ՀՊՏՀ-ում անհրաժեշտության դեպքում առցանց կանցկացվի դիպլոմայինի պաշտպանությունը, իսկ ԵՊՀ-ում հարցը կորոշեն ֆակուլտետները

Արտակարգ դրության պայմաններում ուսանողներին մտահոգող հարցերից է դիպլոմային աշխատանքների պաշտպանությունը։ Երբ փակ են գրադարանները, ուսուցումն էլ կատարվում է միայն հեռավար տարբերակով, հարց է առաջանում` դրանք կհետագձվե՞ն, թե՞ դասերի նման կանցկացվեն առցանց։

Հայաստանի պետական տնտեսագիտական համալսարանն արդեն գործընթացն առցանց իրականացնելու փորձեր արել է Zoom ծրագրով, տեխնիկական մասը նայել են, լուրջ խնդիրներ չեն արձանագրել․ հնարավոր կլինի այդպես կազմակերպել։

Մեզ հետ զրույցում ՀՊՏՀ ռեկտորի պաշտոնակատար Դիանա Գալոյանը նշեց, որ դիպլոմայինների պաշտպանությունները պետք է իրականացվեն իրենց ժամանակին, քանի որ առկա են զորակոչի եւ տարկետման իրավունքի ժամկետների հետ կապված հարցեր։ Պետք է հասցնեն։ Այդ պատճառով այժմ ուսանողները պատշաճ կերպով աշխատում են իրենց դիպլոմայինների ղեկավարների հետ։ Նրանք են առցանց նիստերի միջոցով տիրող իրավիճակի մասին ժամանակ առ ժամանակ ներկայացնում ֆակուլտետների դեկաններին, ամբիոնի վարիչներին։

Ստեղծված իրավիճակից ելնելով՝ այն բոլոր առցանց գրադարանները, որտեղ ժամանակին կարելի էր մուտք գործել կա´մ բուհի տարածքից, կա´մ վճարովի հիմունքներով, այսօր բաց եւ հասանելի են ուսանողների համար, որպեսզի նրանք կարողանան օգտվել եւ գործը ժամանակին հասցնեն ավարտել։

Եթե հանկարծ արտակարգ դրությունը երկարաձգվի, ստիպված կլինեն առցանց իրականացնել պաշտպանությունը։

Գալոյանի խոսքով՝ իրենց մոտ դասախոսները եւ ուսանողները շատ արագ են հարմարվել այս իրադրությանը, ընթացիկ խնդիրներ եղել են, բայց անմիջապես լուծվել։

Դասերին մասնակցությունը բավականին բարձր է՝ մոտ 85 տոկոս, իսկ մագիստրատուրայում սովորողների դեպքում ավելի, քան լսարաններում էր լինում։ Մագիստրոսները, որպես կանոն, աշխատում են եւ դժվարանում դասերին հաճախել, իսկ օնլայն տարբերակով ներկա են։

ՀՊՏՀ ռեկտորի պաշտոնակատարը, անդրադառնալով ուսման վարձերին, նշեց, որ բուհը մինչ քննաշրջանը չի պահանջելու դրանք վճարել, սակայն հնարավորություն ունեցողներն այժմ էլ կատարում են վճարումները։

Երեւանի պետական համալսարանում էլ դիպլոմային աշխատանքների պաշտպանության հարցը որոշել են թողնել ֆակուլտետների որոշմանը։

Մայր բուհից մեր հարցին ի պատասխան հայտնեցին. քանի որ արտակարգ դրությունը կպահպանվի մինչեւ ապրիլի 14-ը, այդ պատճառով դեռեւս պաշտպանությունների հետաձգման վերաբերյալ քննարկում չի իրականացվում։ Ամեն ինչ, սակայն, կախված է իրավիճակից։ Ինչպես հավելեցին, այդ հարցը՝ հետաձգվելը, պետք է որոշեն բուհի ֆակուլտետների գիտական խորհուրդները։

Հիշեցնենք, որ ԵՊՀ-ն եւս ստեղծված իրավիճակից ելնելով, դեռեւս մարտի 16-ից հայտարարել էր՝ առցանց դասավանդման անցնելու մասին։ Այսօր արդեն պարզ դարձավ, որ բուհի ուսուցման կառավարման առցանց հարթակում՝ https://e-learning.ysu.am-ում («Moodle»), բացի արդեն առկա առցանց դասախոսությունների իրականացման («Webinar», «Bigbluebutton») համակարգերից՝ ներդրվել է նաեւ «Zoom» (վիդեոկոնֆերանս, վեբկոնֆերանս) գործիքը։

Մայր բուհը եւս տեղեկացրել էր, որ ուսման վարձերի վճարման հետ կապված դժվարություններ ունեցող ուսանողներին չի արգելվի մասնակցել առցանց կազմակերպվող դասընթացներին։ Միևնույն ժամանակ, համալսարանը հորդորել էր հնարավորության դեպքում կատարել վճարումները եւ խուսափել պարտքեր կուտակելուց։

Տպել
15319 դիտում

Նախարար Հակոբ Արշակյանը այցելում է «Հայփոստ»-ի բաժանմունքներ՝ ծանոթանալու իրավիճակին (տեսանյութ)

Առաջարկվում է ԱԺ-ի կողմից ընտրովի մարմինների անդամների ընտրությունը քննարկել նաև արտահերթ նիստում

Այս տարվա առաջին 4 ամիսների ՀԴՄ-ներով արտացոլված իրացման շրջանառությունը նվազել է 20 տոկոսով․ ՊԵԿ փոխնախագահ

Երևանի թիվ 132 դպրոց. վարչապետը այսօրվա լուսանկար է հրապարակել

Բնակարանային գողություն կատարած 195 մեղադրյալներից 16-ն են ունեցել աշխատանք, 24 անչափահասներից 11-ն են հաճախել դպրոց

Ռուսաստանը COVID-19-ի բուժման համար կկիրառի Ավիֆավիր դեղամիջոցը. այն անցել է փորձարկումն ու գրանցվել

«Մեյմանդարի» շուկայի մոտ կայանված մեքենան գլխիվայր շրջելու խուլիգանության համար կան ձերբակալվածներ (տեսանյութ)

Աննա Հակոբյանը եւ Հրաչյա Հակոբյանը դատի են տվել Միքայել Մինասյանին․ պահանջում են նաեւ փոխհատուցում

Ընտանեկան կարգավիճակի մասին տեղեկանքն այսուհետ հնարավոր է ստանալ նաև էլեկտրոնային տարբերակով

Մեր գործերը հիմա ավելի վատ են՝ ո՛չ պատվաստանյութ ունենք, ո՛չ էլ՝ բուժող դեղամիջոց. ԱՀԿ-ն անդրադարձել է նաեւ Հայաստանին

Մինչեւ հունիսի 15-ը դադարեցվում է ՃՈ հաշվառման-քննական ստորաբաժանումների, անձնագրային եւ վիզաների վարչության աշխատանքը

Գորիսից Երևան է տեղափոխվել վրաերթի ենթարկված 5-ամյա երեխա. վիճակը գնահատվում է ծանր

Կա կորոնավիրուսի 515 նոր դեպք և 27 առողջացած. գրանցվել է 12 մահվան դեպք, եւս 3 մահ՝ այլ հիվանդությունից

Դատախազի խորհրդականը պարզաբանել է դատախազությունում հաստիքների ավելացման պատճառներն ու հիմքերը

Խորհրդարանն ամբողջությամբ ընդունեց հանրաքվեն չեղարկելու մասին օրենքի նախագիծը

Գյումրիում շների հարձակմանը ենթարկված 2,5-ամյա փոքրիկի կյանքին վտանգ չի սպառնում, վիճակում դրական դինամիկա կա

Ամեն տեղ «սպեցնա՞զ» բերենք, դուբինկաներո՞վ պայքարենք. 3 միլիոնով վարակվենք ու ասենք՝ մեզ չեն բուժում, որտե՞ղ բուժենք

«Գլորիա» կարի ֆաբրիկայում վարակակիրների թիվը շեշտակի աճել է. տնօրենին ներկայացվել է պարետի որոշումը

«Մեյմանդարի» շուկան փակված է, ձերբակալվել են մի քանի տասնյակ մարդիկ, հարուցվել է քրեական գործ

Դժբախտաբար, ունենք Կավասակիի սինդրոմի առաջին դեպքը 4 տարեկան երեխայի մոտ, ով ունեցել է կորոնավիրուս. նախարար