Արցախում մարտին թանկացել են բժշկական դիմակը, ալյուրը, հավի ձուն, սոխը, կիտրոնն ու այլ ապրանքներ

02/04/2020 schedule20:45

Նոր կորոնավիրուսի տարածման ազդեցությունը, որի հետևանքով դոլարի փոխարժեքը տվյալ ժամանակահատվածում աճել է 25.67 դրամ կամ 5.36 %, համաշխարային տնտեսության փոփոխության վրա սկսել է զգացվել մարտ ամսվա ընթացում: Այս համատեքստում Արցախում կարևոր է համարվել դիտարկել և վերլուծել մարտ ամսվա ընթացում Արցախի հանրապետությունում իրացված ապրանքատեսակների գների փոփոխությունները:

Հանրային ծառայությունները և տնտեսական մրցակցությունը կարգավորող պետական հանձնաժողովի կողմից Ստեփանակերտ քաղաքում գործող 20 առևտրային օբյեկտներում իրացվող 43 լայն սպառման ապրանքատեսակների ամենօրյա դիտարկման արդյունքում իրականացվել է ամսական (2020թ. մարտի 1-ից մինչև ապրիլի 1) և տարեկան (2019թ. ապրիլի 1-ից մինչև 2020թ.ապրիլի 1) գների վերլուծություն: Այս մասին տեղեկացնում է Արցախ / Տեղեկատվական շտաբը:

Իրականացված դիտարկումն ունի հետևյալ պատկերը. մարտին դիտարկված 43 ապրանքատեսակներից 12-ի միջին գները աճել են, 4 ապրանքատեսակի՝ նվազել իսկ մնացած 27 ապրանքատեսակների գները մնասցել են անփոփոխ:
Միջին գների աճ արձանագրվել է հետևյալ ապրանքատեսակների համար՝ բժշկական դիմակ` 150 դրամ կամ 500 %, ոսպ` 198 դրամ կամ 53.2%, սոխ` 150 դրամ կամ 53%, կիտրոն` 84 դրամ կամ 36.1%, վարունգ` 200 դրամ կամ 23.1%, հավի ձու` 7դրամ կամ 14.5%, հնդկաձավար՝ 64 դրամ կամ 11.7%, շաքարավազ` 20 դրամ կամ 7.5%, լոլիկ` 33 դրամ կամ 3%, թեյ «Ակբար» 20 դրամ կամ 2.9% և տարբեր ծավալի ալյուր «Բաղրամյան»` մինչև 0.6%,:

Նշված ներմուծվող ապրանքատեսակների գնաճը պայմանավորված է ձեռքբերման գների փոփոխությամբ, որը կապված է որոշ ապրանքատեսակների պակասուրդի կամ պահանջարկի աճի հետ, իսկ որոշ ապրանքատեսակների համար՝ միայն դոլարի փոխարժեքի աճի հետ:

Գնաճ արձանագրած նշված ապրանքատեսակներից տեղական արտադրության կամ գերիշխող դիրք ունեցող տնտեսավարող սուբյեկտի կողմից իրացվող է միայն «հավի ձու» ապրանքատեսակը, որի իրացման գնի փոփոխությունը կապված է սույն թվականի փետրվար ամսից հավի ձվի գների կտրուկ անկման հետ` պայմանավորված ՀՀ-ում նշված ապրանքատեսակի ավելցուկով: Հարկ է նշել նաև, որ նախորդ տարվա նույն ժամանակահատվածի համեմատ հավի ձվի միջին գինը նվազել է` 13 դրամ կամ 18.7 %:

Միջին գների նվազում արձանագրվել է հետևյալ ապրանքատեսակների համար՝ բենզին «ռեգուլյար»` 60 դրամ կամ 14.6%, դիզվառելիք՝ 30 դրամ կամ 6.8%, ադամաթուզ՝ 66 դրամ կամ 9% և խոզի միս` 83 դրամ կամ 2.8%, ինչը նույնպես պայմանավորված է ձեռքբերման գների փոփոխության հետ:

Տարեկան գների վերլուծությամբ արձանագրվել է հակառակ պատկերը: Ի համեմատ նախորդ տարվա նույն ժամանակահատվածի, դիտարկված 32 ապրանքատեսակների մասով Արցախում  գնանկում է եղել: Մասնավորապես՝ 12 ապրանքատեսակների միջին գները նվազել են, 8 ապրանքատեսակինը՝ աճել իսկ մնացած 12 ապրանքատեսակների գները մնասցել են անփոփոխ:

Տարվա ընթացքում գնային փոփոխություններ արձանագրած ապրանքատեսակներից գերիշխող դիրք ունեցող տնտեսավարող սուբյկետների կողմից իրացվում է հավի ձու, ձեթ, ադամաթուզ, բենզին և դիզվառելիք ապրանքատեսակները, որոնց գները նվազել են 12.8-ից  23.1%:

Նշված փոփոխությունների վերաբերյալ իրականացրած ուսումնասիրությունների և վերլուծությունների արդյունքում «Տնտեսական մրցակցության պաշտպանության մասին» ԼՂՀ օրենքի դրույթների» մասնավորապես գերիշխող դիրքի չարաշահման դեպքեր չեն բացահայտվել:

Տպել
1051 դիտում

Չեմ ցանկանում մասնակցել կեղտոտ գործընթացներին և հեռանում եմ. Կանաչապատման ՀՈԱԿ-ի աշխատակիցը ազատման դիմում է ներկայացրել

Կասեցվել է հանրային սննդի 32 օբեկտների աշխատանքը. ՍԱՏՄ-ն խախտումներ է արձանագրել

Կառավարությունն ու խորհրդարանական բոլոր ուժերը հեղինակել են ընտրություններին վերաբերող օրենքի նախագիծ

Շահավետ պայմաններով ուսանողական վարկեր Հայբիզնեսբանկի կողմից

Հարավկովկասյան երկաթուղու էլեկտրագնացքների բոլոր վագոններում տեղադրվել են հատուկ սանիտայզերներ

Դավիթ Բաբայանն ազատվել է Արցախի նախագահի մամուլի խոսնակի պաշտոնից եւ նշանակվել նախագահի խորհրդական

Սկսվում է Հայաստանի ֆուտբոլի առաջնության 2-րդ հատվածը. նոր ձեւաչափի առաջին փորձարկումը կորոնավիրուսի պայմաններում

Արցախի ոստիկանապետ նշանակվեց Աշոտ Հակոբջանյանը, նրան շնորհվեց գեներալ-մայորի կոչում. Լեւոն Մնացականյանն ազատվեց պաշտոնից

Լոռու չբացահայտված, բայց հրաշալի անկյուններից մեկը՝ «Մայորի ձորը» (լուսանկարներ)

«Քոնթուրգլոբալ հիդրոկասկադ» ՓԲԸ-ն հայտարարում է մրցույթ

Վարակված աշխատակիցը 1 շաբաթում վարակել է 216 աշխատակցից 94-ին. նախարարը ներկայացնում է վարակի տարածման ձեւերից մեկը

36-ամյա տղամարդը զենքը մեքենայում դնելու ժամանակ անզգուշությամբ կրակել էր իր ոտքին

Արցախում կգործի 13 նախարարություն եւ պետական կառավարման 8 այլ մարմին. նախագահը մանրամասնել է

«Այս դատական նիստին ներկա է գտնվում 30-ից ավելի անձ». Ռոբերտ Քոչարյանի պաշտպանը՝ վարակի ռիսկերի մասին

Ալավերդցի Վահագնի նկատմամբ գրավի կիրառումը ճանաչվել է անթույլատրելի. որոշումն ի կատար չի ածվում. Ե. Վարոսյան

«Որքան էլ զարմանալի է, համաձայն եմ ձեզ հետ». Խաժակյանը քննադատեց, Մարությանն ընդունեց քննադատությունը

Հաստատվել են բակալավրիատի, մագիստրատուրայի և ասպիրանտուրայի վճարովի և անվճար տեղերը

Հակոբջանյանը՝ ոստիկանապետ, Աղաջանյանը՝ ԱԱԾ տնօրեն, Սամվել Բաբայանը՝ ԱԽՔ. Արայիկ Հարությունյանը նշանակումներ կանի

Ադրբեջանը խախտել է կյանքի իրավունքն ու խտրականության արգելքը. ՄԻԵԴ-ը հրապարակեց Գուրգեն Մարգարյանի գործով վճիռը

«Լուսավոր Հայաստան»-ի վերադարձը որեւէ կերպ չի կապվել ձեր դիրքորոշման հետ․ Գորգիսյանը՝ Միրզոյանին