Գիտական աստիճանաշնորման համակարգը թափանցիկ է դառնում․ նոր կայքը թույլ կտա ասպիրանտների քննություններն անցկացնել առցանց

1993 թվականից սկսած Հայաստանում առավել շատ գիտական աստիճան շնորհվել է Արմեն անունով եւ Սարգսյան ազգանունով մարդկանց: Արմեններին՝ 303 վկայագիր, Սարգսյաններին՝ 310։ Արմեն Սարգսյանի դեպքում կրկնություններ եւս կան․ հանդիպում է 11 անգամ։

Թվերը ֆեյսբուքյան իր էջում հրապարակել է ՀՀ բարձրագույն որակավորման կոմիտեի նախագահ Սմբատ Գոգյանը՝ օգնություն խնդրելով օգտատերերից՝ թարգմանելու այդ ցուցակները ռուսերեն եւ անգլերեն, որպեսզի տվյալները տեղադրվեն իրենց նոր, եռալեզու կայքում։

Սեփական ներդրումն ունենալու համար՝ անհրաժեշտ էր սեղմել հղման վրա եւ թարգմանել այն մեկը, որը ցանկանում ենք։

Գիտական աստիճան ստացածների ցուցակում կան իրարից տարբեր 1326 անուններ եւ 2320 ազգանուններ: Նրանց մեջ էլ գերակշռում են տղաները՝ 6658-ը կամ 61․65%-ը։ Աղջիկների դեպքում պատկերն այսպիսին է՝ 38.34 % կամ 4141 հոգի։ 

Գոգյանի առաջարկած գործին շատ օգտատերեր են միացել․ ժամեր անց արդեն 6000 տվյալ թարգմանված էր։ ԲՈԿ նախագահն էլ առիթն օգտագործելով՝ նշել է․ «Քանի որ հավեսի ընկաք, շուտով հայրանուններն էլ կավելացնեմ»։

Արդեն ֆեյսբուքյան գրառման մեկնաբանությունների մեջ Գոգյանը ներկայացրել է նաեւ ՀՀ գիտական աստիճան ստացած հայերի եւ արտասահմանցիների ընդհանուր թվերը։ Ըստ այդմ՝ հայերից հետո, որոնց թիվն ընդհանուր 10․227 է, պարսիկներն են՝ 388, արաբները՝ 73 եւ ռուսները՝ 41 գիտական աստիճաններով։

Ավելի քիչ են վրացիները՝ 16, եզդիները՝ 7, այնուհետեւ գերմանացիները, հույները եւ օսեթները, դրանից էլ պակաս՝ հնդիկները, ղազախները, ուկրաինացիները, ասորիները եւ այլ ազգի ներկայացուցիչներ։

Գոգյանի հաջորդ գրառման մեջ հայրանուներից բացի թարգմանությունների ցանկին ավելացան նաեւ ՀՀ աստիճանաշնորհման համակարգի հետ որեւէ կապ ունեցած բոլոր կազմակերպությունների անվանումները։ 

Քիչ հետո արդեն սկսեցին երեւալ առցանց հարթակում թարգմանված տարբերակները։ Ինչպես նշում էին մեկնաբանություններում․ «Կարգին ֆլեշմոբ է կամ էլ Գեղ կանգնի, գերան կկոտրի»։

ԲՈԿ նախագահը մեզ հետ զրույցում նշեց, որ ստեղծվող նոր կայքը հասանելի կդառնա հաջորդ շաբաթվանից։ Այնտեղ ներառված կլինեն ինչպես արդեն գիտական աստիճան ստացած մարդկանց տվյալները, այնպես էլ այժմյան ասպիրանտների, պաշտպանողների մասին տեղեկատվություն։ Կայքում կստեղծվի նաեւ համապատասխան հարթակ եւ անհրաժեշտ միջոցներ՝ նրանց մասնագիտական քննություններն առցանց տարբերակով իրականացնելու համար:

«Քննության ժամանակ հարցատոմսը գեներացվում է պատահական կերպով, նախօրոք ընտրված հարցատոմս սովորելու կամ քննությանը չներկայանալու ձեւերը կբացառվեն»,- իր խոսքում նշեց Գոգյանը՝ հավելելով, որ այսպես ստիճանաշնորհման համակարգն ամբողջությամբ թափանցիկ է դառնում։

Նրա խոսքով՝ բուհերին առաջարկելու են, որպեսզի նոր հարթակով տվյալ քննություններն օնլայն կազմակերպեն, սակայն ստիպել չեն կարող։ Այդ ամենը կիրականացվի ցանկության սկզբունքով։

Ինչը վերաբերում է պաշտպանություններին, ապա դրանց փաստաշրջանառությանը եւս հասանելի կլինի առցանց տարբերակով։ Արտակարգ դրության պայմաններում այն հեռավար, օնլայն քվեարկությամբ անցկացնելու տարբերակ կլինի։ Ընդդիմախոսների կարծիքները եւս կերեւան առցանց։

Մյուս շաբաթվանից, կայքի բացման հետ մեկտեղ, այդ բոլոր հնարավորությունները կընձեռվեն։

 

Տպել
965 դիտում

Covid-19-ը մենակ չէ. 2020-ին հրդեհներ, ջրհեղեղներ, բերքի անբավարարություն ու մորեխների ներխուժում է կանխատեսվում

Ուկրաինան և Թուրքիան բանակցում են օդային հաղորդակցությունը վերսկսելու շուրջ

ՀՀ ԱԳՆ-ն հայտարարություն է տարածել «Մակուչյան և Մինասյանն ընդդեմ Ադրբեջանի և Հունգարիայի» ՄԻԵԴ-ի վճռի առնչությամբ

Իրանի գերագույն հոգևոր առաջնորդը 3․721 բանտարկյալի ներում կամ պատժի մեղմացում է շնորհել

Տանկային ստորաբաժանումները զորավարժություն են անցկացրել

ԵՏՀ կոլեգիայի նիստ է կայացել. որոշումներ՝ միության տարածքում սննդամթերքի անվտանգության եւ պարենային ապրանքների մասին

Ռուբեն Հայրապետյանի նկատմամբ հետախուզում է հայտարարվել. նրան կալանավորելու միջնորդություն է ներկայացվել

Ոստիկանության Կումայրիի բաժնի ծառայողներն ապօրինի ծառահատման դեպք են բացահայտել

Պտղունք համայնքի նորակառույց թաղամասի բնակիչները կապահովվեն կապույտ վառելիքով

ԱԻՆ-ը կատարել է 1245 վարակազերծում. 872-ը՝ մարզերում, 373-ը՝ Երևանում

Կվերանորոգվի Օշական համայնքի «Անահիտ» մանկապարտեզը

ՀՀ ՔԿ Երևան քաղաքի քննչական վարչությունն ամփոփել է հունվարից մինչև մայիս կատարած աշխատանքը

Երրորդ զորամիավորումում անցկացվել են անվտանգության կանոնների պահպանման պարապմունքներ

Վաղը փակ կլինի Նեղոցի ենթակայանից մինչև Հաղպատի խաչմերուկ տանող ճանապարհահատվածը

«Ես տասներկու տարի սպասել եմ այդ արդարացմանը». Մարտի 1-ի գործով դատավճիռների դեմ՝ 16 բողոք

Եթե մեկն ասի, որ առասպելական վիշապի կաշին հնդկահավի փետուրի հետ կօգնի կորոնավիրուսին, շատերը կհավատան․ Արմեն Փամբուխչյան

Դավիթաշենում դիտարկված 27 տնտեսվարողից 17-ի մոտ ԱԱՏՄ-ն խախտումներ է արձանագրել

Սյունիքի մաֆիոզական խմբակին պետք է տրվի համարժեք պատասխան. Ենգիբարյանն անդրադարձավ Սյունիքում տեղի ունեցած միջադեպին

Հայկավանում հակակարկտային կայաններ են տեղադրվել

Սերբիան պատրաստակամ է կորոնավիրուսի դեմ պայքարում աջակցել Հայաստանին. Արմեն Սարգսյանը զրուցել է Սերբիայի նախագահի հետ