Ո՞վ ես դու, պարզ ասում եմ՝ ո՞վ ես դու. Գյուլագարակի համայնքապետը մարզպետի հետ կապեց իր հրաժարականը

 ես«Այդ մարդը իրեն ճիշտ չպահեց վերջին պահին, դրա համար անունը տալու եմ, որ իրեն չթվա, թե ես վախկոտ եմ: Եթե մարդուն հարգում ես, հարգանքով նստում հետը զրույց ես անում, 2-3 ամիս ա՝ էդ մարդու հետ ես զրից եմ անում, վերջում արդեն ինքը ինձ զանգում բացատրում ա՝ դիմումդ գրի ուղարկի մեզ, դիմումդ ընթացիկից հանի, կամ էն մեկը զանգում ա, ասում՝ անունդ տակից հանի»:

Այս մասին քիչ առաջ Գյուլագարակ համայնքի ավագանու նիստում հայտարարեց համայնքի ղեկավար Մհեր Գեւորգյանը՝ իր խոսքերն ուղղելով մարզպետին եւ վերջինիս հետ կապելով իր հրաժարականի պատճառները:

«18 տարի Կուրթանի գյուղապետ եմ աշխատել, 2,5 տարի է արդեն՝ խոշորացված համայնքի ղեկավար: 7 գյուղ ենք ղեկավարել, իրար օգնելով՝ աշխատել ենք, այսօր մեր բնակիչները պետք է ճիշտը իմանան:

Ով կգա աշխատելու ինձնից հետո, ես պատրաստ եմ լինելու օգնել, ես ոչ մեկի հետ խնդիր չունեմ: Բոլորդ էլ գիտեք, որ առողջական խնդիրներ ունեմ, վիրահատվել եկել եմ, դիմումիս մեջ էլ եմ գրել, բայց քանի որ պետք է փակագծեր բացեմ, դա չեմ ասում, որ ինձ խղճաք, այլ որ կողքիս կանգնեք… այդ մարդը իրեն ճիշտ չպահեց վերջին պահին, դրա համար անունը տալու եմ, որ իրեն չթվա, թե ես վախկոտ եմ: Եթե մարդուն հարգում ես, հարգանքով նստում հետը զրույց ես անում, 2-3 ամիս ա՝ էդ մարդու հետ ես զրից եմ անում, վերջում արդեն ինքը ինձ զանգում բացատրում ա՝ դիմումդ գրի ուղարկի մեզ, դիմումդ ընթացիկից հանի, կամ էն մեկը զանգում ա, ասում՝ անունդ տակից հանի: Վերջում ավագանու հետ ծրագիր ենք արել, ավագանին որոշել ա, որ ամեն գյուղում ինչ-որ բան է արվում: Համայնքի ղեկավարը ես եմ, բայց մարդիկ զանգում, ինձ ասում են՝ անունդ հանի, դո՞ւ պետք ա ինձ ասես, անունով ասում եմ՝ մարզպետը ու էսօրվանից ասում եմ՝ ես իրան հաստատ հրավիրելու եմ, մարտական եմ տրամադրված, ինքը ով ա, որ համայնքապետին ասի, մարդը չհասկացավ, որ ես վախկոտ չեմ»,- ասաց գյուղապետը՝ հավելելով՝ այդ ամենը չի ասում, որ չքվեարկեն իր հրաժարականի համար, այլ հակառակը, խնդրում է, որ քվեարկեն:

«Ես գնալու եմ մեր տուն, 100 տոկոսով: Ես սա էլ չէի ասի, եթե չպարզվեր, որ ինձ վախկոտի տեղ էին ուզում դնեն, երբ-որ ինքը բացատրում է, որ սաղ էլ դուրս են գալու, բեր դու սենց, բեր դու նենց… հասկացանք, դու արդեն ինձ թելադրում ես, թե ես ինչ անեմ, ծրագրեր կազմելուց անունս եք ջնջել տալիս: Ո՞վ ես դու, պարզ ասում եմ՝ ո՞վ ես դու, ես էն ա իմ խոդով տուն եմ գնում, բա դու ո՞վ ես, որ էս վիրուսի ժամանակ սենց բաներ ես անում: Սա ասեցի, որ դուք իմանաք՝ ես ոչ մի բանից չեմ վախենում…»,- եզրափակեց Մհեր Գեւորգյանը, ապա շնորհակալություն հայտնելով ներկաներին՝ դուրս եկավ դահլիճից: Ավագանու նիստը շարունակվեց առանց նրա մասնակցության, ավագանու անդամները շարունակում էին քննարկել գյուղապետի հայտարարությունն ու ստեղծված իրավիճակը:

ՀԺ-ի հետ զրույցում Մհեր Գեւորգյանը հաստատեց՝ մարզպետ Անդրեյ Ղուկասյանը քանիցս զանգահարել ու առաջարկել է իր անունը հանել տարբեր փաստաթղթերի տակից, մինչդեռ ինքը չի արել դա: Ճշտող հարցին՝ կոնկրետ իր հրաժարական ներկայացնելու առաջարկ ստացել է մարզպետից, դրական պատասխան տվեց՝ հրաժարվելով այլ հարցերի պատասխանել:

ՀԺ-ն զանգահարեց նաեւ մարզպետ Անդրեյ Ղուկասյանին, որը, սակայն, չպատասխանեց մեր հեռախոսազանգերին:

Տպել
4565 դիտում

ՀՀ ֆուտբոլի հավաքականի խաղացողը կարող է հայտնվել Կիպրոսի բազմակի չեմպիոնի կազմում

Նորա Մարտիրոսյանի «Եթե քամին վրա հասնի» ֆիլմն ընտրվել է Կաննի 73-րդ փառատոնի՝ «Առաջին լիամետրաժ ֆիլմ» անվանակարգում

Ոչ թե Ադրբեջանի ժողովուրդը, այլ Ադրբեջանի բարձրագույն ղեկավարությունը պատրաստ չէ խաղաղության. ՀՀ ԱԳՆ մամուլի խոսնակ

Դիմակը COVID-19-ից պաշտպանո՞ւմ է, ինչպե՞ս կրել ձեռնոց եւ ինչո՞ւ չօգտագործել դեղեր, խոսում են հայ մասնագետները

«Դուք անգրագիտություններ եք տարածում»․ «Գազպրոմ Արմենիա»-ի վարչության նախագահը՝ Հանրային խորհրդի անդամին

Նոր համակարգով կրտսեր պարեկի աշխատավարձը կկազմի 250-270 հազար դրամ․ դիմել կարող են նաեւ աղջիկները․ Ռուստամ Բադասյան

20 սննդի կետեր խախտել են պարետի որոշմամբ հաստատված սանիտարահիգիենիկ պահանջները. գործունեությունը դադարեցվել է 24 ժամով

«Ճառագայթային բժշկության և այրվածքների գիտական կենտրոն» ՓԲ ընկերության նախկին տնօրենին մեղադրանք է առաջադրվել

Մեկնարկում են պետական կրթաթոշակով Դրեյփերի համալսարանում ուսանելու առցանց դասընթացները

Ճանապարհային ոստիկանության Թեժ գծի 1-77 հեռախոսահամարը կրկին հասանելի է

Ալկոգել կա, մասկա կա, ջերմաչափ կա, գոնե վաղը եկեք, այ քեզի բան. Գյումրիում 11 տնտեսվարողի գործունեություն կասեցվեց

ՊԵԿ նախագահ Դավիթ Անանյանն ազատման դիմում է գրել

ԱՀ նախագահ Արայիկ Հարությունյանն արդարադատության նախարար է նշանակել

ՄԻՊ-ի իրավական չափանիշների վրա հիմնվելով՝ Վերաքննիչ քրեական դատարանը կայացրել է նախադեպային որոշում

IDBank-ն ու «Արմլիզինգ»-ը կհամագործակցեն

Մարտունու և Սևանի անձնագրային բաժինների պետերի պաշտոնավարումը ժամանակավոր դադարեցվել է. մեղադրանք է առաջադրվել 6 անձի

Այսպես անհնար է պահել համակարգը, այսօր իրավիճակը օգտակար է միայն սպառողին․ «Գազպրոմ Արմենիա»-ի գործադիր տնօրեն

Ֆրիտյոֆ Նանսենի անվան այգում հիվանդության պատճառով 11 թեղի է հատվել. կտրված ծառերի փոխարեն աշնանը կտնկվեն նորերը

Հայ մասնագետները փակ տարածքների, բժշկական սարքավորումների ախտահանման համար օզոնային գեներատորներ են ստեղծել

Գերմանիան, Պորտուգալիան ու Ռուսաստանը հավակնում են Չեմպիոնների լիգայի եզրափակիչն անցկացնելուն