ԱՀ ոստիկանությունում ընտրախախտումների վերաբերյալ 9 հաղորդում է ստացվել

04/04/2020 schedule11:35

Մարտի 31-ին Արցախում կայացած համապետական ընտրությունների ժամանակ գրանցված ընտրախախտումների վերաբերյալ 9 հաղորդում է ստացվել: Այս մասին տեղեկացնում է ԱՀ ոստիկանությունը:

Ապրիլի 3-ին ԱՀ ոստիկանության քրեական հետախուզության վարչությունից Արցախի ոստիկանության Ստեփանակերտ քաղաքի վարչություն է մուտքագրվել Արցախի գլխավոր դատախազությունից ստացված նյութերն առ այն, որ «facebook» կայքում «Grisha Danielyan» անվամբ օգտատերը տեսանյութ է տարածել, թե ինչպես են մի խումբ անձինք Ստեփանակերտ քաղաքի Մ. Մաշտոցի անվան թիվ 4 դպրոցի շենքում տեղակայված 1/21 ընտրական տեղամասում ընտրողից պահանջում հեռախոսից ջնջել քվեաթերթիկի լուսանկարը: Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը:

Ապրիլի 3-ին Արցախի ոստիկանության քրեական հետախուզության վարչությունից ԱՀ ոստիկանության Ստեփանակերտի վարչություն է մուտքագրվել ԱՀ գլխավոր դատախազությունից ստացված նյութերն առ այն, որ «facebook» կայքում «Artsakhnews» խմբի կողմից տեսանյութ է տարածվել մարտի 31-ին Ստեփանակերտ քաղաքի 5-րդ դպրոցի մարզադահլիճում տեղակայված ընտրական տեղամասում ընտրողի կողմից քվեաթերթիկը լուսանկարահանելու վերաբերյալ: Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը:

Ապրիլի 3-ին ԱՀ ոստիկանության քրեական հետախուզության վարչությունից ԱՀ ոստիկանության Ստեփանակերտ քաղաքի վարչության քարտուղարություն է մուտքագրվել գլխավոր դատախազությունից ստացված նյութերն առ այն, որ «facebook» կայքում «Sergey chamanyan» անվամբ օգտատերը տեսանյութ է տարածել մարտի 31-ին Ստեփանակերտ քաղաքի 7-րդ դպրոցի շենքում տեղակայված ընտրական տեղամասում այլ անձի փոխարեն քվեարկելու փորձի վերաբերյալ: Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը:

Ապրիլի 3-ին Արցախի ոստիկանության պետի աշխատակազմից ստացվել է գլխավոր դատախազությունից ուղարկված գրությանը կից նյութերն առ այն, որ Արցախի արդարության կուսակցության ֆեյսբուքյան կայքում հրապարակվել էր Մարտակերտի շրջանի Նոր Կարմիրավան համայնքի թիվ 4/30 տեղամասում քվեատուփերը կնքված չլինելու և ԱՀ ընտրական օրենսգրքի 64-րդ հոդվածով նախատեսված պահանջները չկատարելու վերաբերյալ տեղեկությունները: Ստուգմամբ զբաղվում է ԱՀ ոստիկանության Մարտակերտի շրջանային բաժինը:

Ապրիլի 3-ին ԱՀ ոստիկանության պետի աշխատակազմից ստացվել է ԱՀ գլխավոր դատախազությունից ուղարկված գրությանը կից նյութերն այն մասին, որ ֆեյսբուքյան կայքի օգտատեր Աննա Այվազյանը տեղեկություն է հրապարակել, մարտի 31-ին ԱՀ համապետական ընտրությունների ընթացքում Մարտակերտի շրջանի Վանք համայնքում տրանսպորտային միջոցի վառելիքի տեսքով թեկնածուի համակիրների կողմից ընտրակաշառք բաժանելու վերաբերյալ: Ստուգմամբ զբաղվում է ԱՀ ոստիկանության Մարտակերտի շրջանային բաժինը:

Ապրիլի 3-ին ԱՀ Մարտակերտի շրջդատախազությունից ԱՀ ոստիկանության Մարտակերտի շրջանային բաժին է ստացվել 03.04.2020թ. գրությանը կից նյութերն այն մասին, որ 168.am կայքում հրապարակվել է դիտորդ Սոնա Աղեկյանի գրառումն՝ «Մարտակերտի երկու ընտրատեղամասերում արձանագրել ենք, որ կահավորանքը սխալ է, քվեատուփը դրել էին աստիճանների տակ, որպեսզի վերևից մեկը վերահսկի, որ մարդիկ վախից քվեարկեն նրան, ում պատվիրված է» բովանդակությամբ: Ստուգմամբ զբաղվում է ԱՀ ոստիկանության Մարտակերտի շրջանային բաժինը:

Ապրիլի 3-ին ԱՀ Մարտակերտի շրջդատախազությունից ոստիկանության Մարտակերտի շրջանային բաժին է ստացվել 03.04.2020թ. գրությանը կից նյութերն այն մասին, որ asparez.am կայքում հրապարակվել է «Ականատես» դիտորդական առաքելության կողմից ներկայացված նախնական տեղեկանքում զետեղված մարտի 31-ին կայացած ԱՀ նախագահական և խորհրդարանական ընտրությունների ժամանակ «Մարտակերտ քաղաքում տեղակայված 4/2 ընտրատեղամասում ժամը 14:30-ից մինչև 14:45-ը տեսախցիկով նկատվել է լցոնման դեպք, որը սակայն, հնարավոր չի եղել ստուգել տեսանյութի վերանայման անհնարինության պատճառով» վերնագրով գրառումով տեղեկությունը: Ստուգմամբ զբաղվում է ԱՀ ոստիկանության Մարտակերտի շրջանային բաժինը:

Ապրիլի 3-ին ԱՀ ոստիկանության քրեական հետախուզության վարչությունից ստացվել է ԱՀ գլխավոր դատախազությունից ուղարկված նյութերը այն մասին, որ 02.04.202թ. «facebook» կայքում «Roman Babayan» անվամբ օգտատերը տեսանյութ է տարածել որում նշվում է, որ մարտի 31-ին Շուշի քաղաքի Խ. Աբովյանի անվան հիմնական դպրոցում տեղակայված 7/1 ընտրական տեղամասում ընտրողի կողմից քվեաթերթիկը ենթադրաբար լուսանկարվել է: Ստուգմամբ զբաղվում է ԱՀ ոստիկանության Շուշիի շրջանային բաժինը:

Ապրիլի 3-ին ԱՀ ոստիկանություն է մուտք գործել ԱՀ գլխավոր դատախազությունից ստացված «Իրազեկ Քաղաքացիների Միավորման Ստեփանակերտի Գրասենյակ» խորհրդատվական ՀԿ֊-ի կողմից տրված հանցագործության մասին հաղորդումն այն մասին, որ «facebook» կայքում «Վիտալի Բալասանյան Vitali Balasanyan» անվամբ գրանցված օգտատիրոջ կողմից մարտի 28-ին հրապարակվել էր, որ ուժային կառույցների, տարբեր նախարարությունների շարքային աշխատողների կողմից սպառնալիքներ են հնչում,որ քվերարկեն իրենց նշած թեկնածուի օգտին։

Ստուգմամբ զբաղվում է ԱՀ ոստիկանության քրեական հետախուզության վարչությունը։

Տպել
1520 դիտում

Ներկայացված պահանջը դուրս էր ՄԻԵԴ-ի իրավասությունից, երկրի ներքին գործերին միջամտելու շեմին է մոտենում․ Եղիշե Կիրակոսյան

Եվրոպայում կորոնավիրուսն անխնա հարվածել է ծերանոցներին. կառավարությունները մեղադրանքի թիրախում են

Ցանցի վերականգնման աշխատանքները շարունակվում են. «ՅՈՒՔՈՄ»-ը հայցում է բաժանորդների ներողամտությունը

Ստեփան Քարտաշյանը նշանակվել է Հանրապետության նախագահի ռեֆերենտ

Մարտունիում կհիմնանորոգվեն 4 մանկապարտեզների շենքեր

Թրամփից հիասթափվելու, կորոնավիրուսով վարակվելու և նախագահի թեկնածու դառնալու մասին. Քանյե Ուեսթի հարցազրույցը՝ Forbes-ին

Տավուշի մարզպետը 2019-ին վաճառել է իր ավտոմեքենան․ որքան եկամուտ է նա ստացել նույն տարում

Բնակարանային պայմանների բարելավման նպատակով Շուշիին լրացուցիչ 25 մլն ՀՀ դրամ կհատկացվի

Հավանության է արժանացել Վայոց ձորի մարզից ներկայացված սուբվենցիոն 24 ծրագիր

Հրաչյա Թաշչյանը նշանակվել է վարչապետի աշխատակազմի արտաքին կապերի վարչության պետ

Ձեռնարկվում են քայլեր Նիժնի Նովգորոդի օտարերկրացիների ժամանակավոր պահման կենտրոնում գտնվող հայերի ՀՀ վերադարձի համար

Երթևեկության կազմակերպման փոփոխություն կկատարվի Երևանի Անտառային փողոցի Լեռ Կամսար և Սարմենի փողոցների հատվածում

Կհիմնանորոգվի Ծաղկուտի համայնքային կենտրոնը

114 դպրոցի տնօրենը դատի է տվել ԿԳՄՍ նախարարությանը․ պահանջում է անվավեր ճանաչել նախարարի հայտարարած խիստ նկատողությունը

Մեծ Մասրիկում կլուսավորվի 7 փողոց

Հեռավար դասերի լավ կողմերից է ստեղծագործական ազատությունը, վատերից՝ խիտ դասացուցակը և ծնողների անհարկի միջամտությունները

Գյումրու տուն-ինտերնատի ևս 2 խնամյալ է հիվանդանոցում մահացել. կորոնավիրուսի նոր դեպքեր հաստատությունում չեն հայտնաբերվել

Տրդատ Սարգսյանը նշանակվել է «Քաղաքացիական պայմանագիր» կուսակցության աշխատակազմի ղեկավար

Կվերանորոգվի Առատաշեն համայնքի մանկապարտեզի երկրորդ մասնաշենքը. սաների թիվը կավելանա 40-ով

ՀՀ տարածքում ավտոճանապարհներն անցանելի են