Առողջապահական համակարգը շատ արագ է ծավալվում. կարծես պատերազմական դրության մեջ. Արսեն Թորոսյան

Հայաստանի 16 հյուրանոցային համալիրներում եւ հյուրատներում մեկուսացված են կորոնավիրուսով վարակված քաղաքաղցիներ, նրանց մի մասը դրական, բայց թեթեւ ընթացք ունեցող վարակվածներ են, մյուսները ուղղակի կոնտակտավորներ են: Այս մասին այսօր ասուլիսին ասաց առողջապահության նախարար Արսեն Թորոսյանը:

«Սա ասում եմ, որպեսզի պատկերացնեք այն միջոցառումների ծավալը, որ իրականացվում է: Ամեն հյուրանոցը ենթադրում է անձնակազմ, համաճարակաբան, բժիշկ, մատակարարումների գծով մասնագետներ, եւ այս համակարգը շատ արագ է ծավալվում. կարծես պատերազմական դրության մեջ, երբ նոր հզորություններ են մոբիլիզացնում»,- ասաց նա:

Թորոսյանը հաղորդեց, որ նաեւ 9 բժշկական կենտրոններ ամբողջությամբ ներգրավված են այս հիվանդության դեմ պայքարի գործում, որոնցից ամենամեծը «Սուրբ Գրիգոր Լուսավորիչ» բժշկական կենտրոնն է՝ Հայաստանի ամենամեծ մահճակալային ֆոնդ ունեցող բուժհաստատությունը: Նա ընդգծեց, որ խոսքը վերաբերում է միայն ստացիոնար մասնաշենքին, քանի որ բժշկական կենտրոնն ունի նաեւ ծննդատան եւ պոլիկլինիկական մասնաշենքեր, որ կշարունակեն իրենց բնականոն գործունեությունը. «Դրանք աշխարհագրորեն իրարից բավական հեռու են, եւ վարակի ներթափանցման որեւէ վտանգ չկա»:

Նախարարի խոսքով՝ այս ծառայությունների շրջանակում որոշ հիվանդանոցներ լրիվ զրոյից են մոբիլիզացվել. «Պատերազմական տրամաբանությամբ ծավալվում է մի նոր առողջապահական համակարգ, որպեսզի հին առողջապահական համակարգը շարունակի սպասարկել մնացած այլ հիվանդություններով մեր քաղաքացիներին: Մենք չենք կարող թույլ տալ, որ հիմնական առողջապահական համակարգի ծանրաբեռնվածության պատճառով տուժեն մեր մյուս քաղաքացիները, որ ունեն այլ հիվանդություններ»,- ասաց նա:

Կորոնավիրուսի դեմ պայքարում ընդգրկված բուժկենտրոնները, ըստ Թորոսյանի, կա՛մ չեն աշխատել, կա՛մ աշխատել են թերծանրաբեռնված՝ լրիվ ուրիշ ուղղվածություն են ունեցել եւ առողջապահական համակարգում այնքան էլ կարեւոր դեր չեն ունեցել: «Մենք փորձում ենք մոբիլիզացնել այնպիսի բուժկենտրոններ, որ էական բեռ չէին կրում նախկինում, ենթակա էին օպտիմալացման, բայց հիմա նոր իրավիճակով պայմանավորված՝ չեն օպտիմալացվելու, ընդհակառակը, վերանորոգվում, վերազինվում, կադրերով հագեցվում են»:

Հայաստանում կան նաեւ այլ բժշկական կենտրոններ, որ հնարավոր կլիներ վերականգնել, սակայն նախարարության հաշվարկներով նրանց ֆիզիկական, կադրային եւ բժշկական սարքերով հագեցվածությունը հաշվի առնելով՝ դա հնարավոր կլինի անել 1-2 տարում: «Մենք վերցրել ենք այնպիսի բուժկենտրոններ, որտեղ հնարավոր է ամբողջական գործարկում 1-2 շաբաթում: Եթե անկեղծ ասեմ, դա մեր համակարգի բոլոր աշխատակիցների արժանիքն է։ Նման հսկայածավալ միաժամանակյա ծավալում միգուցե եղել է պատերազմական դրության ժամանակ 90-ականներին: Դրանից հետո չի եղել»,- ասաց Թորոսյանը:

Տպել
1371 դիտում

Կապանում ձերբակալվածներին տեղափոխում են Երեւան, գործով ԱԱԾ-ն է զբաղվելու. ցուցարարները ցրվում են (տեսանյութ)

Քաջարանի քաղաքապետը հանդիպել է ձերբակալվածներին. պնդում է՝ բոլորին բռնության են ենթարկել (տեսանյութ)

Այս պահին ունենք 230 ծանր և 52 ծայրահեղ ծանր պացիենտ. Արսեն Թորոսյան

Նախկինների հանցավոր մնացորդները նոր ու զզվելի՝ իրենց վերջին խաղն են սկսել մաֆիայի վերադարձի համար. նախկին ՄԻՊ

Կապանում իրավիճակը շարունակում է լարված մնալ. քաղաքացիների պահանջով ժամանել է մարզպետ Հունան Պողոսյանը (տեսանյութ)

Կրիմինալի ու կոռուպցիայի հետ կոմպրոմիս չի լինելու. լինելու է չոր հակազդեցություն. Նիկոլ Փաշինյան

Կանոնները չպահպանող սրճարանները, ռեստորանները, վարսավիրանոցները խստագույնս փակվելու են. վարչապետ (տեսանյութ)

2 հեկտարով ընդլայնվում է «Արփի լիճ» ազգային պարկի անտառածածկը. մինչ տարեվերջ 3000 տնկի կավելանա տարածքում (լուսանկարներ)

Այսուհետ ցանկացած մեքենայում 1 անձից ավելի լինելու դեպքում բոլորը պարտադիր պետք է լինեն դիմակով. վարչապետ (տեսանյութ)

Դատապարտում ենք Քաջարան համայնքի բնակիչների նկատմամբ կիրառված ապօրինությունները. Քաջարանի ավագանու հայտարարությունը

Իրավիճակն իսկապես լրջանում է

61 տարեկանում մահացել է դերասանուհի Կարինե Բուռնազյանը

«Հին Գյումրի»-ն ներկայացված է նամականիշների «Եվրոպա» ամենամյա մրցույթին

Գեղարքունիքի մարզում կորոնավիրուսային հիվանդության 35 նոր դեպք կա եւ 26 ապաքինված. Գնել Սանոսյան

Որոշ պետական այրերի կոկորդին կարծես խեղդող փաստ է իմ ժողովրդական հեղինակությունն ու չեզոքությունը. Քաջարանի համայնքապետ

Այսօր ու վաղը ՀՀ զգալի մասում սպասվում է անձրեւ, առանձին վայրերում՝ կարկուտ. կցրտի 8-10 աստիճանով

«Ոստիկանը մերն է». Կապանի ոստիկանական բաժանմունքի դիմաց վանկարկումները շարունակվում են (տեսանյութ)

ՄԻՊ-ը զբաղվում է Քաջարանի բնակիչների ահազանգած բռնության դեպքերով. եւս մեկ անձ է բերման ենթարկվել Երեւանում

Լարված իրավիճակ ու բողոք Կապանում. ոստիկանությունում ծառայողական քննություն է նշանակվել

Արաբկիրում Պուրակը պատնեշած շուրջ 30 կրպակ է ապամոնտաժվում. Երեւանի քաղաքապետարան