Տնտեսական աջակցության միջոցառումների ծրագրերով 1 միլիարդ 433 միլիոն դրամի վարկային փաթեթներ են բավարարվել. նախարար

Կառավարության աջակցության ծրագրից 4 միջոցառումներ կան, որոնք տնտեսական բնույթի միջոցառումների առաջին փաթեթն են։ Այս մասին այսօր կառավարությունում հրավիրած ասուլիսի ժամանակ ասաց էկոնոմիկայի նախարար Տիգրան Խաչատրյանը։ Ներկայացնելով այդ փաթեթներից առաջինը՝ Խաչատրյանը նշեց, որ վերաբերում է այն կազմակերպություններին, որոնց վարկավորման կամ սուբսիդաբորման վերաբերյալ որոշումները կայացվում են առեւտրային բանկային համակարգի օգնությամբ։ Նախարարը ներկայացրեց, որ երեկվա դրությամբ միայն այս ծրագրով բանկային համակարգի կողմից բավարարված են եղել ընդհանուր արժեքով 1 մլրդ 433 մլն դրամ վարկային փաթեթներ, փաստացի տրամադրված են եղել 520 մլն դրամ վարկային միջոոցներ։

Երկրորդ միջոցառումը, ինչպես ներկայացրեց Խաչատրյանը, վերաբերում էր գյուղատնտեսության ոլորտում կառավարության աջակցության տվյալներին։ Նրա խոսքով՝ այս դեպքում փաթեթն ինքնին բացառությամբ մեկ բաղադրիչի նոր չէր, սակայն ապրիլից սկսած փոխվել է այն հիմնական մոտեցումը, որ կառավարությունը տոկոսները սուբսիդավորում է ամբողջությամբ, ոչ թե մասնակի։ «Կարեւոր լրացում կատարեցինք՝ մինչեւ 1 մլն դրամ արժեքով միկրովարկերն այլեւս հասանելի կլինեն գյուղացիական տնտեսություններին։ Երեկվա դրությամբ մենք ունեինք իրականացվող ծրագրերի առնչությամբ 1,1 մլրդ դրամ ընդհանուր արժեքով հաստատված վարկային հայտեր եւ 600 մլն դրամ ընդհանուր արժեքով փաստացի տրամադրված վարկեր»,- հայտարարեց նախարարը։

Երրորդ միջոցառումը վերաբերում է փոքր ձեռնարկություններին վարկային աջակցությանը։ Նախարարն ասաց, որ այս դեպքում կազմակերպությունների ընտրությունը կատարվում է ոչ թե ֆինանսական համակարգի օգնությամբ, այլ՝ դիտարկվում է այն փաստը, որ կազմակերպությունները 2019 թվականի ընթացքում ցուցաբերել են բարեխիղճ հարկային եւ վարկային վարքագիծ։ Նաեւ դիտարկվում է այն փաստը, որ տվյալ կազմակերպության տարեկան շրջանառությունը գերազանցում է 24 մլն դրամը, բայց չի գերազանցում 500 մլն դրամը։  Խաչարտյանն ասաց, որ այս կազմակերպությունները կարող են դիմել կառավարությանը եւ առանց լրացուցիչ պահանջների ունենալ իրենց կազմակերպության տարեկան շրջանառության 10 տոկոսի չափով վարկային միջոցներ․ դրանք տրամադրվում են 2 տարի անտոկոս։ «Երեկվա դրությամբ՝ այստեղ ունենք 27 հայտատուներ եւ 280 մլն դրամով վարկային ռեսուրսներ»,- ասաց նախարարը՝ հավելելով, որ այս պահին այն կազմակերպությունները, որոնք բավարարել են տվյալ ծրագրի չափանիշներին, 87-ն են, իսկ այն կազմակերպությունները, որոնք չեն արժանացել աջակցությանը՝ 61-ն են։

Նա շեշտեց նաեւ, որ այս 4 օրերի ընթացքում դիտարկված 356 հայտերից մոտ 270-ը տարբեր պատճառներով առայժմ չեն դիտարվում, քանի որ ի սկզբանե դուրս են եղել կառավարության կողմից հայտարարված չափորոշիչների շրջանակից։ «Մենք ուսումնասիրում ենք նաեւ այդ պատճառները՝ հասկանալու համար, թե որտե՞ղ են խտացված այն գործոնները, որոնց փոփոխությունների արդյունքում այդ կազմակերպությունների մի մասին առաջիկայում նույնպես կարող ենք դարձնել այս վարկային ֆինանսական աջակցության շահառու»,- ասաց նախարարը։

Այնուամենայնիվ, նախարարը շեշտեց, որ այս շաբաթվա ընթացքում քննարկվելու է, թե արդյո՞ք սահմանված պահանջները բավականին խիստ չեն, եւ եթե գան այն եզրակացության, որ դրանք շատ խիստ են, ապա հնարավոր է՝ պահանջները որոշակի ճշգրտումների ենթարկվեն։

Լրագրողներից մեկի հարցին, թե ե՞րբ են վերջին անգամ նախարարը եւ նախարարության մյուս աշխատակիցները պարգեւավճար ստացել, Խաչատրյանը պատասխանեց, որ փետրվար ամսվա արդյունքներով աշխատակիցների միայն մի մասն է ստացել պարգեւավճար։ Ինչպես պարզաբանեց նախարարը՝ դրանք այն մարդիկ են, որոնք աշխատել են հանգստյան օրերին՝ շենքի մաքրության եւ սանիտարական վիճակը կարգի բերելու հարցերով։ «Թե երբ կլինեն պարգեւավճարներ, չեմ կարող ասել։ Մենք եւ մեր աշխատակիցները շատ լավ հասկանում ենք, որ դժվարությունը վերաբերում է բոլորին եւ բոլորը պետք է յուրաքանչյուր իրավիճակում ունենան համարժեք սպասումներ»,- ասաց նախարարը՝ հավելելով, որ այս ամիս նա ստանալու է ՀՀ նախարարին սահմանված աշխատավարձի չափով գումար՝ 610 հազար դրամ։

Տպել
1830 դիտում

Դիմակով նստած ենք եղել, կարծում եմ խնդիր պետք է առաջացած չլինի. Մակունցը՝ Փաշինյանի հետ շփման եւ թեստ հանձնելու մասին

ԱԺ-ն առաջին ընթերցմամբ ընդունեց Ոստիկանության բարեփոխումների նախագիծը

Կառավարության անդամների և վարչապետի աշխատակազմի համատարած թեստավորում անցկացնել չի նախատեսվում. Մանե Գեւորգյան

Միխայիլ Միշուստինը շնորհավորել է Նիկոլ Փաշինյանին ծննդյան օրվա առթիվ

Քաջարանի բնակչին առևանգելու եւ ծեծի ենթարկելու գործով 3 անձ կալանավորվել է

«Դավիթ Սանասարյանի՝ 2013 թ.-ին արած առուծախի տեղեկություններ են կցել գործին». պաշտպանն ու դատախազը բանավիճեցին

Գյումրու ինֆեկցիոն հիվանդանոցում կորոնավիրուսով 81 հիվանդ կա. 9 մահ է գրանցվել մինչ այսօր

Նիկոլ Փաշինյանին ծննդյան օրվա առթիվ շնորհավորական ուղերձ է հղել Վլադիմիր Պուտինը

Հրազդան-Ծաղկաձոր ավտոճանապարհի 1-ին կմ-ին հրդեհվել է փայտյա տնակ

«Վարչապետն ինձ թուղթ է տվել, Մարուքյանի հետ՝ սուրճ խմել․ հիմա ի՞նչ է լինելու». Տիգրան Ուրիխանյան

Վարչապետը անասթեզիոլոգ-ռեանիմատոլոգներին հորդորում է որակավորումը հավաստող տվյալները ուղարկել նշված հասցեով

Սահմանադրական փոփոխությունների հանրաքվեն չեղարկելու մասին նախագիծն ընդունվեց առաջին ընթերցմամբ

Արցախում կորոնավիրուս է հաստատվել եւս 3 անձի մոտ. ժամանել էին արտերկրից

Կորոնավիրուսի 210 նոր դեպք է հաստատվել. գրանցվել է 13 մահ, 5-ը՝ այլ հիվանդության հետեւանքով

Կորոնավիրուսով վարակված շուրջ 100 տարեց կա. ահրաժեշտ են բժիշկներ, բուժքույրեր, մայրապետներ և սանիտարներ՝ խնամքի համար

Ավստրալական «Ձայնը» նախագծում Մաշա Մնջոյանի ելույթի ժամանակ պտտվել են ժյուրիի բոլոր անդամները (տեսանյութ)

Սերժ Սարգսյանի օրոք 15 միլիարդ է տրամադրվել բանակին՝ զենք գնելու համար, այդ զենքը մինչ օրս չկա. Հ. Հակոբյան (տեսանյութ)

Մենք հաջողությամբ կկարողանանք իրականացնել համազգային ծրագրեր. Արցախի նախագահը շնորհավորել է ՀՀ վարչապետի ծննդյան օրը

Ազգային ժողովում շարունակվում է քառօրյա նիստը․ «Իմ քայլը» խմբակցությունը 20 րոպե ընդմիջում խնդրեց

Հաղարծին գյուղ տանող կամրջի հենապատը փլուզվել է