Մեզ պետք է լեգիտիմ իշխանություն. Արայիկ Հարությունյանը խոցելի խմբին կոչ է արել չվտանգել առողջությունը

Արցախի ընտրական օրենսգրքի պահանջի համապատասխան՝ Հանրային հեռուստաընկերությունը երեկ բանավեճ էր կազմակերպել ապրիլի 14-ին սպասվող նախագահական ընտրությունների թեկնածուների համար, սակայն թեկնածուներից Մասիս Մայիլյանը հրաժարվել էր մասնակցել:

Ուստի ստացվեց ոչ թե բանավեճ, այլ հարցազրույց նախագահի թեկնածու Արայիկ Հարությունյանի հետ:

Անդրադառնալով կորոնավիրուսի պայմաններում ընտրությունների անցկացմանը՝ Արայիկ Հարությունյանն արցախցիներին կոչ արեց հետեւել արտակարգ իրավիճակի վերաբերյալ իշխանությունների առաջադրած կանոններին: «Ուզում եմ ողջունել այսօրվա նախագահի որոշումը՝ երկրում արտակարգ իրավիճակ հայտարարելու առումով, եւ ուզում եմ կոչ անել մեր հայրենակիցներին պարտադիր հետեւել այդ ամենին: Մեր եւ մեր ընտանիքի առողջությունն առաջին հերթին կախված է մեզանից: Մենք չպետք է մեղադրենք որեւէ մեկին, իշխանություններին, օպերատիվ շտաբին, մենք ինքներս պետք է պահպանենք այդ ամենը: Խնդրում եմ իմ բոլոր հայրենակիցներին փողոցում քայլելիս, քաղաքում, գյուղերում պահպանել այդ անվտանգությունը: Կոչ եմ անում մեր այն հայրենակիցներին, որոնք մտահոգված են ընտրության գնալու ռիսկերից, չմասնակցել, մեր բոլոր տարեցներին, խոցելի խմբի քաղաքացիներին, հիվանդներին, որ պարտադիր չէ մասնակցությունը: Իհարկե, ընտրելն իրենց սահմանադրական իրավունքն է, բայց պետք չէ ռիսկի տակ դնել»,- ասաց նա:

Միեւնույն ժամանակ Հարությունյանը նկատեց, որ Արցախին պետք է լեգիտիմ իշխանություն, քանի որ այն մարտահրավերը, այն աղետը, այն ճգնաժամը, որ սպասվում են կորոնավիրուսի հետեւանքով, միայն միասնաբար եւ լեգիտիմ իշխանությամբ է հնարավոր հաղթահարել:

Խոսելով աղետի մասին՝ Հարությունյանն ասաց՝ ինքը չի պնդում, որ աղետ անպայման լինելու է, բայց կարծում է, որ եթե համաճարակը երկար տեւի, իսկ բոլոր կանխատեսումներով, ցավոք, այն կարճ չի տեւելու, ուստի աղետ սպասվում է։

«Մենք պետք է պատրաստ լինենք»,- ընդգծեց նախագահի թեկնածուն՝ հավելելով, որ առաջին քայլով պետք է մտածել պարենային անվտանգության մասին:

«Դա նշանակում է, որ գյուղատնտեսությունը լինելու է բոլորիս ուշադրության կենտրոնում, գյուղատնտեսական ենթակառուցվածքները: Կարճ ժամանակում ամբողջ ոռոգման համակարգերը պետք է վերակառուցենք՝ սկսած Թարթառի ջրերի տեղափոխման աշխատանքներից»,- ասաց նա՝ հավելելով, որ պետք է վերակառուցել նաեւ Բադարայի ջրամբարը:

Մարտի 31-ին տեղի ունեցած ընտրություններում որեւէ թեկնածու չէր ստացել ընտրություններին մասնակցած անձանց 50 տոկոս +1 քվեն: 36,076 քվե կամ կողմ ձայների 49.6% ստացած Արայիկ Հարությունյանն ու 19,360 քվե կամ 26.4% ձայներ ստացած Մասիս Մայիլյանն անցել էին երկրորդ փուլ: Մայիլյանն օրերս իր ընտրողներին կոչ է արել բոյկոտել կորոնավիրուսի տարածման վտանգի պայմաններում անցկացվող ընտրությունների 2-րդ փուլը: Չնայած սրան՝ նա օրենքով սահմանված ժամկետում չի դիմել ԿԸՀ՝ իր գրանցումը ուժը կորցրած ճանաչելու հարցով, նշանակում է, որ նրա անունը կլինի ապրիլի 14-ի ընտրությունների քվեաթերթիկում:

Տպել
883 դիտում

Պարետի կողմից սահմանված նորմերի խախտման դեպքերով դադարեցվել է 1376 կազմակերպության գործունեություն

Արայիկ Հարությունյանը հրամանագրեր է ստորագրել նախարարների եւ ՊԵԿ նախագահի նշանակման մասին

Սահմանափակվել է ԵՏՀ և պարետի որոշումներով սահմանված ապրանքների արտահանումը. ՊԵԿ-ն ուժեղացված հսկողություն է սահմանել

Ըստ օրենքի՝ միջպետական ուղեւորափոխադրումներ իրականացնող 6-ից ավելի նստատեղ ունեցող մեքենաները պետք է ունենան տախոգրաֆ

Գոգյանի նման մարդկանց պետք է համարենք հարստություն, արժեքավոր ռեսուրս․ Արծրունի Սահակյան

Նոր կորոնավիրուսը հաղթահարել է շաքարային դիաբետով, հեմոդիալիզ ստացող կինը

Դիմակով նստած ենք եղել, կարծում եմ խնդիր պետք է առաջացած չլինի. Մակունցը՝ Փաշինյանի հետ շփման եւ թեստ հանձնելու մասին

ԱԺ-ն առաջին ընթերցմամբ ընդունեց Ոստիկանության բարեփոխումների նախագիծը

Կառավարության անդամների և վարչապետի աշխատակազմի համատարած թեստավորում անցկացնել չի նախատեսվում. Մանե Գեւորգյան

Միխայիլ Միշուստինը շնորհավորել է Նիկոլ Փաշինյանին ծննդյան օրվա առթիվ

Քաջարանի բնակչին առևանգելու եւ ծեծի ենթարկելու գործով 3 անձ կալանավորվել է

«Դավիթ Սանասարյանի՝ 2013 թ.-ին արած առուծախի տեղեկություններ են կցել գործին». պաշտպանն ու դատախազը բանավիճեցին

Գյումրու ինֆեկցիոն հիվանդանոցում կորոնավիրուսով 81 հիվանդ կա. 9 մահ է գրանցվել մինչ այսօր

Նիկոլ Փաշինյանին ծննդյան օրվա առթիվ շնորհավորական ուղերձ է հղել Վլադիմիր Պուտինը

Հրազդան-Ծաղկաձոր ավտոճանապարհի 1-ին կմ-ին հրդեհվել է փայտյա տնակ

«Վարչապետն ինձ թուղթ է տվել, Մարուքյանի հետ՝ սուրճ խմել․ հիմա ի՞նչ է լինելու». Տիգրան Ուրիխանյան

Վարչապետը անասթեզիոլոգ-ռեանիմատոլոգներին հորդորում է որակավորումը հավաստող տվյալները ուղարկել նշված հասցեով

Սահմանադրական փոփոխությունների հանրաքվեն չեղարկելու մասին նախագիծն ընդունվեց առաջին ընթերցմամբ

Արցախում կորոնավիրուս է հաստատվել եւս 3 անձի մոտ. ժամանել էին արտերկրից

Կորոնավիրուսի 210 նոր դեպք է հաստատվել. գրանցվել է 13 մահ, 5-ը՝ այլ հիվանդության հետեւանքով