գնահատականներ։ 2016 թվականի նոյեմբերի որոշմամբ Կառավարությունում սպառման չափաքանակներ էր սահմանվել։ Օրինակ՝ սոցիալապես անապահովների համար այդ որոշմամբ սահմանված էր գազի 600 խորանարդ մետր սպառումը տարեկան։ Այդ գումարի սահմանաչափերը Կառավարության դիտարկումների հիման վրա ստեղծված սահմանաչափերի տրամաբանությունն է»։

Խոսելով միջոցառման հնարավոր ազդեցության մասին՝ պատգամավորն ասաց, որ սրանով խթանում են ոչ միայն սոցիալապես խոցելի խավերին, այլեւ խրախուսում են այն մարդկանց, որոնք էներգախնայողության առումով իրենց վարքագիծը փոխել են. «Սրա ազդեցությունն այն է, որ այն մարդիկ, որոնք արդեն վճարել են իրենց փետրվար ամսվա կոմունալները եւ մարտին կորոնավիրուսով պայմանավորված՝ եկամուտներ գեներացնելու խնդիր են ունեցել, պետությունը նրանց փետրվար ամսվա սպառածի 50 տոկոսի չափով, ըստ էության, կանխավճար կտրամադրի իրենց բաժանորդային հաշվին»։

Մանուկյանն ընդգծեց՝ այլ միջոցառումների շահառուները, որոնք համապատասխանում են այս միջոցառման նշված պայմաններին, կարող են ե՛ւ մեկից օգտվել, ե՛ւ մյուսից։

Տպել
1275 դիտում

Կապանում ձերբակալվածներին տեղափոխում են Երեւան, գործով ԱԱԾ-ն է զբաղվելու. ցուցարարները ցրվում են (տեսանյութ)

Քաջարանի քաղաքապետը հանդիպել է ձերբակալվածներին. պնդում է՝ բոլորին բռնության են ենթարկել (տեսանյութ)

Այս պահին ունենք 230 ծանր և 52 ծայրահեղ ծանր պացիենտ. Արսեն Թորոսյան

Նախկինների հանցավոր մնացորդները նոր ու զզվելի՝ իրենց վերջին խաղն են սկսել մաֆիայի վերադարձի համար. նախկին ՄԻՊ

Կապանում իրավիճակը շարունակում է լարված մնալ. քաղաքացիների պահանջով ժամանել է մարզպետ Հունան Պողոսյանը (տեսանյութ)

Կրիմինալի ու կոռուպցիայի հետ կոմպրոմիս չի լինելու. լինելու է չոր հակազդեցություն. Նիկոլ Փաշինյան

Կանոնները չպահպանող սրճարանները, ռեստորանները, վարսավիրանոցները խստագույնս փակվելու են. վարչապետ (տեսանյութ)

2 հեկտարով ընդլայնվում է «Արփի լիճ» ազգային պարկի անտառածածկը. մինչ տարեվերջ 3000 տնկի կավելանա տարածքում (լուսանկարներ)

Այսուհետ ցանկացած մեքենայում 1 անձից ավելի լինելու դեպքում բոլորը պարտադիր պետք է լինեն դիմակով. վարչապետ (տեսանյութ)

Դատապարտում ենք Քաջարան համայնքի բնակիչների նկատմամբ կիրառված ապօրինությունները. Քաջարանի ավագանու հայտարարությունը

Իրավիճակն իսկապես լրջանում է

61 տարեկանում մահացել է դերասանուհի Կարինե Բուռնազյանը

«Հին Գյումրի»-ն ներկայացված է նամականիշների «Եվրոպա» ամենամյա մրցույթին

Գեղարքունիքի մարզում կորոնավիրուսային հիվանդության 35 նոր դեպք կա եւ 26 ապաքինված. Գնել Սանոսյան

Որոշ պետական այրերի կոկորդին կարծես խեղդող փաստ է իմ ժողովրդական հեղինակությունն ու չեզոքությունը. Քաջարանի համայնքապետ

Այսօր ու վաղը ՀՀ զգալի մասում սպասվում է անձրեւ, առանձին վայրերում՝ կարկուտ. կցրտի 8-10 աստիճանով

«Ոստիկանը մերն է». Կապանի ոստիկանական բաժանմունքի դիմաց վանկարկումները շարունակվում են (տեսանյութ)

ՄԻՊ-ը զբաղվում է Քաջարանի բնակիչների ահազանգած բռնության դեպքերով. եւս մեկ անձ է բերման ենթարկվել Երեւանում

Լարված իրավիճակ ու բողոք Կապանում. ոստիկանությունում ծառայողական քննություն է նշանակվել

Արաբկիրում Պուրակը պատնեշած շուրջ 30 կրպակ է ապամոնտաժվում. Երեւանի քաղաքապետարան