4 երկիր, որտեղ ֆուտբոլային առաջնությունները չեն դադարեցվել

Ի՞նչ ընդհանուր բան ունեն Բելառուսը, Բուրունդին, Նիկարագուան ու Տաջիկստանը: Սրանք Երկիր մոլորակի 4 աշխարհամասերի այն 4 երկրներն են, որոնց, ինչպես փոխացնում է Reuters լրատվական գործակալությունը, կորոնավիրուսը չի խանգարել ֆուտբոլային առաջնություններ անցկացնել: Այն բանից հետո, ինչ աշխարհի գրեթե բոլոր երկրներում գրեթե բոլոր մազաձեւերի հետ կապված միջոցառումները դադարեցվեցին, հետաձգվեցին կամ չեղարկվեցին, շատ մարզասերներ, հատկապես ֆուտբոլասերները մնացին այս առաջնությունների հույսին: Ֆուտբոլային առումով սովորաբար լուսանցքում մնացող այս երկրները հայտնվեցին ուշադրության կենտրոնում, եւ նրանց մասին պատմությունները լուսաբանվում են աշխարհի առաջատար պարբերականներում:

Հայաստանում հատկապես շատ քննարկվեց Բելառուսի առաջնությունը: Ոմանք զայրանում կամ զարմանում են այս երկրի համարձակության վրա, ոմանք հումորով են վերաբերվում թե՛ դրա անցկացման գաղափարին, թե՛ Բելառուսի նախագահ Ալեքսանդր Լուկաշենկոյի՝ կորոնավիրուսի վերաբերյալ հայտարարություններին, սակայն, եթե ֆուտբոլ նայելու ցանկություն կա, ապա մնացած առաջնություններից ամենաբարձրակարգը հենց սա է:

Բելառուսի 2020թ. առաջնությունը մեկնարկել է մարտի 19-ին: Այնտեղ կայացել է 3 տուր: Մասնակցում է 16 թիմ: Եվրագավաթներին մասնակցելու շնորհիվ այս առաջնությունից առավել հայտնի են ԲԱՏԷ Բորիսովը եւ Մինսկի «Դինամոն»: Այս պահին 9 միավորով միանձնյա առաջատարն է «Էներգետիկը»: «Նեմանը», որտեղ հանդես է գալիս հայ ֆուտբոլիստ Գեղամ Կադիմյանը, 8-րդն է: Ունի 4 միավոր: 27-ամյա հարձակվողը թիմի 3 խաղերին էլ մասնակցել է ու նաեւ գոլի հեղինակ է դարձել: Աչքի է ընկել 2-րդ տուրի «Վիտեբսկի» դեմ խաղում: «Նեմանը» հաղթել է 2:0 հաշվով, իսկ Կադիմյանի գոլը ճանաչվել է լավագույնը 2-րդ տուրում:

«Ավելի լավ է մեռնել կանգնած, քան ապրել ծնկի եկած»,- սա է Լուկաշենկոյի մոտեցումը, եւ Բելառուսում չի արգելվում նաեւ երկրպագուների ներկայությունը: Արդյունքում ֆուտբոլային «սովի» պայմաններում, այս երկրի առաջնության նկատմամբ հետաքրքրությունը բավական մեծացել է եւ ոչ միայն հետխորհրդային տարածքում: Միջազգային լրատվամիջոցները հայտնում են, որ ավելի քան 10 երկրներ գնել են մրցաշարի հեռարձակման իրավունքները: Դրանց թվում են Ռուսաստանը, Իսրայելը, Բուլղարիան, Հնդկաստանը:

Եթե Բելառուսը ֆուտբոլային որոշակի ավանդույթներ ունի, ապա Տաջիկստանի մասին նման բան ասել հնարավոր չէ: Այս երկիրը երբեւիցե Ասիայում կամ աշխարհում լուրջ հաջողություններ չի ունեցել թե՛ հավաքականների եւ թե՛ ակումբային մակարդակով մրցաշարերում: 2020թ. ֆուտբոլային մրցաշրջանն սկսել է՝ ժամանակացույցի համապատասխան: Ապրիլի 4-ին Սուպերգավաթի խաղարկությունում «Իստիկլոլը» հաղթել է «Խուջանդին» (2:1): Երկրի առաջնությունը մեկնարկել է հաջորդ օրը, առաջին տուրի շրջանակներում կայացել է 3 խաղ, եւ եւս 2-ը նախատեսված է վաղը՝ ապրիլի 8-ին: Մրցաշարին մասնակցում է 10 թիմ:

Տաջիկստանի Սուպերգավաթի խաղարկությունը

Բուրունդին, որը նույնպես ոչ մի կերպ ֆուտբոլային չի կարող համարվել, եւս տարբերվում է աշխարհում ստեղծված իրավիճակի նկատամբ իր մոտեցմամբ: Այստեղ ոչ մի տեսակ մասսայական միջոցառում արգելված չէ, կյանքն ընթանում է այնպես, ինչպես նախկինում: Ֆուտբոլի ազգային առաջնությունն ընթացքի մեջ է: Մասնակցում է 16 թիմ, ու արդեն 27 տուր կայացել է:

Բուրունդիում առաջնությունն ընթաացքի մեջ է

Նիկարագուայի առաջնության մասին էլ դժվար թե ինչ-որ մեկը մտածեր, եթե հանգամանքները չստիպեին: Առաջնությանը մասնակցում է 10 թիմ: Արդեն կայացել է 14 տուր: Թեեւ սահմանափակումներ կան. երկրպագուներ չեն հաճախում, սակայն Կենտրոնական Ամերիկայի այս երկրում, որտեղ բեյսբոլն ավելի սիրված մարզաձեւ է, ֆուտբոլի առաջնությունը դադարեցնելու մասին չեն մտածում: Ֆեդերացիայի գլխավոր քարտուղարը նշել է, որ նույնիսկ մեծացել է հետաքրքրությունը ֆուտբոլի նկատմամբ:

Ամեն դեպքում, ֆուտբոլիստները որոշակի մտավախություններ ունեն: Թիմերից մեկի՝ «Դեպորտիվո Լաս Սաբանասի» դարպասապահ Կարլոս Մոսկերան խոստովանել է, որ այն, ինչ տեղի է ունենում աշխարհում, թույլ չի տալիս լիարժեք կենտրոնանալ խաղի վրա, խաղացողներն աշխատում են խուսափել միմյանց դիպչելուց եւ ոչ մեծ խանդավառությամբ են պայքարում գնդակի համար:

Քանի որ այս առաջնություններն այնքան էլ հայտնի չեն, հետաքրքրությունը նրանց նկատմամաբ մեծացել է միայն, որովհետեւ այլ տարբերակ չկա, ու ամենայն հավանականությամբ թոփ առաջնությունների վերսկսումից հետո նրանց մասին նորից կմոռանան, համացանցում նրանց խաղերի հեռարձակումը գտնելն այնքան հեշտ չէ, որքան հայտնի առաջնություններինը: Ամեն դեպքում, կան ինտերնետ որոշ ռեսուրսներ, որոնք որոշակի հնարավորություն տալիս են: Դրանցից են, օրինակ, gooool.org-ը, livetv.sx-ը:

Տպել
752 դիտում

Վրաց քաղաքական ու հասարակական գործիչներն առաջարկում են օգնել Հայաստանին. aliq.ge

ՀՀ ֆուտբոլի հավաքականի խաղացողը կարող է հայտնվել Կիպրոսի բազմակի չեմպիոնի կազմում

Նորա Մարտիրոսյանի «Եթե քամին վրա հասնի» ֆիլմն ընտրվել է Կաննի 73-րդ փառատոնի՝ «Առաջին լիամետրաժ ֆիլմ» անվանակարգում

Ոչ թե Ադրբեջանի ժողովուրդը, այլ Ադրբեջանի բարձրագույն ղեկավարությունը պատրաստ չէ խաղաղության. ՀՀ ԱԳՆ մամուլի խոսնակ

Դիմակը COVID-19-ից պաշտպանո՞ւմ է, ինչպե՞ս կրել ձեռնոց եւ ինչո՞ւ չօգտագործել դեղեր, խոսում են հայ մասնագետները

«Դուք անգրագիտություններ եք տարածում»․ «Գազպրոմ Արմենիա»-ի վարչության նախագահը՝ Հանրային խորհրդի անդամին

Նոր համակարգով կրտսեր պարեկի աշխատավարձը կկազմի 250-270 հազար դրամ․ դիմել կարող են նաեւ աղջիկները․ Ռուստամ Բադասյան

20 սննդի կետեր խախտել են պարետի որոշմամբ հաստատված սանիտարահիգիենիկ պահանջները. գործունեությունը դադարեցվել է 24 ժամով

«Ճառագայթային բժշկության և այրվածքների գիտական կենտրոն» ՓԲ ընկերության նախկին տնօրենին մեղադրանք է առաջադրվել

Մեկնարկում են պետական կրթաթոշակով Դրեյփերի համալսարանում ուսանելու առցանց դասընթացները

Ճանապարհային ոստիկանության Թեժ գծի 1-77 հեռախոսահամարը կրկին հասանելի է

Ալկոգել կա, մասկա կա, ջերմաչափ կա, գոնե վաղը եկեք, այ քեզի բան. Գյումրիում 11 տնտեսվարողի գործունեություն կասեցվեց

ՊԵԿ նախագահ Դավիթ Անանյանն ազատման դիմում է գրել

ԱՀ նախագահ Արայիկ Հարությունյանն արդարադատության նախարար է նշանակել

ՄԻՊ-ի իրավական չափանիշների վրա հիմնվելով՝ Վերաքննիչ քրեական դատարանը կայացրել է նախադեպային որոշում

IDBank-ն ու «Արմլիզինգ»-ը կհամագործակցեն

Մարտունու և Սևանի անձնագրային բաժինների պետերի պաշտոնավարումը ժամանակավոր դադարեցվել է. մեղադրանք է առաջադրվել 6 անձի

Այսպես անհնար է պահել համակարգը, այսօր իրավիճակը օգտակար է միայն սպառողին․ «Գազպրոմ Արմենիա»-ի գործադիր տնօրեն

Ֆրիտյոֆ Նանսենի անվան այգում հիվանդության պատճառով 11 թեղի է հատվել. կտրված ծառերի փոխարեն աշնանը կտնկվեն նորերը

Հայ մասնագետները փակ տարածքների, բժշկական սարքավորումների ախտահանման համար օզոնային գեներատորներ են ստեղծել