Սովորական և արտասովոր միջոցառումներ՝ ընդդեմ կորոնավիրուսի տարածման. վարակված աշխարհն այսօր

Բրիտանիան կարող է լինել Եվրոպայում նոր կորոնավիրուս COVID-19-ից ամենաբարձր մահացությունն ունեցող երկիրը: Ինչպես հաղորդում է BBC-ին, այսպիսի կանխատեսում է արել բրիտանական կառավարության ավագ խորհրդական Ջերեմի Ֆարարին:

Վարակակիրներին բացահայտելու թեստավորումների ցուցանիշներով Բրիտանիան զիջում է եվրոպական շատ երկրների: Իշխանությունները չեն կարողանում ժամանակին հայտնաբերել վարակված մարդկանց եւ մեկուսացնել՝ վարակի տարածման արագությունը մեղմելու համար:

Բրիտանական իշխանությունները հույս ունեն, որ ապրիլի վերջին կկարողանան ամեն օր թեստավորել մինչեւ 100 հազար մարդու. շատ բժիշկներ վստահ չեն, որ դա հնարավոր է: Կիրակի օրը բրիտանական հիվանդանոցներում COVID-19-ի հետեւանքով մահացածների ընդհանուր թիվը գերազանցել է 10 հազարը: Նախարարները պահանջում են խստացնել կարանտինը:

Ըստ Coronavirus (COVID-19) Armenia տեղեկատվական հարթակի՝ Եվրոպայում կորոնավիրուսով վարակվածության ու մահացության ցուցանիշներով առաջինն է Իսպանիան. այստեղ նոր կորոնավիուսով վարակված է մոտ 166 հազար մարդ, մահացել է 17 հազարը, առողջացել՝ 62 հազարը:

Իտալիայի առողջապահության նախարարության տվյալների համաձայն՝ այստեղ վարակվածների թիվը ավելի քան 150 հազար է. մեկ օրում գրանցվել է եւս մոտ 5 հազարը, մահվան դեպքերը մոտ 20 հազարն են, ապաքինվածները՝ 33 հազարը:

Երրորդը Ֆրանսիան է. վարակված է մոտ 130 հազար մարդ, մահացել է 13 հազարը, առողջացել՝ 26 հազարը: Նախատեսվում է, որ այսօր՝ ապրիլի 13-ին, ֆրանսիացիներին կոչով կդիմի Ֆրանսիայի նախագահ Էմանուել Մակրոնը: Նա կհայտարարի նոր կորոնավիրուսի դեմ իրականացվելիք միջոցառումների մասին: Սպասվում է, որ մինչեւ ապրիլի 15-ը երկրում հայտարարված կարանտինը կխստացվի, քանի որ Ֆրանսիայում ամեն օր կորոնավիրուսով մահացողների թիվը մի քանի օրվա անկումից հետո կրկին սկսել է աճել:

Աշխարհում թե՛ վարակվածության եւ թե՛ մահացության ցուցանիշներով առաջինը շարունակում է մնալ ԱՄՆ-ը: Այստեղ վարակված է մոտ 533 հազար մարդ, մահացել է 20 հազարը, առողջացել՝ 30 հազարը: ԱՄՆ բոլոր՝ 50 նահանգներում առաջին անգամ պատմության մեջ հայտարարված է «խոշոր աղետի ռեժիմ»:

Իսկ Դանիան առաջիններից մեկն է, որը մեղմացնում է կարանտինի պայմանները: Այսօրվանից Դանիայում բացվում են որոշ բիզնեսներ, որ կենսական կարեւորության չեն: Չորեքշաբթի օրվանից դպրոց կհաճախեն մինչեւ 11 տարեկան երեխաները: Դանիան առաջին եվրոպական երկրներից էր, որը մոտ մեկ ամիս առաջ մտցրեց խիստ կարանտին, եւ իշխանությունները կարծում են, որ իրենց հաջողվել է վերահսկողության տակ վերցնել կորոնավիրուսի տարածումը: Երկրի սահմաններն առայժմ կմնան փակ:

Անսովոր միջոցառումներ

Չեչնիայում նոր կորոնավիրուսի դեմ «ահաբեկչական» մեթոդներ են կիրառվում: Այս մասին հաղորդում է «Новая газета»-ն: Թերթը պնդում է, որ Ռամզան Կադիրովը գործնականում հավասարեցնում է Չեչնիայում կորոնավիրուսով վարակվածներին ահաբեկիչների հետ եւ կոչ է անում պայքարել նրանց դեմ համապատասխան մեթոդներով:

Ինչպես պատմում են թերթի զրուցակիցները, մարդիկ վախենում են խոսել բարձր ջերմություն ունենալու, հազի եւ այլ ախտանիշների մասին, գերադասելի են համարում լռելյայն, աննկատ մեռնել կորոնավիրուսից: Խնդիրն այն է նաեւ, որ երկրի բազմաթիվ բուժհաստատություններ փակվել են, բժիշկներն ուղարկվել են չվճարվող արձակուրդ, իսկ այն բուժհաստատությունները, որ բաց են, համապատասխան հիգիենիկ միջոցներ եւ սարքավորումներ գրեթե չունեն:

BBC-ի տեղեկություններով՝ Թուքմենստանում կորոնավիրուսը վախի շղարշի ներքո է. թե՛ քաղաքացիները, թե՛ լրագրողները խուսափում են խոսել կորոնավիրուսի մասին: Եթե հարկ է կորոնավիրուսի մասին տվյալներ հաղորդել, ասում են՝ «սուր-շնչառական վարակ»: Պաշտոնական տեղեկություններով՝ այս երկրում վարակի որեւէ դեպք չի գրանցվել, սակայն Թուրքմենստանի առողջապահությունն ուսումնասիրող Լոնդոնի հիգիենայի եւ արեւադարձային բժշկության դպրոցի պրոֆեսոր Մարտին Մակկին նշել է. «Թուրքմենստանի առողջապահության ոլորտի պաշտոնական վիճակագրությունը անվստահելի է»: Արտերկրից բոլոր վերադարձողները պահվում են 14-օրյա կարանտինում (սակայն քիչ չեն տվյալները, որ հնարավոր է կաշառքով դուրս գալ կարանտինի համար նախատեսված վայրերից): Նշվում է, որ կորոնավիրուսի տարածումը կարող է վնասել երկրի՝ տարիների ընթացքում ձեռք բերած «առողջական վարկանիշին»: Այստեղ պարբերաբար պետական հեռուստատեսությունները ցուցադրում են, թե ինչպես է մարզվում նախագահ Գուբանգուլ Բերդիմուհամեդովը, հեծանիվ վարում եւ առողջ ապրելակերպ քարոզում:

Reuters-ի հաղորդմամբ՝ Հյուսիսային Կորեան խստացնում է կորոնավիրուսի կանխարգելման միջոցառումները՝ առանց մատնանշելու գրանցված դեպքեր կամ որեւէ այլ պատճառ:

Fox News-ի տվյալներով՝ Ֆիլադելֆիայում ոստիկանները ստիպողաբար հանրային տրանսպորտից իջեցնում են դիմակ կրել չցանկացող անձանց: Հանրային տրանսպորտում դիմակ կրելու պարտադրանքը, ի դեպ, ընդունել է ուղեւորափոխադրումներ իրականացնող կազմակերպությունը:

Russia Today-ի տվյալներով՝ Ուկրաինայի ոստիկանությունը ինքնամեկուսացումը խախտողներին սկսել է հայտնաբերել դրոնների միջոցով. Ուկրաինայում հաստատված դեպքերի թիվը մոտ 3 հազար է, 93 մահ և 97 բուժված: 

Բելառուսի նախագահ Ալեքսանդր Լուկաշենկոն, ինչպես հաղորդում է Ազատություն ռադիոկայանը, շարունակում է անտեսել Առողջապահության համաշխարհային կազմակերպության դիտարկումները, որ երկրում ընդդեմ կորոնավիրուսի տարածման որոշակի միջոցառումներ են անհրաժեշտ: Բելառուսում կորոնավիրուսի վարակ է հաստատվել մոտ 2500 մարդու մոտ, այդ թվում՝ 300 բժշկի, մահերը 26-ն են, բուժվածները՝ մոտ 300-ը: Լուկաշենկոն կոշտ հայտարարություններ է արել կորոնավիրուսից մահացածների մասին. «Վարակը թույլերին է կպչում», «Ինչպե՞ս կարելի է 135 կիլոգրամ քաշով ապրել, հասկանո՞ւմ եք՝ արդեն ո՛չ սիրտն է աշխատում, ո՛չ՝ մյուս օրգանները» կամ «Մահացել է անվանի դերասանը… բայց ի՞նչ էիք ուզում, վաղը, մյուս օրը նա դառնալու էր 80 տարեկան, ինչի՞ էր գնացել աշխատանքի»: Նա կտրուկ է արտահայտվել նաեւ կարանտին կամ պարետային ժամ սահմանելու կոչերի մասին. «Դա մենք կարող ենք մի օրում անել, բայց հետո՞, ի՞նչ ենք լափելու»: 

Կրճատվում է նավթի արդյունահանումը

Տնտեսական լուրերից թերեւս ամենաակնառուն այն է, որ Ռուսաստանն ու Սաուդյան Արաբիան պայմանագիր են կնքել ՕՊԵԿ +-ի շրջանակում. BBC-ի տվյալներով՝ որոշել են նավթի արդյունահանումը կրճատել օրական 10 միլիոն բարելով: ԱՄՆ-նշել է, որ կնվազեցնի ամենօրյա արտադրությունը 250 հազար բարելով:

Սահմանափակումներն ուժի մեջ են մտնում մայիսի 1-ից: Երկրները պետք է վերջ տան գնային պատերազմին, որ տեղի է ունենում համավարակով պայմանավորված՝ ցածր պահանջարկի պայմաններում: Նավթային գերտերություններն ակնկալում են, որ Զատկի տոներից հետո քիչ-քիչ կգրանցվի նավթի գների բարձրացում:

Երաժշտություն, որ ամոքում է

Երեկ աշխարհի բոլոր անկյուններում ունկնդրում էին աշխարհահռչակ տենոր Անդրեա Բոչելլիի «Երաժշտությունը հույսի համար» առցանց համերգը, հիասքանչ դասական համերգը, որ ուղեկցվում էր դատարկ փողոցների շարժապատկերներով, դիտել է ավելի քան 24 միլիոն մարդ:

Իսկ ապրիլի 13-ի երեկոյան, ՀՀ կառավարության պաշտոնական էջի ուղիղ եթերում նախատեսված էր  Արտո Թունջբոյաջյանի եւ աշխարհահռչակ Armenian Navy Band-ի համերգը:

Տպել
955 դիտում

Կապանում ձերբակալվածներին տեղափոխում են Երեւան, գործով ԱԱԾ-ն է զբաղվելու. ցուցարարները ցրվում են (տեսանյութ)

Քաջարանի քաղաքապետը հանդիպել է ձերբակալվածներին. պնդում է՝ բոլորին բռնության են ենթարկել (տեսանյութ)

Այս պահին ունենք 230 ծանր և 52 ծայրահեղ ծանր պացիենտ. Արսեն Թորոսյան

Նախկինների հանցավոր մնացորդները նոր ու զզվելի՝ իրենց վերջին խաղն են սկսել մաֆիայի վերադարձի համար. նախկին ՄԻՊ

Կապանում իրավիճակը շարունակում է լարված մնալ. քաղաքացիների պահանջով ժամանել է մարզպետ Հունան Պողոսյանը (տեսանյութ)

Կրիմինալի ու կոռուպցիայի հետ կոմպրոմիս չի լինելու. լինելու է չոր հակազդեցություն. Նիկոլ Փաշինյան

Կանոնները չպահպանող սրճարանները, ռեստորանները, վարսավիրանոցները խստագույնս փակվելու են. վարչապետ (տեսանյութ)

2 հեկտարով ընդլայնվում է «Արփի լիճ» ազգային պարկի անտառածածկը. մինչ տարեվերջ 3000 տնկի կավելանա տարածքում (լուսանկարներ)

Այսուհետ ցանկացած մեքենայում 1 անձից ավելի լինելու դեպքում բոլորը պարտադիր պետք է լինեն դիմակով. վարչապետ (տեսանյութ)

Դատապարտում ենք Քաջարան համայնքի բնակիչների նկատմամբ կիրառված ապօրինությունները. Քաջարանի ավագանու հայտարարությունը

Իրավիճակն իսկապես լրջանում է

61 տարեկանում մահացել է դերասանուհի Կարինե Բուռնազյանը

«Հին Գյումրի»-ն ներկայացված է նամականիշների «Եվրոպա» ամենամյա մրցույթին

Գեղարքունիքի մարզում կորոնավիրուսային հիվանդության 35 նոր դեպք կա եւ 26 ապաքինված. Գնել Սանոսյան

Որոշ պետական այրերի կոկորդին կարծես խեղդող փաստ է իմ ժողովրդական հեղինակությունն ու չեզոքությունը. Քաջարանի համայնքապետ

Այսօր ու վաղը ՀՀ զգալի մասում սպասվում է անձրեւ, առանձին վայրերում՝ կարկուտ. կցրտի 8-10 աստիճանով

«Ոստիկանը մերն է». Կապանի ոստիկանական բաժանմունքի դիմաց վանկարկումները շարունակվում են (տեսանյութ)

ՄԻՊ-ը զբաղվում է Քաջարանի բնակիչների ահազանգած բռնության դեպքերով. եւս մեկ անձ է բերման ենթարկվել Երեւանում

Լարված իրավիճակ ու բողոք Կապանում. ոստիկանությունում ծառայողական քննություն է նշանակվել

Արաբկիրում Պուրակը պատնեշած շուրջ 30 կրպակ է ապամոնտաժվում. Երեւանի քաղաքապետարան