Ռուսաստանում կարանտինային արձակուրդը կտեւի ամբողջ ապրիլ. Պուտինը նոր ուղերձով է հանդես եկել

Ռուսաստանի Դաշնության նախագահ Վլադիմիր Պուտինը  երկրի բնակիչներին է դիմել նոր տեսաուղերձով՝ կորոնավիրուսային համաճարակի հետ կապված:

Երկրի ղեկավարը հայտնել է, որ ավելի վաղ հայտարարված  մեկշաբաթյա արձակուրդը թույլ տվեց նվազեցնել վիրուսի տարածման ռիսկերն ու ժամանակ շահել համաճարակի դեմ պայքարի համար, սակայն վիրուսի սրացման պիկ շրջանն ինչպես աշխարհում, այնպես էլ ՌԴ-ում,  դեռ հաղթահարված չէ: Մասնավորապես, Մոսկվայում կորոնավիրուսի տարածումը «կոտրել » չհաջողվեց՝ չնայած իրականացված միջոցառումներին:

«Սկզբունքային կարեւոր եմ համարում այն փաստը, որ ընդհանուր առմամբ մեզ առայժմ հաջողվում է լուրջ վտանգից զերծ պահել ավագ սերնդի մեր հայրենակիցներին, կանխել վիրուսի տարածումը դպրոցներում, մանկապարտեզներում, բուհերում, կրթական այլ հաստատություններում: Այս օրերին իրենց պարտքն են կատարում երկրի եւ հասարակության համար կենսական նշանակության  տարբեր ոլորտների աշխատակիցներ, որոնց բոլորին ուզում եմ խորին շնորհակալություն հայտնել, բոլորին՝ առանց բացառության»,-նշեց Պուտինը:

Քաղաքացիների անվտանգության ապահովման, առանցքային ենթակառուցվածքների եւ տնտեսության աջակցության համար նախագահ Պուտինն առաջարկել է հետեւյալ սահմանափակումները.

1. Երկարացնել ոչ աշխատանքային շաբաթը՝ պահպանելով վճարվող արձակուրդի դրույթը մինչեւ ապրիլի 30-ը ներառյալ:

2. Իշխանության օղակները, ձեռնարկություններն ու կենսական նշանակության ապրանքների արտադրությունները, ինչպես նաեւ կենսապահովման ծառայությունները, մթերային խանութներն ու դեղատները կշարունակեն աշխատել:

3. Եթե համաճարակային իրավիճակը թույլ տա, ոչ աշխատանքային օրերի թիվը հնարավոր է կրճատվի: Նման որոշում կկայացվի՝ իրավիճակից ելնելով:

4. Դաշնության հիմնադիր սուբյեկտների ղեկավարներին կտրվեն լրացուցիչ լիազորություններ. նրանք մինչեւ շաբաթվա վերջ պետք է որոշեն կորոնավիրուսին վերաբերող միջոցառումների ցանկը եւ որոշեն, թե որ ձեռնարկություններն ու հաստատությունները կշարունակեն աշխատել:

5. Եթե անհրաժեշտ լինի էլ ավելի սահմանափակել համակարգային նշանակություն ունեցող ձեռնարկությունների, կրթական եւ գիտական կազմակերպությունների աշխատանքը, շրջանային իշխանությունները պարտավոր են դա համակարգել դաշնային կառավարության հետ:

6. Նախագահի ներկայացուցիչները համակարգելու են COVID-19-ի վերաբերյալ մարզերի աշխատանքը, կայացված որոշումների վերաբերյալ բոլոր տեղեկությունները պետք է ուղարկվեն Կառավարությանն առընթեր համակարգող խորհրդին:

7. Շրջանային իշխանությունները պարտավոր են համակարգել իրենց բոլոր գործողությունները հիգիենիկ-համաճարակային ծառայության հետ:

Պուտինը քաղաքացիներին հիշեցրեց իշխանությունների, բժիշկների եւ մասնագետների առաջարկած նորմերի կատարման անհրաժեշտության մասին:

«Համոզված եմ, որ մենք ապագայում էլ կգործենք համակարգված եւ փոխհամաձայնեցված, իսկ ամենակարեւորը՝ մեկ քայլ առաջ»,-ասաց նախագահը:

Նշենք, որ այսօրվա տվյալներով, Ռուսաստանում COVID-19 կորոնավիրուսով հիվանդ 3548 քաղաքացի կա, որից միայն 2457-ը՝ Մոսկվայում: 235 մարդ է դուրս գրվել լիարժեք առողջացմամբ, 30 մարդ է մահացել:

Հիշեցնենք, ՌԴ նախագահը նախորդ անգամ ուղերձով ռուս ժողովրդին էր դիմել մարտի 25-ին՝ խոսելով յուրաքանչյուր քաղաքացու անձնական պատասխանատվության եւ երկրում մտցված սահմանափակումների մասին:

Տպել
778 դիտում

ԿԳՄՍ նախարարությունը սկսել է ԵՊՀ հոգաբարձուների խորհրդի ձեւավորման գործընթացը. բուհ գրություն է ուղարկվել

Կառավարական թիվ 1 և 3 տներում գործող հանրային սննդի կետերը կասեցվել են. Արթուր Ասոյան

Հետախուզում է հայտարարվել Գագիկ Խաչատրյանի մյուս որդու՝ Արտյոմ Խաչատրյանի նկատմամբ. նա մեղադրյալ է ներգրավվել 4 հոդվածով

Նախակորոնավիրուսյան «Մարդկության դիմանկար»-ը

Նիկոլ Փաշինյանը բացատրել է, թե կորոնավիրուսից բուժվածների թիվն ինչու՞ է փոքր

Ոստիկանության ծառայողներից մեկին սպանելու, մյուսին մարմնական վնասվածք հասցնելու վերաբերյալ քրգործն ուղարկվել է դատարան

Ցանկացած հրապարակում ահազանգ է, իսկ անհատական տվյալների պաշտպանության խնդիր միշտ կա. Նիկոլ Փաշինյան

Զոհրաբ Մնացականյանը հեռախոսազրույց է ունեցել Վրաստանի ԱԳ նախարար Դավիդ Զալկալիանիի հետ

Էդվարդ Հովհաննիսյանը նշանակվեց ՊԵԿ նախագահ

Գողանում էին մեքենաների համարանիշերն ու տերերից փող շորթում․ ոստիկանության բացահայտումը (տեսանյութ)

Եթե պահպանենք կանոները, 3 շաբաթում կհաղթենք կորոնավիրուսին, եթե ոչ՝ կզրոյացնենք կառավարության ջանքերը. Դավիթ Պատրիկյան

Վարչապետի որոշմամբ՝ Էդվարդ Հովհաննիսյանն ազատվել է ՊԵԿ նախագահի տեղակալի պաշտոնից

Տիգրան Ավինյանը և Արսեն Թորոսյանն այցելել են բժշկական հաստատություններ

24 ժամով դադարեցվել է Կառավարության N1 և N3 շենքերում գործող հանրային սննդի կազմակերպությունների աշխատանքը

Աբովյան քաղաքի մթերային խանութներից մեկում հրդեհ է բռնկվել. ԱԻՆ

Ես պարտավոր եմ հավատալ ՀՀ քաղաքացու վարքագծով սարեր շուռ տալու հնարավորությանը. Նիկոլ Փաշինյան

Սուրենավանի դպրոցի տնօրենին խիստ նկատողություն է հայտարարվել, իսկ հավաքին մասնակից ուսուցչուհին ազատվել է աշխատանքից

Տոտալ արգելափակումների փուլ, պարետային ժամ, տնտեսական սահմանափակումներ. քննարկվել են բոլոր սցենարները. վարչապետ (ուղիղ)

«Դիլիջան ազգային պարկ» ՊՈԱԿ-ում կաշառք տալու և ստանալու դեպք է բացահայտվել. մեղադրանքներ են առաջադրվել

ՀՀ սահմանին օրեր առաջ հետախուզվողներ են ձերբակալվել. ԱԱԾ տնօրեն