Մի քանի օր առաջ նկարահանեցինք, 4 հոգով էինք, ամբողջ օրը հակագազով եմ եղել. Հայկ Ստվերը նոր տեսահոլովակ է թողարկել

Երաժիշտ Հայկ Ստվերը նոր երգ ու տեսահոլովակ է թողարկել: Երգը կոչվում  է «Վերադարձ»: Տեսահոլովակում երգիչը ներկայանում է հակագազով ու պաշտպանիչ հագուստով: «Հայկական ժամանակը» Հայկ Ստվերի հետ զրուցել է նոր տեսահոլովակի, նրա արտասովոր կերպարի եւ նոր կորոնավիրուսի հետ համընկնումների մասին: Երգիչը նաեւ կիսվել է առօրյան արդյունավտ անցկացնելու մի քանի գաղտնիքներով:

Հա՛յկ, տեսահոլովակում անսովոր հագուստով եք, դիմակով: Այս կերպարը դիտավորյա՞լ է ընտրված՝ ներկայիս իրավիճակին համահունչ:

- Ո՛չ: Այս գաղափարն ինձ մոտ վաղուց կար, եւ սա իմ այն երգերից է, որ սկզբից տեսահոլովակն եմ պատկերացրել, հետո՝ նոր գրել երգի բառերը: Տեսհոլովակի սցենարի հեղինակը ես եմ, հերոսը՝ եւս: Ես սիրում եմ դերեր տանել եւ իմ բոլոր տեսահոլովակներում ինձ եմ պատկերացնում:

Փաստորեն այս անգամ եւս խոսքերի ու երաժշտության հեղինակը դուք եք:

- Այո՛, բառերը, երաժշությունը, գործիքավորումը, ձայնագրությունը, միքսը ես եմ արել: Ռեժիսորը Նաիրի Հակոբյանն է: Երգը գրել եմ անցած տարվա սկզբին: Առիթը Եվրատեսիլն էր, ներկայացրել էի դեկտեմբերին, բայց չհաղթահարեցի եւ լավագույն տասնյակում չընդգրկվեցի:

Այսինքն՝ նոր կոնորանվիրուսը չէ այս երգի ու տեսահոլովակի «մուսան»:

- Կարող է շատերը մտածեն, որ այս վիրուսի մասին է, բայց՝ չէ: Իհարկե, վիրուսն էլ է սրա մեջ մտնում, քանի որ ամայություն է, դատարկություն, կյանքը կարծես կանգ է առել, բայց թեման ընդլայնված է, այն կարող է լինել միջուկային պատերազմ, քիմիական պատերազմ, կարող է նաեւ լինել բիոլոգիական պատերազմ: Կատարումն այն մասին է, որ մարդկությունը վերացման վտանգի առաջ է, բնությունն աղտոտված եւ այլն:

Դժվա՞ր չէր այս օրերին նկարահանում իրականացնելը: Մե՞ծ թիմով եք աշխատել:

- Երեւի մի տասը օր առաջ նկարահանեցինք: Թիմը փոքր էր՝ չորս-հոգի էինք: Անկեղծ ասած՝ նպատակադրվել էինք փետրվարին իրականացնել, բայց մեջտեղ եկավ «Ասում եմ՝ այո»-ի մասին երգը: Հետո պետք է հասցնեինք սա նկարել, քանի դեռ ծառերը չէին ծաղկել, այդպես էլ արեցինք:

Միմյանց հետ շփվելիս պարետի սահմանած կանոններին հետեւո՞ւմ էիք:

- Ես համարյա ամբողջ օրը հակագազի մեջ եմ եղել, իսկ իրենք կարող էին դնել, բայց չեն դրել: Մինչեւ հիմա կարծես թե ոչ մեկս չենք հիվանդացել: Եվ հետո, սա այն նեղ շրջանակն է, որին մենք ամեն օր ենք առնչվում, անգամ սովորական խանութ գնալիս:

Ձեր արտահագուստն ո՞վ էր տրամադրել:

- Վազգեն Սարգսյանի անվան ռազմական ուսումնարանից են տրամադրել:

Տեսահոլովակի մասին կարծիքներն ինչպի՞սն են, հանդիսատե՞սն էլ զուգահեռներ է անցկացնում:

- Այո՛, ասել են, բայց կարծիքները հիմնականում դրական են։ Ամենակարեւորը՝ տեսահոլովակը լավ ավարտ ունի:

Հա՛յկ, այս օրերին Դուք ինչպե՞ս եք հաղթահարում տանը մնալն ու մեկուսացումը եւ ինչ խորհուրդ կտայիք սեղծագործող կոլգաներին եւ առհասարակ մեր քաղաքացիներին:

- Այսպես թե այնպես իմ աշխատանքը տնային էր, այսինքն՝ տանը ստեղծագործելով եմ միշտ զբաղված: Բացի դրանից, սպորտով եմ զբաղվում, օրվա ընթացքում պարում եմ, երգում: Իհարկե, մի փոքր դժվար է, բայց պիտի որ լավ լինի: Քանի որ սահմանափակ է շարժը, պետք է բոլորս տանը շատ շարժվենք, որպեսզի չգիրանանք:

«Վերադարձ» երգը

Երազ տեսա, որտեղ մեր տունը էլ չկար,

Ու կար կյանքի մահվան պայքար,

Զրկվել էր մեր աշխարհը գույներից,

Այն, ինչ մնացել էր պատերազմներից:

Նրանք ծնվել են՝ սպանելու համար,

Կարծես փախել են դժոխքից,

Մարդկային կյանքը ի՞նչ է նրանց համար՝

Իշխել, լինել բարձր ամենքից:

Վերադարձ մեր իմացած աշխարհը,

Վերադարձ. գտնել այդ ճանապարհը,

Գուցե մեզ մոտ կրկին ստացվի.

Այս մոլորակը երկար պիտի ապրի:

Իսկ մենք փորձենք մեր մոլորակը պահպանել

ՈՒ տունը մեր նորից մաքրենք:

Միթե զենքով կարելի է հիանալ

Գուցե, այո, եթե ուրիշ ոչինչ չունես:

Նրանք ծնվել են՝ սպանելու համար,

Կարծես, փախել են դժոխքից,

Պատերազմները խաղ է նրանց համար

Հետո դիտել այն բարձունքից: 

 

Տեսահոլովակ՝

Տպել
1120 դիտում

Գորիսից Երևան է տեղափոխվել վրաերթի ենթարկված 5-ամյա երեխա. վիճակը գնահատվում է ծանր

Կա կորոնավիրուսի 515 նոր դեպք և 27 առողջացած. գրանցվել է 12 մահվան դեպք, եւս 3 մահ՝ այլ հիվանդությունից

Դատախազի խորհրդականը պարզաբանել է դատախազությունում հաստիքների ավելացման պատճառներն ու հիմքերը

Խորհրդարանն ամբողջությամբ ընդունեց հանրաքվեն չեղարկելու մասին օրենքի նախագիծը

Գյումրիում շների հարձակման ենթարկված 2,5-ամյա փոքրիկի կյանքին վտանգ չի սպառնում, վիճակում դրական դինամիկա կա

Ամեն տեղ «սպեցնա՞զ» բերենք, դուբինկաներո՞վ պայքարենք. 3 միլիոնով վարակվենք ու ասենք՝ մեզ չեն բուժում, որտե՞ղ բուժենք

«Գլորիա» կարի ֆաբրիկայում վարակակիրների թիվը շեշտակի աճել է. տնօրենին ներկայացվել է պարետի որոշումը

«Մեյմանդարի» շուկան փակված է, ձերբակալվել են մի քանի տասնյակ մարդիկ, հարուցվել է քրեական գործ

Դժբախտաբար, ունենք Կավասակիի սինդրոմի առաջին դեպքը 4 տարեկան երեխայի մոտ, ով ունեցել է կորոնավիրուս. նախարար

Չարենցավան քաղաքում հրդեհվել է վագոն-տնակ. տուժածներ չկան

Հենց հիմա Վանաձորի ծննդատան բակում. վարչապետը լուսանկար է հրապարակել

Ակունք գյուղի մոտ հայտնաբերվել է հրթիռ․ փրկարարները սահմանազատել են տարածքը

ՀՀ տարածքում բոլոր ավտոճանապարհները անցանելի են. Լարսը բաց է միայն բեռնատարաների համար

Հրդեհ Աշտարակ քաղաքում. այրվել են շինության տանիքն ու գազի հաշվիչներ

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 3 հա տարածք

Քաղաքացիների ուղարկած խախտումների լուսանկարներն ու տեսանյութերը վարչապետը հրապարակել է ֆեյսբուքյան իր էջում

Կապանի գործով տուժողի նկատմամբ անվտանգության միջոց է կիրառվել. պաշտպանական կողմը աննախադեպ է որակում

Բժիշկները պայքարում են արդեն 50 օր թոքերի արհեստական օդափոխության սարքով շնչող պացիենտի կյանքի համար. Գևորգ Սիմոնյան

Եվրամիությունն այնքան էլ ուրախ չէ G7-ի կազմում Ռուսաստանին հետ կանչելու Թրամփի առաջարկով

Պարետի որոշմամբ ՀՀ-ում կարգելվեն շղթայական ռեակցիայի (ՊՇՌ) մեթոդով լաբորատոր հետազոտությունները