COVID-19 հավելվածի միջոցով թեստ է իրականացրել 240 հազար մարդ, կորոնավիրուս հայտնաբերվել է 4 մարդու մոտ․ Բագրատ Բադալյան

Հիմնական գործիքները, որով պարզում ենք հիվանդների հետ շփումներ ունեցած մարդկանց շրջանակը, բջջային օպերատորների տրամադրած տվյալներն են։ Այս մասին այսօր Կառավարությունում հրավիրված ասուլիսի ժամանակ ասաց ՀՀ փոխվարչապետ, Տիգրան Ավինյանի խորհրդական Բագրատ Բադալյանը։ Նա եւս մեկ անգամ շեշտեց, որ վերջում իրենց տրամադրվում են միայն հիվանդի հետ շփում ունեցող կամ առնչվող անձանց տվյալները։ Բադալյանը հավելեց նաեւ, որ այդ տվյալները հավաքվում են, մշակվում, որոնք էլ հասանելի են միայն տվյալ համակարգում աշխատող անձանց։

«Այդ ցուցակը համեմատվում է բժիշկների իրականացրած հարցազրույցներով պարզված շփման շրջանակի հետ, այդ հավելյալ մասով էլ իրականացվում է լրացուցիչ հարցազրույց։ Այն անձինք, որոնք ունեցել են ֆիզիկական շփում հիվանդի հետ, ինքնամեկուսացվում են։ Արդեն ինքնամեկուսացած անձանց հետ կապված ունենք եւս մի քանի գործողություններ»,- ասաց խորհրդականը՝ մանրամասնելով, որ հիվանդի առողջական վիճակի եւ սննդի անհրաժեշտության մասին տեղեկատվության հավաքումն է։

Նրա խոսքով՝ եթե անհրաժեշտություն է առաջանում սննդի տրամադրում այդ անձին կամ իր ընտանիքին, աշխատանքի եւ սոցիալական հարցերի նախարարության միջոցով այդ տվյալները փոխանցվում են, եւ սնունդը մատակարարվում է։ «Բացի դրանից, մենք պարբերաբար հաղորդագրություն ենք ուղարկում ինքնամեկուսացված անձանց, որ անցնեն հաղորդագրության մեջ եղած հղումով եւ պատասխանեն առողջական վիճակի մասին հարցերին, այնուհետեւ ինքնալուսանկարվում են, որպեսզի հավաստիանանք, որ դա հենց ինքնամեկուսացված անձն է։ Այդ ընթացքում հավաքվում է նաեւ տեղեկություն նրանց գտնվելու վայրի մասին, եւ հավաստիանում ենք, որ չեն լքել մեկուսացման վայրը։ Այդ հաղորդագրությունները նրանք ստանում են օրվա մեջ մի քանի անգամ, չունեն պարբերականություն, պատահական սկզբունքով են ուղարկվում, որ հնարավոր չլինի այդ պարբերականությունը որոշել եւ բացակայել դրա միջակայքում»,- ասաց Բադալյանը։

Նա շեշտեց, որ հսկվում է նաեւ ինքնամեկուսացած անձանց գտնվելու վայրը, եւ եթե անձը լքում է, ավտոմատ համակարգը այդ հաղորդագրությունը փոխանցում է ՀՀ ոստիկանությանը։ «Այնսպես չէ, որ բոլորը հետեւում են՝ ով ուր գնաց, այդ հաղորդագրությունից հետո միայն ոստիկանության աշխատակիցը գնում է՝ պարզելու՝ այդ հաղորդագրությունը տեխնիկական խնդիր է, թե անձը լքել է վայրը։ Եթե լքել է բնակության վայրը, ապա ենթարկվում է վարչական տույժի, եթե մի քանի անգամ կրկնվի, ապա տվյալ քաղաքացիները կարող են տեղափոխվել արդեն մեկուսացման վայր»,- վստահեցրեց խորհրդականը։

Նա մանրամասնեց, որ առոողջական վիճակի մասին տեղեկությունը երբ հավաքվում է, այն քաղաքացիների տվյալները, որոնց մոտ կասկած է լինում հնարավոր վարակման, փոխանցվում են պարետատուն, այնուհետեւ պարետատան աշխատակիցները զանգահարում են այդ «կարմիր գոտում» հայտնված մարդկանց եւ հարցազրույցի միջոցով պարզում՝ արդյոք լրացված տվյալներն իրական են, թե մարդը պատահական կամ ուղղակի փորձել է բոլոր ախտանիշները ցույց տալ։ «Եթե ի հայտ է գալիս, որ անձի մոտ առկա են ախտանիշներ, տվյալները փոխանցվում են Առողջապահության նախարարություն՝ թեստավորում իրականացնելու համար։ Այս խմբի մոտ հավաքվում է նաեւ COVID-19 հավելվածի միջոցով հարցերին պատասխանած քաղաքացիների տվյալները։ Այս հավելվածն ունեցել է ավելի քան 40 հազար բեռնում, 240 հազար անգամ մարդիկ թեստ են իրականացրել։ 1500 մարդ հայտնվել է «կարմիր գոտում», հարցազրույցի միջոցով առանձնացվել է 31-ը։ Նրանցից 12-ը թեստավորվել է, որոնցից 4-ի մոտ եղել է դրական արդյունք»,- եզրափակեց Բադալյանը՝ հավելելով, որ այս հավելվածը կամավորական սկբունքով է, եւ քաղաքացիները պարտավոր չեն այն ներբեռնել եւ պատասխանել հարցերին։

Տպել
1129 դիտում

Բելառուսի նախագահը նոր վարչապետ է նշանակել

Պացիենտից վարակված բժիշկն այսօր դուրս է գրվել

Բակո Սահակյանը պատասխանել է Ապրիլյան պատերազմի քննիչ հանձնաժողովի հարցերին. հանձնաժողովի աշխատանքի ժամկետը սպառվեց

ԱԺ-ն չընդունեց մեկուսացման նպաստ սահմանող նախագիծը. այն ուղարկվեց առաջարկների ստացման փուլ

«Մշակութային ժառանգություն» դարձած կրպակը ապամոնտաժվեց տնտեսվարողի հետ բանակացությունների արդյունքում. Կուբատյան

Պաշտպանության նախարարությունը հրավիրում է դիմել «1991 ստորաբաժանման» շրջանակում անցկացվող դասընթացներին

Արմավիրի մարզում հաստատվել է կորոնավիրուսով վարակման 717 դեպք, առողջացել՝ 287-ը

Վրաստանում անցած 1 օրում կորոնավիրուսով վարակման 1 դեպք է արձանագրվել

Բանկերն ու վարկային կազմակերպությունները վարկային արձակուրդ են տրամադրել 550 հազար ֆիզիկական անձանց․ վարչապետ

Պարող կինը դպրոցի տնօրենն է. վարչապետը հրապարակել է դպրոցներից մեկում «Վերջին զանգ»-ի տեսանյութը

Բյուջետային ծրագրերի ֆինանսավորման համար ԱՄՀ-ից 315 մլն դոլար վարկային միջոցներ կներգրավվեն․ Ջանջուղազյան

Ընդդիմությունը մեզ հետ խրամատ փորելու փոխարեն պահանջում է Արսեն Թորոսյանի հրաժարականը․ Հրաչյա Հակոբյան

ՀՀ նախագահի 2020թ. մրցանակակիրների անունները հայտարարելու գործընթացը հետաձգվում է

8-րդ միջոցառման շահառուների շրջանակն ընդլայնվեց եւս 9 ոլորտով․ 9171 քաղաքացի օժանդակություն կստանա

«Իմ քայլը» խմբակցությունն առաջարկում է հետ տանել իր առաջարկած օրենքի նախագիծը, ընդդիմությունը դեմ է

Տպավորություն է, թե վարակը քաղաքական-կուսակցական հարց է, այնինչ բոլորիս առողջությունը քաղաքական հարց չէ. Լ. Նազարյան

10 տոկոս կանխավճարով եւ մինչեւ 20 տարի մարման ժամկետով բնակարաններ կվաճառվի հանրային ծառայողներին․ Ղուլարյան

Այս տարի «Դայակ պետության աջակցությամբ» ծրագրից կկարողանա օգտվել 600 քաղաքացի

100 հազարավոր թոշակառուներից շատ քչերն են օգտվում անկանխիկ թոշակ ստանալու հնարավորությունից․ Արշակյան

Օլիմպիական խաղերը կարող են անցկացվել պարզեցված տարբերակով